民華餐廳

營業中

休息中

終於要寫香港的美食文章喔，作為愛吃的小女生要吃不同之食物。香港茶餐廳常餐也是不二之選，皆因湯粉、火腿、炒蛋、牛油多士甚麼都有。現在推介的叉燒通粉，份量很足，炒旦非常好吃。叉燒通粉及炒蛋有一個吃法喔，把旦置於熱通粉之上，味道必然更好。朋友要了一個牛腩河粉，味道實在不錯，加錢有配灼菜，加上幾大塊軟綿腍滑的牛腩，無需花里胡哨的調味，靠鮮香本味便可取勝。非常好吃喔，建議要加喔。鵪鶉蛋燒賣，經典茶樓「鵪鶉蛋燒賣」，也有點喔，有久違了的感覺。後來更以西多士作甜點，一出來當之無愧是大人小朋友難以抗拒的誘惑，看着小塊牛油，在厚厚的金黃香脆多士上慢慢溶化，跟晶瑩的糖漿融為一體……單看，已是一種享受。整體棒～

今日來開太子，行完金魚街、寵物街，自然順便就要食下茶記，對腳不期而言就會來左呢間「民華餐廳」🤗呢間餐廳絕對係茶記嘅代表，你無理由未食過卦？兼佢仲有埋中式點心比你選擇，今日我先點個燒賣，坦白講，可能好過好多酒樓，又唔使上酒樓徙時間，一舉兩得🤗而主打的常餐變化又夠多，我最Like的炒蛋多士更是不可不試，炒蛋香夾滑，多士外脆內軟，要趁熱食，叉燒通粉，平凡得來不易整得好味，呢度掂👍🏻薑絲牛肉麵，喜歡薑味嘅朋友更是不可錯過，牛肉粉紅嫰滑，正！當然飲品方面，港式奶茶☕️和咖啡又點少得呢，區區數十元消費，快、靚、正😬

與T先生🤦🏻‍♂️的早餐之約，陣間要去旺角開會，我特登叫埋T先生一齊過黎食我最愛既港式茶餐廳，同埋我最鐘意❤️既太陽蛋。我每次幾乎都會食佢常餐，份量夠，多士厚，常餐真係冇得輸。

今日黎到太子行下街，行下行下就梗係去民華食野啦，不過其實我都成年無黎過啦，好在今日時間早，唔多人，唔使等咁耐本來一心諗住黎係食公仔面餐，但係見到好多人食個咖喱牛筯腩我又心郁郁最後點下點下，點佐好多野食先黎既係估到估唔到自己會叫既山竹牛肉，其實民華都有好多點心可以叫，咁好耐無食過，餐牌有就唔爭在啦17 蚊一碟，大粒過酒樓個D啊，正啦﹗朋友點既蕃茄湯底叉燒公仔面，再配埋餐肉加炒蛋，再加個厚多士，一貫民華高質素常餐，我本來都好想食，不過朋友都SHARE佐D俾我，正啊有D心郁郁食曬朋友個個，俾返我個咖喱牛助腩佢個炒蛋無退步，都仲係好滑好在我個咖喱牛助腩好快就到，唔係朋友D野應該無得剩黎到已經香噴噴咖喱味，唔瓜得咁多人食啦，不過，大件事，唔記得轉我最愛既太陽蛋啊，變佐熟蛋，大家記得如果想食太陽蛋要一早講，唔係就後悔莫及啦不過好在佢既咖喱牛筋腩補數，咖喱味唔止香，食落都好正，牛筋好淋，仲要堅多牛筋。仲有我最鐘意食既薯仔，正﹗﹗最後既係我無點常餐而補點既油占多，但係，我發覺自己真係已經飽到食唔落啦，好在朋友都係油占多殺手，幫手補佐舊油占多都好正GA原來，厚切，厚醬最後先黎飲杯凍檸茶真係舒服曬最鐘意黎

六點左右閒逛至旺角街頭，無咩事做當然就要開始覓食。同行人大力推薦民華餐廳嘅蕃茄湯，無咩想食嘅我一於試下到底有幾好味。常餐：烘烤牛油多士、香腸、炒蛋由於我好鍾意烘烤過嘅多士，見到當然要點啦～仲要唔使加兩蚊烘底，非常好。多士烘得香脆，唔會太硬。配以薄薄一層牛油，更添牛油香，但唔會太有罪惡感。香腸應該係廚師腸，無咩特別，純粹懷舊下。炒蛋頗滑，都食到蛋香味。常餐：蕃茄叉燒通粉蕃茄湯底較一般餐廳濃稠，酸酸甜甜。個人而言比較欣賞叉燒，因為真係幾香，唔似普通連鎖快餐店嘅頹叉燒。肉質唔乾，又唔會太肥，揀得幾靚。小食：西多士簡單一碟西多士，但食完一塊就令人好有滿足感。即使食完明知好高熱量，都忍唔住繼續食。厚多士上碟時已斬開九小件，夾層應該有搽少少牛油，面層則有煉奶及牛油，邪惡程度與美味程度成正比。多士炸至金黃脆口，咬落綿香，煉奶及牛油充分滲入多士。重點係20蚊就食到，真心覺得抵食。點心：雞扎雞扎相對地普通，不過不失。算幾大件，雞肉滑嫩，芋頭份量都不吝嗇。總括而言，呢間嘅叉燒同西多士真係值得一試，價錢唔貴都係我回頭原因之一。

今日嚟到旺角做嘢，搵個地方食下晏晝都唔容易，到到都好多人，呢間店舖都不例外，大家如果嚟呢度食就要有心理準備，不過人流非常之快，座位嘅都算係舒服，呢度嘅食物選擇有一般茶餐廳嘅例歺之外，仲有一啲嘅中式點心選擇，最重要嘅係佢哋有我超鍾意嘅咖喱湯河！有機會都要試吓佢哋嘅菠蘿包，其實佢哋啲雞蛋真係炒得好好味，配左菠蘿包應該勁好食！我叫咗嘅例歺，我超級欣賞佢哋嘅蛋蛋，係太陽蛋一定要叫，蛋黃嘅汁有好多好多，唔知佢哋用咩雞蛋，好香好滑，佢哋嘅多士亦都好好味，係唔駛加錢架，茄汁通粉亦都好好味，佢哋嘅茄汁食得出係用新鮮嘅蕃茄煮成嘅，湯亦都飲晒！我個朋友仔就叫咗豬軟骨飯，佢哋配埋隻雞蛋㗎，裏面嘅打囉仍然係留心嘅，所以佢哋食嘅時候可以撈埋啲飯一齊食，豬軟骨好林好滑，仍然保持有好香嘅肉味！我自己都推介呢一個！我就超級推介呢一個咖喱湯雞肉河粉，我哋嘅咖喱汁煮得好香濃㗎，拎埋啲咖喱汁嘅河粉完全吸收左香濃嘅咖喱味，好好味，而且佢哋嘅雞肉咖喱亦都好入味，雞肉好彈，保留左肉汁嘅鮮味，超贊！呢個配搭真係唔錯！難怪呢間鋪人流咁多啦！

每次去開花園街買嘢，必定要到〈民華餐廳〉吃飯才安樂，最難忘他的鮮番茄湯底，炒滑蛋還有濃郁咖喱。除了可以堂食，還有蒸飯和點心可以外賣，夠曬多元化。每次嚟無論乜時間都係人氣鼎盛，茶餐廳都有咁既口碑同食客量，真係唔到你唔服。〈火腿炒蛋菠蘿包〉一坐低就聽到隔離侍應姐姐話菠蘿包新鮮出爐，當然要趁熱辣辣整返個！！熱辣辣嘅菠蘿包面層甜甜地又夠酥脆，底層麵包就軟棉棉，再加埋火腿同炒滑蛋吊一吊味，無論口感同味道都超正。〈魚湯灼菜心〉冇菜食就絕對不行，所以本兔另一件重要的事就是點了這個新鮮爽脆嘅菜心好清甜，加埋鮮甜嘅魚湯，清淡得來又不寡，絕不乏味。〈常餐〉另外民華必食嘅一定係常餐，因為有齊我最愛嘅鮮番茄湯底，炒滑蛋同即烘多士。真係講起都流曬口水。🤤🤤🤤〈花生醬多士〉今日想吃花生醬，所以+$2變成花生醬多士。花生醬唔會話〈傑撻撻〉黐住個口，但又非常香濃，加埋外脆外棉嘅即烘多士，真係民間美食最高享受。文華另一出名之作必定係炒滑蛋！！淨係睇圖都知有幾滑啦。仲有鮮番茄湯底真係濃郁到一個點！！真係有鮮番茄粒喺裏面嫁！！所以先會咁濃茄味，正！！！〈咖喱雞飯〉民華另一名物絕對是咖喱可惜咖喱豬扒飯未準備好，唯有點咖喱雞飯

陪朋友去花園街買完佢愛犬啲糧食之後就到我地去搵食xDD無乜頭水食咩既時候，朋友就話不去過對面民華啦.....都好，反正我都好耐無食過呢間分店：P次次去親都會食常餐跟炒蛋多士，呢日亦唔例外，要左個“蕃茄叉燒通常餐”$46，加左4蚊飲樽裝鮮奶原來朋友反而唔多食個常餐，中意食佢地既湯河同點心，呢日佢就要左個“五香牛筋腩湯河套餐”$46同“鵪鶉蛋燒賣”$17，仲加左16蚊要左碟魚湯菜心添！！！鵪鶉蛋燒賣呢款懷舊點心真係買少見少，呢度一份三大粒，試左朋友仔一粒，味道都唔錯啵，燒賣唔會混合太多肥豬肉，連埋鵪鶉蛋一齊食仲好香添我既常餐依舊無得輸，蕃茄湯加入炒滑蛋，開胃又滋味而厚厚既脆多士更係百吃不厭朋友既牛筋腩湯河賣相都唔差啵！！！加配既菜心仲份量唔少，朋友都要我幫口先食得曬食下傾下又見到隔离檯既西多士好吸引咁.....最終我地都無視脂肪為何物，決定要邪惡一下即叫即做既西多士一上檯就已經分成9大塊，厚一厚既西多充滿蛋香，混合埋牛油同練奶既香甜，邪惡但絕對抗拒不了朋友仲話西多配埋佢杯熱奶茶係人生既一大享受xppp

經濟未落都能食飽@民華餐廳 香港經濟民生未落，工時變長但工資沒加，家庭負擔大不能再自已賺自己花，考慮到家中年老母親還是省個幾吃平民化有蒸飯點心常餐等，我點了份常餐$46，有火腿炒蛋，牛油多，又燒通，仲配埋飲品，全日供應只是時段不同價錢略有分別。魚湯菜心$20 ，跟餐$16only，一碟勁大碟2個人食也沒問題，早知和媽媽來一起吃晚餐。菠蘿包呀，仲要係有餡架，細細個已經勁鐘意食港式麵包，放學可以食兩個當下午茶，呢個夾埋雞蛋火腿，皮甜餡鹹但好味到瘋狂，係肥d但一次半次算啦。

這天早上剛睡醒，我的肚子餓了，這天我決定吃一點點特別的， 早上可以增肥又不傷害身體的地方不多， 正好附近的茶餐廳就是挑戰自己的機會， 餐廳位於旺角， 距離鄰近地鐵站，路程大約需時五分鐘左右，地理上還算方便， 遇上今天正是下雨天， 也完全沒有問題，因為落雨不怕，落雪也不怕，遇上寒冷大風雪不怕。食物方面我點選了西多士，一般西多士也是油炸，十分油膩， 是肥胖之選 。沒想到， 這次的居然不油膩，還帶有陣陣蛋香， 配合中間的夾心，令到西多士味道更加分明，層次突出，加上丁點兒的蜜糖，令食法更多種類。一天完成了，晚一點再吃過。

今天收工和朋友去旺角金魚街買蝦仔，之後他就帶來了民華餐廳食晚飯，他介紹這裡有，由早上七點至到零晨三點，也有提供有多款選擇的常餐，但我沒有聽朋友推介叫常餐，我看餐牌上的點心也很吸引，就叫了三個點心和一碗魚湯魚蛋河粉，朋友叫了一個常餐。很快我們點的也到齊了，我首先試下魚蛋粉先，湯味很鮮甜而且還附送了幾塊香脆的炸魚皮，點心方面雞扎相當足料味道也不錯，我最喜歡的就是他的秘製金錢肚，非常入味而且入口容易咬，跟著我朋友就分了一塊多士給我，叫我試一下，這塊多士帶熱搽滿牛油，我試了真是很香脆好味，連同兩杯凍飲，埋單$150 也有找，真是很抵食，下次再來我也要吃常餐。

民華冰室一向係我食常餐既首選。以前最鍾意黎食豬潤麵！但今日黎到發現原來已經無左豬潤，真係有啲失望見到取代左豬潤既係叉燒，咁都試下啦！估唔到叉燒既質素都唔錯喎，比想像中好食！叉燒既肥瘦適中，口感唔錯另外，炒蛋多士都係每次必食既😍基本上每次都唔駛諗，一定要食炒蛋！炒蛋蛋味唔算好濃，但係超滑！而最好食既方法，一定係加落蕃茄湯到食啲蛋真係即時好味左超多！！超推薦呢個食法！民華冰室另外一個特色係仲有點心食而且仲有懷舊既鵪鶉蛋燒賣！！可惜雞扎無火腿☹️另外西多士都幾好食，大大舊牛油，夠哂邪惡🤤🤤

常餐沙爹牛肉通粉沙爹味好濃，牛肉亦都好有牛肉味，通粉就硬左Ｄ。有牛油烘多士，🥪咬落好脆口，牛油搽得好均暈，唔係隨隨便便就上碟，👍🏻配腸仔炒蛋🍳，蛋好金黃色，炒得好滑，有少少蛋汁。腸仔好食但係如果煎下會更香口。涷奶茶茶味比較香濃，🍼奶既比例比較少。咖哩豬扒煎蛋飯🍚咖哩做得好出色，可以送到好多碗飯。有2大塊豬扒，豬扒本身已經好入味，但唔夠淋身，仲要原來豬扒汁個底有勁多薯仔勁好味，仲要份量甘足，飯上面仲有隻煎蛋。菠蘿油上菜時賣相唔算特別吸引，食落先知又係好出色。個皮同個底好脆口，夾住大大塊牛油，咬到牛油時會食到有甜味，應該係落左砂糖既關係，但係甘樣既味道我好鐘意西多士🍯好厚身，仲好貼心上枱前已經切好左９格，大大塊牛油。可以選擇糖漿或煉奶，我地揀左煉奶，味道好夾好好味。仲要外脆內軟，茶餐廳做到樣樣都甘出色，真系會再黎。❣️仲要員工好有笑容好nice，💁🏻‍♀️客人食野心情都好好多。

星期六，理應與媽媽到茶樓吃一盅兩件，因為媽媽慣性要吃蒸飯，可惜我卻心血來潮想吃西多士，所以，唯有硬拉著她到民華餐廳開餐。 這家餐廳已非第一次幫襯，心知它們價錢親民，而且選擇多，不論是蒸飯或是茶餐均應有盡有。 一回以往，我都是常餐的粉絲，在9款的通粉當中，沙嗲牛肉通粉絶對是我的至愛，沙嗲香濃，帶點微微的辛辣感，配上嫰滑的牛肉，以及彈牙的通粉，讚。 另外，我還點了香腸太陽蛋，以及即烘練奶牛油多士，將太陽蛋夾夾在牛油多士內，入口時讓蛋漿與多士滆為一身，滋味十足。 章魚肉餅飯及山竹牛肉媽媽點了章魚肉餅飯，蒸飯的份量剛剛好，肉餅內放了大量章魚粒，軟滑得來又有口感，所以，我們多點了一客山竹牛肉來吃，牛肉大大個的，肉汁豐富，蘸上香醋，份外惹味。 多加HK$16點了魚湯灼菜心，這個菜心個人認為非常抵食，只是HK$16大大碟的，菜心雖然不算幼嫰，但入口爽脆，吸收了滿滿的魚湯後，味道相當鮮味。 西多士 期待以久的西多士終於來了，大大片的一塊牛油，在金黃色厚厚的的多士上溶化，與晶瑩剔透的糖漿融化，入口時外脆內軟，帶有濃濃的蛋香味，最重要是口感一點都不油膩。 常餐已包飲品，而蒸飯亦可以變成

茶餐廳係香港飲食文化之一，想食公仔麵時就會想嚟，今日就係咁！蒸飯套餐同點心都有，不過9成人都叫常餐咁。西多士 $20肥左，呃唔到人。之後會食菜中和嫁啦。牛油在上、花生醬炸西多在中同埋滿滿煉奶係底，店員仲話煉奶可以再添。牛油混合動力令西多士煉奶更甜，外皮一陣油脆內層有d似咬棉花糖硬少少咁。魚湯灼菜 $20如果叫湯麵或者飯就可以優惠價$16叫到，份量多，抵！灼既本身無味咁，但用左湯麵既魚湯就好食好多，最緊要比炒健康點又保持到青綠。常餐 $46 沙嗲牛肉通粉通粉脹大d就好啦，牛肉都算多又軟林，常餐必須要有叫既！第二個都係常餐 鮮茄叉燒公仔麵叉燒多瘦帶肥，雖然落左鮮茄湯，但都有甜味嫁！鮮茄湯好結有蕃茄肉，飲哂都無好口渴！香腸炒蛋香腸唔咸，以為係廚師腸有回歸市面添。炒蛋蛋黃味比連重同有牛奶既滑順。餐肉太陽蛋，都可以係全熟蛋加d係包加d係麵，蛋香滿滿。橙黃色蛋，整得勁靚！加落包食正過炒蛋嫁。蛋白完全無黑，勁健康！下次要雙蛋，強烈推薦！即烘牛油多士 +$2可煉奶、花生醬、jam脆沙口，唔會烘得太過火，唔錯喔，包炒風食都正！我就要牛油多士原始點喔。軟白麵包配多多黃色牛油，符合香軟油香味。熱檸水凍朱古力