民華餐廳

營業中

休息中

茶餐廳係香港飲食文化之一，想食公仔麵時就會想嚟，今日就係咁！蒸飯套餐同點心都有，不過9成人都叫常餐咁。西多士 $20肥左，呃唔到人。之後會食菜中和嫁啦。牛油在上、花生醬炸西多在中同埋滿滿煉奶係底，店員仲話煉奶可以再添。牛油混合動力令西多士煉奶更甜，外皮一陣油脆內層有d似咬棉花糖硬少少咁。魚湯灼菜 $20如果叫湯麵或者飯就可以優惠價$16叫到，份量多，抵！灼既本身無味咁，但用左湯麵既魚湯就好食好多，最緊要比炒健康點又保持到青綠。常餐 $46 沙嗲牛肉通粉通粉脹大d就好啦，牛肉都算多又軟林，常餐必須要有叫既！第二個都係常餐 鮮茄叉燒公仔麵叉燒多瘦帶肥，雖然落左鮮茄湯，但都有甜味嫁！鮮茄湯好結有蕃茄肉，飲哂都無好口渴！香腸炒蛋香腸唔咸，以為係廚師腸有回歸市面添。炒蛋蛋黃味比連重同有牛奶既滑順。餐肉太陽蛋，都可以係全熟蛋加d係包加d係麵，蛋香滿滿。橙黃色蛋，整得勁靚！加落包食正過炒蛋嫁。蛋白完全無黑，勁健康！下次要雙蛋，強烈推薦！即烘牛油多士 +$2可煉奶、花生醬、jam脆沙口，唔會烘得太過火，唔錯喔，包炒風食都正！我就要牛油多士原始點喔。軟白麵包配多多黃色牛油，符合香軟油香味。熱檸水凍朱古力

早上11點經過金魚街，肚仔餓，立即衝入民華醫肚。民華其實已經食咗好多年，啱啱開果陣好似仲未有點心，後來自由行多咗後先加點心。點咗兩個常餐，我要鮮茄叉燒公仔面，同枱要鮮茄火腿通，大家都要咗炒蛋餐肉多士，叫多咗個煉奶西多，一個鳳爪，試吓依度嘅點心。常餐一如以往，真係食得好happy, 好治癒。炒蛋滑，蛋味濃，多士加salted butter好香脆，裡面軟，餐肉正常。蕃茄叉燒面，蕃茄用鮮茄，濃茄汁，茄味真係好出，唔太酸，好好食。民華嘅面唔會軟淋淋，我覺得依個係細心，因為上到枱就啱啱好，佢地嘅面軟硬係好fit嘅，係軟硬適中果種。另一出色之作係煉奶西多士，第一次食，我和同枱一致覺得係天下美味! 記得要提服務生加煉奶，不要糖漿，真係超正! 外脆內軟係真實存在的。鳳爪我覺得ok, 好食，但我會食常餐多啲。經常黎，今次第一次寫食評，希望keep到水準!

想平平哋食一餐，民華餐廳就非常適合了！因為裏面所叫的每款食物，價錢也不會超過$50，可想言之價錢是多麼的親民。去一間餐廳當然要試吓佢個常餐，常餐果然有香港人最鍾意食嘅沙嗲牛肉麵！好興奮，但係我都選擇叫咗鮮茄牛肉通粉，因為夜晚唔想食咁多澱粉質，通粉又好似冇咁罪惡，鮮茄又好似幾有營養，叉燒有比較少見。碗通粉大大碗，一個女仔真係食唔晒，但個湯好濃郁，有鮮茄味道同蕃茄肉。去茶餐廳仲可以食埋佢個西多士，真係超抵食只係$20，性價比甚高，揀了煉奶醬香甜又美味。另外仲叫咗杯紅豆冰，冰、奶、紅豆比例一比一，如果紅豆更加多就好，鵪鶉蛋燒賣夠懷舊，而且响呢度點只係$17，仲係熱辣辣！糯米雞有荷葉包住好香，有我拳頭大小嘅兩倍！仲有鳳爪排骨飯我最愛，加埋嘢飲都唔使$50，金錢肚香香辣辣，賣相亦吸引。

行完一輪金魚街同花園街買完野, 行返去旺角果邊見到就民華餐廳, 睇落去光猛, 就入左去醫肚見到周圍每枱都叫常餐, 我都叫埋一份, 我今日選的是蕃茄叉燒通, 同煎雙旦, 配牛油多士, 連熱飲$46一份常餐. 我另外叫左個山竹牛肉$17, 試一試點心得唔得. 蕃茄湯底都不錯, 唔會太酸, 有鮮茄味, 配叉燒又夠味, 估佢唔到又好夾, 通粉爽又滑, 口感十分好! 我自己要求煎熟旦的, 好有心機丫, 個樣都幾靚仔~ 熱烘烘的牛油多士脆又軟, 成份餐present得好又好味道!山竹牛肉比我想像中好, 無乜溝太多其他料, 份量都足, 3粒大大圓圓!d姐姐做野爽手, 十分好feel的傳統香港茶餐廳~

其實都常常來食, 民華的常餐一向水準高, 烘得香脆厚厚的多士, 任選餐肉, 腸仔, 炒旦, 煎旦其中2款, 仲有薑絲牛肉, 沙爹牛肉, 蕃茄牛肉通 (當然可叫面, 米), 任選 $46...今日同同事來到, 我叫薑絲牛肉通粉, 餐肉炒滑旦; 佢就叫左沙爹底的牛肉通粉; 另外我地叫多碟燒賣點心同西多士share~我十分滿意個薑絲牛肉通粉, 薑絲配個湯都夠味, 牛肉足, 我仲食晒每條薑絲, 有益嘛~最緊要個通粉煲得剛剛好, 唔會好淋, 一粒粒有咬口～ 沙爹都惹味，配牛肉永不出錯厚厚的油多夠香脆, 夠厚內軟, 我自己加d白糖一齊食十分滿足~ 餐肉煎得靚仔, 旦炒得夠滑, 常encore不過份丫~第一次叫燒賣食, 上碟都夠熱, 豬肉料都夠瘦, 好味~ 西多士今日配糖漿, 件硬硬既牛油好快就溶左lu~不過常餐太岩口味, 食晒成個加埋點心, 肚飽得很~

民華餐廳主打嘅早餐同埋常餐，基本上係一樣嘅，只係唔同時段嘅分別，但係真心覺得味道唔錯，尤其是我最鍾意嘅茄牛通粉今日忍唔住又來食，點左常餐茄牛通，凍檸茶配厚多士煎雙蛋。呢度嘅茄牛通湯底，鮮茄味非常濃郁，味道唔會太假，食完差唔多飲晒啲湯。亦鍾意呢度嘅多士，通常唔理咁多叫都會叫多油，烘得香脆加埋牛油嘅香味，基本上都會清晒，自己鍾意食煎蛋，一隻唔夠仲叫夠兩隻今次仲加多左一份西多士 由於唔係太鍾意食糖漿，所以要左煉奶，水準都唔錯喎，兩層麵包炸起唔會太硬，食落都夠鬆脆 加埋煉奶唔算甜，自己都輕鬆食晒成份，一個人食咗咁多嘢，堅飽，又要做返D運動補償番啦

一直愛食民華餐廳嘅常餐因為份量夠飽之餘，味道亦相當好，所以間唔中都會去幫襯今日中午時份又同兩個朋友去食晏，一人點左一個常餐，我要沙嗲牛肉麵，佢就要薑絲牛肉通粉，常餐仲包咗厚多士，炒蛋/煎蛋配火腿或者餐肉，連凍飲都唔使50蚊，算抵食。另外我哋今日重點多咗西多士同燒賣西多士可選擇煉奶或者糖漿，咁我哋揀糖漿，因為多少可以自己隨意加減，西多士厚身，炸起嚟都鬆化，麵包唔會好硬，亦都有軟熟嘅感覺，上枱已經切好，方便食用。講返個沙爹牛麵 點解咁鍾意食全因為個沙嗲醬，佢嘅沙嗲醬唔係一般茶餐廳嗰種流質嘅醬汁，而係比較固狀，有花生沙嗲香味，浸入湯中後成碗都會食到有醬料粒嘅麵，個感覺好正，仲非常香濃薑絲牛肉通粉嘅薑味都幾突出，湯夠味，唔會淡茂茂，牛肉就亦唔會好老，又幾大碗，加上厚多士，香脆得來唔會焦，蛋亦炒得夠香滑，全部食晒都真係幾飽。雖然如此，但係都忍唔住叫多咗一份燒賣$17有四粒，仲要係大大粒，以肉為主，雖然無鮮蝦，但係加埋辣椒油食，味道都唔錯。凍飲無論奶茶同凍檸茶都唔錯，正常水準。最後埋單每人平均先60幾蚊，喺旺角來講都算相當抵食，飽到捧住個肚走。

每逢想食西多士，民華都係我第一間諗起嘅餐廳🤗 咁啱今次人在旺角，就即刻走咗去通菜街嘅民華食返夠本！去到全間餐廳都坐滿人，好多人都食緊西多🤤 我同朋友勁肚餓，叫咗個常餐 $46、咖哩豬扒飯套餐 $56、西多士 $20、燒賣$17。金黃色嘅西多士，熱辣辣上枱，超正，影完相我同友人都拿拿臨食，西多偏厚身，外皮酥脆，加埋溶化中嘅牛油、勁多嘅糖醬，每啖都好滿足～😚咖哩豬扒飯有兩大塊豬扒，咖哩汁聞落已經知道好夠味，汁同肉嘅份量完全足夠ko成個飯！常餐個人推薦茄湯！我叫嘅係鮮茄叉燒通粉，茄湯酸酸哋好開胃😋 ⁣ 不得不提，民華仲有點心食𠻹㗎，今次口痕叫咗燒賣嚟食，每粒都肥嘟嘟咁，好足料，係茶樓嘅味道啊～如果你鍾意睇我嘅食評，不妨關注我，支持吓我，謝謝你☺️💕

今日適逢仔仔返了學，就同老公撐枱腳，去「民華餐廳」嘆大大份早餐。一入餐廳， 就安排我倆去卡位坐，服務態度熱誠。老公話呢度好多選擇，老公叫咗薑絲牛肉通粉、炒滑蛋午餐肉跟多士同凍奶茶少甜。 通粉係佢鍾意食嘅冇坑紋嘅通粉，牛肉有牛肉味。 炒滑蛋炒得好有大師級水準，好滑有蛋味。多士亦是水準之作，外脆內軟。我就叫咗雪菜肉絲米、煎太陽蛋腸仔跟凍奶茶少甜。 我好欣賞佢個太陽蛋，靚到不得了。 原來「民華餐廳」的西多士係全日供應，最後幫仔仔叫咗個加咗煉奶嘅西多士拎走。 好大件 ，不過，我仔仔可以火速食曬，因為佢話好好味，外脆內軟。

今日諗住同朋友食個飯先再番學，近近地見呢間民華餐廳環境都幾大所以唔使排隊，就決定入去試一試啦😝😝見到痴係牆上面嘅小海報幾得意，所以我地最後叫左兩份常餐+一份西多士share《鮮茄叉燒通粉+火腿炒蛋+即烘牛油多士》配紅豆冰蕃茄湯底蕃茄味濃郁，而且叉燒嘅份量亦都夠多，食極都仲有👍🏻👍🏻而且叉燒肥瘦適中，食落唔會好鞋口，而炒蛋本身已經有少少既調味，所以唔使另外再落調味，蛋亦都炒得好有蛋香，做得不錯🥰🥰牛油多士烘既時間亦岩岩好，熱辣辣既多士脆脆地令我地好快就食完🙈🙈紅豆冰嘅紅豆份量好多，而且椰汁味夠濃，不過少冰後略嫌較甜。《沙嗲牛肉米+餐肉炒蛋+即烘牛油多士》配凍柚子蜜沙嗲牛肉米份嘅沙嗲汁做得幾香，而且牛肉嘅份量都多，而且做得都算嫩口👍🏻👍🏻而且牛油多士都可以加$2加奶醬，所以食客都可以根據個人口味去選擇自己鍾意嘅牛油多士酸酸甜甜既柚子蜜飲落都好開胃，而且都有唔少嘅果肉，令到杯嘢飲嘅口感好豐富🥰🥰 《西多士》聽講呢間餐廳嘅西多士係招牌菜，所以我同朋友都決定叫一份嚟試一試，食落果然味道真係唔錯，做到外脆內軟嘅效果，同埋一上枱嗰陣係熱辣辣，證明真係即叫即整👍🏻👍🏻而我哋叫咗糖漿口味，所以侍應就

民華餐廳我真係成日食，因為佢位於太子，地理位置亦夠方便。裏面的食物款式亦包羅萬有，有即蒸點點心，盎頭飯、一般炒粉麵飯和早餐常餐等。我同朋友經常不想動腦筋就叫了這裏的常餐，沒有想過常餐也要動腦筋！裏面亦有不同的款式要選擇，餸菜方面，包括沙嗲牛肉、番茄牛肉或蕃茄叉燒，面方面可以選擇通粉米粉公仔麵等，果然令人心大心細！另外亦可配上炒蛋、腸仔、餐肉或火腿等。麵包方面亦可選擇白麵包或烘多士，是一個非常吸引的常餐，因為常餐通常冇得揀，但這裏絕對是迎合了食客的需求。另外我們亦叫了西多士，西多士大大件，分成9份。雖然中間沒有流心或夾心效果，但外面炸到金黃色，加上大大塊牛油，非常邪惡！還可挑選煉奶或者糖漿，食完相信要跑四五個圈先減到肥！

以前讀書年代好鍾意食民華，特別係佢嘅常餐，今日難得唔知食咩好，又咁啱有間民華係隔離，睇嚟注定要食佢。常餐叉燒通炒蛋+牛油方包 $46叉燒通雖然common但叉燒質素好重要。叉燒唔會太肥我係最欣賞，當時都唔可以太瘦唔係覺得好唔夠口。呢點民華嘅叉燒絕對唔會令你失望。其次，係個牛油方包，唔哄底都唔會差，反油好夠，上枱仲熱辣辣。常餐茄牛通炒蛋+煉奶牛油多士 $48而另一碗叫咗茄牛通，蕃茄迷唔食，會否太對唔住自己？湯底我覺得可以再濃D，可能我一向鍾意食重口味嘅嘢。煉奶雖然要加$但加落牛油多士上原來真係好正！西多士 $20西多士切為9格，炸得還可以，唔算話好出色，正正常常，但味道唔差。蘿蔔金翅肚 $17平日飲茶就成日叫嚟食，民華仍有部分酒樓點心，所以都叫咗嚟一試。汁料幾夠，味道唔差，但同出面嘅唔會有太大差別。熱鮮奶 +$4印像中算係平嘅加錢鮮奶，絕對抵飲。凍檸茶 +$3正常檸茶，無咩太大特別。🍽7/10🔎 民華餐廳 (旺角)旺角通菜街153-159號華鴻大樓地下C及D號舖

今日又嚟咗太子行金魚街，行左個幾兩個鐘之後肚仔有啲餓，太子呢邊大把嘢食，不過我就最愛茶餐廳🤗咁橋唔使排隊即刻有位，所以食嘢都要講下有冇運仔，好多時經過都大排長龍㗎！佢哋呢度勝在全日都有常餐供應，我地揀咗薑絲牛肉麵和叉燒通粉，淨係睇個賣相都知道好味啦😬牛肉夠腍入味，仲有薑嘅獨特氣味，麵底又唔會太腍，而叉燒半肥瘦，湯又夠味，正！飲品有點少得凍咖啡呢？我自己係環保分子，主動走飲管，叫做為環保出一分力啦！再嘆埋件西多士，你可以揀糖漿或者煉奶，我個人就鍾意煉奶多啲，嗰種甜味特別有牛奶嘅香味，必食推介👆🏻👆🏻大家下次可以試吓吖，冇介紹錯架🤗

上菜快，轉枱快，等左十零分鐘就有位。【咖哩牛筋腩飯】$50飯量勁多，咖啡香濃郁厚，牛腩厚切大件，吾會好硬，牛筋系最正，口感黏滑軟腍。【蕃茄牛肉通粉&炒蛋腸仔&牛油多士】$46蕃茄通系常餐中既招牌，香甜濃郁蕃茄湯，加埋煙韌既通粉好配，不過呢間牛肉就冇東涌果間甘好食，牛肉細碎且冇乜肉汁。【西多士】 $20 有得揀糖漿定煉奶香脆既麵包塗上牛油蘸埋甜滋滋既煉奶好邪惡，食完今晚要跑步。呢到啲點心好抵食，十幾蚊碟又冇加一。【豉椒鳳爪】$17【秘製金錢肚】$17

經過太子金魚街、又來到好多人排隊的民華餐廳、等了一會就有位。這裡的服務員都很有禮貌、值得一讚！五香牛筋腩湯河粉 牛筋腩好軟淋入味、份量不少、我地兩個人share吃都夠。梅菜蒸肉餅飯暖暖的、肉餅甜甜的很好吃！秘製金錢肚幾爽口、不過蘿蔔有點硬。加$16 有魚湯灼菜、菜心好嫩又甜、有驚喜～厚切西多士另外外帶了雪菜肉絲通粉常餐給家人～跟煎雙蛋同烘牛油多士、多士好香脆～餐牌選擇都挺多的、有蒸飯、點心、常餐、粉麵、西多士、菠蘿油等、難怪有不少遊客跟街坊。