民華餐廳

營業中

休息中

一家三口去柴灣星期日食lunch.點了一個西多士，四個點心，兩杯飲品！西多同飲員好快就來了！但點心差不多等了半小時也沒有來，間第一個伙計！望一望張單就走開左！跟住見到個應該係經理嘅人！再同佢講！佢就口噏噏話原來係呢到！跟住就拿了我哋張單入廚房拿了點心出来，跟住呢經理仲講左句！要多謝我呢！我入廚房拿比你哋嘅！呢句我真係覺得你咁嘅質素都可以做到經理？同事做錯嘢！你去補鑊！補完要顧客多謝你，你有冇病丫！永不幫襯

今日約了教會姊妹食早餐，去了這間民華餐廳。這裡都算大，坐位都唔錯！早上7:30的星期日唔算多人（我想還在夢中😴）可以慢慢享受早點！這裡可以選擇中式點心中式蒸飯🍲、新出的香蕉牛奶麥皮餐🥛🍌或西式早餐；今天我們都選了西式早餐！🥚🥖我們都選擇了西式，我的是餐肉炒蛋配烤多士（走牛油）🍞🍳；姊妹的是火腿炒蛋配烤多士（有熔牛油）；我們都點了叉燒通粉🍲配熱檸水！健康一點的選擇🍋好食的午餐肉，好耐無食了！我夾了多同餐肉在厚多士內同食！好豐富滿足呀😝番茄叉燒通粉都幾大碗，酸酸甜甜的好開胃，夏天食就最好！👻叉燒好諗好軟好易咬，通粉連湯食無得輸👍🏻👍🏻

收工成日口痕都會過黎買包食，d 包款式唔算多，但都幾足料，食落仲微微暖嫁。最鍾意吞拿魚包，雖然質感唔係勁鬆軟，但食完飽肚唔會得陣風。個吞拿魚饀都幾多，入邊仲有粟米粒，$8.5 都算抵食😚。

話說今日番工放lunch喺柴灣附近，行入商場還睇到間野好似幾受歡迎。咁我緊係唔執輸啦！點都去試下喇。服務員好好態度，點餐都好快幫我解決左，而我就叫左個糯米雞套餐加個常餐炒蛋午餐肉多士。糯米雞大大嚿入面仲有好多料！大大嚿叉燒放左係入面。正啊而且個炒蛋仲好滑添加多杯嘢飲簡直係無得頂呀！價錢亦唔算貴。

住附近，平時都時不時幫襯，通常都食常餐，都覺得食物唔錯（除左次次都話冇岀前一丁），但係冷氣實在太凍，所以好多時都係快快趣趣食完就走。今日又去，都係食常餐，又諗住搏下睇下有冇岀前一丁啦，點知又真係都係冇，咁我就叫意粉啦，最正既係個侍應話：「我地係冇岀前一丁同意粉既，得米粉同麵既姐」我即刻o哂嘴，心諗咁根據商品說明條例我係咪可以告你呀？最後我當然屈服左叫左米粉😅今次我去果陣唔係太多人，所以啲野食都黎得幾快同齊。衰就衰在我細佬今日感冒，而個冷氣又好鬼凍，所以佢真係頂唔順想叫個侍應閂細少少個冷氣，點知佢只係講左句「唔該」，個侍應就即刻講「唔好意思」，除左個呀姐識讀心之外我諗唔到其他理由。咁佢「唔好意思」完之後就繼續同另一個侍應吹水啦，所以佢除左識讀心之外應該仲識得遙控冷氣既。不過今日個冷氣好似唔太聽佢話，咁我細佬唯有再叫多次啦，因為我細佬第二次叫既時候都有少少燥，咁個侍應都終於有行過去收銀處果邊，跟住轉個頭返黎話係中央冷氣冇得閂🙄跟住輪到我爸爸燥喇，話哂佢都係做冷氣既，而家個呀姐走黎話中央冷氣冇得閂，所以佢就搵經理黎啦，個經理一聽即刻走左去鋪頭既另一邊（唔係收銀處果邊）去閂細左個冷氣既風，咁本

幫襯過民華好幾次，通常都係叫常餐，食茄通、炒蛋、多士，呢幾樣野食好ok，跟杯熱飲total $38，食物同環境都算乾淨企理，醫肚黎講，佢係合格有餘。.食過幾次，都知某啲員工態度不太好，有時聽到佢地講野，我都忍唔住冷笑一下，但因為唔直接牽涉影響到我，我就好好咁食埋個常餐就埋單。.我覺得送錯餐或漏單其實好少事，亦知道自己只係食緊四十蚊餐既茶餐廳，我唔會好似啲乞客咁以為俾嗰幾十蚊就有5星級待遇。.今次我就係遇上送錯餐同漏單，咁我就同個員工講聲啦，點知某女員工就即刻呱呱嘈，即刻拉其他人落水，話其他人落錯單乜乜乜.... .擾攘左陣，我叫既野食終於到，但啲員工互相仲係度互相推卸責任，個女員工仲係我台前懶得意咁大大聲講：「bu之dao, bu之dao (不知道, 不知道)」......作為茶記客人，唔怕待應手腳慢，最怕你態度差！

前排係網上見到有介紹食蕃茄通既地方，超鍾意食蕃茄既我，個list上面既餐廳都幾乎去過晒，而民華餐廳就未去過。民華餐廳係香港共有3間分店，分別係東涌，旺角同柴灣。呢到午餐既選擇唔算多，唔食蒸飯同點心，就只有常餐揀。不過，有別於其他茶餐廳既係呢到既常餐有好多唔同既組合架，大家可以由A, B, C 每項揀一樣野食，A係通粉，B係炒蛋配火腿/腸仔/午餐肉，又或者煎蛋兩隻，C係麵包或者多士。每份餐都跟一杯飲品。今日揀左蕃茄火腿通粉，腸仔煎蛋，多士同埋熱華田。蕃茄火腿通粉顏色鮮艷，賣相好吸引，蕃茄味亦都好香濃，加埋香滑既炒蛋同埋腸仔之後真係格外好味，配埋熱華田，真係一個完美既配搭。可惜本人食量有限，未能試佢既牛油多士，下次可以試下。

日日OT見客做到無停手，有時都不知為啥巳生活。又要獨自一個晚餐。。。這間餐廳門面很光鮮，出入口夠大，門前也有一專櫃售賣多種麵包：提子麥包，雞尾包，菠蘿油，還有牛油蛋撻等等，看來也新鮮，好吸引呀!!餐廳內的裝修以簡單為主，水吧頂上以一大塊木版放置大量綠色盆裁為裝飾，很GREEN!!估不到晚上仍有售賣點心及樽頭飯，好極!! 樽頭飯都有6款，較特別的是煎蛋牛肉飯，但我想叫鵪鶉蛋燒賣， 所以不點有蛋的飯了，不然我會膽固醇過高鵪鶉蛋燒賣份量夠，大大隻的，現在巳很少酒樓會有，竟然在這餐廳有，驚喜!!  章魚肉餅飯熱辣辣的，肉餅夠厚，章魚粒略少，但仍OK的，飯的軟硬度適中。食后感: 平價好味之選，又可以坐好耐都得，也有供水的地方，可自由去裝水飲。

22/6 喺到叫左個盅頭飯煎蛋牛肉飯，餐牌上嘅煎蛋係太陽蛋，點知嚟到果隻蛋係熟晒嘅荷包蛋，我明白實物同相片係會有差異，但而家唔係差異，根本係兩樣野，如果我要食熟蛋，我唔洗叫煎蛋啦，更何況你餐牌所有有煎蛋嘅食品都係太陽蛋，就算唔係太陽蛋，你比隻有蛋汁嘅荷包蛋我都收貨，冇蛋汁點餸飯，我同侍應講你嚟果隻蛋係熟晒同餐牌唔同，點知佢侍應聽完就行左去唔理，我要將個飯推開示意唔要，先肯幫我換，如果我嘅要求唔合理，你唔理我都可以理解，但而家係你地個餐牌有誤導成份，換返都好合理吖！！

知道開了一段日子係柴灣店舖，但食就真係第一次。普通餐廳，環境舒適，價錢合理，便試試看。這麽酷熱的天氣，真無謂口食野。看見這店舖有滋味常餐，那就試食。這餐廳都算多款式，而且價錢夠大眾化，適合好多打工仔，無飯主婦要求。我們兩個人，也是點了兩個滋味常餐，一個蕃茄牛肉，一個蕃茄义燒。看見菠蘿油也不貴，下次可以試試，因菠蘿包不是間間店舖都好食。這店舖的蕃茄湯底都唔錯，夠濃郁，通炒也夠爽口，因有些店舖，通粉一是過硬，好似吃像膠，一是過淋，但這間店舖的通粉剛剛好。牛肉和义燒都無什麼大問題不配合。這個套餐都很多款式點選和配搭，這點是我致愛，不用限死點配就點配。這是值得一提牛油多士，面包夠厚度，吃落也很鬆軟，不會烘烤太燶。炒蛋也夠滑。因怕有點不夠飽，又見餐牌有鵪鶉蛋燒賣，便加點心一個，很少地方有這懷舊點心食，所以便點了。這個鵪鶉蛋燒賣好食，夠大粒，肉質也不差，有酒樓水準，好食，雖然要等25分鐘，如果唔趕時間，也不是太大問題。總括來說這套餐是好食抵食，絕對值得去食，而且款式真是很多，價錢非常合理。食物有水準。兩個套餐加點心，100蚊有找，正

前言:這是38元一個常餐級數餐廳的食評，如須酒店級服務，千元消費的水準，請繞道。正題:今天去柴灣拜山，路經此地，被門外脹卜卜的面包吸引，便內進光顧。看餐廳自已的推介，點了個常餐，點了隻糯米雞，點了個菠蘿油。結果，全部都很滿意，全部都熱辣辣。由常餐中的那塊多士開始，到應該是豬潤湯底的姜牛通，都超水準。糯米雞料雖不多，但調味很好，應該不是交來的行貨。奶茶雖不是超水準，但沒差過其他大部分茶記。重中之重是價錢便宜，環境一定好過澳牛，招呼一定不會衰過澳牛，食物質素一定拍得住澳牛。

由於公司係附近，每次lunch 諗食咩真係諗到頭痛，因為真係冇咩選擇，直至最近同事介紹左呢間餐廳，先覺得柴灣lunch 終於可以食到好野❤️❤️最近去左二次，呢家一次過up相先xd第一次下就12點半到，唔洗等位，直接坐低。今次叫左我每次到茶記必點既常餐，佢同平時既常餐一樣，有多士，蛋，火腿，一個主食同野飲，而佢每道菜都有用心去做，唔係hea交貨多士加左牛油去烘，上既時候新鮮整起，超香，仲要比平時既多士厚，好有口感。雞蛋都炒得好滑，而餐肉就係煎完再上，不算太焦。主食係茄牛通，湯底不唔超濃超濃個隻，但我反而中意佢較水既質地，食落先唔會好似食幾啖就飽咁。另外牛肉好焾，似係新鮮牛肉去整👍🏻👍🏻最後點左熱朱，自己就覺得有啲太濃，飲到最底仲有啲粉未溶。如果粉少啲就好啲成個餐38蛇，以呢個價真係好扺食第二次去試左佢既糯米雞，因為見佢影出黎張相又冬菇又蛋又雞又叉燒同臘腸咁，於是想睇下佢係咪咁堅！隻糯米雞上到黎，冇失望，的確有齊佢寫既料。而且都幾滿足，因為份量幾多(雖然睇落唔大，但以糯米黎講，食完剛好飽飽xd)我覺得比好多酒樓同出名既茶記仲好味整體黎講，佢食物既quality 都維持得好好，平日午餐不需要等

食過幾次感覺都還好，係服務唔掂當。今次就極度離譜，我地落單先，隔離枱先落，初頭都唔為意，之後發覺隔離枱d野都食緊，我地都仲未到，發現人地原來落完單有張紙而我冇，咁就問問店員~佢話係有張紙繼而叫我地等陣，但見佢完全係打發完我就做返自己野，其實我係想知有冇落到單姐。比餐時又唔睇清楚係咪我地就擺響我地枱，一係就跨過我地張枱比餐人地~唔係直接響人地張枱度比。終於我地餐到了，餐具比d唔比d，筷子又冇糖又冇，結果我自己去拎，但糖又濕的，倒出時係黏住倒唔出的。好唔掂當不過事實上餐牌種類雖唔算多，但我中意有點心類，常餐湯粉類多選擇，我叫左蕃茄叉燒通粉，湯係幾濃郁的，多士又唔會好hea咁求其搽。朋友叫左糯米雞餐都好足料，份量夠大，完全夠晒飽肚。

因工作關係走到柴灣，可能正值中午時份，堂食要等，加上只有一個人，外賣算了看到點蒸飯或糯米雞外賣還有減價，就嘗一嘗吧糯米雞份量很大，很足料，一打開荷葉，香氣撲鼻，內有雞肉、叉燒冬菇等。 一隻已很飽肚。整體來說不會太油膩，亦很美味

今次第一次黎柴灣做野，早到左就是旦搵左間茶仔入去坐，原本諗住Hea下揼下波鐘，平平地就是旦叫左個常餐食，碗炸菜肉絲都算足料，食落夠味，唔錯，奶茶幾滑，多士上台食都仲有少脆。