樂湖刀削麵

小編今日來到天水圍一間刀削麵專門店「樂湖刀削麵」，這間位於天水圍新北江商場的小店，雖然空間細小卻極具人氣，假日就算到下午兩點依然大排長龍🙌🏻 小店主提供多款特色小吃包括麻辣大腸、牛腩、牛筋、豬扒、雞扒、豬耳、口水雞、滷水鳳爪、麻辣肥牛、東坡肉、金錢肚、豬頸肉等✨ 刀削麵可轉 米線/ 薯粉/銀針粉🍜 廚師就在食客面前現場刀削麵條，保證新鮮現做絕非預製菜式，大推必食刀削麵店🧡「麻辣刀削麵（麻辣牛展加麻辣金錢肚）」刀削麵和小吃均可選辣度，今次選擇BB辣，麻辣牛展和金錢肚鋪滿一整碗，牛展厚身而煮得軟嫩，金錢肚爽彈入味🐮 小食加上蒜茸增香，湯底採用獨特配方熬製的麻辣，香氣濃郁，麻辣味足，刀削麵手削的麵條厚度均勻，彈牙有嚼勁，麵條更添地道風味🍜「麻辣刀削麵套餐（東坡肉）」東坡肉燉得入味，肥瘦比例恰到好處，口感如腩肉般，東坡肉的滷汁與麻辣湯底搭配，每一口都充滿幸福，提升整體風味🐷 「麻辣雞扒小食」雞扒炸得金黃酥脆，麻辣風味十足，雞扒外酥內嫩，肉汁豐富，BB辣級別適合初嚐麻辣口味的朋友，十分推介的招牌小食🧡🍽 ：麻辣刀削麵（麻辣牛展加麻辣金錢肚）；麻辣刀削麵套餐（東坡肉）；麻辣雞扒小食（BB辣）👅好味指數：8.25/10；8.0/10；8.0/10💰消費：HK$55（金錢肚另+HK$10）；HK$52；HK$36📍 地址：樂湖刀削麵 (天水圍)天水圍天湖路1號嘉湖新北江商場1樓C41B號舖…查看更多

之前一直聽人講新北江好多野食，但從來未去過🫢……入面中日台韓野都有 (見最多係川菜)，由於鍾意食麵，同埋見坐滿人咁濟，就決定試呢間刀削麵，坐低望到廚房，見到真係人手搓麵同削麵，佢有好多刀削麵餐可以揀，我地就叫咗麻辣餐嘅，配凍豆漿都只係+$3，非常抵！叫咗個冰鎮露荀，淋咗好多胡麻醬，食落幾Fresh幾夾 (不過露荀本身唔算好靚) ，刀削麵方面，麵個口感係好食的，而且要讚個湯底，就算叫唔辣，都夠濃同有層次，好食過出面食嘅刀削麵湯底，仲搭咗兩條生菜，餸一定要叫炸豬扒！好好食！係可以用鬆軟嚟形容佢個肉質，味道亦好足！至於牛筋同大腸就正常發揮，見人地叫口水雞都好似不錯，豆漿飲得出係鮮製，無加糖～下次想再嚟試其他野食！…查看更多

麻辣牛筋刀削麵😭刀削麵超煙韌！牛筋軟糯到一食就化最重要啲麵係老闆即刻係你面前削絕冇預制可能豬扒熱拌刀削麵四川擔擔醬超濃郁，掛滿麵條豬扒夠脆兩者加埋絕配！再叫多咗個涼拌青瓜尼個就正正常常～…查看更多

樂湖刀削麵（是一家平民小店，位置雖細，卻充滿人情味，親自刀削麵的表演令人印象深刻！開放式廚房讓食客可近距離觀賞師傅手起刀落，麵條厚薄均勻，口感Q彈。招牌麻辣雞扒刀削麵（$46）湯底香濃微辣，雞扒嫩滑，配滷水雞翼和魚腐，份量足料。雙拼刀削麵套餐（$49）可選五香牛肉和菜肉雲吞，牛肉軟嫩，雲吞鮮甜，凍豆漿免費奉送，超值！環境簡單樸實，座位有限，旺場需等位，但乾淨整潔。服務親切，老闆偶爾與食客閒聊，氣氛溫馨。價格親民，適合學生和街坊，這碗刀削麵不僅滋味正宗，更帶有濃濃的社區情懷，是天水圍隱世美食！…查看更多

今日去咗呢度堂食，叫左個兩餸刀削麵，湯底可以，麵硬度亦合格，餸選了擔擔面醬和鹵水雞亦，整體來說不過不失，算合格，但沒有什麼驚喜同埋坐既地方比較迫，大家都可以一試。…查看更多

今天的用餐經歷非常不愉快。餐廳原本在12:30開門，但我提前到達，期待能早些享用美食。結果卻等到了13:00才開始用餐，這讓我感到失望。食物好好食都冇用啦，以後都唔洗幫襯…查看更多

20:20到本身諗住堂食，見前面要等4張台而啲人大部份未食完，就諗住轉外賣，因為都少許趕時間。當時職員話外賣第四張，咁一直等，等到啲人入晒坐，20分鐘過左前面啲單出晒同我後面既所謂快單（米線）都出埋，連所有等位既堂食都入晒去落埋單上埋菜食緊（上菜既係仲遲過我落單的）貴 店都未開始做我既單最後我根本等唔切想退款，死都唔俾你退跟著先開始煮如果啲單唔係順序做既 堂食要優先到一落即有，外賣單要人等廿分鐘唔催都唔做既，幾好食都真係搞唔掂可能我唔岩食呢間餐廳啦…查看更多

天水圍有名的刀削麵店特別從將軍澳過去嘗新但真的很失望從點餐到上桌等了20多分鐘而且是問還要多久才發現***漏單***只有6張桌 坐下的時候 其他人都已經在吃我以為是因為即場刀削才比較久點了三碗麵牛腩刀削麵湯底味夠濃郁有淡淡的藥材香不是味精湯建議大家可以選不辣 主菜才選辣度牛腩有點咬口 不過軟滑刀削麵由老闆即場搓麵質比較粗身，堅韌彈牙不過個人覺得偏厚如果可以薄一點會更好蒜泥豬頸肉刀削麵套餐改（紅薯粉）主菜和湯麵是分開上豬頸肉肉質爽口彈牙加上大量生蒜、蔥花 超香超惹味如果不食辣的朋友，可以走辣菜肉雲吞＋四川擔擔醬米線雲吞 皮薄餡多 擔擔醬有點過辣…查看更多

成日聽天水圍人推介呢間刀削麵今日特登走入去試吓嗌咗一碗BB辣 一碗中辣刀削麵如果唔係好食得辣嘅人真係連BB辣都唔好嗌😫辣得制啊！建議叫返清湯算佢既辣度係誇張左 不過啲麵煙韌度十足 有返咁上下水準小食就嗌咗豬頸肉+雞扒+炸雲吞佢啲餸份量都好多大推雞扒！好大件，啲肉又厚實豬頸肉就鹹得滯炸雲吞正正常常總結係如果咁岩經過係好推介去試吓見到門口長期都有人等緊位不過如果特登入去食嚟講唔算太驚艷如果唔想食湯嘅話都可以揀撈嘅刀削麵見到隔離枱食覺得幾吸引下次會再試！…查看更多

特登入嚟天水圍食，見到佢開12:30我哋12:30已經企咗喺度，等到搭九都未開燈，我哋就問佢想問今日開幾點佢同我講1:30，但明明我地已經企左係門口好耐，入面係已經有幾個員工係度傾計，都冇話比我地知，唔會再黎…查看更多

這間位於天水圍的刀削麵店，其實已經想試好耐，一直未試嘅原因係因為經常要排隊，加上餐廳面積不大，所以一直都冇機會去試。今日趁下午有點空閑，我四點左右過去終於食到。我點了麻辣牛展刀削麵，餸(中辣), 刀削麵(不辣)，先試試清湯，是帶點藥材味道的。食到中段，才把整碗麻辣牛展倒入碗中，又是另一個風味。牛展煮得夠軟爛，口感很不錯，但是個人不是很喜歡帶甜味的麻辣，在我把整碗麻辣牛展倒入麵後，這個湯變得很甜，很甜，感覺好像不是很夾。最後以一杯豆漿結尾。…查看更多

食咗兩年真係越黎越難食，一開始比佢地辣同湯吸引，湯有藥膳味好正，個辣都惹味，但依加難食到接受唔到，個辣依加得蒜頭，個湯死鹹，比咗好多次機會，每次只係更失望，尋日食仲食到柯，嘢食味道都奇怪，絕不再食…查看更多

作為天水圍街坊，去搵食就緊係要到新北江而新北江嚟講，呢間刀削麵一定係我心目中嘅必推餐廳！呢間刀削麵長期都坐無虛席，今次都避咗午飯時間去，諗住唔洗等位啦，點知去到都仲要等4張飛！好彩都係等咗10-15分鐘左右我自己每次食都必定係會叫我嘅至愛麻辣豬頸肉，同行朋友就叫咗麻辣牛筋，另外再叫咗個炸雲吞share!麻辣豬頸肉刀削麵（餸小辣）（麵唔辣）⭐️⭐️⭐️⭐️⭐️豬頸肉炸得外脆內軟，勁香口又唔會太油膩，配埋蒜頭入口勁香脆，麻辣汁唔會死咸但又好刺激，食到lam lam脷呀麻辣牛筋刀削麵（餸小辣）（麵BB辣）⭐️⭐️⭐️⭐️牛筋勁彈牙唔會好太韌，同埋勁索汁食落超甘香，入口係滿清嘅骨膠原感！但小心牛筋上有機會係會有啲細骨，放入口前睇清楚就唔怕咬崩牙刀削麵湯底超好味夠濃郁，有陣淡淡嘅藥材香，每次食都忍唔住係咁飲個湯，而麵質係非常彈牙有口感，食得出人手削出嚟而唔係機械式壓嘅感覺，每條麵厚薄唔同會帶出不同口感都幾過癮 炸雲吞⭐️⭐️⭐️⭐️⭐️炸雲吞嘅雲吞係白菜豬肉餡，熱辣辣咁上菜，入口勁香脆，咬個下會聽到好清脆嘅聲音，而且係炸得非常透，唔怕入面唔夠熟，仲非常多肉汁添，完美呈現出外脆內軟嘅口感呀溫馨提示佢哋嘅小辣其實都偏辣，所以建議可以先試bb 辣，而食唔到辣嘅都可以揀唔辣，非常貼心配合到所有人嘅口味呢！…查看更多

突然好想食刀削麵 就試吓呢一間左諗右諗，終於諗咗食牛腩同埋金錢肚揀咗清湯 略嫌覺得湯頭唔係好清甜嘅感覺 清湯都有鹹味，但係味道好單一如果湯頭再改善一下嘅話 成碗刀削麵會好高分嘅再講金錢肚 我覺得切到好粗好大條超級正😂😂😂 同埋份量好多，講真依家食一碗麵，如果叫個金錢肚好少係咁多份量OK嘅都容易咬牛腩味道都正常，亦都係份量好多 刀削麵厚度非常足夠，有咬口 食極都食唔晒😂一個女仔其實係食唔晒嘅，除非超級無敵爆炸肚餓飲凍檸茶，不過覺得凍檸茶就一般般 😂😂總括下次都可以再食多次…查看更多

凍冰冰嘅天氣最啱食熱焫焫嘅湯麵暖身，呢間位於天水圍新北江商場嘅刀削麵世一好食! 😍 舖面細細間，座位唔多，會有少少逼，多數都需要搭枱，如果介意嘅朋友就需要考慮下。📌 麻辣刀削麵套餐 ($52)🍜有多款餸可以自選，分別叫左2個餐，試左麻辣金錢肚，同麻辣豬頸肉 (+$3)。餸同湯麵係分開上，金錢肚非常入味，豬頸肉肉質爽口彈牙，加上大量生蒜、蔥花同麻辣，勁香勁惹味😋 如果唔食辣嘅朋友，可以揀走辣，D餸都會跟有生蒜同蔥花。另外，刀削麵湯底好清甜，唔係味精湯，建議大家可以揀湯麵唔辣，餸先揀辣度，刀削麵由老闆即場搓，麵質比較粗身，堅韌彈牙。開放式廚房，大家可以睇哂成個製作過程😆…查看更多