民華餐廳

營業中

休息中

原本想去另一間，但太多人排隊，想食個常餐又覺得未去到值得花太長時間等，就行後一條街黎呢間食。呢到都多人，不過唔洗點等就有位入，座位就同一般茶餐廳一樣較為迫狹，不過，錯有錯著，估唔到呢到常餐款式配搭有咁多，而且，餐牌好清晰，有齊圖片比你睇點揀， 值得一讚。鮮茄牛肉通粉配午餐用炒蛋 $46 蕃茄湯蕃茄味好濃，唔稀，酸味岩岩好，好開胃，都有幾舊蕃茄食。牛肉就有5塊左右，無咩筋同滑口。厚多士就有2塊，烘左同搽牛油都幾多同平均，唔錯。沙嗲牛肉通粉配午餐用炒蛋 $46沙嗲就較為淡口，沙嗲香味好夠好出，但食落就無咩味道。

夜晚飲茶，好唔好？糯米雞入邊材料豐富，除咗冬菇、肉碎、鹹蛋黃等，仲有隻雞翼㗎，同埋每一樣都好入味，高質！糯米味道濃郁，黏黏地嘅質感，唔會冇咬口，蒸得啱啱好！今日至愛啊！我係食到一粒米都無剩啊🤤.牛肉球好juicy，下面果層腐竹索晒啲精華，食到我舔舔脷😋😋鵪鶉蛋燒賣就一般般啦，唔係幾鍾意果陣肉味🤭怪怪的。.略嫌座位係有啲迫，但上菜速度好快，等左5分鐘就有得食。其實都好多人排隊，我食得食得慢，又唔冇趕我走😂

係平日既午飯時間唔想食太貴既野就揀左依家翻焯左好多次既冰室。一如既往我都係例牌叫個常餐可以食好多種類既野。我揀左番茄牛肉通，餐肉炒蛋配牛油多士加杯熱奶茶 都係$46番茄通個湯底真心正，十分番茄，牛肉唔太大舊同un。次次都會叫茄底！餐肉同炒蛋都係standard ok，再想講佢個牛油多士真心正。非常厚同脆，入面既牛油搽得好均勻，次次都keep到水準，唔怕肥既灑啲沙糖上去真係會喊。另外熱奶茶都好正宗，好滑，奶同茶比例完美！依家其實最抵讚既係個西多士，好厚，配煉奶非常邪惡，入口即溶不得了。可惜依家長期好多人，坐得超迫同唔舒服，要避免繁忙時間黎！

點咗個餐，杯熱檸水檸檬唔新鮮無檸檬味都算啦，仲苦過飲苦茶，麻煩個侍應幫我換過杯，個侍應就鬧人，又話下次諗清楚先落單呀，又話個個係咁落完單又轉唔得掂呀，又拉開個櫃桶話呢度大把糖，叫我自己落到夠，come on , 點解我要轉呀？如果我要為咗你嗰一杯唔新鮮嘅檸檬落糖嘅話，恐怕唔知要落幾多包，或者不如我直接飲白砂糖加水啦 ! 我嚟食早餐，唔係嚟俾人鬧囉唔該 !

冰室愈開愈多就通菜街已頭尾數間冰室茶餐廳一直覺得餐廳要選好吃的必定以常餐為準好吃的常餐 要有美味煎蛋一碗沒有坑紋的懷舊湯底通粉牛也好火腿也好加上熱騰騰新鮮的牛油厚多士鬆軟之餘要脆口 透出牛油香味要做得到 要數是小時常吃的三盞燈再來華星也還好 但民華的薑牛通卻是令人念念不忘常餐之選薑的味道是不可或缺的牛是有點嚡 但湯底打救湯是會喝去半碗的有點心也有菠蘿油也有盅飯香港人真的很貪心 但我喜歡每樣也試一點也只有在香港茶餐廳才不會被人詬病吧菠蘿油作結又是美好一天

行完天光墟，又搵地方食早餐，今日行前小小食民華早餐，最愛都係個常餐，早餐時段平幾蚊以前有薑絲豬膶通，唔知幾時開始無左，唯有食薑絲牛肉，鮮茄湯都可以，唔會太假，得陣茄膏味最鍾意呢度個厚多士，飛邊，牛油搽得幾好，個餐肉煎過，幾香口，不過凍左，炒蛋抄得幾滑，但蛋味唔夠。而家好多茶餐廳嘅奶茶都係多奶，唔知係咪奶多就滑D，滑呢樣野係靠技術，唔係奶囉！由於多奶所以好淡。叉燒唔得之外，個蕃茄湯係適中，唔會假同太重茄膏味，個麵唔太淋，可以。薑絲牛肉通，有新鮮薑絲，所以個湯底係有薑味，D薑絲唔太辣，食埋都得，牛肉唔老，不過牛味無咩，通粉就淋左小小，整體都好食。貴錢中上，唔算平，但旺角係咁上下。比同音間餐廳好。

一唔留神就會將「文華」同「民華」撈亂，前者係前排試左認為麻麻(仲改左名叫「敏華」?!)，後者睇相已覺唔錯，食完已經諗緊下次幾時encore。多士 - 靚仔、火腿有誠意地煎過。炒蛋 - 蛋既鮮黃色、味同「濕度」都同太興一樣，喜歡，係份量爭少少唔夠送多士。茄牛通 - 茄粒得幾舊，牛就慷慨既，而且唔會un到每啖都咬唔開。奶茶 - 味道可以但偏稀身。雖然常餐黎黎去去都係果幾款野，不過呢間選擇稍為多dd，有時就係呢少少令人想再幫襯，如「粉麵」可揀蕃茄湯底，若果加埋意粉/米粉既話更完美！餐牌既設計亦值得一讚，連圖好清楚比客人知道有咩揀/要揀幾多樣野，落單都順暢d。

難得放假了, 下午要陪屋企人出旺角, 又要諗下食乜好。結果諗起金魚街的民華, 仲有民華的常餐! 雖然每次都係泊外面只得半小時的咪錶位, 但食一個常餐的速度, 剛剛好啦。香港人的效率及速度超快, 生活節奏也快, 一坐下已經可以落單了:蕃茄叉燒湯通粉多士多牛油煎太陽雙蛋屋企人:蕃茄牛肉湯通粉多士多牛油煎火腿太陽蛋蕃茄湯夠熱又濃味, very good 呀!叉燒少少肥, 所以唔會鞋。通粉仍是粒粒又爽又彈牙 (好怕食 D 煮到又淋又爛的通粉!)唯一要挑剔的是蕃茄是連皮的, 吃起來有點麻煩。多士仍是以往的厚厚多士, 充滿牛油香, 至愛!煎蛋是用上大大隻的蛋, 蛋黄是鮮橙色的, 又香又滑!凍檸茶少冰少甜, 茶味香濃, 檸檬也是足夠的多, 茶也沒有苦澀味, 好飲。下次一定再來! 強烈推介常餐!

旺角茶記黎講 民華係小編最愛😍除咗有出名常餐 仲有點心、咖喱飯等選擇😚味道都係十分之唔錯！！🌟-蕃茄叉燒米粉配火腿炒蛋 之前都係食通粉 今次轉米粉🤨但呢間米粉嘛嘛地 都係通粉好味啲🤫叉燒都有好多塊 半肥瘦的(｡･ω･｡)而蕃茄湯底酸酸甜甜好開胃 仲有好多蕃茄粒係入面 味道都算濃郁😝牛油多士超正 多士厚厚 而且烘得外脆內軟😍熱辣辣牛油滲曬係多士到 每一啖都食到牛油🤤炒滑蛋更加唔洗講 又滑又香 超滿足既常餐😆-咖喱豬扒飯 本來對民華既飯無太大期望😳仲驚伏 因為覺得民華係以常餐為主🤔點知一黎到賣相超吸睛🤤味道方面👇🏻咖喱好香好濃郁 唔會辣但好惹味仲帶點甜😍超鍾意！推介！💯薯仔仲要好淋好入味😋豬扒方面都好大塊好香而且肉質好淋😋！重點仲要飯上面加咗隻煎蛋 蛋黃係流心半熟的😍加埋咖喱汁⋯世界級正唔誇張真係估唔到民華既咖喱飯咁出色！👍🏻

我最愛食茶記今日去揾朋友之前，去左附近嘅民華餐廳飲返杯熱奶茶好耐之前食過一次，唔係太記得好唔好食。而今次叫左沙嗲牛通，味道還可以，不過如果配公仔麵，我諗會比較夾跟餐有多士、炒蛋、午餐肉。多士都幾好食，味香又脆最期待係熱奶茶，果然香港茶記嘅熱奶茶係最好飲

作為常餐熱愛者，由華星食到新康年再黎近日常去的民華餐廳。無論幾點都可以食到常餐，而且配搭豐富，不會悶。話雖如此，但我每天都是點同一樣組合。鮮茄火腿米粉+餐肉炒蛋+牛油多士+凍檸茶鮮茄湯底茄膏比例多，加上鮮茄蓉，稍為偏酸。火腿份量多，滿足。炒蛋質素中上，份量不算多，但完全做到半熟效果，蛋香又滑溜。牛油多士每次牛油份量適中，麵包烘得好平均，而且很脆。凍檸茶就一般般，檸檬有4片合格。但沒有茶香，而且過甜。埋單：$46 一般價錢，但質素俾足。

星期六係太子站附近揾食物醫肚，發覺通菜街周邊也有好多茶記，結果就揀了民華，這是我第一次去民華，後來才從網站看到民華原來也有幾間分店。今次點了我最喜愛的常餐，有炒蛋多士煎午餐肉和叉燒通粉。炒蛋夠滑，畧嫌份量較小，餐肉也是有點薄，沒有口感。多士就我最欣賞，絕對做到外脆內軟，如貼係座位那張廣告一樣，水準不錯，很少茶記做得到，值得一讚。常餐嘅叉燒通粉，味道評價為合格。熱檸茶係一般茶記的水準，因個人不好奶茶，否則應該飲奶茶會更好。民華收$43一個常餐，以這水準來説，價錢是合理的！

依家文華茶餐廳都去過好多次最好食嘅當然係佢嘅15餐有腸仔炒蛋多士番茄豬膶通粉亦都係我嘅最愛我亦都試過佢嘅牛腩飯咖喱牛腩飯的確係幾好食其他點心亦都可以一試燒賣金春旦鳳爪排骨飯都係幾好食尤其是佢嘅凍檸茶凍奶茶都係唔錯嘅不過最好食嘅仍然都係常餐所以首先推介嘅就係常餐通常我會叫炒蛋啦腸仔啦火腿啦而且佢番茄湯底嘅通粉啦亦都非常之好食嘅公仔麵都好食不過就減肥嘅人呢就可能通常會揀通粉佢嘅鮮茄牛肉通粉啦同埋佢嘅豬潤通粉都係好食嘅

一心見到推介寫食西多，而且仲有傳統點心食，就滿心歡喜黎試黎到民華，當然要叫常餐試下啦，叫左個茄牛通，配多士同腸仔炒蛋，茄牛通同一般既唔同，唔係一味得茄膏，有新鮮蕃茄，牛肉亦都唔韌，多士好厚身，炒蛋亦都炒得好滑，質素比一般常餐高，絕不hea底之後點左份懷舊點心- 鵪鶉蛋燒賣，同一般舊式酒樓味道差唔多，無特別大驚喜接住落黎就係重點啦! 西多士! 依度比較特別，唔係配糖漿，而係配煉奶，多士非常厚身，炸粉一d都唔厚，切開後，可以清晰見到西多士分3層，上下為炸既表面，中間係比較淋身既方包，外脆內軟，配合埋一大塊牛油係西多左上面，邪惡至極點😈由於份量較大，一個人未必食得晒，建議二人share無咁heavy

是日胃口麻麻, 想食D開胃D嘅野~又想食常餐~ 所以決定去民華餐廳食茄牛通~常餐($43) 叫左茄牛通, 腸仔炒蛋配多士~ 田走(姐係阿華田走糖加煉奶), 咁樣飲會滑D嫁!~腸仔好食, 但應該係白烚的~ 冇煎炸過嘅~炒蛋好味! 滑, 又香蛋味!我中意放係多士上面一齊食, 牛油多士香脆, 配左炒蛋嘅香滑, 冇得頂!不過如果有人唔中意咁食, 我見佢可以加$2要多隻醬, 姐係可以加果占/花生醬/煉奶~蕃茄牛肉通粉個蕃茄湯! 真心濃湯來! 完全濃到係實色, 冇半點透明嫁!真係勁蕃茄!!!  而且入面都真係有一舊舊嘅蕃茄肉!牛肉, 我諗有5-6舊~ 好食! 係新鮮牛肉來! 冇用粉"也母"過!