民華餐廳

營業中

休息中

民華週未時間，我訓到好晏。一起身見肚餓，就去左樓下民華食個早午餐。由於真係幾肚餓下，所以叫得都幾多野。包括：豬軟骨飯餐，沙嗲牛肉通常餐，西多士加個雞札❤️❤️❤️燒汁豬軟骨飯豬軟骨燜得又稔又入味，而且充滿了骨膠原👍🏼絕對可以補補身👍🏼🤓最正既係佢個濃濃既燒汁中亦充滿了豬軟骨的精華，令到個汁提升了幾個層次，用黎拌飯一流🤤🤤沙嗲牛肉通常餐e個常餐一向係民華的招牌。出名係又平又多配搭😂😂入面唔但止有沙嗲牛肉通粉，仲有午餐肉炒蛋，奶油多士和奶茶👍🏼👍🏼沙嗲牛肉又香又有滑，正！而通粉亦唔好太稔，反而彈牙喎😆份量十足，一個成年男人都一定夠飽！而午餐肉炒蛋，亦都係快餐必備。炒蛋滑滑的，猶如3.6牛乳般甘好食❤️午餐肉，仲要煎到又香又脆🥺西多士e個係無得輸！煎得勁香脆，滿滿的雞蛋香味，再配上煉奶和牛油！真係好味到爆🤓😆民華果然係街坊的飯堂👍🏼👍🏼又平又抵食又大件🤓

這間位於柴灣興華廣場內的文華餐廳，真可說是性價比高。餐廳給人一種光猛的感覺，侍應動作爽手勤快。必吃的是常餐，毋須花多於四十元，便可選擇一個粉麵、多士、腸仔/火腿/炒蛋及飲品。我最愛吃這個番茄叉燒通粉，蕃茄湯底味濃，叉燒又大舊。只要加多兩蚊就可以轉做加咗花生醬多士，真係好抵食！糯米雞一上枱就聞到嗰種荷葉嘅香味。糯米雞大大隻，非常足料，入面除了有大隻雞翼，而且還有叉燒！真的很驚喜！而且你仲可以加$10就會有油菜，認真抵食！最後我哋仲食咗燒賣同埋鳳爪呢兩籠點心，係茶餐廳食到點心真係好喜出望外！完全啱晒乜都想食既我！

今次森仔星期六放左工，同家人係柴灣附近食飯🤓民華餐廳🍴近近地，又平又抵食。所以，一行四人就去果到食個飯😂柴灣分店的餐廳環境蠻大的，大約坐到40-50人，所以唔駛排好耐隊就可以入座了👍🏼讚而座位亦幾鬆動，所以坐得舒服😌又可以傾下計。另外，點餐和上餐速度都好快，令客人能夠大快朵頤😻又岩晒節奏快的香港人。講反餐廳🍴的食物質素。當天我地叫左咖哩牛筋腩飯套餐$60,西多士$17,常餐(茄牛通粉，餐肉炒蛋，多士)咖哩牛筋腩飯真係好惹味，夠辣又夠椰香👍🏼同埋份量真係好足夠👍🏼特別係牛筋腩，真係好正，有筋又有腩，入晒味道❤️❤️我足足食足了整碟飯😻而西多士，更是正斗！外脆內軟，蛋味十足。配上糖漿和牛油，好味指數爆燈👍🏼👍🏼🤓真係好味到爆😻至於常餐更加係抵食之選，不用50元。就有3種食物👍🏼🤪茄牛通粉，茄味十足，濃濃的岩晒我！牛肉亦好香滑，有鮮牛味，正！而炒蛋很滑，滿有蛋味，令人食到唔停口仲可以夾埋牛油多士食❤️正！最正係牛油多士係不用加錢就有烘底，脆脆的👍🏼👍🏼整個常餐真係餐廳鎮店之寶，扺食😻😻

假日和朋友到了她家附近的民華餐廳吃下午餐，心想在柴灣都沒有什麼廉價餐廳了。門外的包點款式種類多，在柴灣有多個包點選擇，可能因為價錢適中，餐廳都坐滿了客人。常餐款式多，今次我們點了沙爹牛肉通粉，餐肉炒蛋和奶占多士。沙爹牛肉不太硬，湯汁惹味，通粉爽口彈牙。炒蛋幼滑香濃，餐肉帶點鹹香，很喜歡食物焦香的味道。多士烘得很金黃，厚度又夠，加配了煉奶和果占，感覺這頓十分滿足。另外加點的是山竹牛肉球和鵪鶉蛋燒賣，山竹牛肉一點也不比酒樓的遜色，肉質鮮嫩。鵪鶉蛋燒賣也很特別，整顆鵪鶉蛋包在燒賣裡面，配上枝竹，口感有層次。還加點了紅豆冰，紅豆香甜爽口，是經典的港式味道，而且份量大杯。總括而言，在柴灣能找到中西合璧而味道不差的餐廳算是不錯，會再來嘗嘗其他的款式。

黎到柴灣食呢間茶餐廳，朋友話想食咖喱，左睇右睇見呢間唔錯就決定一試。中午食飯時間真係幾多人，好在岩岩有客埋單我地就有位坐仲唔駛搭枱Tim. 呢個咖哩牛腩飯質素唔錯 ，因為幾足料，牛根牛腩都幾多塊，仲有唔少既洋蔥同青紅椒。加個半熟蛋，絕對值得一試。跟餐有熱飲，叫左華田。唔太甜，幾好。見呢間茶餐廳有唔少點心，幾得意wor, 所以就點左款鳳爪試下，嗯都幾多林幾入味。我就想食通粉，所以叫左個常餐，火腿通加個麵包，加1蚊定2蚊有個果醬加，幾正。朋友就加錢叫左熱蜜，佢幾滿意呀。

今日約了教會姊妹食早餐，到了這間好多人的民華。 有客人買麵包，這裡的麵包好出名，大大個又多款又新鮮！我們點了常餐，這間好多人、坐位都幾舒服，有中式/西式選擇！（餐飲）熱檸水：健康又多片，可自行加糖的份量（熱咸檸水）噢！有咸檸水真好，可以潤喉嚨又清清熱氣（常餐：通粉+多士部分）我們見多士可以加$2加果占/煉奶/花生醬，好吸引！民華多士真的好好食，可選烤焗或白麵包，我們當然選了烤焗多士；好脆口又熱辣辣，厚身多士；另外自選炒蛋/煎蛋，金黃色的炒蛋又香又滑，份量唔少，蛋味濃郁仲有少少蛋汁；更有火腿/午餐肉/腸仔配搭；我選了午餐肉，煎香的午餐肉，咸咸香香好好食朋友選了火腿，薄薄又唔肥！不錯烤香金黃色的多士加了牛油及果占，更香更甜美又脆口我的加了煉奶，甜甜的超美味，這個奶油多好回味厚身多士咬口一流（常餐：粉）有不同材料選擇：番茄牛肉/叉燒、榨菜/雪菜肉絲, 湯粉可轉通粉/湯麵/通粉，我朋友選了番茄叉燒湯通粉，紅色番茄酸酸甜甜，開胃美味；我的是叉燒清湯底，唔咸健康點叉燒好易腍，肥瘦剛好，易咬又正喔！

呢一間茶餐廳除左有一般嘅茶餐之外，仲有好多點心。而且點心嘅質素都唔錯，口痕想食點心嘅都多一個選擇。而且價錢仲要一啲都唔貴。北菇蒸雞飯飯有雞油香味，雞都好滑。比好多酒樓都要好味。排骨飯排骨用嘅部位唔算好肥，變左飯就淡味左少少。五香牛肚牛肚部位唔錯，食落淋身。味道夠香濃。個人就幾鐘意。番茄牛通番茄湯味道夠，通粉因為煮太耐而變霉。牛油多士，炒蛋，火腿而家間間茶餐廳都對炒蛋特別講究，呢間都一樣。滑就一定呀啦，而且佢仲係特別香口，顏色仲好金黃色。燒賣味道同茶樓基本上係一樣，不過呢度多一粒杞子，食落就多一個層次。

晏晝食lunch有時鐘意去試下新嘢，住正柴灣既朋友話我知佢屋企樓下既民華餐廳都唔錯，又抵食，聽過呢間餐廳但一直都未試過，今次就同成班人去試下。Menu就有唔同配搭既常餐、點心同蒸飯，價錢都幾合理，好少見茶記有埋點心，我地就搭住叫小小試下佢。常餐係A主食、B炒蛋同C包既配搭我就叫咗個鮮茄牛通配腿蛋同牛油方包。鮮茄牛通好濃味，牛都幾好食，而個火腿蛋既蛋係茶記嚟講算炒得好好，好滑，好少可以做到咁，個牛油方包都好好食。飯品就叫咗枝鮮奶飲。朋友A叫咗沙嗲牛麵配腸仔蛋同即烘多士，佢都好鐘意個炒蛋。又有朋友叫咗豉椒排骨飯同北菇雞飯，份量都幾適中。點心就叫咗一個燒賣同鷯鶁蛋燒賣，唔錯唔錯～

去柴灣探朋友，隨便找了一家餐廳吃午餐。很少茶餐廳會有中式蒸點賣，有驚喜！豉椒排骨飯的排骨蒸得幾入味，飯底軟硬適中。而北菇雞飯，雞肉蒸得嫩滑，冬菇入味。燒賣食落有淡淡豬肉味，上面仲有粒杞子令味道更加清香。鵪鶉蛋燒賣上的鵪鶉蛋蒸的火喉剛好，味道挺特別。雞扎內的腐皮包住芋頭、豬肚、豬皮同埋雞肉好足料，食曬好飽肚。常餐的鮮茄牛肉通粉蕃茄味濃，牛肉鮮嫩，通粉煮得軟硬適中。火腿煎得不過不失，炒蛋口感幾滑蛋味濃厚，牛油多士整得幾香脆。紅豆冰奶味好濃，但紅豆味略厭偏淡。

Lunch time有時間，就由環翠行到新翠再行到環翠，柴灣既舊商場近來都裝修了，感覺比以前更好行。今日黎到食茶餐廳，常餐比較穩陣，通粉加個牛油麵包，很大份很飽肚。 火腿份量也很足。Happy Friday 就加錢叫左咸檸七，叫左少冰都有半杯冰，下次可能叫走冰仲好。因為本身七喜都係凍既。蛋撻係茶餐廳既經典， 再叫一份西多士，同事表示很滿意。Lunch time 的確係人多，office同學校一齊有好多人排隊，所以2人係繁忙時間要搭枱。目測好多人叫蒸飯。

經過見到幾多人食，而且估唔到茶記都可以食到一盅兩件，人少少就啱晒，就即管食吓。民華MENU item比較經典，主要賣常餐。$41常餐，牛油多士唔洗加錢。烘得金黃香脆，牛油塗得平均。滑蛋亦炒得唔錯，蛋香得嚟唔油。茶記標準—茄牛湯亦幾唔錯。茄湯好濃，甚至有啲杰身。牛肉亦唔會比鬆肉粉整到假晒。通粉亦唔會發到好大好腍，啱啱好。紅豆冰超多豆，不過就有啲甜。經典西多炸得唔錯。蛋漿薄薄一層，造到脆而唔油，麵包仲好軟熟。咖啡比一般茶記有水準。係一杯啡走(即加煉奶)，但甜度唔高，亦唔會有劣質咖啡嘅酸味，咖啡味幾香。出奇哋有售唔少點心同蒸飯，例如牛肉球、燒賣、鮮竹卷......每一款水準都同茶樓無異。特別係鮮竹卷好足料，有蘿蔔、木耳、豬肉......

又來到「民華餐廳」今次去柴灣分店踩場，嚟到茶餐廳必定會叫常餐，一般常餐都會係快、靚、正，佢哋都一樣咁快，order後5分鐘即上檯。今次常餐叫咗一個鮮茄牛肉通粉，配餐肉炒蛋，烘牛油多士。味道方面鮮茄牛肉通粉，湯底都夠番茄味，唔會太酸，牛肉鬆化，通粉都ok合格，份量剛好。至於餐肉同炒蛋都不過不失，正正常常，烘牛油多士都夠外脆內軟，很好，常餐永遠冇得輸。叫埋杯特飲“熱柚子蜜”，柚子味香濃，飲後好順喉。朋友喜歡食糯米雞，味道很好，又夠熱。因為一般茶餐廳比較少有中式點心，係民華茶餐廳就有，而且點心同蒸飯都好出色。西多士係香港人最愛，我哋都唔例外，order咗一份西多士當甜品，西多外脆內軟，味道香甜，好味。

之前黎親都係買外賣早餐，今日兩老話要抖下唔煮飯，就近近地落黎開餐，原來裏面都幾大。✨除左食慣既常餐，蒸飯，原來仲有特色飯類套餐，有老豆最鍾意既咖哩牛腩飯，咁就試下啦。✨其實佢d 包我收工口痕都成日買，吞拿魚，雞尾，蒜蓉包都好好味，堂食就未試過。✨奶皇墨西哥包（$7.5): 雖然加熱左之後個面就有d 濕，不過個心同個包都勁熱辣辣，份外鬆軟。奶皇饀好多，滑溜溜得黎唔會太甜，好食喎。✨秘制豬軟骨飯（$47): 豬軟骨超好味！！😍d 肉好淋好入味，d 骨仲要係腍到起晒膠質，十足牛筋咁，個汁撈飯超美味。✨飯量勁多，煙韌有咬口。煎蛋帶點燶邊，切開仲好流心～～✨咖哩牛筋腩飯（$47): 好少食咖哩，因為唔食得辣。不過呢個咖哩既辣度我仲頂得住，好香好惹味😚。牛筋同牛腩又係超腍的，仲有我最愛既薯仔。✨跟餐加7蚊轉紅豆冰，老豆話超多紅豆幾唔錯，見佢清晒底。 ✨常餐（$41): 沙嗲牛通牛肉成十塊都有，通粉夠彈牙～加上沙嗲令個湯底更惹味，下次外賣早餐一定叫番佢。✨牛油多士勁厚好香脆，炒蛋顏色金黃都好吸引。整體比我外賣果時進步左， 最有驚喜真係豬軟骨飯同咖哩牛筋腩飯，真係超水準👍🏻兩老都讚口不絕話好過快餐

見食評話民華餐廳好食，今日一於去試試。叫咗個好多人食嘅常餐，同埋一個足料糯米雞。個糯米雞唔洗 10秒就上菜，速度係完勝，最適合啲趕住返工嘅人。速度就快啦，味道就好一般，一食就覺得係工場貨，唔係果啲自家餐廳嘅糯米雞，入面啲料唔太覺得有荷葉味，仲要唔知點解有隻雞翼添，當然雞翼都係無味嘅。常餐就真係唔錯，個蛋同多士都好食，係沙爹牛肉差少少，不過合格嘅。太太話個糯米雞可以放棄，再嚟民華餐廳的話，掙係叫常餐好了。

今晚柴灣想搵個地方食下野, 又唔想咁貴, 於是行到去興華商場,  見到民華冰室都幾多野食, 於是就坐低左~門口仲有新鮮面包賣, 等陣買返個先~雖然係茶記,但都有D文青FEEL bor~好正,有蒸飯食, 仲有套餐提供~$36 有熱飲再加個點心仲有餐飲~呢個排骨飯單賣都只係廿幾元,仲可以加膶腸,都只係$4好原味的!!!!仲有好多酒樓都無的鵪鶉蛋燒賣~~細個去酒樓飲茶的回憶返左黎誠意推介~油菜加配優惠價$10去茶記唔少得梗係叫常餐啦~$41鮮茄叉燒通粉湯底濃郁好出色!!!叉燒好惹味呀~香腸炒蛋餐飲食飽見到出面D面包忍唔到買返個食大大個好新鮮, 足料!!!!等我留返個聽日早餐先~真心抵食又好食~下次再光臨~