正宗山西刀削麵皇

營業中

休息中

Knife Cut Noodles🎈正宗山西刀削麵皇/Like the texture of the thick and chewy knife-cut noodles./ 😋滷水雞翼刀削湯麵套餐($49) 配豆漿🥛刀削麵咬落去嗰種口感厚厚地 好似餃子皮嘅質感 ❤️鍾意食刀削麵嘅朋友仔可以去呢間試吓都唔錯架不過今次去食湯底就比較鹹咗少少啦😜生煎鴛鴦($62)有小籠包同餃子各五粒🥟小籠包有汁 但唔算話好多餃子係椰菜豬肉餃 食到肥豬肉都幾多俾我dum咗幾嚿肥豬肉出嚟🤣個蛋底煮得比較老 都感覺到用油量唔少🤭覺得唔差但唔算話好出色🙈

行荃灣行到攰攰地，經過呢間刀削面店，見到金剛小儀💁🏻之前介紹過，於是就諗住試下喇😂..一入到去就見到個半開放式廚房，裡面有個大隻靚仔削麵😂😂😍😍😍雖然menu 價錢都唔算平，但食完覺得完全物超所值👏🏻👏🏻😍..今次叫既春卷刀削面，春卷分開上，面條煮的軟硬度岩岩好，麵滑而有咬口，麵既厚度適中，好有質感，正呀👍🏻👍🏻🤤🤤而個湯又夠味道，唔會太鹹。啲春卷細細條好夠脆，好好食呀！！大家嚟到荃灣一定要試呀！👍🏻😍😋🤤😊

🔹蒜泥牛𦟌刀削麵🍜 ($55)呢個刀削麵係即叫即削嘅👍🏻🌟 呢到嘅麵係偏厚 我個人覺得太厚同埋太硬😂 但重點個麵真係超煙韌 好正🤩🥰 食到最後都唔會變淋 好似我咁食野食得慢都唔驚👍🏻😁.湯底望落去好濃好咸但其實係清清地嘅🤣🤣 加埋大量我最喜歡嘅葱粒 成個湯香佐好多😀🥰.牛𦟌係凍食嘅 份量都幾多🥳 但佢偏薄 我比較中意食厚啲嘅🤣 因為係生蒜 蒜泥有啲辣🤓 而且有醋嘅酸味 食落去好開胃🤪🌟🌟

刀削麵推介。麻辣豬頸肉燻蹄刀削麵我要求左多蒜頭。。生蒜頭真係好好食😋刀削麵爽口彈牙。豬頸肉新鮮炸熱辣辣佢個餐仲免費送豆漿添。值得推介可能我下午茶時間去食人流比較少平時見佢排晒隊

燻蹄絲冷撈刀削麵 $60荃灣除咗米線以外，仲有呢間刀削麵吸引到我嘅注意同埋成日去幫襯，呢間舖頭佢仲話自己首創左冷撈刀削麵添呀！呢間鋪一直都係人龍鋪，午市晚市期間都一定要排隊，但而家疫情期間少咗啲人幫襯唔使點排隊就入到去食。讚!!!今次叫咗佢哋嘅燻蹄冷撈刀削麵，辣到可以選擇大中小或者走辣，明顯係照顧埋啲唔想食辣嘅人🤣刀削麵明顯有做過冰鎮，所以口感十足相當煙韌，而且配菜仲有青瓜絲係裏面，所以都食到有爽口嘅感覺，但係燻豬絲數量一般，食落就唔多夠喉😞但佢哋落單時都會問你要唔要飲品，如果你當時唔要，之後再叫返的話就一定要收正價，冇得再享用有跟餐價錢囉😳

依間刀削麵係即叫即削，可以見到師傅拎住舊麵團將一條條麵條削出黎再拎去煮，睇嘅過程都幾治癒😆**********<刀削湯麵套餐(雙拼)> $52叫左兩碗雙拼，分別試左白菜豬肉雲呑拼豬大腸同埋紅燒豬手拼鴨腎，每樣餸嘅份量都幾多，豬腸同豬手都幾入味，不過另外個兩樣就好普通！重點係個刀削麵真係超煙韌，食到最後仲會食到牙鉸攰😂**********<麻辣牛肚(小)> $39其實本身係滷水牛肚，上面加左超多生蒜同辣椒醬，如果唔食得辣真係唔好一黎就撈埋曬啲醬，真係麻辣到喊，不過食得辣嘅朋友一定會話好過癮🥵

行經荃灣同朋友揀咗呢間刀削麵食嗌咗個牛展雲吞刀削麵1）刀削麵太硬唔夠淋味道還可以2）牛展我覺得還可以啦 大大夠足料3）雲吞 唔記得3粒定4粒 但就有少少失色 麻麻地總括而言呢個刀削麵就真係5050啦

好多年前未裝修果時間中會黎食下，又帶過朋友黎食，宜家裝修後成日見門口排隊，都冇黎食過，岩岩夜晚8點半經過見到門口冇人排，就排住等入去啦，果時向牆單人位都有幾個位，但一直冇叫人入去，好啦等左5-10分鐘都唔叫人入，之後後面排多一男一女，就叫果兩個人入，完全無視我，大佬叫聲等等，招呼下都唔難呀，算啦，出左名之後啲待客態度咁樣，以後都唔食！

友人一直想找，荃灣一間曾經名動一時的蘭州刀削麵，今晚畀被我誤導過來一試。（ 問返店務員，嗰間叫蘭州刀削，這間叫山西刀削）刀削麵套餐 三餸送豆漿 $62《五香牛展＋金錢肚＋紅燒豬手》牛展正常，金錢肚片得太薄冇乜咬口，紅燒豬手味一般般，軟硬程度適中，但冇乜肉。刀削麵，朋友說不是想吃那種，有點兒比較厚，心有點兒硬，但亦不算不熟。湯不值一提。------------------------------首創冷撈刀削麵套餐 $64《 麻辣醬＋燻蹄絲＋刀削麵》加豆漿本身自己很喜歡吃燻蹄，但是切絲會碎開，令到口咁減弱，但配上青瓜絲清新爽口，配搭得宜。不過最大弊病，就是刀削麵原來不太配冷撈，有點兒像麵煮完隔水隔夜感覺，變硬難入味，麻辣醬一般般。店舖menu推介《口水雞》$52相比之下，吃不出雪味，口水汁香，雞肉尚算滑，可惜雞油凝固啫喱狀不太理想。但合格。PS. 兩個人都食唔晒， 除了味道麻麻，其實麵的份量都算多。食物賣相＝(滿分20) 16食物味道＝(滿分20) 12服務質素＝(滿分20) 15裝修整潔＝(滿分20) 16性價比率＝(滿分10) 4回頭指數＝(滿分10) 4總評分（ 滿分100）67分

第一次食山西刀削麵，柔柔韌韌幾好味😋叫左碗豬手豬腸刀削麵，雙拼配豆漿$53，價錢還ok~中午時段比較多人同埋坐得比較逼🙈媽媽叫左碗招牌白菜豬肉餃配豬耳刀削麵，還好

到店点外卖收了钱但漏给两个食材，手撕鸡鸡肉也不新鲜，鸡臊味很重，差评。蛋： 点了没给，不知味。东坡肉： 点了没给，不知味。醋椒木耳： 酸味辣味不够入味，腌制时间不足。手撕鸡： 要了小辣就完全没辣味了，鸡肉不够新鲜导致有一点骚味。不推荐点。 四川盖浇： 拌面里味道不错，不建议放在汤面上。刀削面：面质感不错，但盖浇不够入味菜单：分区略为复杂，看的云里雾里。环境：尚可服务：接待算热情，但跑堂人数不足。 同时漏给菜式。

話說Fatbrown 好鍾意食刀削麵，最鍾意佢依然銀銀嘅感覺之前一路有留意呢間正宗山西刀削麵，可惜喺荃灣咁遠，一路都冇機會食今日終於去到荃灣，一定要將想食嘅嘢食晒佢去到舖頭門口見到貼左好多同明星嘅合照，睇嚟舖頭真係有返啲名氣<手拍青瓜+$18>跟餐叫多咗個手拍青瓜，勁重蒜蓉味<豬頸肉刀削麵$60>叫咗個熱撈豬頸肉刀削麵，呢個刀削麵真係幾失望因為醬料無味，刀削麵偏硬，要食完成碗真係有難道豬頸肉都算爽口，但係冇咩味，唔推介<豬肉雲吞五香牛展刀削麵$52>牛展甜甜地都幾入味，雲吞都算幾好食，皮薄餡靚，刀削麵擺喺湯度食淋身少少唔會咬極都咬唔開

難得去到荃灣梗係揾啲特別啲既野食😆 係朋友介紹下試下呢間正宗山西刀削麵皇🍜一次過滿足哂Boo 幾個願望😍首先就梗係要試刀削麵🍜 我地揀左牛展🐮同埋菜肉雲吞(雙餸$52) 刀削麵夠厚身同煙韌😍👍🏻 牛展超足料，食極都有🤪跟住有麻辣豬耳菜飯🍚($49)，麻醬汁撈飯一流🥰🤗最後唔少得試下呢間舖既特色生煎鴛鴦🍳🥟($62/10隻)，有5隻宮廷餃5隻小籠包🥟，不過兩款餃子既皮都有少少厚🧐相對地，Momo同Boo都覺得宮廷餃好食啲😇 宜鍋底既蛋同餃子連埋食唔算特別夾，有啲蛋還蛋，餃子還餃子既感覺🤪

當荃灣到處都係薯粉米線嘅時候，突然間好想食手工麵。中國傳統嘅手工麵入面，個人偏愛♥️蘭州拉麵，山西刀削麵。但而家真係好少真正即叫即拉喇！以前山西刀削麵嘅蘭州拉麵係即叫即拉嘅，但唔知點解而家冇咗，所謂拉麵係生麵條，唔係即拉嘅。唯獨刀削麵仍然係即削❤️。即削都口感彈牙，每條麵都粗幼、長短不一，每條麵都有唔同嘅生命，吸飽湯汁，更入味，更可口！可惜嘅係湯底未能配合，淡而無味。但唔緊要，揀啲濃味啲嘅餸就得喇！店內嘅吉列豬扒，即叫即炸又香又脆！五香牛肉、牛腩、牛肚、豬腸都鹵得好入味，唔食辣嘅朋友應該好鍾意。但係如果你食得辣嘅，真心推介佢嘅麻辣系列，如果成碟加入湯碗中，清湯麵馬上變麻辣湯底，又麻又辣十分開胃刺激。店內都算大，唔會背貼背，服務方面就一般般。但佢係區內嘅長龍店之一，如果唔想排隊，最好係12點前到啦！

做完運動唔想係樓下食，因為都食到幾悶，於是就出左荃灣中心果頭搵野食啦！見到刀削麵，ok! 入去啦！見到menu都幾多選擇，望兩望之後就點左個清湯手拉麵，配雲吞及炸菜。跟凍豆漿。麵到左啦！好彈牙，好感非常好，而炸菜係我較為喜歡的，因為出面好少e類炸菜，而雲吞都非常足料，足料到漲起晒，不過d湯就有少少咸，再加上咸嘅炸菜d味就會過濃啦，不過會再幫襯，下次試下個刀削麵，因為我見好多客人都食刀削麵，埋單52蚊，手工野黎講超值。