民華餐廳

營業中

休息中

平時比較少去東柴灣。 今次去到柴灣就入黎搵食。同商場仲有其他連鎖餐廳。。不過我領教過佢地既服務態度。。唔知仲以為佢係客。。我係侍應。。。所以今日我行過少少試新野。大家一致同意味道好。 又平 又大份。。最緊要係又唔駛等位。。又坐得舒服。。。咖啡牛腩飯濃濃既咖喱加上半熟蛋招牌燸米雞有雞翼。有瘦肉。 好香好入味燒賣西多士已切開。又加哂醬。好方便凍奶茶紅豆冰椰子味重。 唔會太甜早去早享受。。。今次買唔到蛋撻有d可惜。店內年老既叔叔侍應態度親切

來到大年初五，今日行程不算緊密，唯一節目就是要去住在柴灣嘅親戚處拜年。老公提議先去附近買點手信，然後再去吃頓早飯打發時間。在「興華廣場」一樓找到這間「民華餐廳」，見門面很光猛，環境乾淨企理，從門外往內望，原來餐廳十分旺場，入面已經幾乎坐滿食客，就一於在這裡用餐。選了個靠牆的卡位，自成一角，感覺亦蠻不錯。餐廳的食物很簡單，只有幾個大類，除了一般茶記必備的常餐之外，還有蒸飯、點心、特色飯類套餐，多士三文治、飲品及特飲。由於剛才在門外等候時，已經細看了餐牌，所以入座後，便可以立即點餐。選了滋味常餐、咖喱牛筋腩飯、兩款點心同一份三文治。滋味常餐 ($41)  可以喺  A、B、C 及飲品中，各選擇一款。揀左叉燒米粉、火腿煎蛋、即烘牛油多士配熱奶茶。米粉以一個單柄大湯碗盛上，份量頗多，入口軟熟不硬，非常入味。叉燒睇落乾身，而且以瘦肉為主、無乜脂肪，幸好食落又是另一回事，肉質有嚼勁得來仲好腍滑，唔會太乾。多士烘得夠熱辣香脆，而且麵包質地亦夠彈牙鬆軟。太陽蛋不會過熟，蛋白有燶邊，蛋黃呈橙黃全流心。餐飲可自選熱咖啡或奶茶，配搭豐富。至於另一客咖喱牛筋腩飯 ($47)  亦甚有睇過，飯同餸分開上，並不是

呢間個侍應叔叔好好人，佢會周不會走來睇下有咩需要啲侍應嬸嬸都好好人，難得茶記啲人唔惡仲咁友善食物方面都好好味！菠蘿油十分之好味抵食，件牛油好厚，正，咁都係$10咋常餐件牛油方包都仲可以烘底唔洗加錢滑蛋成個常餐個重點，好滑！但條腸仔麻麻地，最衰唔係廚師腸，不然就完美！鮮茄牛肉通就麻麻地，唔夠甜唔夠咸呢個蒸飯要$30，份量有啲細份，比正常仲要細個菜係加$10就有，抵食！牛筋腩飯，仲有個流心煎蛋 $47（餐飲加$10）都有啲辣呀，牛腩都好淋茶記咁樣都幾抵又家庭feel，仲有啲呀姐呀叔好nice，所以會再食👍🏻

今日嚟到柴灣開咗一段時間嘅民華餐廳試吓呢度嘅常餐由於太多人等位所以係外賣嘅呢度嘅腸仔都係普通廚師腸而炒蛋一直做得十分之滑而且好有蛋香常餐嘅粉面有好多唔同嘅選擇揀我就叫咗個沙嗲牛肉米粉呢度嘅沙嗲牛肉同啲出邊普通餐廳用嘅沙嗲牛肉係有少少唔同就令到個湯底好入味，另外嘅好處就係佢外賣會額外比多個兜仔裝住啲粉咁就唔驚啲粉會林晒。整體來講呢間新式茶餐廳嘅常餐的確幾抵食而且味道都唔差無論係下午茶午餐定晚餐都可以隨時食

同屋企人落樓下食飯 佢地鍾意食冰室我就一般不過佢話呢間茶記有點心食就試下啦 我哋點咗個常餐$41沙爹牛肉米粉餐肉炒蛋多士配熱奶茶 豬軟骨飯配熱華田 $57豬軟骨好林好入味～又幾好食喎！個飯仲有隻荷包蛋～可惜今日冇我最喜歡嘅金錢肚唯有食過鳳爪$17喇如果可以熱多少少就perfect我仲令我嗌咗個糯米雞$26估唔到超大隻！有雞亦、冬菇、瘦肉糯米飯軟綿綿～好好食～仲有一個叉燒包 $8.6不得不提，過咗夜晚七點半外賣包點有買二送一優惠可以買多三個做第二日嘅早餐!!!抵呀！

今日難得放假，終於可以約埋屋企人一齊去食早餐，去咗興華邨嘅文華餐廳食。因為實在太多人所以都等左一陣先有位坐見到個餐牌雖然主要係得常餐同中式點心，不過價錢好實惠，好平民。我哋好快就決定咗食乜嘢就交俾店員落單~~先來嘅有鮮竹卷，雖然只係得兩舊，不過每一舊都好足料，而且係熱辣辣上，味道唔錯跟住嘅係燒賣，我哋四個人啱啱好每人一粒，好少何燒賣上面會有粒杞子，除咗更加香之外，成粒燒賣食落去仲多咗一份清香，食完夠晒明目再嚟多碟鵪鶉蛋燒賣，系好懷舊嘅點心，酒樓都未必間間有得賣。雖然膽固醇好高，不過食落同普通燒賣真係好唔同，特別有特色，同帶出左豬肉嘅味道。跟住係我叫嘅常餐，我最鍾意嘅沙嗲牛肉米粉，沙嗲牛肉份量唔錯，味道夠晒出，食到有沙嗲既甜味，而牛肉都好淋，一d都唔難咬之後常餐仲會有餐肉、炒蛋同多士，多士有少少微焦，好夠脆，而炒蛋就炒得唔老，仲係滑身，加少少鹽一齊食更加好。至於午餐肉都算切得大塊~食咁多野每人都不過係$60有找，完全係貼地得黎又好食，一於下次再黎試其他點心同蒸飯

今早約了朋友吃早餐短敘，近近地就揀咗興華商場的民華餐廳。店內幾乎滿座，店員很有禮貌和效率地替我們找座位。茶餐廳的餐單中西合璧，我們叫了常餐和幾款中式點心share食，餐單的常餐配搭很多，多士+炒蛋可配餐肉，火腿，腸仔，另有牛肉或叉燒可配通粉或米粉，沙爹、蕃茄或薑絲湯底，配搭選擇多👍，炒蛋嫩滑，蕃茄通湯底不太淡，微酸的很開胃👍,牛肉有口，但不靭😋我們也點了幾款中式點心，鮮竹卷，燒賣，雞扎和鵪鶉蛋燒賣，上枱也很快，熱腾腾的，點心水準有驚喜，有酒樓質素👍我們結账後已約定下次再來

我本人同識得有兩個朋友都喺附近返工，佢哋話分別上兩個月同上個禮拜食左哩間餐廳嘅常餐，一個係食义燒米，一個係食餐蛋麵~，我上個月食過常餐番茄义燒蛋通粉，三個人不約而同都食完即日肚疴。

今日即興去食下午茶☕️，尼間《民華》剛開旺角時已經成日食，依家愈開愈多分店，吾洗再係旺角排長龍啦尼間分店既民華都算幾大間，下午茶時間都坐滿人來到咁岩有位除左堂食外仲有得外賣自家店製麵包，款式麵幾多有機會買來試下。尼到既常餐最有名，下午茶依舊有常餐供應，仲要早餐既價錢$34 包埋熱飲超級抵食 ，仲要勁大份尼到仲有得揀杏霜，吾係間間茶記都有而且仲好好飲，好重杏仁味而且吾會太甜又一健康之選。牛油多士烘底，同揀左火腿，炒蛋。炒蛋相對就吾夠滑，同埋落既牛油吾多，比較清淡一點。番茄🍅叉燒通有誠意，個樣已經好靚仔，叉燒夠大舊，通粉又夠多，番茄湯底又夠濃味不過通粉硬身左些少，叉燒大多半係瘦叉，油香差點。整體食物一般，但勝在份量多同抵食埋單仲要吾洗加一

多年未再踏足柴灣，這里面目全非，未知可到何處覓食，然後嚟到一間人流頗多，價格合理的餐廳。由於午膳時間人多難以避免要等位，但不消一會很快就到我們可以入坐，侍應叫我倆去里面的卡位，但我倆皆未能發現有清空的卡位！令人一頭霧水。原來我們被安排到一個可坐四人卡位的其中一邊，對面是兩個放中午飯的學生妹。舖面比較細，坐得比較逼。菜牌上無乜野特別吸引，隨便點咗個糯米雞，加一杯奶茶，咁就36蚊。送到嚟都幾大隻個糯米雞。打開入面都幾多料，有塊叉燒，仲有一隻雞翼。個份量其實都幾多，可能因為糯米嘅原故食落都幾滯。總括嚟講，價錢可以接受，但用餐環境唔太好。可以考慮外賣自取，價格仲更便宜。

到柴灣諗住睇吓有咩特別嘢食，行行吓見到呢間民華餐廳，見到我平時好鍾意食嘅常餐😝就不如入去試吓啦喺門口就見到有新鮮出爐嘅麵包賣，仲有我鍾意食嘅牛油曲奇餅底蛋撻話呢度嘅常餐選擇即係可以百搭，又有蕃茄湯底，沙嗲湯底，清湯底，可以配炒蛋加火腿，餐肉，香腸，一定會有烘多士!除咗常餐之外仲有不同種類嘅蒸飯，仲有點心叫先來個番茄湯底叉燒通粉常餐，個番茄湯底都唔錯，多士仲係熱辣辣，好脆！再嚟多個番茄牛肉麵常餐，D牛肉肉質都幾好呢度仲可以叫喊檸檬水，提成過鹹檸檬想的😆😆每個茶餐$38，幾抵食！！

今朝喺柴灣附近整野，順道去民華餐廳食早餐，食慣咗粉麵同ABC早餐，轉轉口味食點心民華餐廳款式都幾多，外面有賣麵包嘅角落，啱哂趕返工嘅上班一族外賣 其實都想試試菠蘿包，但驚唔飽，留番下次無咁肚餓先試！ 揀咗我最喜愛嘅鳳爪，足料糯米雞好似都唔錯叫埋先 侍應周圍行嚟行去，叫咗幾次先有侍應上前，呢位侍應急急腳，我未落完單佢已經行開咗 又要叫多佢一次幫手落埋飲品茶記同酒樓真喺有分別嘅，平時食開酒樓鳳爪幾入味，呢碟鳳爪就欠缺呢樣足料糯米雞一打開熱騰騰，份量多，中間位置有一隻雞翼，另外有冬菇，鹹蛋，叉燒同肉碎，喺幾足料唯獨爭咁啲飯香味不過以整體嚟講食落味道都ok嘅

通常星期六都會買個早餐番屋企慢慢嘆，不過食得太興多都真係有d 悶。行行下行到去民華，其實開張果時食過一次，不過果時食左個勁酸既蕃茄湯通粉，食完痾足幾日，一直唔敢再黎堂食😓。 人類要起失敗既地方企番起身，所以決定比多次機會佢。(Ps. 佢門口d 麵包幾好食，我就有幫襯的，只係我對入面d 野食有d 陰影）✨早餐黎食常餐，平左4蚊。通粉類別都算多，平時食親都係火腿通，今次㨂下其他先。✨個蛋顏色比較淡，望落比較濕，不過食落都幾滑，係略嫌佢碎濕濕。✨叉燒望落都幾多喎✨方包係厚切，居然仲有兩塊添，入邊已經搽左牛油，啱晒我呢d 懶人。方包軟熟，牛油幾香，最鍾意夾埋蛋同火腿一齊食。我呢d 雀仔胃，其實食完塊包已經飽左。✨湯底另上，通粉保持彈牙。個湯幾香，加埋叉燒帶甜。數數手指叉燒有成六塊，雖然好瘦，但因為薄切，食落唔算太硬，味道都唔差。 ✨早餐黎講份量十足，飽到當埋晏晝果餐。今次黎食覺得味道都ok, 對佢改觀番😆。

依家出街食飯又要食得平又要食得飽，已經賣少見少。以前茶餐廳35蚊一碟碟頭飯，今日已經要五六十蚊，而且食來食去都係果幾味，食都食到厭！想食得平？秘客顧聞有好介紹！以點心茶餐中西合壁為主題既民華餐廳，價錢相當抵食，就以北菇雞飯為例都係２６蚊，再配以一杯凍奶茶，價錢埋單都係３９蚊。秘客顧聞主力提供神秘顧客服務，當然都不得不為這間店鋪做個評分啦！這間餐廳在午市時，一向都坐爆客人，佢地忙住上餐都冇功夫去招待我，我只好自己搵個位坐低。有一個年輕店員冇理會檯上既污積就將餐具放在檯上面，好在有其他侍應察覺到阻止他。點餐後，未夠三分鐘就已經將北菇雞飯遞到我既面前，上餐速度果然夠快！不過，小編點的凍奶茶竟然遲來了十多分鐘，小編還要催夠幾次先催到。不過，整體既食物質素都比其他茶餐廳優勝，特別是奶茶味的奶同茶味比例剛剛好，只是小編略嫌杯凍奶茶加得太多冰，冰占了整杯奶茶既四分之三，呢個真係大打折扣啊。最後小編在收銀處埋單時，唔知點解收銀處個姐姐黑口黑面，就連找錢時都好似發緊我悔氣咁，或者職業病啦，雖然佢冇義務要對小編好，不過如果真係以神秘顧客評分的話，真係扣哂分啊。為左滿足頭先杯奶茶既美中不足，小編專登到天仁茗

來柴灣拜山唔想又幫襯大型而且高檔嘅高消費茶記, 在開飯網找到了這間平民食堂式餐廳一試,可選擇款式唔多, 流水線式生產就梗局架啦, 出奇地又唔太差喎! 店內面積相當之大, 但店方已經用盡能用的空間做出客人坐嘅位置, 相對放貨空間同員工locker都明顯不足, 好明白好多小店都是這樣經營但這店似乎都有好些分店規模也不少呀, 為何只選擇做一部賺錢機械?講返食物吧, 足料糯米雞$26加十蚊變套餐$36  糯米雞的確係足料有成隻雞翅膀,一塊义燒,一大堆絞肉漿, 唯獨是糯米飯好少, 糯米成本應該唔高啫? 另一個套餐係差不多枱枱都有叫的蕃茄醬义燒湯通! 跟埋多士雙蛋都幾無敵! 蕃茄漿調味唔差嘅,义燒厚切但全瘦，幸好是肉的部位還是梅頭不致乾柴口感, 多士同雙蛋都似模似樣咁, 整體滿意, 價位優勝