江南瀨粉 (福榮街) (已結業)

以前中學喺深水埗附近，今日就同中學同學黎到深水埗見面，呢度對於我地黎講真係充滿回憶。深水埗真係有好多食店，不過都多餐廳唔同左。我地今日就去左一間專食瀨粉既店到食晚餐，夜晚8點幾既時候仍然係好多人。喺餐廳入面見到呢個推介。呢度係有一啲已經配搭好既瀨粉同埋小食，有選擇困難症既人就可以直接揀。如果比較多要求既人就可以好似車仔麵咁自已揀唔到既餸，麵同埋湯底。我地叫分別叫左兩碗麵同小碟小食，兩碗都係酸辣麵。其中一個係有柱候牛根、雲吞、鯪魚球同生菜。另一碗就有貢丸、韮菜、冬菇同埋豬潤。啲瀨粉做的好好，唔會腍，有咬口！我地仲點左酥炸蝦卷同雞翼，我就特別鐘意雞翼，佢既外皮好酥脆，咬落去聽到咔一聲，點埋甜酸醬，好好味！

成日沒食過野超級肚餓，中午食左小小野頂左肚，但想平平地同M先生兩個人撐下檯腳，見到呢間食粉好多人，我地就去試下，咁岩有位都唔需要等。而且聽店員講瀨粉係每日新鮮製造，咁更加值得一試。酸辣鮮製瀨粉 (HKD 26)配菜；肥牛 (HKD 8) + 柱侯牛筋 (HKD 10) + 牛腩 (HKD 10) + 豬潤 (HKD 10) + 貢丸 (HKD 6) + 片頭 (HKD 6) + 韭菜 (HKD 5) + 生菜 (HKD 5)同M先生兩份share一碗真係好夠食，酸辣湯底唔會超重口味，酸酸辣辣得黎唔會遮左其他食材既味道。而且牛筋、牛腩加10蚊但份量好多，而且兩者都好林身，如果牛筋分小件D就仲容易食，好入味！雖然牛腩都唔係崩沙牛腩，但意外地發現牛腩肉質中間有少許脂肪，都幾靚，食落又好味，份量又多，超級抵食！肥牛都唔係話差野，食落都幾有牛味。至於韭菜食落竟然幾甜，又香口，食完亦都冇話成口韭菜味。豬潤亦係出色位，食落少少肝既感覺，好有食膏既味道，一D都唔韌唔鞋，以前M先生帶我食某間好出名豬潤麵，真心唔好食，呢次反而喜出望外，豬潤好食都係好難得。至於貢丸、片頭都不錯，冇乜雪藏味，成碗麵都係大件夾

為食花太郎 Fafafoodblog #fafafoodblog粉麵 #fafafoodblog深水埗<製作用心粉麵店 瀨粉好特別>🍜呢間喺深水埗喺新開米線 環境細細間 但燈光通明 有正方枱 卡位同 對牆既枱 . Menu係用 side pen點 夠哂環保 🙂 佢主張 自家製瀨粉 味道特別 而且 佢既 其它粉類 小食 都好用心整 新鮮同好味 好值得黎食 推介🙂🍴大大碗鮮製瀨粉 49 蚊蕃茄湯底加2 蚊🍅 佢自製瀨粉係招牌點可以唔試 有 d似幼身左既烏冬 口感爽滑 入面比較多米香味 好特別 蕃茄湯底食得出落既蕃茄多同新鮮 同埋唔落得多糖 好湯新🍅材料豐富 有爽口肥豬肉🐷自製(我估) 魚皮餃🐟新鮮充滿鮮蝦木耳既鳳城水餃🥟餃皮爽滑 黃沙豬潤 呢個超好食冇得輸 雪花肥牛🐮彈牙潮州魚蛋🐟台灣貢丸 墨魚丸🦑 黃金片頭 木耳絲 豆卜 生菜腐 🌿等等 每一樣都製作用心 而且盡吸蕃茄湯底 又夠飽肚又好味 正🍴薯粉 24 蚊 麻辣湯 中辣🌶🍜原汁牛肚10 蚊 柱候牛腩 10 蚊🐮白灼鵝腸 10 蚊落足料既薯粉 粉既粗幼度適中 好爽口 湯底雖然係麻辣 但似港式做法 辣度唔勁 偏咸辣多 🌶

深水埗多平野食大家都知，好野食又多，而且有好多特色野食，放工同朋友去覓食，發現係文記車仔麵附近開左間叫‘江南瀨粉’，仲要係手製瀨粉，都幾多人幫襯，一試無防。老闆同店員都好有禮貌，熱情招呼客人。我地要左清湯同蕃茄湯底，想食辣都有酸辣同麻辣，配菜都有好多選擇，我揀左鮮蝦雲吞、柱侯牛根、蠔油冬菇同家鄉煎魚餅，另外要左香煎墨魚餅。上菜速度算快，份量好大，我係清湯試下湯底先，濃得黎清而甜，唔會好油膩，而且係冇落味精。瀨粉煮到岩岩好，唔知係咪新鮮製作嘅關係同平時食開嘅口感完全唔一樣，煙韌得黎爽口彈牙，唔會硬身，而且吸到湯汁嘅味道。鮮蝦雲吞爽口彈牙，蝦味鮮濃。牛根炆到好入味，膠質出晒黎，岩晒女仔食。蠔油冬菇唔會過咸，好鮮甜同諗軟，煎魚餅好貼心，係另上，朋友嘅炸雞翼都係另上，唔會浸左落湯變軟。魚餅煎到好香口，夠彈牙，裡面有少量香蔥、莞茜，味道更加豐富。小食都唔錯，煎墨魚餅好有墨魚味，彈牙爽口。炸雞翼好推介雞翼迷一定要食，炸到好香口，而且充滿咸香味，好有兒時嘅味道。

粉麵之中我最鍾意食瀨粉，行行下街見到呢間瀨粉店就即刻入咗去食，因為專賣瀨粉真係好少見。一入到去見餐牌好多選擇，好多唔同款揀，最後都幾喜歡食蕃茄嘅我就叫咗個蕃茄湯底嘅瀨粉，同加咗幾款餸南乳豬手，牛肚，水餃，雞翼。豬手好腍一啲都唔覺得好似以往其他地方食咁好奀，又多肉，值得一試。牛肚同水餃都好入味，特別水餃好足料嘅餡。最估唔到係個酥雞翼，炸得啱啱好，唔會好多粉，又唔會好油，熱辣辣👍🏻不得不提就係個麵，瀨粉比平時嘅粗，佢係手製瀨粉，真係第一次食，但真係口感好滑。個瀨粉的確有驚喜！個瀨粉真係食到誠意！個湯底用鮮番茄開，唔係用茄膏，冇一種假茄味。忘了講我都加咗個小食炸雲呑，好好味，真係熱辣辣，餡好多，兩個人黎食加個小食就啱曬！真係會有下次！下次想試下其他湯底！

深水埗黃金商場一帶一向都多美食，唔想只係食D出哂名嘅食肆，一於發掘下未試過嘅餐廳，行過見到電視機介紹自家製瀨粉幾得意，一於入去試試餐牌有好多選擇，可以按個人喜好配湯底，同配料，唔想諗咁多又可以揀已配搭好嘅，湯底有分蕃茄，酸辣，大中小嘅麻辣阿姐見我個樣好似選擇困難，就推介牆上十大必食，其中白灼鵝腸同黃沙豬潤最出色，不過我唔食豬潤所以叫左個鵝腸，雲吞，柱侯牛腩，潮州魚蛋配酸辣湯底鵝腸整得好乾淨，長過一條筷子，咬洛超爽口，冇腥味，阿姐真係冇介紹錯，必食之選雲吞大大粒，好足料。大大隻蝦，蝦同肉嘅比例剛剛好，鮮蝦味濃，肉汁Juice柱侯牛腩兩大舊，咬落已經感受到濃郁嘅牛味，肉質鬆軟，好香柱候醬味潮州魚蛋，冇魚腥味，新鮮彈牙，魚肉軟熟瀨粉是自家製，比一般瀨粉粗，白白嘅顏色，唔似傳統嘅瀨粉用筷子一夾就滑走哂，有點似米線，不過無米缐咁重米味反而感覺清新健康檸樂係原罐可樂，而小食都有好多選擇，叫左個炸蝦條，熱辣辣，外層脆卜卜，彈牙可口，點埋甜酸醬，開胃又野味食飽飽捧住個肚，估唔到尼碗瀨粉咁出色

收工男友話帶我去深水埗食海膽飯，滿心歡喜落去，點知勁多人，要等廿幾張枱😥。。等左半個鐘左右見無乜進展，我地兩個又已經好肚餓，就決定唔得了😔。。咁岩隔離有間新開主打瀨粉既粉麵舖，見都幾多人，就入去幫襯試下喇！坐低睇menu，佢有d似雲X香米線咁，有d set好左餸既麵，有d就自己揀餸。貢丸墨魚丸牛丸米線🍜 $44: 貢丸正，好香！牛丸都好食😋！反而墨魚丸對比🆚個煎墨魚餅，粒丸無咁好食🤔。竹笙雞翼春卷瀨粉🍜 $50: 瀨粉比平時食既粗身，無咁易散。雞翼係即炸，好香脆👍🏼！春卷賣相有d似南X個d，但佢入面有d香料，幾特別，但未必每個人都接受到😓！竹笙同譚X個d無分別😂。香煎墨魚餅🦑 $28: 呢個推介💯！好香好彈牙🦷！諗住呢個最普通，點知係最出色，抵食👍🏼🤣！整體而言，雖然佢唔係必食名店，但大家如果想食粉麵，又唔想食譚X/雲貴X，可以去試下☺！

又一間新野係sham shui po出現。其實由細到大都好鍾意食瀨粉。細個個陣食親燒味／大家樂宜ｄ快餐都會叫瀨粉食，不過大大下，好似連好多燒味鋪都無得叫瀨粉了。。唔知點解泥，係瀨粉貴？工序多？點都好，見到宜間專食瀨粉的，即刻心心眼。其實都好似米線鋪咁既形式，自己揀送揀湯底。今次同朋友第一次食，選擇困難，所以叫了一個＂過橋＂ｓｈａｒｅ食即係乜送都有ｄ，唔洗諗ｈａｈａ。然後揀左酸辣湯底。過橋當然好大碗。宜度既瀨粉唔係細個滑嘟嘟個種，用筷子夾會滑返落去個種。不過宜隻都不錯的啦。酸辣湯底幾惹味，酸同辣都調得岩岩好。不過食食下先發現佢牆上掛住十大招牌既送。而＂過橋＂係基本上一樣都無的ｌｏｌ。。朋友叫了蕃茄湯底，不是蕃膏個種，有屋企湯的感覺ｈａｈａ朋友又說牛腩同蘿蔔都好吃！

深水埗真係越來越多新餐廳，淨係食粉麵嘅都越來越多，見到呢一間新開咗冇耐，專食瀨粉嘅餐廳，裝修有幾企理，所以就係lunch Time去試吓啦。餐牌上都有幾多選擇，有啲已經幫你揀好單拼/雙拼或者三拼，或者可以自己揀餸，麵底就$24起，唔算平，今次懶得揀就要左個套餐，有八個餸，同埋轉左酸辣湯底。首先個酸辣湯底都幾好味，唔係太辣亦都唔係太油，對於我來講啱啱好，而且個瀨粉比平時嘅粗，好有口感，有少少似銀針粉。呢個套餐嘅配料來講就比較普通下次都係自己揀餸

未食個手製瀨粉，今次經過就試下得唔得店內裝修乾淨舒服既，坐得不算太迫今次就叫左個清湯牛腩蘿白瀨粉試下朋友就叫左個大大碗，其實叫2個餸都40元，如果大大碗既餸適合既，嗰個抵d本身仲諗會5會好似譚仔咁勁大碗。點知又5係每樣1粒，都幾豐富既，可惜係無牛腩牛肚嗰d🤔不過都算抵食既牛腩蘿蔔，牛腩蚊得淋既，蘿蔔就有1大舊不入味，未淋，不過無苦澀味，整得幾好手製瀨粉有粗幼同彈牙既，不錯，湯底無咩特別味道，不過不失依家小店都可以一試，未去到好正又未去到5好食，不過都要支持下小店既，員工都有禮既，下次再試下餃類先

剛巧經過這裡，江南瀨粉還是第一次聽，畢竟最地道的瀨粉還是在廣東省內，恩平瀨粉，厚街瀨粉，高明瀨粉等。香港很多時候吃到的瀨粉也是粗身透明的，但不知成本貴了還是怎樣，很多地方也用了檬粉代替，就算有的餐廳也做不到爽口彈牙的感覺。這裡以車仔麵的形式可選瀨粉，米線與薯粉，剩麵24元，跟一般米線鋪如譚仔一樣可以選清湯，酸辣，麻辣與蕃茄，我選了清湯為了試真一點那瀨粉。選了魚皮餃一樣。24+6元。 蔥花跟花生是另外上的，對我來說不重要因爲不太影響味道。先喝一口湯，真的很清淡，清到不知用了什麼肉來製成。瀨粉粗粗的，手工做條條都大小不一，吃落去外軟內算是煙un有咬口，不算很滑爽口，口感是有趣的。魚皮餃就是一般普通街市上買到的貨色。值得一提是通常國內正宗瀨粉是不透明的，這裡也是，反而我們食開的是透明，我認為美觀度當然是透明，但聽說透明反而是因少了米漿，多了太白粉，澄麵，不過我還是喜歡那透明爽口彈牙的瀨粉。

地方是新裝修乾净企理，冷氣夠凍，老婆叫了49元的大大碗濑粉加2元番茄汤底，有十三種材料，我叫了35元的牛腩濑粉，份量多到食唔完，味道也十分正，不知為何有人说難食。下次如果兩個人來，叫個大大碗再加一碟小食足夠了，吃不完是浪费。

下午茶 唔係咩大大分別 勝在價錢吸引,畀附近平少少, 環境一般,地方很少,都係街坊生意為主 牛腩麵 ,味道尚算可以,不過不失 但係招牌奶粉 當然唔好食 跟附近其他餐廳相比不過不失 不相伯仲各有千秋 勝在價錢真係平多兩蚊 ,所以先吸引到我去試

一心諗住出深水埗搵吓有啲咩美食啊行行吓福榮街見到有間門口光鮮既招牌寫住瀨粉吸引左我，滿心期待咁就沖左入去。我其實好鐘意食瀨粉，見到咁多款選擇好開心，不過由於本人從來未食過江南既瀨粉，所以唔清楚本身口感係點。瀨粉上台後見到個瀨粉好似烏冬，擺入口感覺瀨粉係彈牙好味既，但所謂既鮮味牛丸有（益）味，墨丸係街市既墨丸，魚肉春卷難以置信。但眼見其他人都食得津津有味，可能只係我個人口味有問題。。 總結黎講我對呢碗瀨粉只有失望兩個字

睇到網上既介紹,心思思專登過黎深水埗食呢個手工瀨粉。因為我本身好鍾意食瀨粉,以瀨粉做綽頭既店都比較少見。下午茶時間送熱飲或豆漿,算係十分抵食。點餐係用手畫餐牌。由於大雜燴實在太大,一個人食唔晒,其中有啲配料我係唔鍾意食於是我自選:牛筋 牛腩 潮州魚蛋 麻辣小辣 瀨粉可能有啲期望,網上話夠彈牙有米香。結果我認為啲瀨粉太削亦無乜米香味。牛筋一啲林,一啲唔林;清潔都一般,食左無耐已經見到好多牛既毛,食慾大減。反而牛腩較林,啲味道較得幾好,但份量比牛筋少得多。潮州魚蛋我認為係穩陣,少少彈牙但魚味唔算突出。至於湯底,我覺得偏重味少少。麻辣小辣對我黎講係BB辣凍啡我覺得沖得OK,算係咁環境都乾淨,可能多店員,好快抹抬執野。而且都好好禮貌!