影片
更多
2021-05-20
762 瀏覽
.📍正宗山西刀削麵皇📍 #饅頭去荃灣呢間鋪頭係小編嘅童年回憶，每逢星期日媽咪都會帶我嚟呢度食嘢，次次去都排長龍。細個嗰陣小編冇乜牙力，所以唔太鐘意比較難咬嘅刀削麵，大個咗接受能力好咗🙋🏻，就發現佢嘅吸引之處，事隔1年多兩母女再次去搵翻當年嘅味道。------------------------------麻辣牛肚刀削麵 ($52)以前呢度嘅刀削麵個芯位係半熟不透，比較難咬，嗰陣小編仲諗住投訴店家將未煮熟嘅嘢比客人食😂，但後來去過山西嘅媽咪同我講話呢種煮法先係正宗，保持咬口同麵粉香。唔知係咪為咗迎合香港人口味，今次嘅麵條係全熟，比起之前淋翻啲，但彈性加嚼勁依然足夠😆，麵條係人手切，每條粗幼長短不一，依舊充滿麵粉香，而且好大碗，一定夠飽。湯底係普遍醬油湯底，清淡溫暖，飲完之後好舒服完全唔口渴，配埋香蔥荽茜香味更上一層樓。推薦重口味嘅朋友嚐試佢哋嘅麻辣👍🏻，小編嗌咗中辣，呢度嘅麻辣醬份量足夠，味道來源主要嚟自鋪天蓋地嘅生蒜😍，辣味香濃得嚟唔會好嗆，同生蒜花椒嘅辛香加鹹鹹地嘅醬汁好夾，麻痺感係隨後慢慢滲入，淡淡地唔係好重，而且唔會好多油，唯一嘅缺點係醬汁唔夠多，令啲餸容易乾身；牛肚軟腍爽口，配
📍正宗山西刀削麵皇📍 #饅頭去荃灣
呢間鋪頭係小編嘅童年回憶，每逢星期日媽咪都會帶我嚟呢度食嘢，次次去都排長龍。細個嗰陣小編冇乜牙力，所以唔太鐘意比較難咬嘅刀削麵，大個咗接受能力好咗🙋🏻，就發現佢嘅吸引之處，事隔1年多兩母女再次去搵翻當年嘅味道。
------------------------------
麻辣牛肚刀削麵 ($52)
以前呢度嘅刀削麵個芯位係半熟不透，比較難咬，嗰陣小編仲諗住投訴店家將未煮熟嘅嘢比客人食😂，但後來去過山西嘅媽咪同我講話呢種煮法先係正宗，保持咬口同麵粉香。唔知係咪為咗迎合香港人口味，今次嘅麵條係全熟，比起之前淋翻啲，但彈性加嚼勁依然足夠😆，麵條係人手切，每條粗幼長短不一，依舊充滿麵粉香，而且好大碗，一定夠飽。湯底係普遍醬油湯底，清淡溫暖，飲完之後好舒服完全唔口渴，配埋香蔥荽茜香味更上一層樓。
推薦重口味嘅朋友嚐試佢哋嘅麻辣👍🏻，小編嗌咗中辣，呢度嘅麻辣醬份量足夠，味道來源主要嚟自鋪天蓋地嘅生蒜😍，辣味香濃得嚟唔會好嗆，同生蒜花椒嘅辛香加鹹鹹地嘅醬汁好夾，麻痺感係隨後慢慢滲入，淡淡地唔係好重，而且唔會好多油，唯一嘅缺點係醬汁唔夠多，令啲餸容易乾身；牛肚軟腍爽口，配埋麻辣非常入味😋。
------------------------------
麻辣牛展刀削麵 ($52)
呢個係娘親嗌嘅，個性認為牛展有啲老同韌，筋位骨膠原嘅感覺唔太明顯，但係味道上因為有麻辣打救所以都冇咩太大缺陷。
------------------------------
凍豆漿 (跟餐)
熱奶茶 (跟餐)
普通嘢，唔伏，冇咩好講🤓。
------------------------------
整體評分：7.5/10
水準唔錯，但好似冇回憶中咁好食。
麻辣牛展刀削麵、熱奶茶
$52
32 瀏覽
0 讚好
0 留言
麻辣牛肚刀削麵、凍豆漿
$52
40 瀏覽
0 讚好
0 留言
張貼
