正記川粵菜館

營業中

休息中

今晚就入左逸東邨再入少少嘅正記，胡椒豬肚湯大大碗好底飲。仲有沙薑雞🐓，椒鹽鮮魷🦑，小炒王。三餸一湯白飯再加個枝啤酒，就真係happy friday嘅基本配搭。

同friend行完奧運徑，一齊返去東涌，食完野先返屋企，咁岩有人介紹正記大排檔，就會試一試，點知又真係幾好食，又抵又平食得好開心。我哋嗰日平日去，但係大排檔都幾多人，應該好多街坊成日去食。啲嘢嘅份量唔多唔少啱啱好，我地三男一女，叫左四餸一湯、兩支啤酒、三碗飯，全部食哂。辣子雞同水煮魚嘅辣度啱啱好，夠晒好味，但係其中一位朋友，唔係好食得辣，就食唔到太多。食食下野，仲會見到有幾隻貓走來走去，環境令人返璞歸真，而且外面好多山林，令人一邊食嘢，一邊望住綠色植物，感覺幾爽！

去左食水煮魚，叫左桂花魚同老公share坐低已經有湯飲！好好飲，飲完再筆多碗俾我地！其實本身係冇包湯水煮魚上菜啦！唔記得講小辣，所以都幾辣！魚係滑，但起完肉真係勁小！！我諗我一個都食得晒....根住就勁多芽菜！！！！！味道都ok ge,但下次我會叫其他小菜或且食快餐！又包湯包凍飲，又大碟！！！真係好抵食！

呢間野環境又差 服務又差 為左賺錢 逼個客叫貴野 做錯野唔係道歉既態度 係想兇人既態度 大家諗清楚係咪要去食一肚氣啦話說我就想去食打邊爐 帶位帶到去入到督督 一個伙記都無 叫左好耐先帶有人黎 咁叫第一個伙記比menu啦 等左十分鐘唔知去左邊 叫第二個人先比到黎 落左單又等十分鐘 跟住走過黎同我講唔做打邊爐 逼我地叫羊腩煲 但好好笑係佢又話可以落肥牛果D 但就唔比人叫湯底 咁佢地咁既手法我梗係唔會比佢得逞啦 好心佢地做街坊生意都想賺到人足 一早又唔同伙記講清楚 一時一樣 呢D咁既垃圾食店不了

🔷酸菜桂花魚 💰110 💙80/100桂花魚切片亦好滑，骨量好小就算有都系大骨，配菜都有吾少、有芽菜同酸菜仲有木耳。辣度上就算吾太食得辣既應該都可以接受到，因卡比系食開微辣既human。🔷滷水鵝片 💰90 💙80/100鵝片吾系成日有，要好睇廚房既心情。咁咁岩卡比遇到既廚房應該心情幾好。鵝片好入味吾痴牙，而且暖暖地吾會話凍哂。🔷香煎墨魚餅 💰85 💙85/100個墨魚餅都算系特色菜，咁大塊墨魚餅配泰式甜酸醬好match，質感亦都好爽口。🔷咕嚕雞球 💰78 💙78/100都系酸酸甜甜既一度菜，絕對系配白飯必選，雞球都好均勻咁有酸甜汁個味，用左新鮮菠蘿而吾系罐頭菠蘿去煮。

第一次寫食評，真係好嬲，條氣好5順！本來都5想寫，但d員工態度真係好差，基本上全部女員工都5係做野既，掛住傾計！相反男員工好有熱誠，但好似得一個男員工做野，唉，6點食飯無咩人，佢話吾可以加單要一次過落晒，之後叫多個白飯，無人理你。個個好似喪屍甘走來走去但5係做野，舉高隻手，個個就時運高睇5到，老闆請到呢班員工真係慘。野食係好好味既，出菜又快，係d員工態度吾想做野，真係做又36，吾做又36。下次5洗錢，請我都吾去。唉！今次個9肚魚同馬友煎喊魚真係好好味。水煮魚都ok!但係下次食咩好一次過叫啦，吾係5準加單，吾夠食都5知點算。

有個地頭蟲朋友，排除大部分伏食，拎到大家都食得好開心，正記特色比較濃味，除左豆腐煲 清湯白豆腐 完整一婆生菜配生魚肉球 🤭唔係認識既惹味豆腐煲！小炒王為小伏，味道不失不過，材料同平時食既唔同，例如魷魚魚仔多西芹等，有d失望！😞滷水拼盤最好味$98大大碟好入味好抵食，有蛋，掌、豬腸、雞腎，腩肉、紅腸 豆腐，比其他大排擋多好多呀另外另其他無咩特別就唔講啦，最想講係食咁多野賣單都係600幾蚊（6人）初時以為要過千呀 ！

正記抵食川菜😂星期六嘅夜晚去開東涌逸東朋友呢帶咗我去一間地道嘅川菜去到已經超多人我哋都仲要搭枱似大排檔式經營， 環境算唔錯仲有冷氣提供由於我哋兩個人，我哋淨係點左兩個送酸菜魚分量十足好大盆，魚嘅份量好多酸菜都好入味同好多基本上兩個人去食不完魚到好多，而且10分新鮮辣子雞辣椒多，雞好入味唔會太油膩，揸得卜卜趣咬落去辣椒味唔會遮左雞嘅味總結入開東涌嘅話， 鍾意食川菜嘅話正記絕對係不二之選而且依個價錢絕對係市區搵唔到嘅

由坑口去東涌真的是山長水遠 為的是食好西 雖然是坐朋友便車 但由於那裡泊車不方便 泊在一個屋苑然後步行十幾分鐘去的去到先來一個清炒西蘭花 不過不失 然後再來一個泡椒大腸 麻辣的風味 令人口水流 跟著來的是椒鹽狗吐魚 咸香美味 豉汁蒸黃䱽 豆豉和豉油配合到恰到好處 最尾來個粟米魚肚羹 完美的收尾飯後搭店舖的包車去地鐵站 真的貼心的服務

不可一不可再系系之 - 《東涌正記》2018年食運不順, 今晚更係食到一肚氣 😡😡😡話說9點半坐低, 餓到立即叫野食, 叫鮮🦑無, 墨魚餅無, 潮式拼盤無, 鵝片無, 生菜無... 結果叫左4樣有嘅野, 馬拉盞油mak菜, 咕嚕肉, 粉絲肥牛煲, 加好好彩叫到淨返兩條嘅其中一條倉魚… 好喇食食食食, 食左大概7個字, 條魚重未黎嘅? 蒸7個字咩都熟啦 🤷‍♂️🤷‍♂️好! 舉生叫伙記: 哈囉, 我條魚好耐都未黎, 幫我check check睇下整左未, 未整就幫我取消佢15秒之後, 同一個伙記拎住條魚出黎, 但係落左另一張枱... 嗰枱枱遲過我地坐低同叫野食至少15分鐘, 點解落左佢地枱先呢?伙記態度勁差: 我唔知wor, 係您地落單先 但係廚房放嗰張單出黎叫我去, 您地睇下張飛, 唔關我事.. 您地咪以後都唔好黎食囉!女友已經爆炸左, 我地立即埋單走人...此事教訓此餐廳不可一不可再, 同埋我都會勸喻我身邊嘅朋友千祈唔好幫襯! 重要埋單嘅時候個cashier一句唔好意思都無😡😡

朋友介紹，專程入到東涌。。試一試正記的虛實。。位置確實有點難搵，由逸東邨行入去有一段路程。如果唔係有東涌朋友帶路，都唔係咁易搵到！一入到去嘅感覺係。。乾淨嘅大排檔！地下唔會濕粒粒。唔會感覺好污糟！我們除了點了招牌酸菜魚之外。。還點了其他小菜！咕嚕肉唔錯！炒餸都好夠鑊氣嘅！招牌酸菜魚真係冇得頂👍👍👍好怕有魚骨嘅我。。都食到！魚啖啖肉，冇乜骨。。環境、食物都好OK！經濟之選！晚飯都係一個不錯嘅選擇

一月最後一個星期天，風挺大。下午東涌試酒會之後，在附近找到一家吃川菜的地道餐館，致電詢問以後原來店家會有包車在東薈城對開接送客人，很貼心的服務。專車班次挺密，車程不太久，走路應該10到15分鐘可以。下車後看到燈火通明的小菜館，客人絡繹不絕，還好我們還算早到，不然應該很難入座。由於喝酒後太餓，先來一道青尖椒炒田雞，田雞炒得夠乾身之餘，肉保持軟身，比較小塊的那些更可以連骨頭吃。用一堆辣椒爆炒，辣椒香味四溢，非常過癮。不想吃太多火氣大的菜，所以說點了蒜茸蒸鮮魷，魷魚片鮮嫩爽口，配上蒜茸鮮味濃郁不會過鹹，惟一不足之處是粉絲要乾身一些，太濕了。不想吃飯，所以點一道星洲炒米，米粉全沾上咖哩粉和黃薑粉，香氣撲鼻，也不會結成一團，而且油的份量下得剛剛好，不會整個碟子滿是油。然後是重點的水煮生魚，這道是我們吃過魚肉最鮮美最嫩的水煮魚，份量十足，麻辣厚重越吃越來勁，油而不膩，我跟友人吃到停不下來也讚口不絕。試完美酒讓我們吃到一頓這麼有質素的風味川菜，酒酣耳熱，今天實在是一個大滿足。

呢間隱世大牌檔位於東涌，我無研究有咩車去到😂 因為我嚮東涌站搭的士。環境都係一般大牌檔咁，不過我會話比起出面差少少，衛生情況就唔使講啦，但比一般嘈，啲枱有啲密集，可能我唔鍾意迫啦。不過好就好在食物價格就平過其他大牌檔，可能因為偏遠少少，而食物方面，款式好多，有啲係出邊溫唔到嘅嘢食，而且賣相同味道都唔差，我會推介下圖嘅滷水鴨、墨魚餅同埋芥辣牛柳粒，掛住食食左少少先記得影相，可想而知係幾吸引！😂整體都可以，如果唔介意遠同坐得唔太舒服！

呢間餐廳地理位置唔係咁方便，係舊村仲要落梯嘅大排檔，環境同一般嘅大排檔冇乜分別，最大分別係有冷氣嘅，菜式種類非常多，叫咗個黃金鮮魷，魚香茄子，同埋沙嗲粉絲金菇肥牛煲。黃金鮮油勁香鹹蛋黃味，真係落足料去炸，分量唔算大不過真係好好食。魚香茄子真係有鹹魚粒係個鍋度，並唔係得個名，因為而家好多餐廳整呢未餸都係食唔到鹹魚味，不過呢度就好足料。個沙嗲金菇肥牛煲就多汁又夠香，撈飯一流！菜式味道幾好不過價錢就貴左少少。

今日入咗東涌，午飯嘅時候去咗東涌好出名嘅正記，佢哋出名係晚市小菜，不過今日中午經過就試下佢哋嘅午餐，叫咗土尤蒸肉餅及西檸雞，分量足夠，西檸雞就有啲酸，土尤蒸肉餅呢個幾好味，下次再試吓佢哋嘅晚市小菜