性價比都幾高嘅一間一個人燒肉店。每個set嘅燒肉都有唔多克數可以挑選，種類豐富，夠晒滿足😆除咗自己一個爐燒之外，如果有朋友都可以一齊share一個爐😎 ✨ A12 十勝和牛サーロインセット 👉🏻 日本十勝A5和牛西冷套餐 ($188 120g) 和牛色澤粉嫩，牛嘅花紋都好密同靚。份量都好足，每塊牛嘅厚度都幾厚，燒到少少焦脆，擺落口啲肥油同牛味湧晒出黎，夠晒邪惡🤩 點點埋月見汁，即蛋加醬汁令牛更滑嫩，正😚 ✨ A9焼肉の定番 ($178 250g) 套餐總共有三款肉，分別横膈膜肉、胛片同厚切牛舌。每款都有唔同驚喜！横膈膜肉比較有咬口，胛片油感多啲。兩者都有牛味，各有各好。牛吞真係幾厚下，燒到七八成熟啱啱好！食落彈牙爽口，牛舌控必食！😍 ——————————————————————— 💰加一：✔️ ⏰限時：65分鐘

中午食飯成日都匆匆忙忙，食個快餐，轉個頭又要做野。間唔中好好放鬆都好重要！呢間餐廳就有自助沙律任食，健康番曬黎😘 ✨自助沙律吧 ($108) 沙律吧嘅選擇都幾多，除咗平時沙律菜及配菜之外仲有蕃薯，烤茄子同西瓜等🍉 每款都新鮮，食落清新，人都健康啲🤣 ✨ 海蝦珍珠帶子•蕃茄醬扁意粉 (+$25) 意粉一上枱出晒煙，賣相食水都好靚，滿滿嘅蕃茄粒鋪晒係面頭。蝦嘅份量都幾多，粒粒都彈牙。而意粉嘅蕃茄味出，酸酸地幾開胃🤤 ✨ 香煎盲鰽海魚柳•芝士帆立貝 •忌廉汁 (+$38 ) 魚柳賣晒真係好啱打卡，面頭帶子賣相好吸引！食落好甜，撈埋芝士好邪惡😈 兩大舊魚柳煎到外脆金黃色，內裏質感滑身，好易入口。紫薯蓉好棉密，食落好濃紫薯味😋 🥤凍蘋果茶 🥤藍色美人魚 (+$29) 藍色一睇到就好吸睛！飲落味道好清新，有菠蘿、檸檬、雪碧等，有重令人意想不到嘅驚喜😚

火鍋放題就食得多，近年都漸漸興起以鮮牛肉為主嘅麻辣火鍋店。呢間火鍋店店名方叔叔都好盞鬼，適逢7週年，仲有指定飲品同啤酒住飲，十分抵🤩 某指定食材仲會有埋烹煮時間，側邊有埋計時器，唔驚煮過頭😆 ✨重慶炸酥肉（半份） [$38] 酥肉炸得好香脆，咬落口啖啖肉！食落會有陣陣麻辣味浮出黎，都幾辣🤣 ✨手打墨魚滑（半份） [$58] ✨手打魚籽蝦滑（半份） [$58] ✨潮汕手打牛筋丸（半份） [$28] ✨鮮滑魚麵（半份） [$38] 墨魚滑同蝦滑都好彈牙，兩者都好食到佢地本身食材味道😚 牛筋丸好有驚喜！重牛味之餘，落開啲肉汁出晒黎而且好彈牙爽口！ 鮮滑魚麵份量幾多，食落同樣彈牙，輕輕嘅魚味再配埋湯一齊好滿足😌 ✨嫩牛肉（一份） [$88] ✨美國Prime牛小排（半份） [$138] ✨十秒牛舌（半份） [$58] 嫩牛肉食落口真係好滑，一啲都唔韌。就算煮耐咗都一樣嫩，好有牛味😋 牛小排就多少少雪花，薄薄一片同樣有牛味，掛汁再強啲！ 牛舌真係煮10秒係最佳時間！食落爽口，同火鍋都幾夾👍🏻 ✨功夫萵筍片（半份） [$28] ✨冬菇（半份） [$18] 兩樣蔬菜都好索湯底味！萵筍爽口，冬菇煮淋好有菇味🤤 🥤洛神花鮮橙特飲（凍） [$48] 飲落酸酸微微，可以清油膩又解辣。一杯已經好大杯，適逢做緊優惠仲可以冇限添飲🤪 🍲鴛鴦麻辣鍋 {普通辣;蕃茄湯} (2人湯底) [$76] 蕃茄湯入面有大量金菇，湯底飲到好濃蕃茄味，好開胃！ 麻辣湯揀咗微辣，味道麻中帶辣，幾過癮😉 🍵茶位/醬料 [$40] ——————————————————————— 💰加一：✔️ ⏰限時：❌

台灣食身總係令人念念不忘同好掛住🥰呢間台灣火鍋放題任食就足夠令大家回味台灣小食、飲品同甜品。一個價錢食盡咁多野真係夠晒抵😎 ✨SET B極上牛牛翼板套餐 💰($268/90分鐘.$298/120分鐘；小童及長者各平$80) 火鍋湯底總共有9款可以選擇！今次揀咗台灣惹味沙茶湯同芝士牛奶鍋。前者入面有大量蒜頭，洋蔥等做湯底，沙茶味好濃。後者芝士牛奶好特別，係濃濃嘅牛奶味中又帶啲芝士味😚 火鍋配料都超過30款任拎！雪櫃出晒煙，確保配料夠凍！最深刻印象就係芋頭丸、米血糕同埋麻吉。呢幾樣平時係出面火鍋店比較少見😗 除咗配料之外仲有多達9款台式小食，最鍾意食鹽酥雞、花枝丸同埋榴連炸雞！每款都即叫即炸，咬開榴彈炸彈啲醬仲流晒出黎，好邪惡🤤 套餐包咗六款肉類。當中最吸引嘅肉就係極上牛翼板。肉嘅紋理就已經好靚，食落唔韌又好有牛味。另外日本鹿兒島茶美豚梅肉塊塊都好大塊，好有肉味😋 飲品就比起其他火鍋店好唔同喇！平時汽水，紙包飲品就飲得多。呢到就係一杯杯即叫即整嘅手搖飲品，有最常見嘅珍珠奶茶到乳酸梳打都有，多達20款任飲！嗌咗冬瓜茶、芋圓圓奶茶同鳳梨乳酸梳打，杯杯都好足料，同平時出面嘅手搖杯不相伯仲🤩 最後仲有多達11款，有窩夫、雪花冰、仙草凍等。太飽關係正係食咗窩夫，窩夫鬆軟好有奶同蛋味。另外仲有每人限叫一款雪糕，食完真係大滿足😍 ———————————————————————— 💰加一：✔️ ⏰限時：90/120分鐘 (晚市)

充滿驚喜嘅一間泰國餐廳，餐廳名特別，裝修又搶眼。餐廳經理仲好友善，推介好味嘅菜式比客仔😙 ✨泰式鮮黃咖喱海鮮多士盒 ($168) 整體都好大個，除咗打卡一流，連味道都唔錯！咖哩好澎湃，滿滿一碟好似就黎瀉。味道甜甜地，好有椰奶味！麵包好軟熟，點埋一齊食好豐富。海鮮都好鮮甜😆 ✨圍威喂！炒金邊粉($98) 金邊粉配料多，滿滿芽菜。炒嘅濕度適中，食落甜甜地，味道似足泰國，幾好味🤤 ✨圍威喂！香辣豬肉生菜包($88) 辣豬肉係其中一樣泰菜經典。辣豬肉炒得好香，配埋蔥頭一齊辣辣地幾過癮😚 ✨蒜香炒通菜($78) 通菜有鑊氣，炒出黎都好翠綠。配埋大量乾蒜好惹味😋 ✨圍威喂拼盤 (春卷.魚餅.蝦餅.單骨雞翼)($138) 每款小食都試試小小就夠晒滿足！每件都炸到金黃色，魚餅蝦餅食落彈牙、雞翼入面保留肉汁、春卷多料🤘🏻 ✨泰奶茶雪糕配油蔥餅($58) 雪糕分別係斑蘭同泰式奶茶味，兩者都好濃郁，配埋油蔥餅原來好夾！油蔥餅酥脆，係冰火交融嘅感覺。只係塊餅有少少難切🤣 🥤木瓜奶奶 ($36) 木瓜味好濃，嗌咗少甜比例啱啱好！質感係濃稠款，飲落好足料🤘🏻 🥤炭燒黑糖珍珠鮮奶 ($36) 珍珠煙煙韌韌，好有咬口。黑糖味好足，配埋鮮奶真係邪惡感大大提升🤪 ——————————————————————— 💰加一：✔️ ⏰限時：❌

放題就食得多，估唔到仲做埋榴連主題，可以任食榴連😆 呢間日本放題店無論食物，定飲品都有多款選擇。啱晒選擇困難症嘅大家之餘又可以食到回本😚 ✨晚市放題 (530pm-730pm $258) 食物多達50款可以選擇！除咗榴連炸彈外，仲有埋一件件嘅榴連任食！榴連控最愛🤩 榴彈似係輕輕燒過，食落皮脆內淋，好邪惡❤️ 除咗手機落單外，餐廳中間提供少量前菜，有蟲草花膠雞湯，足料得黎又暖胃。仲有少量沙律，小食等。啱晒手機落完單等緊黎個陣去拎👍🏻 每款刺身都肥美同好新鮮！三文魚忍唔住嗌多幾舊。而壽司都有妹多款，手握到卷物都有。最深刻印象嘅係燒三文魚腩壽司，輕輕地火炙過，好香口😋 無論燒物、炸物、熟食都係即叫即整，上枱時都熱辣辣！印象深刻嘅係燒羊鞍同燒菠蘿🍍。前者燒得好香口，入口有啖啖羊肉味，但同時又唔會太羶味。後者菠蘿燒得好香，咬落好多汁，酸酸地好解膩👍🏻 飲品都有超多款，一排雪櫃任揀，連酒精飲品都任飲！除咗凍野飲外仲有暖飲同室溫區，啱晒養生人士🤣 最後仲有好多款嘅雪糕同甜品任揀，款式種類多，食完滿足感大大提升😍 ———————————————————————— 💰加一：✔️ ⏰限時：120分鐘

係香港食到又好食又精緻泰國菜係件開心事！呢間餐廳仲連續10年獲選為「 Thai Tatler 泰國最佳食府 」嘅米芝連食店😆 ✨午市套餐($218) 🍴Set A. 泰式和牛船麵 船麵配料有和牛、牛展、牛丸，好豐富。和牛好重牛味，而牛展咬落都好淋，好易咬。彈牙牛丸充滿牛香味。湯底濃郁，香料味都重，令麵掛晒汁🤤 ✨午市套餐($208) 🍴Set F. 紅咖喱豬頸肉配白飯 係有泰式香料嘅咖喱，配埋一流！咖哩外表紅紅，但食落唔會太辣，椰汁味令咖哩味提升。豬頸肉大大塊，咬落軟淋，唔會柴😚 ✨套餐包括自選湯品、精選沙律、甜品及餐茶😋 🍲揀咗冬陰公同椰子雞湯，兩者都好入味。前者酸酸辣辣後者清甜。 🥙沙律有豬肉粒、菠蘿、菜，食落層次多。菜有酸甜醬，幾開胃。 🥤檸檬茶 🥠泰式魚餅(+$38/2件) 魚餅外表係輕炸類，食落啖啖肉，有輕輕嘅魚肉味再夾香料味，幾特別😋 ———————————————————————— 💰加一：✔️ ⏰限時：1小時

以木色係主調嘅一間台式小店，入面位置唔多，有種溫馨感覺。一系列嘅經典台式料理，有台灣感覺☺️ ✨椒鹽花枝丸($38) 花椒丸係冇裹粉炸嘅一種，咁樣炸更容易入口，食到粒粒花枝。花枝丸彈牙，椒鹽味夠，小食一流🤤 ✨鹽酥雞 ($42) 鹽酥雞舊舊都炸到金黃色，咬落好脆身，啖啖肉。外皮有好重嘅椒鹽味，好香口，但肉偏柴，少少扣分😋 ✨起司玉米蛋餅 ($35) 蛋餅外皮煙煙韌韌，入面包住邪惡芝士同粟米，仲有蛋香味。呢個配掂真係冇得輸！醬味甜甜地，一齊食好夾😚 ✨手工魯肉飯 [包一隻糖心蛋] ($52) 魯肉嘅份量都幾多，滿滿咁遮住白飯。而肉就係偏向肥豬肉，滷得好入味，配白飯真係好開胃。糖心蛋都係些少流心效果，但相對冇咩味道🤣 🥤冬瓜仙草茶(跟餐+$12) 冬瓜茶飲落幾清甜，好消暑解渴，配埋仙草好有口感🫶🏻 ———————————————————————— 💰加一：❌ ⏰限時：❌

泰國向來都係香港人其中一個熱愛嘅旅遊景點，除咗物價平之外，泰菜又好好味！ 呢間Lady Nara就係泰國名店Nara Thai Cuisine嘅副線。主打少女風感，環境粉紅粉紅，某啲座位仲對住海景😍 ✨蝦片($15) 每枱枱面都已經一早擺定咗係到。每塊蝦片都係脆口，咬落索索聲。鹹鹹地又帶少少胡椒味，要黎做開胃小食幾過癮😚 ✨香脆蝦餅(6件) ($118) 蝦餅每舊都肥嘟嘟，水泡形樣。外表炸到金黃色，色澤均勻，好吸引！咬落係滿滿嘅蝦肉，啖啖肉得黎而且好彈牙🤩 ✨菠蘿肉鬆海鮮炒飯 ($158) 菠蘿炒飯份量大大份，最頂有一隻開半嘅大蝦，食落係口係有鹹蛋味，幾特別。炒飯配料都幾多，有肉鬆、提子乾、菠蘿、雞肉等。夾埋一齊食令口感豐富🤤 ✨雜菜椰子湯 ($118) 雜菜湯都係第一次試，入面有滿滿嘅唔同種類嘅蔬菜，例如西蘭花、芥蘭、紅蘿蔔等。湯揀咗唔辣，飲落有淡淡嘅冬蔭公味，椰子味反而唔出。但整體都好飲，下面有火keep住溫度，夠暖胃🤩 🥤鮮椰子沙冰 ($60) 沙冰好棉密，飲落冰涼涼，好解暑！整體唔會過甜，飲到啖啖嘅椰子味，夠晒清爽😋 ———————————————————————— 💰加一：✔️ ⏰限時：1小時

少數族裔係香港好常見。但平時都好少了解佢地嘅宗教同文化。而當中其中一個較常見嘅為伊斯蘭教，原來仲有清真認證嘅餐廳！ 今次想試特別啲就去咗呢個香港第一間有清真認證嘅意大利餐廳，好有驚喜😘 ✨中東旋轉烤牛肉卷 ($75) 切開一半嘅牛肉卷上枱就已經望到滿滿嘅材料！卷餅皮煙煙韌韌，好有咬口。而入面分別有生菜、洋蔥、牛肉等。配埋醬汁一齊食，大大啖好滿足得黎又唔乾，啲料多到食到最底都有😍 呢個套餐係餐廳嘅All Day Long Combo，除咗有主食外，仲有汽水同薯片，配搭好搞笑🤣 ✨夏威夷大蝦Pizza ($168) Pizza外表焗到燶燶脆脆好吸引。配料分別有大蝦、洋蔥、菠蘿、青椒等，仲食到濃濃嘅蕃茄醬味。拉開Pizza有輕量芝士拉絲感，而邊邊都好脆，食完夠晒飽😉 🥤印度優格奶昔 [鹽味] ($45) 同平時Yogurt都大同小異，而比較特別之處係會有鹹鹹嘅味道，幾特別😗 見到餐廳仲做緊199蚊200克澳洲肉眼扒嘅優惠，真係好抵食同吸引！不過今次中午時間去驚食唔晒，所以留番下次😗 ———————————————————————— 💰加一：✔️ ⏰限時：❌