民華餐廳

營業中

休息中

雖然民華餐廳開咗好耐，但一直都冇入過去食，今日終於獻出我嘅第一次，入咗去民華餐廳。民華既裝潢同環境同一般茶餐廳大同小異，但值得一提，梳化位非常舒服。見佢餐牌寫住「蕃茄湯底加炒蛋一同享用更美味」，我決定叫常餐。常餐總共包括三款食物，價錢都係$40左右，應該係我食過咁多間餐廳之中，常餐最平嘅一間。多款通粉之中我叫咗最傳統嘅蕃茄牛肉通粉，分量足夠，牛肉煮得幾軟稔，冇咩筋。蕃茄湯底唔係太酸嗰種，甜酸程度適中，整體味道的確不錯。常餐仲有火腿炒蛋同即烘牛油多士。炒蛋質感軟綿綿，將多士同火腿炒蛋夾埋一齊食超正。其實常餐份量非常多，不過今日冇食早餐，所以叫多個西多士。西多士呈金黃色非常吸引，而且幾厚身，加上外脆內軟，所以好快就食晒。呢排天氣非常炎熱，當然要飲杯紅豆冰，消暑解渴。出到門口發現民華有買新鮮滾熱辣嘅麵包。遲啲返工嘅時候可以嚟買麵包當早餐。

假日當然要一家人一齊吃個靚早餐， 來到興華商場 。 本來諗住快手係快餐店食早餐，但幾十人喺度排隊😑😑😑又要等位，又要排隊買飛 ，又要排隊攞餐。 帶住老人家同埋姪仔，真是不太方便。原來興華商場都有民華餐廳， 立即轉戰呢度。有卡位可以坐得舒舒服服。 只係三十幾蚊一個餐仲平過快餐店。😀😀我哋嗌咗三個常餐， 沙爹牛肉米粉， 火腿通粉， 番茄牛肉通粉。一隻糯米雞， 仲有好正嘅西多士😋😋😋😋西多士真的超好吃， 麵包炸得脆卜卜 ， 和其他茶餐廳不同， 佢係配上練奶同埋牛油。 我比較喜歡呢種食法，相比起糖漿， 呢種食法唔會過甜，但又有香濃的奶味。😍😍😍

一早聞到股麵包香，循著香氣，是民華的麵包新鮮出爐了！店內用餐的人也很多，被香氣吸引進來的吧？有很多卡位，不過還是有點擠，不過氣氛很好，就是不知道，為什麼這裡拍張照都是金碧輝煌的感覺。有點心、麵包，普通茶餐廳的餐單。我們點了常餐，全日供應。鮮茄牛肉出前一丁，鮮茄火腿出前一丁，加出前一丁要另外+$3，湯底好濃，還有番茄肉的哦！跟餐可以配的炒蛋，很滑，很香，讚！還有即烘的牛油多士，乾身又脆，整個常餐很豐富。另外一提，奶茶很好喝，又香又滑，值得推薦。吃一個豐盛的早餐，開始美好的一天！

今天中午去柴灣做D嘢，放工時間要搵食，又唔想去茶樓，沿地鉄新翠商場右行，見到興華廣場果間民華茶餐室，外觀幾乾淨企理，於是入去食個lunch!坐落見D服務員招呼幾好，茶水無缺，仲好耐心咁等我下單，見套餐又不貴，兩人各點一個常餐，揀义燒通粉，炒疍同多士！另一個點咗特式飯類套餐，有牛，鷄，豬軟骨等不同選擇！另有跟餐茶！見隔著枱有西多，好鬼靚，我地亦再點件西多士先！嘩D食物好大份吓喎！义燒夠腍夠入味，番茄通粉都唔錯，炒疍，多士都有水準！㗎哩牛筋腩係我至愛，呢度俾D咖哩汁真係滿到瀉哂，食落香濃而不會太辣，牛筋腩都夠哂入味又唔黏牙，飯上面放多一隻煎蛋就做得好有心機，呢個餐加杯凍檸茶先至係$60真超抵，再來果件西多，真係做得好用心機，新鮮用疍醬醮匀炸熟，上桌熱騰騰，一片鮮牛油，混和糖醬一起入囗，真係冇得彈之至！

民華餐廳在這間餐廳外面就被一個個又大又新鮮又多選擇的麵包和蛋撻吸引了，所以就進入這餐廳作為我的晚餐。這間餐廳是一間有點心，蒸飯和一些常餐的餐廳。想了想便叫了糯米雞套餐，餐飲叫了凍㗎啡。並且加了一個墨西哥奶皇飽。只等了幾分鐘，食物，飲品便送上了。先講吓糯米雞，不算是好大隻 (適中)，但糯米雞內卻有很多食料例如好多肉碎(肉汁也很多)，冬菇都有兩隻，雞中翼，叉燒，咸蛋黃，非常豐富。墨西哥奶皇飽絕對有手掌般大，非常軟熟，好味，價錢又平。凍㗎啡好濃味。三樣加起來都不用五十元。超值，夠飽，正。

來到柴灣都會去食民華因為有喜歡的蕃茄湯粉，價錢都合理今次食左個蕃茄叉燒米粉配烤多士炒蛋餐食物好快就上到，先來份牛油烤多士炒蛋牛油好夠，塗滿了兩片多士湯粉熱滾滾的，茄蕃湯濃濃，有美味的蕃茄粒叉燒份量適中，吸收了蕃茄味道餐飲：點了熱檸茶，正正常常的一杯檸茶環境就一般啦

最鍾意食民華餐廳嘅常餐，11點前$36, 其他時段$42, 香港百物騰貴，呢個常餐$42但食得好飽好滿足！😆🌟食物蕃茄叉燒米粉/麵 蕃茄湯甜甜酸酸，叉燒有幾塊，味道唔錯多士配餐肉：多士可以加兩蚊配其他醬，但就咁牛油都好香脆，好味。驚熱氣嘅都可以叫方包，方包好厚所以好軟熟，亦係另一種滋味😋最後叫飲品，選擇好多，比較唔常見嘅有杏仁霜🌟服務所有侍應都態度好好，落單之後會有部機即時印張單出嚟，幾方便如果想平平哋試嘅，早餐時段就更加抵🤣🤣

次次去親太子嗰間民華都爆場，去到柴灣呢邊做嘢，喺興華商場度竟然比我見到間民華！下午時間，都唔算太多人。有下午茶餐，但都係揀返食個常餐。自己覺得價錢都唔算係平㗎啦，一個常餐有炒蛋多士、一個麵加嘢飲，味道又唔錯都算係咁啦。叫咗即烘牛油多士加煉奶，配餐肉炒蛋。啲煉奶多到流晒出嚟，正啊！（係擺得唔太靚啫，哈哈）鮮茄叉燒通粉，個蕃茄湯好濃，仲有湯底粒粒蕃茄幾足料，叉燒軟熟，仲唔到配蕃茄湯一樣咁好食。睇餐牌見到有鹹檸水飲，試吓，我覺得又真係鹹咗啲⋯仲有少少苦，所以飲咗幾啖無飲了。

呀婆今日要講一個驚天地泣嘅故事😌一個住係鄉村嘅男人👨🏻‍🌾每個星期都要出城搵美麗動人嘅女朋友💁🏻‍♀️咁當然貼心嘅女朋友要搵d好西慰勞佢最就腳樓下又大件夾抵食嘅茶記就最適合佢啦一個40蚊嘅茶記特餐有厚多士💩有滑蛋🍳有沙嗲牛麵🍜真係食到阿婆條咸魚都返生基本上每個星期都會帶個鄉下仔食一次最近新嚟嗰個茶記姐姐又好吹得💦都係嗰句李白話齋 做人最緊要開心Between 嗰個善解人意 細心溫柔又美麗動人嘅女朋友就係在下👵🏻

民華週未時間，我訓到好晏。一起身見肚餓，就去左樓下民華食個早午餐。由於真係幾肚餓下，所以叫得都幾多野。包括：豬軟骨飯餐，沙嗲牛肉通常餐，西多士加個雞札❤️❤️❤️燒汁豬軟骨飯豬軟骨燜得又稔又入味，而且充滿了骨膠原👍🏼絕對可以補補身👍🏼🤓最正既係佢個濃濃既燒汁中亦充滿了豬軟骨的精華，令到個汁提升了幾個層次，用黎拌飯一流🤤🤤沙嗲牛肉通常餐e個常餐一向係民華的招牌。出名係又平又多配搭😂😂入面唔但止有沙嗲牛肉通粉，仲有午餐肉炒蛋，奶油多士和奶茶👍🏼👍🏼沙嗲牛肉又香又有滑，正！而通粉亦唔好太稔，反而彈牙喎😆份量十足，一個成年男人都一定夠飽！而午餐肉炒蛋，亦都係快餐必備。炒蛋滑滑的，猶如3.6牛乳般甘好食❤️午餐肉，仲要煎到又香又脆🥺西多士e個係無得輸！煎得勁香脆，滿滿的雞蛋香味，再配上煉奶和牛油！真係好味到爆🤓😆民華果然係街坊的飯堂👍🏼👍🏼又平又抵食又大件🤓

這間位於柴灣興華廣場內的文華餐廳，真可說是性價比高。餐廳給人一種光猛的感覺，侍應動作爽手勤快。必吃的是常餐，毋須花多於四十元，便可選擇一個粉麵、多士、腸仔/火腿/炒蛋及飲品。我最愛吃這個番茄叉燒通粉，蕃茄湯底味濃，叉燒又大舊。只要加多兩蚊就可以轉做加咗花生醬多士，真係好抵食！糯米雞一上枱就聞到嗰種荷葉嘅香味。糯米雞大大隻，非常足料，入面除了有大隻雞翼，而且還有叉燒！真的很驚喜！而且你仲可以加$10就會有油菜，認真抵食！最後我哋仲食咗燒賣同埋鳳爪呢兩籠點心，係茶餐廳食到點心真係好喜出望外！完全啱晒乜都想食既我！

今次森仔星期六放左工，同家人係柴灣附近食飯🤓民華餐廳🍴近近地，又平又抵食。所以，一行四人就去果到食個飯😂柴灣分店的餐廳環境蠻大的，大約坐到40-50人，所以唔駛排好耐隊就可以入座了👍🏼讚而座位亦幾鬆動，所以坐得舒服😌又可以傾下計。另外，點餐和上餐速度都好快，令客人能夠大快朵頤😻又岩晒節奏快的香港人。講反餐廳🍴的食物質素。當天我地叫左咖哩牛筋腩飯套餐$60,西多士$17,常餐(茄牛通粉，餐肉炒蛋，多士)咖哩牛筋腩飯真係好惹味，夠辣又夠椰香👍🏼同埋份量真係好足夠👍🏼特別係牛筋腩，真係好正，有筋又有腩，入晒味道❤️❤️我足足食足了整碟飯😻而西多士，更是正斗！外脆內軟，蛋味十足。配上糖漿和牛油，好味指數爆燈👍🏼👍🏼🤓真係好味到爆😻至於常餐更加係抵食之選，不用50元。就有3種食物👍🏼🤪茄牛通粉，茄味十足，濃濃的岩晒我！牛肉亦好香滑，有鮮牛味，正！而炒蛋很滑，滿有蛋味，令人食到唔停口仲可以夾埋牛油多士食❤️正！最正係牛油多士係不用加錢就有烘底，脆脆的👍🏼👍🏼整個常餐真係餐廳鎮店之寶，扺食😻😻

假日和朋友到了她家附近的民華餐廳吃下午餐，心想在柴灣都沒有什麼廉價餐廳了。門外的包點款式種類多，在柴灣有多個包點選擇，可能因為價錢適中，餐廳都坐滿了客人。常餐款式多，今次我們點了沙爹牛肉通粉，餐肉炒蛋和奶占多士。沙爹牛肉不太硬，湯汁惹味，通粉爽口彈牙。炒蛋幼滑香濃，餐肉帶點鹹香，很喜歡食物焦香的味道。多士烘得很金黃，厚度又夠，加配了煉奶和果占，感覺這頓十分滿足。另外加點的是山竹牛肉球和鵪鶉蛋燒賣，山竹牛肉一點也不比酒樓的遜色，肉質鮮嫩。鵪鶉蛋燒賣也很特別，整顆鵪鶉蛋包在燒賣裡面，配上枝竹，口感有層次。還加點了紅豆冰，紅豆香甜爽口，是經典的港式味道，而且份量大杯。總括而言，在柴灣能找到中西合璧而味道不差的餐廳算是不錯，會再來嘗嘗其他的款式。

黎到柴灣食呢間茶餐廳，朋友話想食咖喱，左睇右睇見呢間唔錯就決定一試。中午食飯時間真係幾多人，好在岩岩有客埋單我地就有位坐仲唔駛搭枱Tim. 呢個咖哩牛腩飯質素唔錯 ，因為幾足料，牛根牛腩都幾多塊，仲有唔少既洋蔥同青紅椒。加個半熟蛋，絕對值得一試。跟餐有熱飲，叫左華田。唔太甜，幾好。見呢間茶餐廳有唔少點心，幾得意wor, 所以就點左款鳳爪試下，嗯都幾多林幾入味。我就想食通粉，所以叫左個常餐，火腿通加個麵包，加1蚊定2蚊有個果醬加，幾正。朋友就加錢叫左熱蜜，佢幾滿意呀。

今日約了教會姊妹食早餐，到了這間好多人的民華。 有客人買麵包，這裡的麵包好出名，大大個又多款又新鮮！我們點了常餐，這間好多人、坐位都幾舒服，有中式/西式選擇！（餐飲）熱檸水：健康又多片，可自行加糖的份量（熱咸檸水）噢！有咸檸水真好，可以潤喉嚨又清清熱氣（常餐：通粉+多士部分）我們見多士可以加$2加果占/煉奶/花生醬，好吸引！民華多士真的好好食，可選烤焗或白麵包，我們當然選了烤焗多士；好脆口又熱辣辣，厚身多士；另外自選炒蛋/煎蛋，金黃色的炒蛋又香又滑，份量唔少，蛋味濃郁仲有少少蛋汁；更有火腿/午餐肉/腸仔配搭；我選了午餐肉，煎香的午餐肉，咸咸香香好好食朋友選了火腿，薄薄又唔肥！不錯烤香金黃色的多士加了牛油及果占，更香更甜美又脆口我的加了煉奶，甜甜的超美味，這個奶油多好回味厚身多士咬口一流（常餐：粉）有不同材料選擇：番茄牛肉/叉燒、榨菜/雪菜肉絲, 湯粉可轉通粉/湯麵/通粉，我朋友選了番茄叉燒湯通粉，紅色番茄酸酸甜甜，開胃美味；我的是叉燒清湯底，唔咸健康點叉燒好易腍，肥瘦剛好，易咬又正喔！