正宗水上人氣鍋專門店 (已結業)

海鮮識食一定係食原汁原味，最好的方法就係即劏 不加醃製，就直接清蒸黎食，鮮甜到不得了。今日同朋友終於約到來食正宗水上人蒸氣鍋，一嚐最新鮮的海上鮮。先叫咗一盤刺身，有象拔蚌刺身，師傅刀功高超，切得好透薄，肉質爽脆鮮甜，咬落卜卜脆，仲有鮮甜三文魚，八爪魚，希靈魚等。花竹蝦刺身，顔色多層次，鮮艷，大隻嫩滑，肉質鮮甜，𠯿落啖啖肉。胭脂蚌，每樣野都係蒸特定幾分鐘就食得，職員會好有禮貌幫手蒸，肉質嫩滑鮮甜，入口香味散發。黑㭃露醬粉絲蒸元貝，黑松露醬好惹味，為鮮甜的元貝更添味道層底次，肉質大粒厚身，咬落好鮮甜多汁蒜蓉蒸勝瓜，水份好飽满，咬落好多汁，味道清新開胃。蜂巢紅棗糕，質感好煙韌有嚼勁，唔會太甜，味道重紅棗味，好好味。食完海鮮就食鍋底的海鮮雞粥，吸收晒成餐飯所有海鮮的精華，味道十分鮮甜，粥底又滑又濃稠，超满足。