民華餐廳

營業中

休息中

今日黎到柴灣想簡單食個午餐～見到呢間冰室選擇好多就入去試下叫左個常餐試下～好開心有蕃茄湯米粉！因為唔係間間冰室都有蕃茄湯揀🥰揀左叉燒做餸～都唔會太瘦或者太肥炒蛋好嫩賣相又靚～多士都有驚喜！係兩塊厚多士🥰🥰🥰整體都不過不失 可以一試～

放假同朋友睇完晏晝場, 有D肚餓就周圍行下搵地方嘆下午茶。行到興華商場, 嗅到好香麵包味就望下民華有咩食。鋪頭門口有麵包賣, 見到D包都大大個咁, 又香已經想食。見佢有點心, 又有常餐咁就入去坐低慢慢揀有咩食。可能我地得兩個人, 就即刻有位唔洗等。同朋友叫左幾款點心, 我又想食麵包, 見到佢有西多士就叫左。落單等左5分鐘左右, 就開始有野食。點心味道正常, 不過份量就小D, 燒賣比平時茶樓既細粒。西多士既賣相吸引, 仲要係有塊鮮牛油係面,  牛油就靠岩岩煎起麵包既熱力溶化。鋪頭仲好貼心幫你切開一粒粒, 就咁吉起就食得, 勁方便。鍾意食西多士既人一定要去試下

蕃茄叉燒公仔麵叉燒嘅份量都唔少而且蕃茄湯超級濃郁我鍾意配公仔麵嘅原因係因為公仔麵上面可以掛住一啲蕃茄湯汁食嘅時候一定要加辣椒油佢嘅辣椒油值得一讚嘅原因係入面好足料我基本上每一次去到都會食到有蝦乾同埋瑤柱咁當然嘅份量唔會好多但係佢嘅辣椒油香味好重每次去都一定會叫烘底走牛油加果jam多士呢個係永遠不變嘅道理而且炒蛋係好滑份量好多腸仔就真係冇乜特別只係佢唔會好似廚師腸咁鹹

開得閒咁貴嘅舖頭,  又叫客人入嚟坐低試試, 為甚麼連咖啡都要慳?   畀包咖啡粉叫客人自己返屋企沖仲好啦 !!   我問職員是否即溶咖啡,佢直言不諱. 茶餐廳是香港的本土文化 , 應該比其他地方做得更好, 但如今連祖國都不如,  真丟架, 不如收檔喇!!!

放工近近地諗住係屋企附近買個飯食下姐，點知食食吓個飯，食到一大粒玻璃碎，重要好鋒利最後搞到介傷左個咀好在唔係好嚴重......收工食個飯都唔安樂，超級無奈！唔該餐廳 好好跟進事件 ！！

疫情之下，將近晚上十點，又想食嘢，但食肆又收十點，唯一選擇就係買外賣喇。心想不如走到附近的店舖啦！今晚去了柴灣，興華一商場的"民華餐廳" 外賣，今晚叫外賣的是"豉椒排骨飯" 外賣，晚市外賣只是$25 ，仲要有"7up" 送，十分超值。講起食物的質素，簡單的豆豉在面上，但沒有什麼的作用，推不到什麼香味，排骨味道也有少許鮮味，也可以算唔錯，蒸飯的飯底，蒸出來也很軟熟，簡單的外賣一餐，可以十分滿足。可以多試一吓吧

掛住呢到既炒蛋， 價錢又親民，所以就再黎食喇都好豐富丫普通茶記生麵同茶記牛肉，薑味幾重，岩我炒蛋色澤靚，滑，香，熟度剛好，配埋牛油多士，一流义燒炒蛋飯有驚喜义燒夠淋夠香，甜甜地配埋炒蛋好好餸飯! 以呢個價錢質素既义燒好收貨喇!服務同衛生差少少，不過閒日街坊食個快飯，收貨既! 以上加埋一百蚊!

今天早上想吃蕃茄湯的早餐，腦海中必定會選擇這一間餐廳，因為他的番茄湯絕對是全柴灣最出色的，番茄湯極之濃郁充滿蕃茄味，另外還有香華炒蛋及厚厚的多士。同時我亦推介他的姜絲牛肉通，亦都是薑味十足。

假日諗住食個平平地既茶餐，佢門口有麵包外賣部，見幾多街坊幫襯，應該可以一試~其實平日真係好抵食，不過我地今日唔係，所以收左茶餐原價$41.牛肉似係罐頭野，不過味道正常，呢個價錢黎講，個質素岩比例丫，味道不錯。麵底唔算彈牙，不過都無煮到過火，可以啦！要左烘底多士，咪睇張相黑黑地，食落唔算燶，中間夠牛油，麵包夠鬆軟新鮮，就咁食都好正！炒蛋份量唔算多，不過配成個餐其實係夠食，可能只係我自己好鐘意食炒蛋所以覺得少.炒蛋都算食滑有蛋香，唔錯呢間餐廳有個特式，就係fusion到有中式點心，一盎兩件得黎又可以飲番似凍檸茶，簡直夢幻！不過，因為我想食甜野，所以叫左西多士上碟時有舊牛油，但本人影得太慢，溶鬼左，證明温度夠熱！黎既時候切開晒一舊舊，好方便！麵包厚切，真係好鬆軟，如果裡面有埋花生醬餡可謂係無敵，我唔介意比多少少錢，因為個包真係好正！唯一可以改進係蛋汁吸得唔夠多，個包做得咁好唔好浪費丫，吸多d蛋槳會香好多！另外係煉奶亦一早落好，本人覺得略甜。賣單唔洗八十蚊。不過開頭我地唔知假日個西多士茶餐係唔包埋飲品，我地以為包餐飲，落單時亞姐又無話要加錢，如果杯野飲仲貴過件西多士，我地一定唔會叫囉，埋單先發

我喺呢間餐廳入面最鍾意就係食佢嘅常餐佢嘅常餐就蕃茄湯底嘅通粉或者公仔麵等等而且仲有一種配料 我多數會揀牛肉 非常之好食而且個餐仲配埋滑蛋加多士都只不過係40幾蚊我覺得非常之抵食

每次黎食民華我都鐘意嗌佢地嘅常餐 我會揀蕃茄叉燒米粉 佢地嘅炒蛋都唔錯 幾滑 常餐我仲會必揀多士 脆卜卜好好味架 佢地嘅奶茶都幾滑 所以我成日嗌凍奶茶 睇落好似唔多野 但食落就覺得夠晒飽

以前仲讀緊書嘅時候都會去柴灣興華商場食嘢一味夠平民華餐廳無論早午晚餐都一樣咁街坊受歡迎除咗價錢平之外又有鳳爪排骨蒸飯土魷肉餅蒸飯朝早好多公公婆婆嚟食早餐添啊仲有佢哋嘅餐包新鮮製造一如繼往我好鍾意食蕃茄通粉佢哋嘅湯底係濃厚鮮味常餐嘅配搭亦都好彈性鍾意食腸仔 / 餐肉 / 火腿 / 叉燒亦得反蛋 炒滑蛋 太陽蛋乜都得牛油多士仲好香口再加一杯少甜少冰凍檸茶但係好爽YY呢！如果第時我離開咗香港一定會好掛住呢間茶餐廳！！！！！

今天星期六假休息，同家人到柴灣拜山後，去附近地方醫下肚，黎到興華廣場見到民華餐廳剛剛有人離座，即入唔使等位先唔講食物住，入座坐於卡位，叫左職員三次秉先黎執枱好明顯員工人手極之不夠。而坐我後面的客人叫職員比杯水佢，職員話無杯呀，洗唔切之後隔離枱位食客只叫了杯奶茶同雞尾包，個雞尾包足足催左4次，等左成10分鐘先上(麵包並非即即焗，只係在門口賣麵包位置放在碟上比個客)仲有內裡行人通道位極之狹窄，如手持一袋物品行十分不便。今次叫左兩個滋味常餐。鮮茄牛肉通粉，牛肉無乜牛味，蕃茄肉好生，好明顯生切完臨尾放落湯度滾一滾算。鮮茄叉燒通粉，叉燒有蜜糖味識揀一定揀叉燒好過牛肉多多倍多士不用加錢食到，值得一贊而且仲係厚多，另牛油亦多，美味餐肉炒蛋正常，但腸仔只係白灼，如果煎一煎佢好較好最後食飽埋單前經過水吧前，坐喺附近見到咁環境都無乜胃口🤢常餐價錢雖然優惠而厚多士亦美味，但員工人手不足同環境差都令人失望😞唔想再幫襯。

悠悠閒閒的一天，瞓醒咗之後， 當然要食番一個靚靚早餐。 今日係假期 好多地方都迫滿人， 留返喺屋企附近消費就最實際啦。呢間茶餐廳我都幫襯過好多唔同分店， 喺柴灣區比出面其他地區平少少價錢。 比起快餐店又唔使 排隊打買飛 ，又唔使自己去攞餐， 侍應服務又唔差， 三十幾蚊一個餐身係已經好超值。選擇了三個餐沙爹牛肉米粉+ 腸仔炒蛋多士+ 熱檸茶沙爹牛肉通粉+ 腸仔炒蛋多士+ 熱檸蜜番茄牛肉通粉+ 腸仔炒蛋多士+ 熱奶茶另外做嗌多咗個 😋招牌西多士😋我最鍾意食沙爹牛肉， 呢度嘅沙嗲牛肉嘅味道都唔錯，唔會太辣又唔會太鹹， 米粉同埋通粉都爽口彈牙。最鍾意就係佢個炒蛋，非常嫩滑有蛋味， 水吧沖野飲都ok，奶茶又滑， 檸茶茶底香濃🍋

文華冰室有個抵食推介啊，佢個鳳爪排骨飯，都係26元，但係呢就唔包嘢飲嘅。另外呢佢都有其他選擇，例如煎蛋牛肉飯，噉如果想平平地食個午飯呢，呢個都係一個幾好嘅選擇。