影片
更多
2019-02-21
84 瀏覽
前幾日係黃金附近同男朋友覓食，見到呢間「江南瀨粉」店內坐滿哂人，應該都唔錯，我又鍾意食米線之類嘅野，咁就去馬啦。店員都幾熱情，仲幾有耐性介紹下餐牌，問佢有咩推介，佢話所有野都係推介，我見到對面牆寫住本店十大必食，就好心絲絲試幾款。野飲先到，我叫左杯豆漿，甜度濃度都適中，味道唔錯。男朋友叫左奶茶，應該係用黑白奶沖嘅，濃得黎又滑，又冇普通茶餐廳個種死甜同澀，呢個價位黎講算係超水準。之後到主角瀨粉登場啦～我個碗係鳳城水餃+家鄉魚餅+牛腩+蘿蔔瀨粉（酸辣湯底）男朋友個碗係竹笙+南乳豬手+牛肚+豬紅瀨粉（麻辣中辣）大家Share D餸黎食，咁就逐樣評下啦：鳳城水餃超足料，多汁又啖啖肉，原隻鮮蝦係入面，推介！家鄉魚餅爽口彈牙，魚肉打得好均勻，有魚香又唔腥，唔錯。牛腩炆得好淋，亦好入味，咬落去肉汁吱出黎，全個口腔都係牛腩味！蘿蔔夠淋，成舊入哂味又冇渣，正～竹笙湯汁吸飽吸滿，口感爽脆，一流。南乳豬手原隻上啖啖肉，風味獨特，好味道！牛肚熟度啱啱好，完全唔軔，配埋辣湯非常夾。豬紅質地結實，夾落去穩穩陣陣，味道亦冇血腥臭味，相當唔錯。最重要係主角瀨粉，粗度媲美粗麵，唔會好似米線食完咁空虛。咬落口感超級煙韌彈
店內坐滿哂人，應該都唔錯，我又鍾意食米線之類嘅野，咁就去馬啦。
店員都幾熱情，仲幾有耐性介紹下餐牌，問佢有咩推介，佢話所有野都係推介，我見到對面牆寫住本店十大必食，就好心絲絲試幾款。野飲先到，我叫左杯豆漿，甜度濃度都適中，味道唔錯。男朋友叫左奶茶，應該係用黑白奶沖嘅，濃得黎又滑，又冇普通茶餐廳個種死甜同澀，呢個價位黎講算係超水準。
之後到主角瀨粉登場啦～我個碗係鳳城水餃+家鄉魚餅+牛腩+蘿蔔瀨粉（酸辣湯底）
男朋友個碗係竹笙+南乳豬手+牛肚+豬紅瀨粉（麻辣中辣）
大家Share D餸黎食，咁就逐樣評下啦：鳳城水餃超足料，多汁又啖啖肉，原隻鮮蝦係入面，推介！
家鄉魚餅爽口彈牙，魚肉打得好均勻，有魚香又唔腥，唔錯。
牛腩炆得好淋，亦好入味，咬落去肉汁吱出黎，全個口腔都係牛腩味！
蘿蔔夠淋，成舊入哂味又冇渣，正～
竹笙湯汁吸飽吸滿，口感爽脆，一流。
南乳豬手原隻上啖啖肉，風味獨特，好味道！
牛肚熟度啱啱好，完全唔軔，配埋辣湯非常夾。
豬紅質地結實，夾落去穩穩陣陣，味道亦冇血腥臭味，相當唔錯。
最重要係主角瀨粉，粗度媲美粗麵，唔會好似米線食完咁空虛。咬落口感超級煙韌彈牙，咬開又唔痴牙，配埋湯底有種特別嘅米香味，都幾特別。
我地另外仲叫左兩個小食：手拍青瓜係經典酸酸地加蒜頭同少少辣個種，調味恰到好處，唔會太鹹太濃，清新感十足。
炸鮮蝦雲吞外皮完美地酥脆，餡料份量意外地多，每舊基本上都有兩隻蝦，味道比起去茶樓食兩倍價錢嘅更加好食，極力推介！
食完呢餐，我感受到老闆對食物嘅誠意同堅持，食物味道同賣相都高於價錢平均水平，性價比真心高。有機會經過呢頭，一定會再試！
張貼
