樸一拉麵

服務態度好差！叫左魚介和蝦湯，個麵一開頭食落係ok ,但愈食愈鹹🤢，食完仲好口喝🤢唔會再黎，又唔係平。埋單都二有幾，比錢買難受！因為見到食評先黎試下，排隊果時話齊人先入坐。但我朋友未到，我話可以叫野先，我朋友5分鐘後就到。店員從來無提過話用餐時間係40分鐘，店內都無張貼過話用餐時間係40分鐘。我地食食下個店員就話我地得返最後5分鐘。咁我地仲有野未食完，咁繼續快啲食啦。之後到40分鐘另一個男店員走埋黎話” 依度唔係西餐廳呀，唔係比你慢慢食！趕我地走。咩服務態度先，首先你地一開頭又無講過得40分用餐時間，然後得返5分鐘先話我地知，咁我地都要係5分鐘內食得哂先得嫁，又唔賴死唔走！只係得返一啖麵，諗住食埋就走，使唔使咁講野先！有啲名氣，有幾人排隊好巴閉？ 我知係日本拉麵算係速食，但一定唔會趕人走囉！如果係有heart 想人欣賞你既拉麵既，就唔會連比客人食既時間都無囉。好似機器咁煮麵，隊比啲客食。做廚師既又可以又幾enjoy依份工。仲要我地比緊唔係譚仔既價錢，百幾元一碗麵，又要比你左摧又摧，唔會再幫襯囉。咁樣既經營模式，祝你好運…查看更多

逛街看到有小人龍在排隊吃拉麵就去試了😂餐廳內座位只有大概20個內左右所以晚餐時間需要排隊蟹膏拉麵🍜 $96一端想來都聞到一陣蟹膏味，蟹膏不算很多，叉燒是慢煮所以很軟糯，麵底可選博多拉麵或東京拉麵，軟硬度也可以自選，不錯👍🏻期間限定 蒜味豚骨拉麵🍜 $138這個蒜味拉麵香氣很濃郁，配上慢煮叉燒和安格斯慢煮牛，牛肉不薄，而且有燒過有住焦香味，還有糖心蛋和荀，大滿足👍🏻樸一拉麵 (旺角)旺角通菜街1A-1L號威達商業大廈地下H號舖電話☎️ 36130680…查看更多

🍜拉麵癮起，頂一頂癮先。約咗個朋友喺旺角食咗快lunch大家都想食個拉麵。之前有朋友食過樸一話幾正就咁唔好諗咁多一於去試試佢坐喺bar枱睇住佢整自己碗拉麵🙂海老厚切叉燒拉麵真係堅大塊食完都飽咗一半🤣炸雞餃子拉麵略為重味…查看更多

無論環境價錢食物我都覺得物超所值 個人來說 我喜歡食佢軟的程度 及豚肉味湯慢煮 係旺角想食拉麵 唔洗一定去食一生懸念了 下次想試佢其他味道了 真係唔錯的體驗 食到中途已想下次黎開旺角想食拉麵先會選擇這間…查看更多

女朋友放工前突然話好掛住日本，所以就帶佢黎依間位於旺角通菜街既樸一拉麵感受下自己身處日本啦xd餐廳空間唔算大，裝潢簡約日本風，真係好似日本既拉麵小店架！有多款湯底選擇，每款都好吸引啊！除左拉麵外，亦都有不少小食可以選擇我就簡左醬油味湯底配慢煮叉燒。醬油味夠晒濃，岩晒我鍾意比較重口味既人。麵質亦好Q彈！而慢煮叉燒有4塊，肉質非常嫩滑呢！仲有d紫菜，蔥作為配料，令口感及味道上更加多層次。女朋友就簡左魚介湯底配以厚叉燒，再另外加左溏心蛋及瀘荀。魚介湯底十分鮮甜，仲有一條魚仔架，真材實料！而厚叉燒亦十分出色，非常大塊夠晒厚，口感十足。肉質卻依舊保持嫩，而且仲帶有炭燒既香味呢！我自己下次食都可能會簡厚叉燒😋溏心蛋同荀都好好味～～非常滿意既一餐，亦都一解左女朋友既思鄉症！哈哈下次再試埋其他湯底先！仲有呀，店員服務態度非常好，勁加分！…查看更多

放工去旺角行下，肚餓去搵嘢食，見到呢間拉麵店有人排緊隊，相信質素都唔錯我揀咗個魚介拉麵，配慢煮叉燒，魚介湯底好濃郁，質感比較濃稠，適合喜歡濃味嘅朋友，個人認為魚味可以更加重慢煮叉燒口度適中，唔會太肥，肉質鮮嫩，配上湯底食一流，再加上香蔥同埋木耳等配料，食出爽口嘅感覺，仲有條魚仔點綴我揀咗東京黃色面，麵質比較爽同彈牙，能夠掛湯，整體味道幾好朋友就揀咗辛辣拉麵，再配餐廳出名嘅厚燒叉燒，朋友大讚湯底夠晒辣，食得好刺激，辣得來都會吸引到飲晒成碗湯厚燒叉燒真係幾出色，脂肪比較多，但係燒得好香，啖啖肉，油脂豐富朋友就揀咗博多白色拉麵，口感相對軟身，能夠吸收晒成個湯底，食完好滿足見到師傅用心製作，而且上菜速度超級快，店仔細細值得支持…查看更多

週末下午兩點，有小人龍，等候約十分鐘。一上枱，已經立即聞到海老香🥰。豚骨湯頭，添上甜蝦頭油，湯底濃郁，最配掛湯博多。口口都有海老香，混和櫻花蝦，味道更鮮🤩。味玉有漂亮的橘黃，有蛋甜，口感綿綿❤️，值得加配。魚介香濃，甚至比海老更稠，風味延續強，餘味綿長。當日厚叉燒售罄，想嚐的就要更早到了。慢煮叉燒有四塊，厚薄適中，肉嫩有香 。魷魚夠新鮮，腍中帶爽。炸粉沒均勻，但勝在夠薄夠脆👍🏻，而且入口不油膩。另附的醬料，有點像較清新的他他，味道幾夾。湯頭五花八門，暫時試的這兩款都做得不錯。急不及待想試勻每一款！😋😋…查看更多

最近多咗機會係旺角覓食，當然要發掘下好嘢！早排先知道呢間拉麵小店，真係慚愧呢。晚市剛開門第一轉唔使排隊，入座前其他都諗好要食期間限定嘅清醬油拉麵！雖然索價$108比正堂menu嘅拉麵貴，但已經有溏心蛋同大量慢煮叉燒，所以我認為分分鐘其實係抵咗😆拉麵湯底果然係好清甜，一啲都唔鹹，正常硬度嘅麵已經好有咬口，麵加湯食落係有順喉感覺，溏心蛋水準中上，係我中意嘅口感同味道，加埋叉燒唔肥，慢煮過後亦唔嚡身，一啖接一啖食都冇乜負擔，我直頭覺得叉燒太多添🤣如果麵多少少應該可以平衡返！…查看更多

只有出去按摩既日子先會去旺角個邊 見到人地話係旺角隱世拉麵 但晚市已經好多人排隊 一啲都唔隱世(*ﾟ∀ﾟ*) 不過好彩都唔係等左好耐除咗平時常見可以揀拉麵嘅軟硬度之外 仲可以揀慢煮叉燒/厚燒叉燒 同埋 博多白拉麵/ 東京黃拉麵🦭蟹膏湯拉麵 $96🦭另加 特上(慢煮+糖心蛋+紫菜) $20呢碗嗌左黃拉麵 叫左特上 所以慢煮叉燒有5塊😛湯底濃而不膩 蟹膏鮮甜味極為突出🥰慢煮叉燒 油脂分布平均 厚薄適中除左有蟹膏蟹肉之外仲有蟹鉗 好豐富🥳🦭海老湯拉麵 $92之前食過一幻既海老湯 覺得好膩 所以對呢碗都唔抱有期望點知試左一啖 我覺得呢碗好食過蟹膏湯😚湯底唔會話好重蝦味 但係濃度又岩岩好配上一隻完整既蝦同大量櫻花蝦🦭炸餃子 $28見到係炸餃子而唔係煎餃子 即刻想嗌黎試下餃子炸到好香脆 配上酸酸甜甜既醬🫶🏻Price: $300📍 樸一拉麵旺角通菜街1A-1L號威達商業大廈地下H號舖…查看更多

呢間拉麵係朋友推介，望啲相都好吸引所以決定試吓!!😆😆🤹🏻‍♂️🗺環境方面：呢間舖唔算大，亦都唔係好多位，所以想食就要趁早排隊喇! 如果唔係都真係要等🫣但入面嘅staff都好有禮貌，所以都冇問題🤓🍕🥂野食方面：真係好可惜亦好唔開心🙁竟然食唔到呢間最出名嘅厚燒豚肉拉麵😩因為晏左，已經賣晒。所以如果想食嘅一定要早啲去!!如果唔係就冇。但係其實佢個薄豚肉都好好食。特別係啲麵，硬度適中，湯底亦都係，足夠醬油味又唔太鹹。推介!!…查看更多

咁啱係旺角，又想食拉麵就搵咗呢間。第一次黎見舖仔細細，原來都幾多人排隊跟機。排緊嘅嘅時候已經諗好哂想食邊款，朋友揀海老，我就揀魚介。 入到去坐得都幾逼，要同人搭枱。 重叫咗兩款小食，黑松露蝦餅，同炸雞。魚介麵放咗條魚干幾有趣，湯底魚介味幾足，叉燒冇乜特別，切到好薄咁浪係碗邊，咁真係好咩，4塊變2塊厚少小重好啦，但咁都重可以叫做軟身唔鞋口嘅。麵質麵種都有得揀，味道ok, 不過冇乜特別驚喜，還好。 黑松露蝦餅平凡，只係加個黑松露沙律醬係上面，普通得黎平凡。炸雞都平凡，但肉質幾好，但外面脆漿炸到好硬。 總括係冇乜記憶點嘅一間但味道都ok嘅拉麵舖頭。…查看更多

呢間位於旺角嘅隱世拉麵店，店面一到晚上6點就有條人龍，究竟有咩特別令大家冒名而來呢？Caca 今次食乜嘢？🦐海老拉麵 $92呢度嘅拉麵有兩種，分別係（東京）黃色同（博多）白色，黃色拉麵平時試得多，今次就試下白色嘅博多拉麵啦，感覺味清而幼細，不會膩！厚切嘅大叉燒，先以醬油煮過再以火炙，食落面層香而微脆，整件啖啖肉，啱晒愛食肉肉嘅人，如果想無咁heavy可以選慢煮叉燒，係薄身而一片片一半浸於湯中，一半鋪滿碗邊，配料有滿滿香口嘅櫻花蝦同木耳，亦可自選不同配料，例如糖心蛋、紫菜等！食後感：拉麵湯底濃郁偏帶油，食材配料都有誠意，而且上菜快，整體值得嘗試！…查看更多

旺角人氣厚切叉燒拉麵 又係試拉麵既時候 呢間係位置女人街 成日keep住多人排隊 簡單記錄下（餐牌睇圖）.呢次假日 晚市大概要排20分鐘排隊果時可以 預先填好食咩望圖最吸引我 係佢地燒到焦焦地 又超肥嘅厚切叉燒點知今日賣哂 唯有試其他 呀…我崩潰😧.今日選擇左 最基本⭐️豚骨慢煮叉燒博多白幼麵$78表面有蔥花 木耳 同埋4片 薄切超大片慢煮叉燒 😱叉燒仲長過隻碗 好適合打卡👌🏻口感似西式火腿feel 肉質軟 冇肥仔感覺👍🏻湯底豚骨香味濃郁 唔會太油 飲得.海老湯底$86 有大量櫻花蝦 超重蝦味但味道常見 唔算特別 本身櫻花蝦都唔係咩貴野兩碗面 本身都冇跟蛋 另外加左隻👍🏻糖心蛋 好入味 流心超好食 .整體呢間拉麵評價中上 慢煮叉燒係賣點下次一定要食埋肥仔厚切 應該都會好食價錢方面 $78 唔算貴 拉麵同區都係差唔多價錢.#hkfunfoodrecord窮遊香港#hkfunfoodrecord_旺角#hkfunfoodrecord黃店 .#樸一拉麵 (旺角)地址：旺角通菜街1A-1L號威達商業大廈地下H號舖.⭐️評分：味道：4/5環境：3/5 店面細細服務：3/5抵食：3.5/5.鐘意睇野食既朋友仔 記住幫手like分享 同撳埋右上鐘仔超感謝你嘅支持🙏🏻一齊見證我脂肪成長.‼️想睇更多資訊‼️呢邊有貓貓睇：@hkfuncatrecord‼️ig/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #hkfoodblogger #hkblogger #hkfoodies #香港美食 #旺角美食 #拉麵 #叉燒 #慢煮 #一日一黃店…查看更多

✍︎︎門口排隊等位期間，店員預先俾餐紙我哋湯底有7款可供選擇，叉燒分別有慢煮/厚燒比較少見嘅係連麵款都可以由你揀:博多麵/東京麵仲有麵嘅軟硬度同配菜揀選擇困難嘅我揀得嚟都有位可以等開餐( ´▽｀)🦀蟹膏拉麵🍜 $92(鹹淡度:普通•慢煮叉燒•木耳•東京黃麵•硬麵)一舊蟹鉗，一大啖蟹膏，仲有好多蟹棒絲(^O^)香濃嘅蟹膏湯底唔會好鹹叉燒薄身份量有4塊左右，肉香嫩滑東京黃麵比較粗身🦐海老拉麵🍜 $90(鹹淡度:普通•慢煮叉燒•木耳•博多白麵•正常麵硬度)香濃蝦膏濃湯，配上好多好多櫻花蝦係面令湯底更昇華，超級鮮味( ´▽｀)一隻大蝦已經剝好殼誠意十足🦐好彈牙博多麵比較幼身❥週末7點幾去到，已經賣哂厚燒叉燒(｡ ́︿ ̀｡)唯有再去幫襯！••••••••••••••••••••••••••••••🔎樸一拉麵 旺角通菜街1A-1L號威達商業大廈地下H號舖••••••••••••••••••••••••••••••…查看更多

至愛的餐廳出限定 捧場是基本的之前的黑松露拉麵 每次都忽略到蒜。豚骨拉麵湯底以舊用豚骨湯底 配上蒜 黑蒜香氣很濃厚 麵條上都沾有蒜碎攪拌後會蒜味更突出更濃香蒜油並非呈黑色 有改一往的黑蒜拉麵形象麵條選細麵 感覺比較搭 系我喜歡口感有兩塊慢煮叉燒和安格斯牛肉牛肉不會太薄 有燒過表面帶少許韌度 泡湯也有蒜味其他配料都跟以往一樣雞蛋濃度回來了 有甜香的溏心蛋這次多了份蒜味 推出的幾天後去吃 有種先拔頭籌感覺如果喜歡重口味和黑蒜的 我挺推…查看更多