民華餐廳

營業中

休息中

今日嚟到旺角做嘢，搵個地方食下晏晝都唔容易，到到都好多人，呢間店舖都不例外，大家如果嚟呢度食就要有心理準備，不過人流非常之快，座位嘅都算係舒服，呢度嘅食物選擇有一般茶餐廳嘅例歺之外，仲有一啲嘅中式點心選擇，最重要嘅係佢哋有我超鍾意嘅咖喱湯河！有機會都要試吓佢哋嘅菠蘿包，其實佢哋啲雞蛋真係炒得好好味，配左菠蘿包應該勁好食！我叫咗嘅例歺，我超級欣賞佢哋嘅蛋蛋，係太陽蛋一定要叫，蛋黃嘅汁有好多好多，唔知佢哋用咩雞蛋，好香好滑，佢哋嘅多士亦都好好味，係唔駛加錢架，茄汁通粉亦都好好味，佢哋嘅茄汁食得出係用新鮮嘅蕃茄煮成嘅，湯亦都飲晒！我個朋友仔就叫咗豬軟骨飯，佢哋配埋隻雞蛋㗎，裏面嘅打囉仍然係留心嘅，所以佢哋食嘅時候可以撈埋啲飯一齊食，豬軟骨好林好滑，仍然保持有好香嘅肉味！我自己都推介呢一個！我就超級推介呢一個咖喱湯雞肉河粉，我哋嘅咖喱汁煮得好香濃㗎，拎埋啲咖喱汁嘅河粉完全吸收左香濃嘅咖喱味，好好味，而且佢哋嘅雞肉咖喱亦都好入味，雞肉好彈，保留左肉汁嘅鮮味，超贊！呢個配搭真係唔錯！難怪呢間鋪人流咁多啦！