江南瀨粉 (福榮街) (已結業)

瀨粉自家制，冇一般店舖機制嘅咁滑，但好彈牙，每碗瀨粉$24，看選配菜，由$5至$10。我呢款要左豬潤同鵝腸(一般都係雞腸) ，豬潤超滑，一啲都唔嚡口，鵝腸都好有咬口，有唔同湯底供選擇。蕃茄湯底+2，蕃茄湯冇太大特別。朋友推薦雲吞，可惜售罄

窩夫與蝦子餅九月初發現深水埗開了一間主打純手工每天新鮮製作的瀨粉的新食店，便進去試試。模式像車仔麵店，每碗瀨粉24元，按個人喜好選擇配料。有選擇困難的可選大大碗鮮製瀨粉，包含十三種指定配菜。店主推介的十大必食。窩夫選了原汁牛肚($10)和柱侯牛筋($10)，加了蝦子餅要的白灼鵝腸($10)，份量足，牛肚和牛筋都很入味，軟硬適中。蝦子餅點了大大碗鮮製瀨粉($49)，多款配菜中窩夫最欣賞黃沙豬膶。瀨粉是手工製作的，難免粗幼下一，口感不錯，值得一試。

乜都專門店, 你估乜都係專門店咩?! XDD有日同朋友講起而家度度都只得米線, 已經無得食瀨粉… 咁啱就行過SSP見到呢間瀨粉專門店。第二日晚就已嚟食宵夜…好似車仔麵咁將要的湯同配料圈喺可循環再用既餐牌上, 剩瀨粉底已是$24, 所以我只剔咗個炸魚肉春卷$6。上菜唔算快, 大概因為瀨粉加熱需時…上枱了……. 咦?! 唔係我心目中傳統半透明爽滑嗰款瀨粉, 係白色既? 試吓, QQ的入口較彈牙, 沒有一般瀨粉既爽,但又比米線較似”粉”, 唔識形容, 感覺就是較難消化既一種質地,但算可口~ 見佢寫每日自製, 呢度的瀨粉係每條粗幼不一,麵身係凹凸不平既, 應該真係唔係機攪出嚟~魚肉春卷好夠味, 跟較淡口既瀨粉一齊食就剛好中和,每碗跟花生芝麻少許, 韮菜芽菜… 湯底唔係味精湯~ 好嘢!我見餐牌仲有其他common配料, 如:雲吞、水餃、墨丸、牛腩之類… 總結是, 可以一試, 我覺得係比米線好味,希望佢都可以殺出一條血路~p.s.) 我仲係未找到我小時候食既半透明瀨粉

深水埗高登附近嘅福榮街同福華街不嬲都多野食，冇去好耐，又開咗唔少新鋪，今日午餐一於去食「江南瀨粉」。午餐時間去都ok，雖然人頭湧湧，點都要同人搭枱，不過勝在空間算闊落，坐圓枱都唔會逼。呢間鋪頭主打手工瀨粉，每日由師傅新鮮製作，落足心機。瀨粉可自選各種價錢嘅配料，由$5-$10不等，亦可叫預先配好多種配料嘅大大碗鮮製瀨粉。我叫咗貢丸瀨粉，貢丸有四大粒，湯內有芽菜、韮菜，仲有另上嘅花生、芝麻。瀨粉果然係手工製作，因為每條既粗幼都有分別，食落質感唔錯，唔似一般瀨粉咁難。配埋清湯，可以食出瀨粉獨有既香味。

今日看完電腦來搵食見到以瀨粉招來的餐廳 感覺幾新鮮二話不說餐牌都未看就衝左入去因為不知食咩好所以叫了碗咩都有既大瀨粉點餐後 數分鐘就有碗一人份量既大大碗瀨粉上台餐牌說有豬肉,豬膶,貢丸,魚旦,墨丸,魚皮餃,黃金角,水餃及腐皮。果真每樣都有一件 無錯連腐皮都係得一片。 除了豬膶水餃及豬肉係自家制其餘都係現成食物。 老實說除了貢丸及豬膶係好味 其餘既都麻麻地。可讚既係湯底是甜沒有味精瀨粉是彈呀有口的。如果想吃得清既清湯是不錯的選擇。

之前看雜誌介紹這家瀨粉店，說是自家製的，便去試試看，我點的是麻辣味，第一次嘗到這款瀨粉超彈牙，跟以前吃得完全不同，值得一讚的是黃沙豬潤（超爽囗，緊記堂食），潮州魚旦和魚片頭也很不錯👍總括來說，有驚喜！

星期日行開高登買完電腦去醫肚，經過維記排晒隊，行返轉頭見有新店開左，不過無咩人，都驚中伏。見店面幾乾淨，又見有自家製瀨粉，一於入去試一試。三個人叫左碗招牌的大大碗鮮製瀨粉，有13種配菜，真係幾大配，如果女士們真係可以兩個人share一碗來食。我就叫左碗肥牛魚片頭瀨粉。加一碟炸雲吞。本身唔多鍾意食瀨粉的我都覺得呢碗瀨粉唔錯，比一般瀨粉粗，似烏冬多過似瀨粉。碗招牌粉的料都好足，正！肥牛魚片頭唔錯。炸雲吞d 蝦都幾大隻，$28 有6隻好味。值得大家去幫襯。

最近成日出沒深水埗因為想添置新電腦！行歌高登對面多咗一間新開嘅餐廳，我哋就走入去試吓！他們啱啱開門我哋係第一個客人！地方都算舒服乾淨，話晒都新嘛！有名你叫，他們主打瀨粉，其實我本身都好鍾意食，因為好多餐廳已經冇啦！他們做法都好似車仔麵一樣，選擇湯底配料麵食，可以自由配搭！我就叫了一碗肥牛豬潤哦腸瀨粉，份量都幾多幾大碗！配料都有不少，食材都算OK嘅！不過不失我揀咗酸辣湯底，湯底我就略為覺得差了一點，不酸不辣，而且味道略為淡了一點最重要個係瀨粉，比較煙銀，但係米香不夠，都食得出同街市現買的有點不同，不過講真，我都係鍾意食比較彈牙一種！爽少少會好食啲凍檸茶雖然夠大杯，但係我覺得有啲污糟，因為茶面，好奇怪有啲白色泡泡，飲落沒有特別味道，香職員查詢他說是這樣的....有點奇怪的答案總括來說普普通通

第一次食大概是7月初，當時點了魚肉春卷，魚蛋同蘿蔔瀨粉（加麻辣：小辣+$2), 蘿蔔好淋冇渣魚蛋好好味，感覺是較貴價的手打魚蛋，不是那種加了大量化學劑而造成的人工彈牙嘅感覺～～～而魚肉春卷中規中矩。自己不吃得太辣，小辣就剛剛好整體感覺ok,會有下次7月尾，再次到訪～再次點了魚蛋魚肉春卷蘿蔔瀨粉（加麻辣）這次的魚蛋已經不好吃了，換了那些"人工彈牙"魚蛋。雖然其他食材依舊好食，但魚蛋失色了...好！比多次機會佢多點了"酥炸雞翼"!!!!!因為是現炸，所以等了一陣～黎啦黎啦～熱辣辣～超級好食好香脆～呢碟酥炸雞翼為佢挽回面子驚喜～

同媽媽行黃金商場，繞過一圈竟然發現有間新開張店鋪，專食瀨粉環境都舒服食碗大大份的瀨粉，好多食材啊，有雲吞，牛肉，貢丸，魚旦，豆卜，雲耳等等，好豐富因為新開張，飲品免費一杯超級多款式

之前老公在討論區看到別人説這店瀨粉好食，成日就話要黎食，咁啱今日睇跌打經過就二話不説入去試一試！第一次食到自家瀨粉，感覺不錯，粉質很有趣，牛丸非常彈牙，豬潤好嫩，炸蝦卷（$28）蝦膠味道很好，就係牛根太碎太細較難夾⋯⋯值得一題店員每個也很親切，小妹要去洗手間但洗手間在店外只有5步內，但剛好下着大雨，店員不忘提醒下大雨，又很快拿出雨傘☔️借給我用，不知道別人怎麼想，但這小小的動作就令我感到很舒服😌下次一定會再食

今天下午點了一碗牛腩米線，送來的米線是碎上，我問職員，他只話是喎咁碎既🤷🏼‍♀️，我地出名是瀨粉...... 職員入了廚房了解事實，過了一陣都沒有給我任何交待，我唯有主動要求換另一碗，今次不要米線，唯有換......今天才發現原來一間飲食餐廳，只有出名的菜式才可給客人點......

星期日閒逛深水埗，居然由中午逛到晚上。走到累，想找一家坐得比較舒服的休息一下，看到這家標榜自家製瀨粉，環境看上去也不錯，就進去試試吧。形式像車仔麵般要選湯選餸，我於抉擇困難下點了“大大碗鮮製瀨粉”，有10幾款餸不用煩。我選了清湯，真的比較清😝10幾款餸中只有豬潤是屬於$10類別，其他像鵝腸，牛肚，豬手等就沒有了。表姐那碗有鵝腸，她説一般。老公那碗有牛丸，我吃了一粒，不錯，像牛筋丸般有咬口。我那碗的墨魚丸也不錯，像手打的口感。至於自家製瀨粉，其實不算特別，不過餐廳里真的見到有工具自製，也是有誠意心思。炸鮮蝦雲吞不錯，皮薄炸得象脆，餡多而彈牙。

路過福榮街被招牌上大大隻 “瀨粉”兩個字吸引去睇（因為大耐冇食過瀨粉喇），當我係門口研究緊餐牌時，有位店員走出黎話佢地既瀨粉係自家製，即叫即整，我見咁特別就試一試佢。叫左3個餸配麻辣湯底，潮州魚蛋彈牙有魚味，雞翼炸得好香脆，還貼心地用碟另上，鵝腸就冇特別。到主角瀨粉嘞，原來同平時食既瀨粉係唔同㗎，平時的瀨粉口感偏向爽，佢食落比較似麵，但又比麵多左少少煙韌，都幾特別。配埋麻辣湯食都不錯。