江南瀨粉 (福榮街) (已結業)

Not really a fan of noodles but discovered this restaurant after I was dining nearby.I was captivated by the WEDDING NOODLES!!Perhaps it could be a translation glitch but who cares, the idea of wedding noodles are cool, maybe they will get famous for it one day.As well as wedding noodles, you get a choice of soup bottoms as stated on the menu.Choice of soup bottomsrobably tastier than knickers.This noodle joint has been visited by ex ATV star Lawrence  who is now a professional golfer.Chinese bl

我一直覺得瀨粉係世界上最蠱惑嘅食物之一，因為次次放到埋口邊佢都會跣返落碗。呢個想法可能係因為小弟淨係食過美心啲鴨瀨。但食完呢間瀨粉鋪之後，開啟咗我對瀨粉嘅想像。因為每星期都有一日要係深水埗工作嘅關係，我已經吃左不少深水埗美食，大家睇下我其他食評就知。呢半年已經食左十次個間車仔麵。我都食夠，都想比其他人食下，所以我同我老友就去隔離街望下，見到呢間瀨粉鋪。咁門面乾淨有少少設計咁啦，但就冇嘜江南味啦。講到有十大必食咁誇，我就試左其中嘅魚肉春卷同鵝腸，鵝肝就易食，但幾可有鵝腸食先得架？然後再加個韮菜配蕃茄湯補一補。 大家會見到，啲瀨粉係粗過平時的，冇咁蠱惑！而且份量都幾多，仔細啲咬會食到少少米味。同蕃茄湯稱唔上夾，可能因為個湯淡啲。鵝腸幾爽，好多咬口；魚肉春肉唔算驚喜，但味道不錯。呢個酥炸雞翼就有驚喜，生炸，但唔會太油，呢個應該呢間鋪係第十一大必食。呢間野啲份量都幾多，大家要量力而為！非洲小朋友冇嘢食好慘的！

好過食快餐 福榮街小店 瀨粉每日新鮮製造 保證新鮮爽口條條分明 【江南瀨粉】‼️‼️.又去福榮街搵食，咁多餐廳一時之間好容易花多眼亂，又想快靚正，又想健康少少架話，除咗米線以外，有間瀨粉可以一試！餐牌一目了然，店內裝修光猛，座位夠闊落，一般福榮街比我感覺都係座位較逼😂😂最重要係上菜無敵快😳呢頭叫完果頭有得食，啱曬趕時間嘅你！店入面掛住10大必食配菜，可以參考下。黃沙豬潤鵝腸瀨粉（酸辣湯底）個豬潤一試愛上，剛剛好熟，所以非常爽口嫩滑，咬落無異味，感覺好新鮮，食落仲有好粉沙嘅感覺，鵝腸好大條，無乜肥膏，洗得同樣乾淨，又新鮮，勁爽！瀨粉係小店獨家自製，同出面嘅瀨粉好吾同，呢到嘅瀨粉呈奶白色狀，吾透身，比一般瀨粉粗啲，有種好香嘅米味，口感Q彈，吾會黐埋一舊，條條分明～配埋酸辣湯底一齊食更加開胃更加滋味！即整脆炸雞翼小食都係即叫即整所以熱辣辣👍🏻份量都唔少！雞翼好大隻，炸完之後賣相金黃色，香脆可口，入邊雞肉保持嫩滑，乾身無油膩感～有時人多都要排下隊，推薦小店味道！

局長今日放工又要去進修 所以又經過深水埗咁去到深水埗就緊係要去搵食啦 因為深水埗出名多好野食咁岩見到哩間江南瀨粉 雖然局長細個最鐘意就係成瀨心美但我對瀨粉既印象就只係停留於一般酒樓既燒鵝瀨 所以就想睇下哩間江南瀨粉 同平時食開既有乜唔同 一坐低 發現原來係主打手造既瀨粉 哩d咪誠意唔會下下都拎出面既現貨 真係用心去整野食serve人局長我好欣賞佢地 所以決定左要叫佢地主打既瀨粉一入鋪頭就見到佢地十大必食 我都決定係度揀返幾款黎到江南瀨粉 咁緊係要食佢地既瀨粉啦叫野食係車仔麵既形式去揀 亦都有d pre-set既配搭鐘意自己畫既可以自己畫 有選擇困難既人亦都可以揀pre-set局長我叫左蕃茄湯底瀨粉配牛肚 魚餅 鵝腸同埋韭菜先上飲味 正常檸茶一杯 ！飲左幾啖麵就到左啦 先講湯底 蕃茄味清新 唔會死咸 之後問返侍應原來係無落味精 唔怪得可以食得返蕃茄既鮮甜清新啦講真 一般粉麵鋪邊會有鵝腸食？但哩間竟然有局長我當然急不及待想玩玩 所以就點左鵝腸鵝腸時間岩岩好 好爽口 而且份量都幾多 爽呀魚餅 非常有誠意 唔係平時係街邊食到成口粉果隻佢係啖啖魚肉 唔腥再加埋蔥味 真係好好食炸完擺落湯都無話腍哂

想試手製瀨粉好耐，之前係電視睇過類似既野已經心郁郁想試，今次行開呢頭碌碌Openrice 見就係附近緊係試下啦🤗一入店覺得店員好有禮貌好熱情，仲介紹佢地而家做緊既Facebook 優惠，另外舖面都好乾淨，整體感覺幾舒服。見佢仲有薯粉同米線既選擇，湯底都有4種。但特登黎試我就決定食最basic既清湯瀨粉，配菜就選擇左白灼鵝腸（見寫住十大必食同都幾特別）同豆卜。首先試佢個白灼鵝腸幾爽口，肥膏去晒。豆卜就正常的，不過湯底都幾清下，所以我都係加左辣椒油。辣椒油都幾香，d渣仲係脆脆的。而主角手製瀨粉比一般食既比較粗，唔似往常食開既瀨粉咁滑嘟嘟，比較有咬口既，味道唔知點解有d似湯圓。其實味道就還好，不過唔係我期望中既瀨粉😅

在深水埗福榮街美食何其多，很多還歷史悠久，要在這裏開店站穩腳步都不容易。在福榮街行行下，見到地下有個投射倒影，寫著江南瀨粉。望一望店入面，見到燈光都光猛，地方乾淨，裝修幾特別，有些江南水鄉feel ，就入去試下。主打瀨粉，但小食都都十幾二十樣，滿足不同人的需要。大大碗鮮制瀨粉，番茄湯底$49。材料連配菜有成十幾樣，都只是這個價，可以說大件夾抵食。番茄湯底用鮮番茄，酸酸甜甜，味道比番茄膏清。水餃大大隻，魚蛋爽彈，裏面還有豬肉、魚皮、肥牛、貢丸、墨魚丸、魚片頭等材料。特別是豬潤，厚切，爽口夾起沙，無得頂。酥炸鷄翼$28，有五隻，鷄翼炸到脹卜卜，只是太熱氣了😅外皮酥炸，內面充滿肉汁，不需要點任何醬汁。埋單時，老闆問佢D瀨粉如何。注重食客意見，我就覺得呢間的瀨粉比較爽和有米香。老闆話瀨粉係佢地每天新鮮自家制，所以和外面有些不同的地方。

深水埗江南瀨粉主打手工製瀨粉 手工麵條 無論pasta定刀削面 都好有吸引力因爲我好鍾意口感煙韌食物江南瀨粉比較粗身  瀨粉粗幼度不一 口感煙韌 帶淡淡米香價錢親民 叫兩個配料 $40左右一碗🍴#瀨粉 +蕃茄湯底$65蕃茄湯底 用新鮮蕃茄 但好甜 砂糖落太多 蕃茄味道淡蠔油冬菇 白蘿蔔 牛腩 鮮蝦雲吞 黃沙豬潤三大片黃沙豬潤 好爽口唔澀 咬一口脂肪慢慢滲出牛腩肉質軟但唔入味 位置有筋膜 中間有少許脂肪蠔油冬菇 吸滿湯汁整體而言  手工製瀨粉特別 湯底普通 配料分量多 下次食麻辣湯底先jeng lv：🤤🤤🤤/5———————————————— .  🌟江南瀨粉 深水埗福榮街108號地下————————————————

又係同那個大食朋友食飯，今次都係explore 下佢屋企附近o既麵食。呢間麵店開到凌晨十二點，咁如果試過覺得ok，佢以後夜媽媽肚仔餓都有多個選擇啦！主要有瀨粉、薯粉同米線三種粉底，餸則隨自己食慾而o益，豐儉由人。咁既然鋪頭以「瀨粉」見稱，就小試佢o既瀨粉先，點o左個鮮蝦雲吞雪花肥牛瀨粉，配上蕃茄湯底(夾埋$42)。出面食開o既瀨粉通常都係幼身而偏晶瑩剔透，呢度o既粉底則係隻粗身瀨粉，口感煙韌而實淨，略帶米香；而家浸透o係蕃茄湯入面，更添惹味。雲吞係牆上寫住o既「本店十大必食」之一！果然鮮蝦味濃。肥牛片有住厚厚o既脂肪層，好喜歡佢o係口中慢慢咀嚼，油潤o既感覺~肥仔就試o左碗薯粉，劃o左個生菜鳳城水餃薯粉，要麻辣湯底(夾埋$39)。呢隻薯粉有少少自帶o既清甜，質感軟滑q 彈。水餃亦都係十大必食之一，我都有夾隻o黎食下，size 比雲吞要再大一d，有住冬菇、雲耳同豬肉等配料，的確係幾足料飽滿。邪惡o既宵夜，又點少得邪惡o既炸雞翼！﹖我地仲單點o左一份酥炸雞翼($28)。d 雞翼好明顯係生炸，靈舍有風味，皮脆肉嫩。o岩o岩上檯o個陣仲會見到層皮d 油花「仆」「仆」聲咁彈起，而家諗番起都流晒口

筆者是瀨粉控，知道這家「江南瀨粉」主打純手工瀨粉，已經吸引到我一星期拜訪2-3次。有別於一般瀨粉，這店的瀨粉全是純手工每天新鮮製作，老闆介紹是從佛山高明當地運送米漿過來，在店內加水開粉漿，用特製的「斗」去做瀨粉，手工做的較為粗大，形狀不規則，口感煙韌，帶淡淡米香。湯底亦不加味精，每天用豬骨和雞殼熬製4個小時以上，可見小店的心機。餐牌上有多款配料選擇，亦有「本店十大必食」，每款都只是十元八塊，當然抵食！《清湯鮮製瀨粉$24》轉酸辣湯底+$2 - 酸比辣多，是我杯茶，想吃辣的請點麻辣湯底。-韭菜+$5 -鳳城水餃+$8 - 水餃和雲吞也是自家製，啖啖足料！-南乳豬手+$10 - 南乳入味肉又腍嫩帶腸質！-柱侯牛腩+$10 - 相當軟腍入味，愈咀嚼愈有肉汁。《清湯鮮製瀨粉$24》轉蕃茄湯底+$2 - 蕃茄味天然，又有茄肉，零味精絕對可作湯飲用，好喝。-魚肉春卷+$6 - 外皮有口能，內裡魚肉味香。-蘿蔔+$6 - 一般的是味道偏淡，但小店一絲不苟，連蘿蔔都先煮過，令其味道特別清甜，口感亦腍。-原汁牛肚+$10 - 腍身卻爽彈，份量多水準高-黃沙豬潤+$10 - 大推！！小店選取最優質的黃沙豬

其實深水埗都有好多嘢食，唔一定要行去商場入邊㗎，喺附近行完街不如試吓周圍搵下啲比較特別嘅店舖(˶‾᷄ ⁻̫ ‾᷅˵)，其實講真我只係喺茶樓食過瀨粉，印象只係好普通冇話特別好味，但深水埗依間真係令食客對瀨粉既印象完全改觀(｡･ω･｡)ﾉ。入到去，店員會比餐牌俾你，自己慢慢揀佢嘅價錢亦都唔貴，$4x都已經份量好多，完全唔使擔心唔夠食！餐廳入邊都有推薦十大必食嘅嘢食(｡･ω･｡)ﾉ，我就當然唔執輸都嗌啦，我揀咗鵝腸 生菜 鯪魚球 豆卜，要咗酸辣湯底，酸辣湯只有一種辣到但係食落去係一般人都接受到既辣，所以我都幾推薦！佢嘅粉同出邊一般嘅唔同，呢度比較有咬口同埋比較爽，唔會一夾就斷，軟硬適中，同埋酸辣湯一齊食好開胃！佢既鵝腸真係超級正，洗得好乾淨食落去唔會粉粉地，份量都唔少㗎，好爽口好彈牙ʕ •ᴥ•ʔ！生菜同埋豆卜都入晒味，份量都係比一般嘅多，食到好滿足！佢嘅鯪魚球大大粒，好足料，好評！

同朋友係西九龍中心行完街，見到間鋪幾岩食，就坐底左。依間鋪頭唔同深水埗一般粉麵店，燈光好通明，環境乾淨，仲要唔逼，同Friend係晚餐時段可以share一張圓枱，可以舒舒服服慢慢食。食物既價錢都係深水埗style,相當親民，一個小食十幾二十蚊有交易，麵底都係廿幾蚊，有四款湯底選擇，十幾款配料。於是我同朋友各自叫左一個粉，同埋幾款小食share。小食方面，手拍青瓜味道幾豐富，酸辣度剛剛好，青瓜又新鮮爽口。雞翼熱辣辣上枱，皮脆肉嫩。墨魚滑配上酸辣醬都幾易入口。最出名既鮮製瀨粉的確幾特別，比普通瀨粉粗同彈牙。蕃茄湯底值得一讚，多茄肉之餘，食得出新鮮蕃茄味，唔似連鎖店既咁多加工太濃味同茄醬味。特別要提一提既係豬潤，厚切之餘，相當juicy，唔似出面既會煮到好乾，果然係十大必食。

又來到深水埗食街喺深水埗食街高手雲集，間間都係好野。今次來到呢間江南風味的江南瀨粉。價錢唔係貴食落確係有風味。先叫咗碗三餸麵。有主打的手工雲吞。鯪魚肉丸，蘿蔔。再叫多兩個小食。首推的當然係呢個，蝦卷。用手打蝦肉，咬落蝦肉彈牙蝦肉味濃郁。呢個涼拌雲耳，配上小小甜醋辣辣哋份內成為用來送奶粉就最啱。最後就講下呢個手工雲吞，蝦肉同豬肉比例恰到好處，咬蠟豬肉還有蝦肉，豬肉味濃郁肉汁滲透。有一份有三粒大大粒絕對抵食。最後客戶服務員都非常好。

今日去深水埗買野, 要買咩, 就黎過年你話呢...之後同女友都行到好夜,  買齊哂野之後就唔諗住番屋企食,, 去左黃金附近睇入左間食手工瀨粉既鋪頭睇餐牌一D都唔貴之後我叫左個麻辣鮮製瀨粉哇真係好足料, 又大碗, 我都怕自己食唔哂牛腩大舊到嚇死人, 仲要用呢個價錢, 原條牛腩好入味, 好"淋" 雲吞肉多, 皮又薄, 仲要用原隻鮮蝦, 有咬口魚春卷幾鮮味, 小小彈牙我平時唔係幾鐘意食豬潤, 因為覺得會好怕果D味估唔到佢呢到既黃沙豬潤好爽口冇澀味, 討厭既人都可以一試喔酥炸雞翼外層酥脆, 但內層多汁, 好滋味, 食到停唔到好口

今日同朋友經過附近， 諗住試下新嘢， 所以就嚟咗呢間江南瀨粉餐廳食， 間餐廳好新淨，店員好nice😊😊我哋叫咗三碟小食: 涼拌雲耳，香煎墨魚餅， 同埋蘇炸雞翼， 我好鍾意涼拌雲耳， 有啲蒜蓉味 凍凍地好開胃， 作為前菜一流😊我朋友鍾意嗰個香煎墨魚餅， 煎得好入味👍👍酥炸雞翼都好香脆可口😊我另外仲叫左碗蕃茄湯底嘅瀨粉，哈，呢度嘅江南瀨粉真係冇得輸😍😍 口感幾好，又滑，都幾正👍 我幾鍾意佢配蕃茄湯底， 感覺好健康😊 呢碗瀨粉配魚春捲同埋水餃，味道一流， 特別係啲魚春捲，好入味我朋友就叫咗碗清湯鮮製瀨粉， 配片頭同埋豬潤😋😋佢話都幾好食， 估唔到塊豬潤咁大塊😍 清湯都幾鮮甜， 整體嚟講都幾滿意😍👍👍👍下次我哋會再試下其他唔同款式既食物😋

前幾日係黃金附近同男朋友覓食，見到呢間「江南瀨粉」店內坐滿哂人，應該都唔錯，我又鍾意食米線之類嘅野，咁就去馬啦。店員都幾熱情，仲幾有耐性介紹下餐牌，問佢有咩推介，佢話所有野都係推介，我見到對面牆寫住本店十大必食，就好心絲絲試幾款。野飲先到，我叫左杯豆漿，甜度濃度都適中，味道唔錯。男朋友叫左奶茶，應該係用黑白奶沖嘅，濃得黎又滑，又冇普通茶餐廳個種死甜同澀，呢個價位黎講算係超水準。之後到主角瀨粉登場啦～我個碗係鳳城水餃+家鄉魚餅+牛腩+蘿蔔瀨粉（酸辣湯底）男朋友個碗係竹笙+南乳豬手+牛肚+豬紅瀨粉（麻辣中辣）大家Share D餸黎食，咁就逐樣評下啦：鳳城水餃超足料，多汁又啖啖肉，原隻鮮蝦係入面，推介！家鄉魚餅爽口彈牙，魚肉打得好均勻，有魚香又唔腥，唔錯。牛腩炆得好淋，亦好入味，咬落去肉汁吱出黎，全個口腔都係牛腩味！蘿蔔夠淋，成舊入哂味又冇渣，正～竹笙湯汁吸飽吸滿，口感爽脆，一流。南乳豬手原隻上啖啖肉，風味獨特，好味道！牛肚熟度啱啱好，完全唔軔，配埋辣湯非常夾。豬紅質地結實，夾落去穩穩陣陣，味道亦冇血腥臭味，相當唔錯。最重要係主角瀨粉，粗度媲美粗麵，唔會好似米線食完咁空虛。咬落口感超級煙韌彈