正宗山西刀削麵皇

營業中

休息中

#emily出街食👅👅 呢排凍冰冰好想揾d熱野食～見好耐無食過刀削麵 就果斷去食🤩個人認為 食刀削麵一定要食熱拌刀削麵 佢個擔擔醬汁 辣辣地又夠濃味！仲有d花生香味🥜餸方面我嗌左牛肚牛展溏心蛋 全部都係我好中意食嘅～～牛展最怕食到又硬又唔入味 呢間炆到d牛展好冧好入味👍🏻👍🏻溏心蛋都煮得啱啱好 不過略嫌滷水汁味過重～我嗌左$82 另外仲包杯豆漿🥛整體而言真係好抵食 平民美食🍜

前排大食妹同媽媽去荃灣做啲嘢, 做完已經到下午茶時間, 超級肚餓即刻沖左去路德圍食返餐<豬大腸滷水雞翼刀削麵>大食妹見到山西刀削麵皇嘅刀削麵係人手削嘅, 而且滷水睇落都好似似模似樣, 就嗌咗份豬大腸滷水雞翼刀削麵滷水雞翼大大隻啖啖肉, 唔算好入味, 但可以接受豬大腸份量幾多, 唔算好肥膩, 口感軟熟刀削麵即叫即削, 火候掌握得唔錯, 好有咬口<豬大腸紅燒豬手刀削麵>媽媽嗌嘅豬大腸紅燒豬手刀削麵都唔錯紅燒豬手好入味<豆漿>跟餐仲有新鮮嘅豆漿添<五香牛展>另外我哋仲嗌咗份五香牛展share分量好有誠意, 但醬汁甜少少會更好食

去開荃灣 都會行去路德圍個邊搵嘢食今日行開 見到有間麵店外面有人排隊 都有幾台客好奇之下 我都排吓隊試一試先入到去環境有少少逼 坐滿人叫咗個麻辣手撕雞刀削麵 雞絲好spicy麵底有咬口 但湯底未夠濃咁就成為$60

荃灣山西刀削麵係荃灣麵店既老字號，相信大部份係荃灣搵食既朋友都識依間老字號。今日星期日黎到門口已經大排長龍，等左20分鐘先有得入去，不過好食嘅野等下都冇所謂。坐底之後已經即刻落左平時叫嘅野食。麻辣大腸米線|$53麻辣豬軟骨米線|$53麻辣大腸小食|$52 最欣賞 嘅係佢嘅湯底，每次都要飲哂先得，同埋餸係分開上，所以個湯可以無辣油係入面，健康好多。個人黎講比較鐘意佢個大腸，好淋好好食，去到一定要試。味道⭐⭐⭐⭐⭐環境⭐⭐⭐⭐服務⭐⭐⭐⭐衛生⭐⭐⭐⭐抵食⭐⭐⭐⭐⭐

平時食開堂食，成日都心思思掛住佢，但今日第一次食外賣，原來係咁難食。因為分左湯，d麵痴實晒，落到湯變左一舊舊，同埋佢d粉會有一浸粉味，要浸落湯一陣先好d，但已經一舊舊，變唔返平時咁。 所以一定一定要堂食！

好中意食刀削麵, 經朋友介紹, 就試一試,真係冇介紹錯, 直得再回頭.🤤〔 菜肉雲吞滷水雞翼刀削麵 〕 $52 .刀削麵既份量好多, 湯底好濃郁, 麵質好滑好彈牙,雲吞好大粒餡料好足👍🏻👍🏻.如果細食既朋友要食最好小麵〔 口水肥牛 〕 $52 .肥牛唔會太老太韌, 份量都好多.〔 牛肚牛腩刀削麵 〕 $52 .(好味指數: 9.5/10)

今日去荃灣工作完，有點肚餓。選擇了這間正宗山西刀削麵餐廳食晚餐，這間餐廳都好多人，我們選擇了麻辣豬耳刀削麵，牛𦟌豬大腸刀削麵，涼拌萵筍和酥炸雲吞。這裏的刀削麵是師傅即場刀削的，不是叫貨，口感不錯，煙煙靭靭。麻辣豬耳分量也很足，汁料味道也很好，而且加了很多蒜，好吃。豬大腸很入味，而且也爽口幾好，但牛𦟌普普通通。涼拌萵筍只是普通，醋味較濃，輕手點會較好。酥炸雲吞，皮較厚，但也足料，而且炸得夠乾身，配沙律醬很不錯。

.📍正宗山西刀削麵皇📍 #饅頭去荃灣呢間鋪頭係小編嘅童年回憶，每逢星期日媽咪都會帶我嚟呢度食嘢，次次去都排長龍。細個嗰陣小編冇乜牙力，所以唔太鐘意比較難咬嘅刀削麵，大個咗接受能力好咗🙋🏻，就發現佢嘅吸引之處，事隔1年多兩母女再次去搵翻當年嘅味道。------------------------------麻辣牛肚刀削麵 ($52)以前呢度嘅刀削麵個芯位係半熟不透，比較難咬，嗰陣小編仲諗住投訴店家將未煮熟嘅嘢比客人食😂，但後來去過山西嘅媽咪同我講話呢種煮法先係正宗，保持咬口同麵粉香。唔知係咪為咗迎合香港人口味，今次嘅麵條係全熟，比起之前淋翻啲，但彈性加嚼勁依然足夠😆，麵條係人手切，每條粗幼長短不一，依舊充滿麵粉香，而且好大碗，一定夠飽。湯底係普遍醬油湯底，清淡溫暖，飲完之後好舒服完全唔口渴，配埋香蔥荽茜香味更上一層樓。推薦重口味嘅朋友嚐試佢哋嘅麻辣👍🏻，小編嗌咗中辣，呢度嘅麻辣醬份量足夠，味道來源主要嚟自鋪天蓋地嘅生蒜😍，辣味香濃得嚟唔會好嗆，同生蒜花椒嘅辛香加鹹鹹地嘅醬汁好夾，麻痺感係隨後慢慢滲入，淡淡地唔係好重，而且唔會好多油，唯一嘅缺點係醬汁唔夠多，令啲餸容易乾身；牛肚軟腍爽口，配

今日嚟到荃灣食刀削麵👍🏻👍🏻呢間刀削麵我想試好耐 加上好多網上嘅人都有推薦 我哋等咗20分鐘左右就有位👍🏻👍🏻我睇完餐牌就叫咗個蒜泥牛展刀削麵同豆漿因為好多人話呢間舖頭啲面好大碗基本上都唔使食其他小食佢個蒜泥牛展刀削麵 個牛展就唔係太入味不過啲肉都幾好食 佢整得好林 好易咬落口😋😋個麻辣汁同蒜味好夾👍🏻👍🏻個豆漿就冇乜特別普通野不過食得粥粉麵飯一定要配杯嘢飲👍🏻👍🏻👍🏻如果下次唔使排咁耐我都會再嚟食✌🏻✌🏻✌🏻

好開心屋企附近就有呢間刀削麵，已經變咗我嘅飯堂好耐啦👀👀必食必食！除咗刀削麵，介仲有炸豬扒配菜飯！呢間野除咗刀削麵出名，其實個上海菜飯都好值得一試架😍佢個豬扒真係好好食，特別係個調味，可以揀辣度，大辣真係好辣！但係配埋個菜飯辣度就岩岩好，第一次食建議叫中辣😍😍一試真係會返唔到轉頭架！當然唔少得最出名嘅刀削麵啦，不過我次次都食唔晒，實在太大碗啦！！！湯底超夠味，麵好好咬唔會粉開😍難怪佢地咁出名🥳

之前好鍾意食呢間嘅刀削麵，比左2次機會呢間，但都係路德圍個間好食啲🤫呢間個湯底冇咩味，啲麵都係另外個間較好食1️⃣東坡肉刀削麵($47)超失望😕湯底冇味，東坡肉一入味超強烈料理酒味蓋過所有味道🥲本身expect 東坡肉係甜甜，肥而不膩，雖然入口即化但肥膩且酒味蓋過晒😞2️⃣豬軟骨熱撈刀削麵(餐連豆漿$60)冷刀削麵應該會好食啲，個醬唔好食，唔突出，麻醬辣醬不夠，但豬軟骨ok3️⃣生煎鴛鴦（$62）小籠包+餃子，內饀都幾好食，但底下嘅蛋太濃味有少少蓋過小籠包/餃子味道

🔖麻辣肥牛、白蔥豬肉水餃拉麵成個麵嘅靈魂所在 - 秘製麻辣醬🔥佢呢個辣醬 真心小辣都已經令人頭頂冒汗🤯(作為參考 小編平時食開譚仔三小辣)但我分別帶咗唔同嗜辣友去試佢哋都一致認同有料到架!!!仲要如果食食下想加辣嘅話唔好意思喇..承惠$4一碟! 可想而知幾巴閉雖然間舖頭出名係刀削麵但小編試完佢個拉麵之後反而翻唔到轉頭🔖涼拌青瓜當食緊咁衝擊味蕾嘅拉麵再食唔辣得生蒜粒嘅青瓜成個FEEL好似有啲冷卻咗小編覺得如果可以加啲辣油就PERFECT喇

朋友話整左張荃灣美食地圖，要出去試喎，第一站就黎左食刀削麵。十一點九黎到仲大把位，一去到十二點半就開始排隊了，入面啲員工好似玩俄羅斯方塊咁，不停叫人調位，務求坐到最多客，我明嘅。坐好後就快快落單，麵餐送冷熱豆漿，我同朋友都揀左熱，自從買咗豆漿機，出面飲嘅豆漿點都唔夠自己打嘅好飲，無咁濃又過甜。自己點嘅香蔥豬肉水餃刀削麵，水餃係厚皮個款啱我口味，但餡料無乜蔥，豬肉也不鮮，味道一般。湯底幾濃，唔錯。刀削麵略微過硬，感覺係未煮熟，可能太忙廚房煮唔切啦。朋友點的麻辣，原來餸同麵分開上，咁又幾好喎。朋友嘅麻辣東坡肉刀削麵，東坡肉軟腍入味，麻辣汁則無驚喜，唯一較特別係有生蒜作伴，撈埋一齊多一份蒜香又唔錯。唔使加一味道ok，但如果要排隊就免了。

今天晚上不想煮飯，選擇外出覓食。來到{正宗山西刀削麵皇}，決定嘗一嘗這裡的刀削麵。在門外等候大約五分鐘後入座。店內環境光線充足，不過因為客滿，感覺有點擠迫。這裡的廚房是半開放式的，客人可以大概看到廚房內的環境，也可以看到廚師們在廚房內烹調食物。看餐牌發現這裡有不少菜式選擇，刀削麵主要分為幾大類，包括湯麵、麻辣湯麵、熱撈、冷撈，還有特色刀削麵等。聽說這裡最出色的是麻辣湯麵，奈何我不太能吃辣，所以躊躇很久，最後還是選擇了它的特色刀削麵。特色刀削麵之一「口水手撕雞刀削麵」($55)，另加配熱豆漿($4)。刀削麵起源於元代，是山西名聲最大的麵食，也是中國十大麵條之一。刀削麵講求廚師的刀功和削技，雖說在現代社會，刀削麵早已進入機械化及產業化，不少中小型餐館都使用刀削麵機揉麵和削麵，以提升產量，但這裡的刀削麵，卻是廚師們親自從麵團一刀刀削出來，誠意十足。先喝一口熱湯，湯汁味道香濃，略咸，但配合刀削麵吃咸度剛好。刀削麵麵條較厚身，口感柔中帶硬，煙韌彈牙，讓人一口接一口。刀削麵份量也不少，女生吃一碗絕對飽足感滿滿。較可惜的是配搭刀削麵的口水手撕雞較為普通，雖有花生、白芝麻、蔥花、青

久仰大名，第一次去這家店食嘢，價錢偏貴，但水準是高的，點了豬手牛展刀削麵，牛展極普通，唔夠淋，唔夠味，豬手一流 , 喜歡淋豬手人事，必食…刀削麵有特色，湯底一流，是這店成功關鍵，一定要點嘅就係：泡椒豬手，皮脆，肉香，好味…堂食完還叫了兩客帶回家慢慢品嚐…回家後，每天食一至兩嚿…好味。使人回味的。