正記川粵菜館

營業中

休息中

今日帶咗屋企人嚟試位於逸東邨嘅正記 貪無咁多人 屋邨泊車又平 非常方便正記川菜粵菜作為主打我哋叫到一枱都係嘢食 埋單價都係540蚊 真心底原條水煮桂花魚 麻辣味超香 桂花魚肉超滑 完全冇骨 啖啖肉鹵水拼盤 鹵水汁味濃 食材超入味 本人超鍾意朱大腸 和鹵水豆腐沙薑雞 職員話係用新鮮雞做 雞皮超滑 雞肉彈牙 仲有陣陣沙薑嘅香味 好吃油泡田雞 田雞醃製得好入味 配合時令蔬菜 一齊爆炒 好有鑊氣 送啤酒一流椒絲腐乳通菜 非常惹味另外還點了 椒鹽九肚魚 和 鹹魚雞粒炒飯 但忘記拍照

我不是食家，下午放飯通常會來此叫碟碟頭飯，原因當然係夠平，係東涌都好難搵度間平價食店。琴日見到隔離枱碗泡飯，睇落好似幾得，今日心思思又心掛掛，所以叫咗碗蠔仔泡飯。泡飯黎講，用四十蚊居然可以食到咁大碗已經好底，居然仲有例水同凍飲，絕對大膽講句係超值之選！碗裡除左湯飯，仲有大量帳卜卜嘅蠔仔，又紫菜，又冬菜真係好好味，其實冬菜絕對可以提鮮，另成碗嘢去到更加高既層次。雖然地方極為地踎，但為咗食平尐尐同蠔仔泡飯 ，我會再來而唔叫碟頭飯。

在東涌行山，落山就搭車出東滿覓食，落車多走幾步就見到這間大牌檔座無虛席，便決定要試試。點了一品煲，裏面的海鮮超級多，有蝦、帶子、鮮魷和魚肚，帶子和鮮魷有超過五粒以上，物超所值。另外燒肉不會很咸，肉質鬆軟，不過有點肥。口水雞的味道很好，咸味適中，愈食愈辣。面頭的蒜蓉，辣椒和青椒爆得野味，辣辣地，又有濃濃的蒜蓉香，很好餸飯。雞肉肉質嫩滑。水煮牛肉很大鍋，份量多，牛肉嫩滑，味道又辣又麻。愛辣的朋友記得要多食配菜，芽菜和酸菜愈食愈辣，滿滿地吸收了麻辣汁，辣得十分過癮，又不會太咸。

太好吃了！還沒有來得及照片已經被瓜分了，香滑濃郁的蛋香加上粒粒肉碎，蛋面上灑上蔥花和老醬油的味道，這就小時侯我最愛蒸蛋了。隔一段時間就想來吃一次！加上一碗白飯，大滿足啊！

係逸東商場其實真係冇咩選擇，好彩隔離既村屋有小菜食下，有時會同屋企人去食下講環境先，正記有分室內或室外坐，室外主要for吸煙人士，亦會有蚊香點係枱底有大電視播tbb你睇若你怕悶，不過其實周遭環境好嘈你係唔會聽到聲除非你係電視底下，所以睇字幕吧啦！講小菜，我最愛係金菇肥牛粉絲煲同埋黃金蝦，一黎全部係我最鍾意食既野，二黎逸東商場某某茶餐廳係冇前者小菜佢既小菜都算有啲鑊氣既，想啤啤佢既朋友可以叫下啤酒飲，唔想飲酒既朋友咪飲茶飲汽水都得姐整體黎講，對於比較少小菜餐廳既逸東黎講，算唔錯架喇！

東涌食市唔少，但呢度肯定係數一數二。。環境舒服。室内冷氣夠，食煙座室外亦凉快，食品美味。推介沙薑雞，水煮牛，仲有必食煎肉餅送啤酒一流。。營業至3点岩晒我地d夜鬼。大排檔式餐廳有特色。。員工態度友善。。希望保持住啦。

今天係母親節喺道車媽媽祝天下母親幸福快樂,我亦慣例一早跟車婆婆吃了一頓普通但窩心的晚餐,只在屋企附近的正記川粵菜館今次沒有吃辣(沒辣腳)叫了一般的小菜質素尚算不俗啊~先來車婆婆最愛吃的"雞"這個係{沙薑雞}做得皮滑肉嫩,雞件沙薑味挺足水準不俗呢,車婆婆吃得好滿意~車媽媽係唔會偏心嘅呢味{梅菜扣肉}係車公公的最愛,可惜腩肉較硬實,梅菜沒半點香氣,最大獲係個杰撻撻的汁醬糊口非常好難食囉!!{馬拉盞啫啫生菜煲}上檯已香氣十足,馬拉盞恰到好處不過鹹,生菜嫩綠脆口好味道而且份量滿多呢^0^最後上檯嘅係侍應生介紹這個{香煎鹹鮮馬友}鹹鮮即係用鮮魚用鹽醃半天至一天後才泡製,馬友煎得香脆可口連骨也可吞下,味道略鹹如送白飯還可接受的但空口食就有點over呢!有點暴殄天物的感覺!!跟我親愛的媽媽說聲"我愛妳"大家也不要吝嗇這一句啊~

難得好日唔入東涌，橫掂做完 Workshop 後係逸東邨，於是從逸東街方探聽有甚麼經濟實惠，兼不是大型連鎖店食肆進行午膳，於是個街坊就介紹左逸東邨附近，村屋形式經營的正記俾我地。唔好睇佢外面好似唔多靚仔就唔掂，入到去後先發覺都幾乾淨，重要一坐低就送上老火例湯，呢種咁街方式服務，真係好耐未試過。正記可能做街方生意多，價錢都幾經濟實惠，有湯有碟頭飯同飲品，凍飲重要唔洗加錢，真係正到無朋友，今時今日香港重有呢類良心舖頭，真係買小見小。講返食物，熱死辣辣真係唔食得多野，於是點了香口既金莎茄子，濕濕地又無肉既茄蛋頹飯，再加上朋友食飯當日要守齋期，點了羅漢齋炒米。開頭點野食既時候無諗過好大碟，點知送左上黎後就先知道大碟到無朋友，真係抵到爛。食物質素方面，可能三樣食物都係「炒」，食落時都幾香口同好夠鑊氣。金莎茄子原以為好似魚香茄子咁炸左佢，上餸後先知係橫切再點咸蛋黃炸，食落口時啖啖咸蛋黃味，好膩；真係一件起兩件止。至於茄蛋飯同羅漢齋炒米幾足料下，絕無呃秤成份。下次有機會再入東涌逸東，會同朋友再黎呢到食多D新野和試其他食物，因為真係好經濟實惠，而且正記食物同服務都好有成意，值得再去幫襯。

General: We took the free van from Tung Chung MTR station. The place was very packed on a Thursday night but still had some vacant tables. They have an english menu and the service was fast but very busy so sometimes the waitress did not hear us or ignored our calls. The place was very local: sitting on stools, plastic foil instead of a tablecloth and you had to wash your cutlery yourselves with tea. During our stay of maybe a little more than an hour there were 3 or 4 power outages when the who

在東涌打完波, 朋友推介坐車到這食個晚飯才回市區吧。其實這間從未聽聞, 也沒想到東涌也有大排檔食飯, 而且食物質數和價錢更是數一數二地好!一大班人, 分兩圍坐下, 大家要分開叫餸, 因為....照顧不了太多人吧。我們這圍點了...看相吧。椒鹽九肚魚九肚魚是最難處理的食物, 最簡單最方便的方法是炸。但炸得好食, 一點都不容易。這個九肚魚, 不油也不膩, 上枱時非常熱, 是剛炸起。味道太好了, 有魚味, 炸漿也不厚, 一口可以隨時咬下去, 太好食了。椒鹽墨魚除了九肚魚, 怎少得了這個墨魚或魷魚呢? 不知怎樣分別墨魚和魷魚了, 只知....膽固醇高啊! 這個魷魚炸漿不厚, 入口鬆化, 保得住魷魚的鮮味, 味道濃郁。雞什麼雞早已忘了, 只記得是雞。非常好食, 很滑, 很出名, 不咸也不油, 選雞用上不太大隻, 又不多油的雞種。正!啫啫生菜煲吃過最好食的啫啫生菜煲在那? 新斗記舊店, 即場炒, 香味撲鼻, 一試難忘。這個沒有這個弄法, 入口爽甜, 蝦乾生菜非常夾, 不太咸, 香味不多。勝瓜炒雲耳我只吃過雲耳, 爽脆可口, 勝瓜就不要問我了, 我不吃的。魚香茄子煲魚香味重, 很香, 可送飯, 茄子

車爸爸由年廿七放大假到年初四都忙到甩轆到初五開工大吉日的中午給我說會早D收工我當然第一時間約佢去撐檯腳啦點知黃昏時給了我壞消臨時有工作在身要遲D才收到嗚...即時冇晒心機唯有等佢收工返嚟食啦!!高佬酸辣粉有開噃梗要食返碗先啦^0^水準依舊酸辣並齊香口又刺激~買完過去正記川粵菜館吃水煮桂花魚一定要啤啤佢啦我覺得除臥龍莊外這店的水煮魚我最愛的香麻並重尤其那配菜木耳,椰菜真係索晒味夠辣好刺激呢,桂花魚夠新鮮值得一再回頭芥蘭炒豬頸肉,肉質爽口不在講還吃得出肉味芥蘭炒得脆口非常鑊氣十足好吃~

雖然近年不時出席飲食達人的飯局，認識了很多寫食評的好友，但文筆笨拙的我想也未想過會寫食評，今天終於在openrice獻上我的第一次，請多多包涵因家母住東涌關係，不時也會入東涌晚飯，之前十居其九都會去舊碼頭的海鮮飯店，話說年多前路經此地發現開了一間小館，當時因已在東昇樓訂檯，所以一直還未有機會試。直到昨晚家人決定到此店晚飯，才驚覺此地已換上一番新境象！店主把露天地方擺放了檯櫈，形成了地方頗大的露天大排檔，如不能忍受有機會吸二手煙的話，也可選擇在室內用膳。話明川粵菜，當然少不了水煮的菜式由於小妹不太能忍受『麻』的感覺，所以點水煮魚時講明面少麻魚肉剛熟不會老，所以肉質好滑，墊底的大荳芽菜吸收了湯汁食得過癮，味道豐富，不錯！辣子田雞~田雞用走油方法再回鑊加入唐芹炒，肉質不會太乾身但又非常香口，十分惹味，讚！另外還點了幾款粵式小炒，味道不過不失，但值得一提的是咕嚕肉，雖然咕嚕肉並不是什麼特別菜式，但其偏酸不是死甜是我喜愛的味道，難怪很多檯也點此款小菜。要彈的是可能食肆真的難請人，根本嚴重人手短缺，叫人執檯、擺位、落單、埋單、拎茶都要叫多次才有人應你因為之前真的沒想過會寫食評，所以沒有影下相片，所

新開一個月唔夠已經食左兩次喇。試過奇味雞煲，好味！水煮桂花魚，以$80一條黎講算係唔錯，魚好滑，片得夠薄！干扁四季豆唔得，完全唔係果回事！油鹽水大蜆，一般！油泡田雞，太碎，味道可以！通菜夠大碟！有個揸fit人會問下你食物意見，不防直講！不過好多樓面做嘢時候食煙，由其係啲後生妹！

今天走到東涌逛逛，懷念當日的小漁港於是便走到馬灣涌村的街頭上覓食。 在這個彼鄰於大型公屋屋苑的舊式漁村，確實別有一番風味，也不知這個小小的漁村會在那個時候要被遷拆，值得我們深思的是現在的保育政策，應該要怎樣發生。 在這個小漁村中一早座立了幾間海鮮酒家，最得我心的是東昇樓。 今天新開了一間正記就正正的座落於街頭的位置，好不搶眼。 想了又想就走入這個新開的菜館，試試是龍還是蛇。 這裡做的是川菜和粵菜，於是我們便點了一點粵菜，再加一味川菜以試試它們的實力。 要吃海鮮的門口也有少量海鮮可供選購。 先來的是菠蘿咕嚕肉。 不說一句便把咕嚕肉放在口中。 肉糰的大少剛好，大約是比一個廣東麻牌少一點，炸漿有點鬆化，但未至於極鬆化的地步，但比起合格的水準高很多了。 肉的調味就簡單的生抽，糖等，味道不會太重而令整個咕嚕肉又有咕嚕的甜酸味，又有肉本身的鹹調味。 這方面是做得好的！ 還要進步的是咕嚕汁的調配，又是醋加茄醬等的慳時間配方，這令人感到咕嚕汁很 “削”。 古方有古方好，使用山渣等材料慢慢餚製的當然會好吃得多，要味道還是要時間，要由大廚和老闆選擇了。 接著的是蠔仔炒蛋。 味道討好，蛋香也足。 蠔的分量不