民華餐廳

營業中

休息中

星期日去左花園街的民華餐廳嘆返個靚早餐，早上十點幾黎到已經好多客人好熱鬧啦！呢度嘅食物選擇以常餐、即叫即蒸的點心、同港式粉麵為主，快靚正火腿炒蛋配牛油方包滑溜溜的炒蛋好誘人，有蛋汁同蛋香！夾住香軟的牛油方包，就成為了完美的腿蛋治，好好味啊！番茄火腿通粉番茄湯底都幾濃郁，仲有唔少蕃茄粒添！火腿大大條，份量都幾多！通粉更加能夠吸收同掛起蕃茄湯底，好飽肚啊！魚蛋魚片湯河粉一上枱時竟然驚喜地見到有炸魚皮，好香脆啊！河粉一大碗，仲有彈牙魚蛋四粒，同埋美味魚片頭兩塊，份量充足，男人食都一定夠飽！熱奶茶食飽飽梗係要嘆番杯熱奶茶啦！好正宗，奶茶夠香濃幼滑！

民華在不同地區都有分店，咁啱響我樓下有一間，要是我得閒就會去幫襯，最鍾意食佢嘅常餐😋佢嘅常餐（$38）最正係佢的炒滑蛋同多士，炒滑蛋超正就不再話下，佢嘅多士即叫即烘，微焊底，咬落口仲好脆又亂笠笠，之後就非常之鬆軟，牛油亦都搓得好均勻好正啊！茄牛通番茄湯超濃郁，滑牛都好嫩滑，通粉索曬啲湯都好正啊！所以晚餐如果我諗唔到食乜嘢通常都會嚟呢度食個常餐就好滿足了。另外朋友就揀咗一個咖喱牛腩飯（$50）咖喱味濃唔算好辣，都好惹味！牛腩都算多不過偏瘦，飯有啲濕，可能咁啱嗰一煲飯嘅問題，如果飯乾身點就正啦！另外我哋仲點咗啲點心好似燒賣雞扎咁樣，都不過不失啦😝不過以價錢嘅實惠同埋味道嘅水準來講，民華餐廳絕對係令人滿意嘅茶餐廳之一。———————————————————店名：民華餐廳 環境🏝：8/10服務💁🏼‍♀️：8/10 價錢💰：8/10食物質素🍝：8/10 整體🙆🏻‍♂️：8/10 地址：旺角通菜街153-159號華鴻大樓地下C及D號舖

#滋味常餐 $46依到嘅常餐有好多選擇唔似其他茶餐廳咁單一小編揀咗間間茶記都有嘅沙嗲牛肉麵 咁先試到佢地嘅質素呀嘛🤓牛肉好淋 同埋佢嘅麵唔會煮到好淋 小編幾鍾意🤩火腿炒蛋嘅炒蛋超滑🤤而且多士厚得嚟仲好脆👍🏻-#秘製金錢肚 $17依到雖然係茶餐廳 但都有蒸飯點心🤣金錢肚拎到上枱仲熱辣辣金錢肚同埋啲蘿蔔索曬啲汁好入味-#咖哩豬扒湯河 $47一碗河粉有兩塊大大塊嘅豬扒豬扒好腍 而且見到有用黑椒調味煎過咖哩湯底就好香河粉完全索哂咖哩真係好惹味🤤🤤

近年香港茶餐廳及冰室開到成行成市，但唔係間間質素都係OK。民華係我其中一個最愛既。都有一段時間無黎民華食，今日黎開旺角打波，一於就朋友黎食啦。 民華出名既野都有好多，有中式飯、點心，常餐，同埋粉面等。而我既至愛就係常餐，今次都係一樣點左常餐，價錢大眾化，都係46蚊，配鮮茄牛肉通粉炒蛋，及即烘牛油多士。飲品方面因為最近天氣變，喉嚨唔太舒服，咁就點左熱檸檬可樂煲薑，依款飲品唔係每一間茶餐廳都有的。 而我朋友就點了魚蛋河，凍檸檬茶同埋西多士。 常餐絕對係水準之上，通粉有咬口，而且蕃茄湯味濃，足料重蕃茄味，牛肉份量都幾多。炒蛋夠滑，而牛油多士都好脆。飲品方面亦都推介，依個天氣絕對適合飲熱檸檬可樂煲薑，可以紓緩喉部不適。 埋單一人59元，咁耐無食都保持水準，時間同地點許可既話，係我既茶餐廳首選。

最近各大食肆又醞釀加價，我正在頭痛去哪裡吃便飯的時間，民華為我的生命燃起了一點光。我最喜歡他們的常餐，有通粉，炒蛋，多士，飲品4款，就像是平民的4 courses dinner，才$46！這次轉了牛肉米，水準很不錯，米粉爽口牛肉夠稔。煎蛋跟多士都是新鮮有蛋香跟甜香！另外又點了一個招牌的豬軟骨河套餐，豬軟骨有熬了一整天的感覺，入口即溶，河粉的份量也是超誇張，一個大男生幾乎吃不完一碗！另加$16 的魚湯浸菜是超大條的菜心，加起來應該有我平日吃兩餐的菜心份量了吧？菜身鮮亮完全無渣，性價比很高！最後一個餐蛋菠蘿包我覺得是是日最出色，熱辣惹味，上面爽脆中間軟稔，鹹甜交集，完全超越了淨炒蛋的孤獨，一定要encore！服務態度良好，不是一般茶餐廳的水平唷！

難得放假去咗金魚街行街行到攰會地搵間茶餐廳坐低正喎我哋兩個人都可以坐卡位叫咗茶餐廳必飲嘅奶茶同朱古力奶茶OK朱古力都夠甜坐低見到餐牌原來茶餐廳有得叫點心所以就叫咗燒賣同埋章魚肉餅飯咁梗係唔少得要叫常餐啦炒蛋夠滑揀咗叉燒通粉上面有好多叉燒同埋啲叉燒夠入味煮得剛剛好點心食咗一籠原來係唔夠㗎囗痕跟住仲叫咗鵪鶉蛋燒賣其實仲好想食排骨不過冇之後仲叫咗個菠蘿油食好抵食呀$10蚊一個咋都幾大個同埋新鮮滾熱辣所以影完相就忍唔住即刻食晒啦

食茶記，來來去去都係餐蛋麵，奶茶咖啡加件多士，但係偏偏就歷久常新，嗰日唔飲過奶茶唔安樂，離開香港幾日又會掛住，茶餐廳呀，真係不能一天沒有你🤪金魚街嘅民華餐廳，早餐唔會有早餐，午餐唔會有午餐，理由好簡單，因為不論早午晚，任何時段都可以食到至強組合 ，此乃常餐。常餐包括炒蛋多士配組合一件,多款湯底配粉麵一碗，餐茶一杯，非常基本，卻又三三不盡咁變化，自由嘅配搭我就食極都唔厭喇。火腿炒蛋配新鮮出爐厚多士，炒蛋嫰滑，厚切多士脆面熱辣辣，內層鬆軟新鮮，趁熱食真係好滋味。叉燒通粉雞湯底鹹淡適中，蜜汁叉燒甜甜地，撈埋通粉一齊食，味道更出色。呢個常餐早餐食又得、午餐晚餐食都得 ， 所以去到民華唔使左度右度，一個常餐殺曬冇得輸🤩🤩🤩

這天到花園街shopping後，平日會到附近的日式拉麵店歇腳，這天決定在附近走走，看看有沒有其他選擇。在西洋菜街發現了民華餐廳，餐廳出名有質素，價錢大眾化，而且選擇多，那就到這裏開餐吧。 先點了一客常餐，單單是通粉的配料就已經有9款選擇，我點了沙嗲牛肉通粉，火腿炒蛋及即烘牛油多士加練奶以及飲凍茶來吃。 上菜的時間極快，基本上下單不到5分鐘，整個餐便已經送上來了，炒蛋的蛋味非常香濃，口感滑溜，入口juicy，即烘牛油多士非常香脆，加了練奶後味道甜甜的，非常好吃。沙嗲牛肉通的份量不少，牛肉軟滑，帶有陣陣的沙嗲香味，越食越惹味。 章魚肉餅飯另外，朋友點了章魚肉餅飯，味道同樣是非常不錯，肉餅軟滑，更可吃到章魚碎粒，口感豐富，最重要是味道不會過鹹，佐飯一流。 蘿蔔金錢肚金錢肚份量挺多，裝得滿滿的，而且煮得非常入味，味道帶點微辣，但又不辣得搶喉，金錢肚軟滑得來又帶點嚼勁，推介。 五香牛筋腩湯河粉這個河粉非常抵食，碗內放了大量的牛筋及牛腩，牛腩嫰滑，一點都不老及韌，而牛筋入口帶有重重的膠原黏性，河粉滑溜溜，湯底鮮味不鹹。 兩個人大吃大喝，埋單也不過HK$150，個人認為非常抵食，下次會再來幫襯。

餐廳裝修雅致，由牆上中國傳統裝飾點綴，到天花垂落嘅燈，都富有濃厚藝術色彩，新年後開市，當然唔少得揮春炮仗等等嘅飾物，到達餐廳時，已經有唔少人光顧，現場有大圓枱又有卡位，無論三五知己，抑或一家老少，都適合光顧餐廳主打港式菜，午餐時段更有不同午餐，點餐紙上有嘅食物，都可以任點任食，茹素還是喜歡吃肉人士絕對可以盡情大快朵頤足料糯米雞中國傳統。非常足料又大件好抵食。裏邊有條臘腸好有味道。豬軟骨飯豬骨用滷水煲到好腍好容易食，配上他們的飯一齊焗，我要做到色香味俱全。普通市民都可以享受得到。希望復活節再食。😊舅父妗母好開心。

今日和朋友去旺角睇狗狗途中經過民華餐廳 肚子又有點兒餓 又想起美味的常餐就入去吃了～常餐非常豐富$46 (午市價)已經有一碗通粉 炒蛋午餐肉 多士通粉有很多選擇 我選了蕃茄湯底的湯粉非常大碗 蕃茄味極濃 有一粒粒的蕃茄 極之足料炒蛋超級滑身 非常有蛋香 加埋烘了的厚多士 非常滿足朋友叫了個鹹蛋肉餅飯 $41 (套餐價)飯由姐姐拿出來的時候還是很熱 是剛蒸好的狀態 鹹蛋味濃 肉餅超級好吃 加埋甜豉油 又是一人間極品看見了這兒還有點心叫就叫了一籠燒賣 ($17) 和金錢肚($17)燒賣一客四件 彈牙好吃 金錢肚則底下有很多蘿蔔 索滿秘製醬汁正最後埋單$124兩個人 這個價錢可真是物有所值

民華一向多人食，新年期間門口都好多人等位，幸好流轉快，好快有位。 我一般必點常餐，算係高質，組合又多選擇！炒滑蛋炒得香滑，有蛋汁。 餐肉係煎嘅但腸仔係烚嘅，煎埋腸仔會香口啲。方包轉多士唔駛加錢，加$2加左一份果占一份花生醬，係搽滿多士，唔會hea。沙嗲牛麵同叉燒通粉好快就上枱，大大碗，湯底唔會太咸，咸度適中。飲品可以補差價飲特飲，加$4就有檸樂煲薑，估唔到有大量薑絲同三片厚檸檬，飲完喉嚨好舒服。加$5有咸檸七，原罐七喜同一整個咸檸檬，多冰好飲。新年期間去飲茶係新春價，貴到爆。 心思思想平平地食吓點心，呢度有七款，都係十幾蚊咋。山竹牛肉夠大球，不過唔多夠彈牙！

每間茶餐廳/冰室幾乎都有常餐 但絕對唔係間間都咁好味！ 今次呢間係我最愛既民華常餐😍.蕃茄叉燒通粉腸仔炒蛋 牛油多士民華既多士特別好味架！好軟熟好香🤤烘多土熱辣辣 外脆內軟 牛油融化係多士上好好食好香😋炒蛋嫩滑 雞蛋味濃 炒得剛好！不得不讚民華既蕃茄湯底真係好出色🍅濃郁得黎唔會太杰 亦唔會太酸 好開胃 湯底仲有蕃茄粒😆通粉煮得剛好唔會太淋👍🏻叉燒肥瘦適中仲好夠味 似蜜汁叉燒咁 仲有好多塊😆大滿足💯👍🏻糯米雞 越食越發現到驚喜😍因為係超級足料材料勁豐富！💕除咗冬菇、肉碎、鹹蛋黃，仲有雞翼！三塊叉燒糯米雞入面仲有啲醬汁 味道更豐富🤤糯米蒸得生熟剛好好 有咬口 黏黏的質感 仲好香鍾意食糯米雞一定要試下民華！西多士 呢個不得了🤤民華本身用既麵包就好好味所以用黎整西多真係十分正😆👍🏻蛋香濃郁十足 配埋煉奶 牛油融化入麵包🤤外層酥脆 麵包內鬆軟 好高質 推介💯👍🏻

難得今日唔使去拜年就同老公出去搵晚飯食行過呢邊好多選擇，又多人唔知揀咩好正當諗起澳牛嘅茶餐時候，就發現左呢間嘅常餐貼左係門口，賣相好吸引見到入邊都好多人，又有人嗌外賣，最後都係等左唔駛5分鐘就有位我就叫咗常餐試下，老公嗌左咖喱牛筋腩飯其實佢常餐都好多配搭選擇，我最後叫咗沙嗲牛通粉，午餐肉炒蛋多士，然後我發現餐牌有檸樂煲薑，好耐冇見到餐廳有呢樣嘢飲喇，好驚喜呀即刻加唔少分😆😆佢嘅多士係厚切，麵包好鬆軟烘得啱啱好炒蛋都夠滑牛肉通粉呢睇佢個樣好似冇乜味咁，原來又唔係，而且個湯底唔似係清湯，我好似飲到有其他配料味添而老公個咖喱牛筋腩飯賣相好得隻蛋鋪喺個飯上面好得意牛筋牛腩夠入味，咖喱汁入邊有洋蔥青椒配料好新鮮👍🏻仲有佢個奶茶同埋檸樂煲薑好正食完個飯，我見到牆上面嘅西多士忍唔住叫咗一碟🙈真係外脆內軟厚，趁熱正呀😋

今日同同事揀咗民華餐廳食開年飯！驚晏左會好多人，所以我哋12點就去到已經差唔多坐滿晒人，好彩唔使點等就有位😎一坐低先叫個民華最出名嘅常餐😆😆常餐可以自由配搭番茄/沙嗲/薑汁牛肉通😳仲冇常見d嘅火腿通同雪菜肉絲米等，好多選擇！👍🏻👍🏻👍🏻餐廳叔叔見我哋左揀右揀，就話我地知茄牛通最多後生仔叫，即刻跟！👯‍同事就叫左廚師推介嘅豬軟骨飯，貪心嘅我哋仲叫埋兩個點心一齊share！餐廳嘅上菜速度非常快😂常餐一上枱見到厚厚嘅多士🍞即刻滿足感大增炒蛋仲非常之滑！👍🏻👍🏻跟住輪到主角茄牛通，牛肉意想不到咁滑🐂蕃茄味🍅亦都非常足成個湯飲晒都唔會覺得口渴!呢份常餐非常足料，可以飽足全日🤣豬軟骨飯豬軟骨非常入味，又夠淋，個汁仲非常好送飯！🍚🍚🍚鵪鶉蛋燒賣同雞扎絕對拍得住茶樓嘅質素而且只係$17一碟真係抵過好多大酒樓！👍🏻👍🏻鵪鶉蛋燒賣仲做得返兒時嘅味道,絕對不能錯過!🤤🤤另外值得一提嘅係連凍檸茶都做得好好，茶味非常夠！難怪呢間茶記平時成日都排長龍果然係有質素嘅保證！

茶記係香港人飲食嘅一個重要部分，一碗牛通加烘多士加炒蛋不知令幾多個心靈同肚腩得到溫飽。我細個唔鐘意茶記通粉，總覺得個湯淡而無味同成碗通粉一樣無味道，但又大大碗，食唔曬又俾亞媽話⋯⋯今日去到旺角食特餐，佢標榜自己個蕃茄湯非常濃郁同埋個炒滑蛋一齊食更加相得益彰，咁就當然要叫佢啦！鮮蕃茄牛肉湯，番茄湯底又真係幾濃，仲有幾件蕃茄起裏面，牛肉片都算幾嫩件多士好厚身烘焗完外脆內軟，加上邪惡嘅午餐肉同炒滑蛋，直係冇得輸。好耐冇飲過熱杏霜，佢似乎用幾足料。