樂湖刀削麵

營業中

休息中

一對年輕夫婦經營嘅餐廳，會見到老闆現場做刀削麵，今日叫左兩碗刀削面，連麵都可以揀辣度🌶️，配麻辣牛展、紅油金錢肚。刀削麵口感非常有彈性和嚼勁。每一啖都感受到麵條既柔軟度和彈性，好食！🍜紅油金錢肚，紅香辣之餘，仲有啲甜味，金錢肚又非常入味；，辣味激烈，牛展肉口感實在而且入味，好食！雖然價錢有dd 貴，但味道真係好食👍🏻，深街坊歡迎，有時等候時間比較長。辣度要慎揀！因為麻辣牛展（中辣）都真係幾辣😵

樂湖刀削麵的刀削麵是他們的招牌菜，也是我必點的菜品。這道刀削麵的麵條寬而厚，有嚼勁，非常有口感。每一條麵條都是現場用刀片切削而成，保持了麵條的彈性和口感。湯底鮮美，搭配了豬肉片和蔬菜，豐富了整體的味道。刀削麵的麵條和湯底的搭配非常完美，每一口都帶來滿滿的滿足感。除了刀削麵，樂湖刀削麵還提供了多種其他美味的菜餚。我試了他們的炸醬麵和炒麵，都非常美味。炸醬麵的麵條炸至金黃酥脆，搭配了豆瓣醬和豬肉絲，味道豐富。炒麵則是麵條炒至香脆，搭配了蔬菜和肉片，口感出色。他們的菜餚味道均衡，份量十足，非常適合大家來共享。

我港島特登入天水圍搵特色野食，本來想食那間冇開，所以見邊間熱鬧d就去食邊間啦。本身想食麵，就揀左呢間刀削麵，鋪位細細（商場差不多間間都咁迫窄），唔怕迫唔怕熱先好來食喲。叫左碗雙餸刀削面（豬手+牛𦟌），我唔食辣， 我聽到好多人會叫餸要辣，麵就唔辣。個湯有dd藥材味，唔味精，食完唔會口渴。2款肉都很‘’林‘’，又入味。我自己就最鍾意d麵， 而且仲見到師傅係店內即場削麵，真係新鮮製造呀。商場都唔細，但劏開左好多間鋪，我都係要搵商場圖先搵到食物區呀～

一碗熱騰騰刀削麵+麻辣豬頸肉實在係一種極大的享受👍本身唔太鍾意食刀削麵 因為覺得好多舖頭好厚實冇彈性但係呢間每條麵條有彈性唔錯唔錯麻辣豬頸肉好非常出色豬頸肉燉得剛剛好，軟嫩入味，配上麻辣調味料味道十分豐富絕對係辣控的最愛怕辣人士就小心啲啦，因為真係都幾辣🤣另外佢話麻辣豬大腸都好好食，呢兩個係我必叫嘅總體黎講，刀削麵、麻辣豬頸肉麻辣豬大腸絕對值得一試。無論味道定質量，都好優秀 如果你喜歡辣味濃郁既美食佢嗰啲小食係不二之選！

【元朗區】【樂湖刀削麵】睇得呢度耐或者有留意 story 嘅朋友都會知我耐唔時會入到天水圍閒逛，我唔係要搵啲乜嘢抑或想遇上啲乜嘢，因為我嘅過去已經過去，而過去咗嘅嘢亦可能已經離開咗呢個地方，我唔知，亦都唔需要知，知嚟做乜先。感覺呢件事已經變成一個好似信仰咁嘅嘢，有可能呢一刻體會到嘅嘢先叫愛情，問世間情是何物？你問我我問邊個，所以我選擇活在當下，保持初心就算喇。不過雖然我話似信仰，但係我都唔係喺度煉仙，都係要正常飲食嘅。嚟到新北江，麗江冇開，就嚟咗呢間，坐低叫咗個本身 $49 嘅「雙拼刀削麵套餐」，我加咗個餸所以貴咗十蚊。嗰三個餸我揀咗滷水雞翼、牛肋丸、魚腐，全部都係 menu 寫話佢哋推介嘅。麵底方面我食返刀削麵，水準正常。講吓啲餸，滷水雞翼個汁幾香而隻雞翼本身夠肥美，幾好食。個牛肋丸就有啲普通，不過都唔係差嘅。魚腐就最好，薄薄哋，有少少甜味咁幾得意。碗嘢裡面仲有我另外再加 $10 要嘅「溫泉蛋」，生熟度拿揑得唔錯嘅。嘢飲我要咗杯「凍豆漿」，正正常常嘅質素，冇咩好講，呢杯五蚊都唔使加，跟餐就有嘅。成餐夾埋用咗 $69，我覺得都唔錯，湯底都幾香濃而又唔會得鋪鹹。如果我唔加多款餸同埋唔加隻

#chuchu食在天水圍📍 樂湖刀削麵天水圍gang gang，緊係要去新北江搵嘢食，見到呢間刀削麵好多人就食佢，🐷都等左15分鐘左右先有位，小店坐得就有小小逼💡休息時間不定，建議睇佢社交平台！—————————————————————❣️ 麻辣豬頸肉刀削麵 $49 +3豬頸肉要+$3，嗌左bb辣，但係都好辣，好彩湯底嗌左唔辣！所以唔係好食得辣一定要嗌唔辣湯底‼️雖然辣但係都幾好食，豬頸肉煎過，好香都好有咬口！.❣️ 雙拼刀削麵套餐 $49嗌左雪菜肉絲同埋菜肉雲吞，兩個餸都唔錯，不過就冇乜特別，不過$49包豆漿/熱飲，凍飲+$3，真係好抵！.💬如果鐘意食辣嘅朋友一定要黎試吓！—————————————————————不專業評分👅好味指數: 8/10 💰性價比: 9/10👍🏻推薦: 8/10 —————————————————————🏡地址: 樂湖刀削麵 (天水圍)天水圍天湖路1號嘉湖新北江商場1樓C41B舖🕑營業時間：12:15 - 22:00—————————————————————#chuchu食港式 —————————————————————Follow🐷 @chuchu_hkfood

呢一日同家人嚟到天水圍新北江商場呢一間樂湖刀削麵🤤👍🏻👍🏻😉我哋不嬲都好鍾意食刀削麵㗎😚😚我哋叫咗一個手撕雞撈刀削麵 東坡肉撈刀削麵同埋手撕雞湯刀削麵😚😚😚手撕雞好食呀，個賣相又靚😘東坡肉呢都唔差👏🏻👏🏻👏🏻👏🏻啲刀削面嘅面質地係我好鍾意😍😍😍如果喺天水圍又想食刀削麵嘅話，都真係要嚟呢間😳因為價錢都幾合理，50幾蚊就有個面仲可以配豆漿🤤🤤🤤👍🏻👍🏻👍🏻👍🏻👍🏻

今個weekend 入黎天水圍兩日一夜 見呢間幾多好評就試下✨麻辣豬頸肉刀削麵 $54豬頸肉外皮少少脆啦 味道醃得幾好 有啲南乳味 加上啲蒜蓉同麻辣味好正👍 推薦 👍 刀削麵好彈牙 質感好好 有麥味 麻辣湯底超級辣 叫左小辣都食到出晒汗食唔到 下次都係叫bb 辣就得😵😵✨麻辣熱拌牛腩金錢肚手工拉麵 $73呢個手工拉麵要加$6 但男朋友覺得係真係好食過刀削麵 更彈牙😂 我自己就鍾意刀削麵多啲啲餸都好好食 牛腩好嫩又香牛味🤤金錢肚夠爽✨涼拌青瓜 $28皮比較厚 🙈 但都唔錯 酸酸地幾開胃總括黎講味道好好 麵同餸都出色👍 跟餐有凍豆漿搭配解下辣 不過落完單之後都等得有啲耐🤔 環境細細要搭枱不過都唔算十分逼嘅 味道❤️❤️❤️❤️💔抵食❤️❤️❤️❤️服務❤️❤️❤️環境❤️❤️❤️💰晚餐人均～$77(唔收+1)✅再幫襯

去大西北覓食，之前都有聽聞呢間刀削麵好出名。去到店舖即見到師傳揸住個麵團係到削麵，麵條削到一定厚度，食落煙韌😋💛雙拼刀削麵套餐 ($49)配菜方面揀咗貢丸同肥牛，貢丸就得兩粒，相反肥牛份量都算多，兩款味道都不過不失～ 湯底方面有少少山藥味，味道唔會單一。而刀削麵份量都多，食完飽腹感大😚💛特色刀削麵套餐 ($56)揀咗醉雞做配菜，一上台聞到好香嘅酒香味🤩 雞都嫰滑，但食落苦🥹 唔知係本身嘅酒味係咁定食唔慣🙈湯底同麵嘅份量都同雙拼一樣。💛套餐均包熱飲/豆漿另外想講講嘅就係處理食材方面要再小心啲，圖中湯底會發現亮點，小編都係後期先發現有影到🤣———————————————————————🌼評分：5個🌕為滿分🫧味道：🌕🌕🌗🫧環境：🌕🌕🫧性價：🌕🌕🫧回頭：🌕🌕⏰限時：NA

8:00行到過嚟一堆人喺度等外賣，好彩等兩張枱就可以入，不過都等咗半個鐘🌟麻辣牛腩刀削麵$49送豆漿牛腩係另上嘅，刀削麵見到廚師係即整，所以都要等一陣，不過上菜都算快。刀削麵口感煙韌🤩，每一條都好彈牙，配埋牛腩湯底好濃味，勁正！賣相唔辣嘅牛腩好大舊，因為之前都食過好大舊，賣相唔得嘅，所以潛意識覺得唔好味、一定會好un! 點知點咗個汁擺入口好驚喜😶‍🌫️😶‍🌫️牛腩一啲都唔韌，而且好軟身、煮到好入味，個麻辣汁真係好似食緊烤魚嗰種好香嘅麻辣味！ 真係估佢唔到超好味又開胃！個汁底下仲有啲生蒜蓉同蔥，夾埋一齊食真係超Juice😍味蕾上嘅滿足💯真係太後悔而家先發現原來咁好味😋以後會多啲嚟幫襯！食過呢間之後你絕對唔會再想食旁邊嗰幾間麵🤣味道爭太遠啦！🌟熱拌五香牛肉刀削麵$53送豆漿除咗湯麵好好食之外，原來拌麵都一樣咁好食😋一上枱見到啲牛肉已經覺得好正！入口軟，不過味道就偏淡！然後牛肉旁邊個橙色嘅醬有啲似麵豉醬，又有啲似豆瓣醬嘅味道，鹹鹹地幾香，當你撈晒成碗面之後食落去個味道比較淡，只係食到香油味，對比湯麵🍜，熱拌麵有啲失色！總括而言：真係幾抵食，40幾蚊就有一個套餐而且仲要啲肉性價比好高！值得再嚟💯🔍

樂湖刀削麵喺新北江商場屹立多年，睇落平平無奇，但一到假日就大排長龍，訂單多到接唔切～想食到佢地嘅刀削麵又唔想排咁耐，建議1點前去到就唔洗等咁耐😉鋪頭嘅店員仲好好人兼直率👍🏻喺天水圍區唔可以錯過嘅餐廳呀!!💁🏻‍♀️今次叫咗1️⃣碗刀削湯麵🌟自選雙拼刀削麵💰49店主堅持自家人手製造刀削麵，令到每條麵條達至堅韌嘅口感，同埋充滿著濃郁嘅湯底香味🥰如果鐘意食餃子一定唔可以錯過呢款呀，以韭菜為主嘅餃料，更加提升咗湯底嘅香味～魚腐更加係餐廳推介嘅選項，先把魚腐炸至金黃色，再放入湯中，唔會覺得熱氣外，反而多咗層香氣口感😋溫馨提示✨自選單/雙拼套餐會送凍豆漿或熱飲

今日來天水圍送貨，從未來過依區，問地膽，推薦依間麵店。係商城最入面，狹窄小小，一來到無咩期望，以為好似普通茶餐廳水準。但食落真係驚為天人！從牛腩、珠蔥、芫茜、到湯底辣醬都非常新鮮入味，麵條煙韌，勁道十足。牛腩同麵分量都唔小，夠飽肚，套餐包凍豆漿$49真係性價比一流。席裡行間聽到老主顧都係鄰里街坊，店家係一家人，做事麻利又有講有笑，好有小店嘅溫情。宜家咁用心做生意嘅麵店越來越少，一次來呢區一定再幫襯！

天水圍新北江樂湖刀削麵，其實都係我好鐘意食既餐廳😋😋 肥牛魚腐米線係我每次必叫既野食係，我唔係去食刀削麵🤣🤣我次次去都係叫雙餸米線配凍奶茶 $52 🤣🤣 有時仲會加個炸雲吞❤️❤️❤️ $33/5粒雖然佢地方唔大，有時會掂到身邊既人，埋單個袋掃到人或者俾人掃到都係兵家常事🤣🤣但佢勝在夠溫暖，上菜快💛💛💛 野食夠熱夠新鮮夠味道😍😍 有時打去叫定外賣，佢會預定時間整，拎到返屋企都仲感受到佢既溫暖😋😋😋

樂湖刀削麵食過好多次，咁返卓得就梗係ok先會返食啦，今次分享下食物質素如何啦。呢度既刀削麵除左傳統既湯刀削麵，仲有熱撈同冷撈刀削麵，由於我比較鍾意佢山湯底，所以會食返湯既。今次叫左碗豬大腸拼魚腐既雙拼刀削麵，豬大腸無異味，鹵過有d鹵水味，呢隻魚腐我覺得幾好食，平時好少見，上枱之前有輕輕返炸過下，會比較香口，刀削麵偏厚身，唔鍾意厚既朋友落單時記得叫老闆削薄d啦，最正我覺得係個湯底，有dd藥材味，咸中有點甜，唔係天氣熱我諗唔洗另外飲野都得，飲個湯都夠。雙拼麵$49，凍飲加$3，價錢黎講非常合理，環境黎講新北江小店形成會坐迫d，所以都好多人選擇外賣。

好似無論咩時候去都係咁多人排隊等位或者拎外賣😳 如果同我一樣係買外賣嘅話可以預早少少打過去落單，就會快少少👍🏻 (失策唔記得咗幾錢🥲 總之全單$118)💛麻辣雙拼刀削麵套餐嗌咗麻辣豬頸肉加麻辣雞翼，小食要小辣，湯底要唔辣‼️ 因為之前試過兩樣都嗌小辣，加埋一齊食之後係比其他舖嘅小辣更誇張🥵 所以可以嗌唔辣湯底，之後倒翻小辣小食汁入個湯度，自己調教翻辣度🌶麵好煙韌，食耐咗有啲攰😴 豬頸肉係有炸咗先，炸咗嘅外層有少少脆嘅位，而肉質比較滑同埋淋😍 呢個豬頸肉真係非常好食，我覺得係必嗌👍🏻而麻辣雞翼同(下面嘅)滷水雞翼都滑，但就冇乜佢嘅麻辣/滷水味，而麻辣有機會係因為我冇浸曬成隻雞翼落啲汁度，如果想入味啲就浸下佢👌🏻💛雙拼刀削麵套餐嗌咗滷水雞翼同埋菜肉雲吞🥟菜肉雲吞因為冇分湯，拎翻嚟已經太淋🥲 入面嘅餡料冇乜特別，每個餐都會送凍豆漿/熱飲🥛🥳