民華餐廳

營業中

休息中

炒滑蛋同烘多士絕對係易整難精嘅茶餐廳食物，雖然好多地方都有但就唔係間間都好食今日去開旺角寵物街替我嘅愛女添置糧草，掃完貨指定動作係去我最愛嘅〈民華餐廳〉食即烘多士同炒滑蛋。店內環境光猛，而且衞生情況令人滿意，正值午餐時間，座無虛設呢。絕對推介〈即烘多士〉，熱辣辣外脆內軟，加上份量適中嘅牛油，絕對係民間最高享受〈餐肉，炒蛋，即烘牛油多士〉乜都唔使講，首先點個〈常餐〉！！除了必點既〈即烘牛油多士〉同〈炒滑蛋〉，我還選了邪惡的餐肉。〈即烘嘅多士〉完美的外脆內軟，外層烘得剛剛好不會濃掉，牛油趁熱塗上後立即融化與多士融為一體，絕對是茶餐廳中平民的最高享受。〈炒滑蛋〉不讓多士專美，炒得夠嫩滑之餘蛋味亦非常濃郁。若要選的話，真的不知應該讓多士定還是炒滑蛋當冠軍了。😅😅😅〈鮮茄叉燒米粉〉絕對係衝住佢嘅鮮茄湯而吃除了叉燒外還可以選擇牛肉或火腿，當然亦可選傳統的榨菜肉絲或雪菜肉絲，任君選擇和配搭。鮮茄湯底濃郁就不在話下，酸酸甜甜的湯底內有真正的茄蓉，非常開胃又好味〈凍朱古力〉另外仲有必飲之選~凍朱古力！！店家真係一啲都唔手軟落咗好多朱古力粉，超濃郁的絕不會水流流。〈梅菜肉餅飯〉老公話想有飯到肚，所以點了蒸

放工去金魚街買嘢，出到太子已經好肚餓，咁我唔餓得㗎嘛😂都係搵啲嘢食先再行，好耐冇食過民華喇，以前最初開嘅時候成日都會食，呢到食物ok，但怕佢成日太多人太多遊客太嘈太迫，而家要隔一段長時間先鼓起到勇氣再食過。次次嚟到都係叫返佢地嘅常餐，反正食極都唔會厭又好味😋仲見證住呢個常餐由28蚊加到今時今日46蚊。- 可以揀腸仔/火腿/餐肉。- 厚切多士烘得好，熱辣辣，軟棉棉。- 炒蛋唔夠滑，有啲過實，但味道唔錯。- 蕃茄叉燒通粉蕃茄湯幾濃味，叉燒大舊啖啖肉。- 熱檸茶正常茶記質素，茶底唔錯，不過今次呢杯有少少澀味。

今日同事推薦到附近既呢間民華食lunch1點9來到，好快就有得入座 唔洗等位同事推薦呢度既炒蛋冇得頂，我都試下個常餐先叫左我最愛既沙嗲牛麵，火腿炒蛋同凍檸水，盛惠$46一入口 個炒蛋蛋香好濃，多士香脆，落order果陣記得講要多士炒滑蛋真係好好味呢，下次黎一定有encore!沙嗲牛麵都係用大光麵，檸水不會太甜剛剛好整體而言呢個lunch都幾滿意唔洗等位，美足不中既係舖頭好多人，有時叫d姐姐落單要等一等，不過呢點都係正常的，而且佢地做野都好快手

Lunch係每個打工仔休息嘅時間，所以一餐好嘅午餐，係唔可以缺少嘅！喺太子返工嘅好處就係選擇多，而且價錢平，而喺我公司附近嘅民華，就係永冇甩拖嘅all time飛佛。雖然有啲唔環保，但感覺乾淨衛生。蕃茄湯叉燒常餐係例牌，一個永遠唔會令人失望嘅組合。加咗兩蚊花生醬，好濃郁嘅花生醬加埋熱烘烘嘅多士，外脆內軟，好味❤️蕃茄湯好足料，食得出唔係普通茄醬加水，而係有用心煲過嘅。叉燒半肥瘦，入口岩岩好，唔會太膩或者太鞋口，所有野都好perfect池。食飽飽又係時候返返工作嘅地獄，好想快啲放工呀

到旺角辦年貨，先來一向質素穩定的民華醫肚。平日多來食常餐，炒蛋挺滑，薑絲牛肉通是我至愛，一定飲盡薑湯，很夠味。但今天卻想食飯，就點個皇牌推介～咖哩牛筋腩飯，再來兩個點心，這兒選擇真多，仲有蒸飯，好豐富呀。 兩款懷舊點心做法也很傳統，鵪鶉蛋燒賣用整隻鵪鶉蛋，雞扎內有豬肚及芋條，味道跟一般酒樓差不多，但價錢實惠 $17-$18，真抵食。 咖喱牛筋腩飯$47，轉套餐 $56，若果像我般要檸蜜便再加$2。咖哩香濃不太辣，牛筋特別美味，跟咖哩汁腍滑惹味，還有隻太陽蛋跟飯，吃得很滿足。

太子區嘅茶記競爭激烈，無返咁上下功夫如何能夠佔據市場，當中嘅民華餐廳數一數二，人氣之旺看看每天不定時的人龍就知道。民華餐廳最熱門的就是以常餐做的主打，不論你早午晚市到來，常餐的自由配搭都是全日供應的，分別是不同時段的收費。其實常餐不㚈是炒蛋配多士，另外可自選餐肉、腸仔或火腿，麵底就有通粉、意粉或米粉，事實都系嗰啲大路野，但民華勁在厚多士外脆內軟，水準極高。茶記同時提供熱門點心， 當你想吃雞扎、牛肉、燒賣之制，一樣可以歎到港式奶茶同咖啡，呢個中西配搭，絕對滿足到我呢啲得一想二嘅為食鬼🤪

常餐食得多民華的常餐選擇好多淨係湯底都有幾款簡 有原味，蕃茄，沙嗲連個餸都有好多唔同選擇 有火腿，餐肉，叉燒，牛肉蕃茄控的我定必點蕃茄湯配叉燒通粉一上檯個湯底好紅 蕃茄味好濃 又唔會太咸 不知不覺飲左好多啖叉燒份量多 而且是半肥瘦 好岩大眾口味炒蛋配上烘底多士令人食極唔厭個炒蛋好滑 應該加了牛奶執炒的 很值得一試見到呢度有點心叫好特別 好少茶餐廳會有點心食 所以即刻點了一盤點心來試下點了金錢肚原來點心是用碟上 不是用竹籠上的點心的味道不錯 同酒樓的質素有得揮 口痕想食下點心的朋友可以叫黎食下

旺角的確是食肆多、中日意法菜等選擇夠多，但有時候都想食返傳統香港茶記，搭枱嘈雜位窄上菜快 非常香港style 〜 今晚同朋友去食民華餐廳，要左一個例牌常餐(雪菜肉絲、腸仔蛋、多士)，慣常嘅味道，無咩驚喜，亦無失望，無伏。值得一提的是，第一次叫的魚湯魚蛋河粉，上面搭左幾塊魚皮，咬落香脆之餘又惹味，鹹鹹地配埋魚蛋粉，十分開胃加多杯鹹檸水，又平又滿足嘅晚餐<3魚湯魚蛋河粉普通常餐二人埋單，食飽飽 100蚊都唔使〜非常多街坊幫襯，祝客似雲來

早餐即係午餐，午餐即係晚餐，晚餐即係常餐，其實睇下你點睇，簡單來說，幾時都有得食嘅就係叫做「常餐」😬常餐有九款配搭選擇，另有三款不同配菜揀，再揀埋你喜歡的凍/熱飲品，這就是經典的港式🇭🇰茶餐廳文化🍴呢間民華餐廳人氣爆燈💡今日咁好彩比我坐到個卡位，直情係好似中咗六合彩咁😬落咗order唔使三分鐘，全份常餐就已經送到你面前，呢啲咪效率囉，即炕多士鬆軟無比，記得趁熱食啊，仲有香濃咖啡☕️我揀咗薑絲牛肉通粉，牛肉夠林又入味，特別喜歡佢哋嘅薑絲，唔係度度茶餐廳有㗎😋湯底夠味又唔會太鹹，通粉彈牙，嚟呢度食嘢經濟又實惠，簡單一句快靚正👍🏻

茶餐廳一定係我最愛，今日難得假期瞓醒覺就梗係諗下食咩好啦，突然間想食茶餐廳嘅常餐，見到屋企附近又有間餐廳新開左喎，就梗係落去試試新野啦，雖然只係一個常餐，但係效率同埋速度真係超快呀一坐低已經可以準備落班啦，今日食咗個番茄叉燒湯通粉，配有牛油多士，同埋腸仔蛋。蕃茄叉燒湯通粉，酸酸甜甜，好滋味，而且通粉唔會好淋身，爽口又彈牙，多士配牛油簡直係一絕啦，充滿牛油嘅香氣，而且仲要係用口多士，充滿口感啊，蕃茄叉燒湯通粉,酸酸甜甜,好滋味,而且通婚唔會好林生,爽口又彈下,多士配牛肉簡直係一絕啦,充滿牛油嘅香氣,而且仲要係用厚多士,充滿口感啊,炒蛋充滿蛋味而且又滑身， 10分香口，叉燒半肥瘦，唔會好乾身又唔會鞋口，真係越食越惹味。我哋仲叫咗個山竹牛肉點心，山竹牛肉充滿牛肉味，燒賣爽口又彈牙，而且粒粒都咁大粒，入口充滿豬肉嘅香味，雖然係啖啖肉，但係一啲都唔會覺得好肥膩，而且新鮮熱辣啱啱升起，估唔到普通嘅茶餐廳，都可以做到酒樓嘅水準，一個早餐真係十分之豐富。

農曆新年將至，今天特意出女人街買華服用嚟拜年，順道行旺角。行下行下覺得又餓又攰，揀咗去民華食野兼休息下。餐廳出面係外賣部，有餐牌可以睇咗食咩先。去到既時候有少少人等緊，不過好快就入得去。每次嚟都必點常餐（$46）😃，今次揀咗番茄牛肉通粉、火腿炒蛋同牛油多士，配埋薑檸樂（加$4）。杯薑檸樂好足料，有成3塊檸檬，仲有好多薑絲，飲落好重薑味👍番茄牛肉通粉既湯底濃郁，仲有大大粒新鮮番茄，酸酸甜甜很是開胃。至於牛肉就淋得嚟又入味，不錯！個人覺得呢碟牛油多士同火腿蛋擺到好似一間屋，好得意😆蛋炒得好香好滑，火腿就有少少鹹，同炒蛋一齊食可以中和番d味。常餐以外仲點咗充滿兒時回憶既西多士同鵪鶉蛋燒賣，兩樣都係好邪惡但自細已經鍾意食既野🙈西多士（$20）炸得金黃，一路望住塊牛油慢慢溶化既過程好治癒。每次食都一定要等西多士吸滿牛油同糖漿至一口咬落去，滿足！初時以為鵪鶉蛋燒賣（$17）只有肉和蛋，估唔到仲有蝦呢值得一提的是雖然食客多但食物上得頗快，服務不錯！

旺角的茶餐廳林立，一落街幾個舖位就有一間，但都經常爆滿，就好似這間在金魚街內的民華餐廳，11點後有常餐供應，亦都有中式點心及飯，選擇較多。燒賣豬肉較多肥油較少，所以整體較結實。鵪鶉蛋燒賣味道同燒賣差不多，下面都墊著支竹。鳳爪排骨飯上面舖滿著排骨，排骨肉多骨少，而且醃得入味又夠腍，白飯夠爽口。薑絲牛肉通粉配腸仔炒蛋及多士多士烘至香脆，炒蛋幼滑，牛肉加了薑絲後打去掉肉騷味，肉腍而且有差不多七至八片，通粉幾爽口。最後飲埋杯餐茶，十分滿足。

太子區嘅民華餐廳，係香港人或者旅遊打卡熱門地點，好多旅遊書或旅遊達人都有介紹，所以每日都大排長龍，唔試吓又點得呢😬無時無刻都大排長龍，已經係港式文化之一，其實流轉快，俾啲耐性好快就到😚選擇方面，簡單又多元化，必試常餐，有多種配搭，馳名菠蘿油、火腿炒蛋菠蘿包，值得一試👍🏻我嘅至愛薑絲牛肉麵，咪睇簡簡單單幾條薑絲，佢獨特嘅氣味就已經唔特別醒神😋即烘多士，一定要趁熱食，脆香的外層，裏面有超軟熟又夠香，唔簡單㗎😝佢哋嘅凍飲都好有水準，特別係凍咖啡更加係我自愛，正👍🏻

晨早起身去行山，為了有足夠的體力，先去了附近的民華餐廳食一個豐富的早餐。餐廳早餐時間都座無虛席，除了有茶餐廳的粉麵早餐外，還有中式的蒸飯及點心，選擇甚多。鮮茄牛肉通粉+火腿炒蛋+烘多士+熱咖啡鮮茄湯底味道濃郁，通粉爽口帶點彈牙，不會煮到太腍及糊口，牛肉份量頗多，而且是新鮮的滑牛，肉腍有肉香。炒蛋煮至剛熟帶點蛋汁，蛋香且滑，火腿亦略煎至表面帶金黃，多士烘至鬆脆，整體份量十足，十分豐富。咖啡就不過不失。

從前在旺角上班，金魚街附近的茶餐廳吃早餐。這星期六的早上去旺角，經過民華餐廳，想起這裡的番茄通味道不錯，便想回憶一下往日的味道。點了鮮茄牛肉通粉，番茄湯香甜味十足，牛肉滑身火腿炒蛋多士走牛油-炒蛋滑溜有忌廉香，火腿也稍稍煎了一下，配上烤得金黃的多士，十分美味。這裡早餐配搭款式多，味道不錯。凍奶茶茶味香濃，茶與淡奶比例得宜。這裡亦有點心及各式飯類選擇。餐廳位於旺區，經常都要輪候，店員會安排入座，這裡食物味道不錯，性價比高，值得一試。