正宗水上人氣鍋專門店 (已結業)

每次over 10人既gathering一定係海鮮為主🤣之前試左尖沙嘴分店，今次試埋旺角分店比較下😎結果。。兩間都勁正🤤💓人多有包房坐得舒服又自在！小粉姐表示滿意😎👍🏻《象拔蚌刺身拼盤》最驚喜係第一次食花竹蝦刺身，平時熟食已經好爽，估唔到刺身嘅鮮甜到比熟食更佳！仲記得以前講過越靚嘅蝦刺身就會越＂張＂口👍🏻三文魚、希靈魚、八爪魚都保持水準。呢個開邊龍蝦都係不得了😍上枱好震撼謀殺咗好多菲林🤣唔好睇佢細細隻，其實肉身而且飽滿，龍蝦肉非常有彈性！必食！平時成日食蒸龍躉今次就食蒸多寶魚，多寶魚嘅肉質屬於非常嫩滑，而且少骨，蒸完之後食到魚肉嘅原汁原味🤤每次食蒸氣石鍋都一定要叫完貝！呢個係用黑松露嘅新鮮食法，不過個人比較傳統覺得蒜蓉好食啲🤣＂冬蟲草滑雞＂估唔到蟲草嘅香味真係完全滲透晒入雞肉，加上少少冬蟲草嘅藥材味，最重要係雞肉唔會太肥！呢個甜品就啱晒我口味＂煙煙銀銀＂如果我冇記錯好似係紅棗糕🤣每一次由頭食到尾嘅海鮮餐都非常之有滿足感🤤真心蒸氣石鍋水上人係必食之選🤤

價錢貴，選擇少，環境差，人手不足，全層只有一格廁所（傷廁，男女共享), 食物與價錢不相符，唔叫都唔會識沖茶，奇奇怪怪的的甜品，本來話可以叫小炒，最後一再追問之下，先至話可以叫，冇下次

今日同一大班朋友一齊黎左食下呢間蒸汽火鍋，位置極方便既佢，就係朗豪坊附近，砵蘭街之上，門面又夠大，清晰可見！食物質素更加係無得頂！一陣有多款海鮮+食物會透過蒸鍋煮熟，事前可先選擇調味醬油，為自己調配一隻沾點食物既醬汁 ; 但其後我發現，根本都唔洗點刻意去用呢d醬汁，因為本身既食物已經夠鮮！特別係海鮮添！第一樣先黎既有佢！海鮮刺身超級大拼盤啊！只係個賣相都夠吸引啦，顏色亦非常新鮮，當中包括多款唔同既海鮮刺身有比較日式既三文魚，八爪魚，希靈魚等等既刺身，全部都係厚切而且新鮮！同時重有一d比較貴，通常去打邊爐額外叫先有既象拔蚌刺身！非常新鮮爽口！同場既刺身重有大大隻既花竹蝦刺身連蝦頭，不得了，第一次食呢款蝦食到好似食泰式虎蝦or日式赤海蝦禁，一啖食落口，又甜又爽口，真係好正啊！面蝦頭就可以留黎一陣滾粥底用，味道會更鮮甜！食完d禁正既刺身，開始今晚既主角熟食野，蒸爐開動！第一款有蒸牛肉！唔好睇佢蒸完之後個樣好似唔多吸引禁，其實好正！肉質有咬口得黎唔韌，蒸完出黎塊牛肉唔油膩且有肉汁，肉味香濃，係平時比較少食得到既感覺 ; 包住塊新鮮既生菜一齊食，味道更佳其中一款蒸海鮮有好新鮮既肉蟹，顏色非常鮮艷

海鮮好新鮮，蒸完根本吾洗落任何野調味都已經好好食店員都會服務你，不過覺得以前服務好d，通常d海鮮得左個爐會響，店員都會好快手過黎幫你，但而加響左都要等等或者你叫聲佢先過黎幫你整。食曬d海鮮，最中意就系最尾食埋d粥，好鮮甜，落少少鹽已經好好味，但通常食到粥之前已經好飽所以淨翻就外賣翻屋企再食佢呢度既石蠔真系好正通常食親我地都會追加，好大隻嫁

自從朋友們上次約局於尖沙咀的蒸氣海鮮--正宗水上人蒸氣鍋專門店,其食物質素之高,已令眾人留下深深印象;由於回響甚高,眾人想再來一次聚局;而好友得知除尖沙咀外尚有旺角有分店,地理位置更加理想,就發起這次的晚宴;同樣是經好友之手訂了檯,食店位置離地鐵站也是不遠,而大家都約定在旺角地鐵站相等;大家差不多時間前後到達,就一起步行前往;一眼望去,有著熟悉的韓式色彩風格的食店招牌,就知道正中核心了!進入食店地下樓層,內裡的裝潢走的是淡然的中國風的路綫,燈飾的造型顯出優雅之氣,而且燈光夠柔亮;由於我們訂了樓上房間,就乘搭店內私家電梯直達;反而房間內的設計帶點歐式風格,而且非常寬敞,加上冷氣與抽風系統十分良好,縱使炎炎夏日吃著熱辣辣的蒸鍋食物也非常舒服!主持飯局的好友點了個大套餐,主要是刺身拼盤與多種海鮮食材;侍應生先端來兩大盤重口味九宮格式的醬料,說得上料頭十足,相當霸氣!眾人從各式醬料拼配成的“混醬”,當中過程顯得一樂也!隨後遞上的一大盤刺身拼盤,從新鮮豐厚的象拔蚌刺身切片,到柔軟豐美的八爪魚片,顏色嬌美的花竹蝦,再到厚切的挪威三文魚片,然後是希靈魚!底下的冰粒襯托著這種華美的場面,不單吸引了眾人

終於能一大班同事一起聚餐，既然有差不多十人，吃的自然是非平日的幾碟小食，那就失去聚餐最開心的意義。在群裡商量良久，決定吃蒸氣火鍋，後在幾間裡決定來到旺角這間蒸氣火鍋叫了個套餐。一般蒸氣火鍋是在玻璃蓋，可這間不同，用的是編出來的蓋子，一般見到的蒸鍋有不同，即時上網查才知這是雲南的傳統，既能保溫又可利用藤吸收蒸氣避免倒汁水，果然是吃也需講究才可讓品質昇華。鍋裡最底是海鮮蒸，蒸到最後吃。所以頭盤，就是非常新鮮的刺身拼盤。有象拔蚌、三文魚、八爪魚、希靈魚，最重要最特別的是右邊的花竹蝦。相信很多人都沒吃過花竹蝦的刺身，蝦頭是晚點用來熬粥用。而花竹蝦的肉質非常爽脆，味道鮮甜，肉身又厚，非常好吃。其他的刺身自然也是新鮮好吃。肉象拔蚌彈口肉質嫩而實，希靈魚爽口，三文魚肥美，八爪魚彈牙。第一盤出鍋的是蜆，肉質滑嫩，且保有水分。之後是聖子與龍蝦。聖子上有芝士及有粉絲在底，突出香滑感。龍蝦則用蒜末蒸，所以帶了點咸香配上龍蝦肉本身海產的咸與肉實彈牙，好口木還有老虎班魚的魚肉與魚骨，肉質自然是肥美滑嫩，又彈口，正。由專業職員因應份量控制蒸的時間，完全不會有蒸老或肉太硬實的問題。再出鍋就是扇貝粉絲，粉絲都吸收了扇

早排吃過水上人的蒸海鮮，十分回味，跟另一班朋友約飯局時提起，大家都很有興趣，於是又可以再吃了。龍蝦仔龍蝦仔鮮甜肉，彈輕易能夾出一大舊肉。活元貝大大隻元貝，加上黒松露醬，鮮甜味香。膏蟹大隻已經好多膏，蟹膏甘甜蟹肉鮮甜。蟶子蟶子鮮甜肉彈，還搽上蟹皇醬，底下粉絲入晒味。吃到尾聲，蟹皇雞粥亦煮好了，粥煮得夠粘綿，口感幼滑，入喉好舒服，充滿蝦蟹鮮味，果然好戲在後頭。峰巢糕賣相雖不討好，吃落軟彈，微甜剛剛好，帶有黑糖香。

食過幾次蒸鍋，第一次黎呢間水上人😋😋有朋友介紹話好食又坐得耐，就黎試試佢一去到張枱好似壞左咁，仲帶左我地去一間私家房添，正呀🙆🏻‍♀️🙆🏻‍♀️入到去得兩種餐揀，一種係以位計既，一種係一席/半席可以再加人既，諗左陣就揀左以位計既中間果款，好快就有得食🤤🤤佢d 海鮮好新鮮，但好多都加左唔知咩醬，有d 遮左海鮮既鮮味🙊🙊同埋雖然唔限你坐幾耐，但侍應幫我地蒸野既速度好快，差d 食唔切，所以都好快就食完。最後個甜品賣相幾得意，但食落又一般般咁。不過食野都係其次，都係想一班人聚一聚啫🙆🏻‍♀️

約左一大班親戚朋友, 又想食生猛清蒸海鮮, 喺香港既中心地段旺角, 交通四通八達, 食完散水都快d返到屋企丫😂地理位置優越既水上人蒸氣鍋專門店就成為左今次既首選店內有個特大魚缸, 海鮮都係即叫即劏, 咁至夠新鮮架嘛👍👍九宮格醬料一開始當然會比個機會你做下混醬啦😂九宮格任你調味加拿大象拔蚌刺身一大班人黎到緊係要整番隻加拿大象拔蚌刺身啦, 加埋比較少見既花竹蝦🦐刺身, 仲有其他較為大眾化既三文魚, 希靈魚, 八爪魚刺身, 形成呢盤色彩斑爛既極尚刺身拼盤蒜蓉蒸開邊龍蝦全部龍蝦都係新鮮即開邊, 落少少蒜蓉蒸已夠吊起鮮甜味, 落其他調味只會蓋左原本既龍蝦味😂唔洗蒸太耐, d 蝦肉一轉色就食得, 咁至夠爽👍蟲草蒸雞當鮮嫩雞肉遇到矜貴蟲草既時候, 就化身為呢一道菜, 蟲草同雞肉既分佈平均, 令每條蟲草既精華都激發晒出黎比雞肉吸收晒, 咁食落去既時候除左有鮮香雞味之外, 仲有淡香既蟲草味🤤黃金汁蟶子皇豉椒, 蒜蓉蒸蟶子就食得多, 用黃金汁你又試過未😋精準調校份量既咸蛋製成既黃金汁係唔會喧賓奪主搶左蟶子既味道, 因為蟶子味道本身味道偏淡, 配上較濃味既黃金汁亦算合理蒸既時候d 汁就充分被粉絲吸收, 最好

海鮮識食一定係食原汁原味，最好的方法就係即劏 不加醃製，就直接清蒸黎食，鮮甜到不得了。今日同朋友終於約到來食正宗水上人蒸氣鍋，一嚐最新鮮的海上鮮。先叫咗一盤刺身，有象拔蚌刺身，師傅刀功高超，切得好透薄，肉質爽脆鮮甜，咬落卜卜脆，仲有鮮甜三文魚，八爪魚，希靈魚等。花竹蝦刺身，顔色多層次，鮮艷，大隻嫩滑，肉質鮮甜，𠯿落啖啖肉。胭脂蚌，每樣野都係蒸特定幾分鐘就食得，職員會好有禮貌幫手蒸，肉質嫩滑鮮甜，入口香味散發。黑㭃露醬粉絲蒸元貝，黑松露醬好惹味，為鮮甜的元貝更添味道層底次，肉質大粒厚身，咬落好鮮甜多汁蒜蓉蒸勝瓜，水份好飽满，咬落好多汁，味道清新開胃。蜂巢紅棗糕，質感好煙韌有嚼勁，唔會太甜，味道重紅棗味，好好味。食完海鮮就食鍋底的海鮮雞粥，吸收晒成餐飯所有海鮮的精華，味道十分鮮甜，粥底又滑又濃稠，超满足。

店舖位於旺角雅蘭中心附近，距離地鐵站只有幾分鍾距離，路邊吊掛大燈牌，相當顯眼。入店內才知餐廳佔了幾層，每層裝潢有些少區別，以大中細餐桌區分，每桌也有一個高溫蒸餾機及一個鍋。海上鮮宴席細龍蝦每人半邊龍蝦，龍蝦面舖蒜蓉再清蒸，肉質細膩柔軟富彈性，店家已把整隻龍蝦截斷幾段，方便進食。活元貝帆立貝柱肉軟滑富彈性，貝卵口感幼滑細緻。黑松露並沒有遮蓋貝的原味，咬下鮮甜而肉絲絮絮。膏蟹每隻型體飽滿而大件，橙紅蟹膏充足頂角，味道甘香。清蒸最能封存蟹的鮮味和肉汁，入口蟹肉清甜美味，回味無窮。老虎斑老虎斑分做兩食，即魚球及魚排兩種。魚球每件大顆厚肉，肉質較結實彈牙，清蒸充份帶出魚的鮮甜。魚皮質感厚而彈牙，富膠質而柔軟有敢韌性，入口香滑，回味無窮。海鮮粥店家開爐馬上把米、蟹肉、豚肉等灑在窩里，滴水不加。爐設計富有特色，用高溫蒸餾機把水化成蒸氣蒸熟上層海鮮，食材的味道隨水分下沉至底層，把香米煮成粥。店家還把花竹蝦刺身的蝦頭丟入鍋內為鮮粥加料。粥入口綿綿細膩，富濃濃海鮮鮮甜，鮮而美味。甜品：蜂巢糕熱騰騰出爐，咬下鬆軟綿密，里面像蜂巢一樣，有些空心有些實心，口感富層次，入口並不會甜，有著淡淡紅棗味，雅緻芳香。店舖

喜愛海鮮的朋友約晚飯，說是蒸鍋海鮮不錯的選擇，來到旺角這家有著三層樓高的海鮮蒸鍋，大家非常期待。地下的正門進入，看到一排排的大海鮮魚缸，非常吸引。朋友已預先訂枱，在三樓，店員告知轉角有著專用的電梯可使用，感覺可真夠氣派，電梯內有著花咲蟹的單張。到了三樓，樓梯就在眼前，以玻璃窗上的字畫，非常的特別，首次遇見。三樓的大廳，非常闊落，很適合一聚好友或家庭歡聚。我們一眾好友被安排到一個小廳之內，亦不錯。店員已為大家預備好了多種調味品、餐具以及蒸鍋設備。同時為蒸鍋的粥底作好準備，單是這份粥底的材料，大家已嘩然，很期待。店員一一送上今晚的海鮮或刺身，非常豐富的海鮮大餐。原來我們也訂了花咲蟹，可真要好好品嚐。在店員預知已預備齊集，所以大家也開始進食。象拔蚌刺身，每片大小一樣，半透明的珍珠白色，入口爽脆而鮮甜，這種鮮甜非一般的鮮甜，感覺很是突出，連吃兩三片，口中還留有鮮味，可見象拔蚌是絶非一般貨色。馬甲貝，入口清甜，肉質咬感不錯。胭脂蚌，因有小部份紅色，有如胭脂為名，海水味濃，相比馬甲貝沒那麼鮮甜。花咲蟹上場，蒸熟後原來特別通紅，色澤非常吸引，味道非一般鮮香，又鮮又甜，甜味非常濃厚，更顯鮮味突出，肉質

食蒸氣火鍋， 一定係要海鮮。 而今次去水上人食， 係極度新鮮即劏即食。所以全部都食到鮮味！ 唯一唔好就係加得太多醬汁。鮑魚嗰個醬（青BB)。樣又難睇又唔好食，食落去有啲似香草醬，9唔撘8。不過有醬d又好食例如， 聖子嘅醬，扇貝嘅黑松露醬。總括而言除咗鮑魚其他都好好味，而且最後佢仲有一個甜品俾我哋，係啫喱嚟嘅。 但係外型似足士巴拿螺絲，十分精美。不過服務就有少少甩漏。例如叫咗兩隻鮑魚，淨係俾左一隻同埋加多左一隻扇貝。所以食嘢要小心啲

夜晚最平套餐400蚊一個人散叫 如果想食得飽都要400-500蚊一個人建議如果想食得飽.每人先叫一個套餐再跟喜好加買其他海鮮全部都係海觧.冇平價食材所以冇預筆值就真係唔好入去有加一200蚊走就要餓住走大把閒錢可以去試下但同類型食物就真係有點貴環境都只係一般餐廳FEEL但公道講句野食新鮮質素都OK.係唔底食

海鮮蒸氣鍋，所有的食材都是新鮮入鍋，在短短的時間內只用蒸氣就能煮熟，保留了食物的營養和原汁原味, 餐廳既食材好新鮮, 只要新鮮蒸一下就能品嘗食物天然的美味用餐空間大，樓上仲隔出了小包廂可以讓親朋好友在私密的空間裡面一起大快朵頤, 感覺不錯食第一道菜色登場前，先將米、豬肉、花蟹先放置在最底層，它會將上面烹煮的海鮮精華通通匯集後，慢慢從生米變成粥，留在最後食用。聖子同貴妃蚌食起來是軟嫩不柴剛剛好的熟度，還帶著點甜，是飽滿的肉質和湯汁。藍龍蝦變成鮮紅欲滴的顏色，肉質彈牙味道鮮甜！不用沾醬都已經好好食啦!肥牛既油花好靚，放到嘴裡面，可以品嚐頂級牛五花的油脂香氣，但不會覺得油膩！食材全數蒸煮結束後，就可以準備品嚐一開始就在鍋底的海鮮粥, 超鮮甜呀!