樂天經典 (奧海城二期)

營業中

休息中

第一次踏足奧海城，就孖住朋友去食好嘢，呢間中式茶樓餐館聽個名夠晒氣派，入到去坐底先上一兜仔燘花生栗子過吓口癮，結果好食到唔停口，栗子當造，估唔到賣相普普通通，但咁滋味，呢碟軟冧冧口感嘅小食為今晚飯局開咗個靚頭。#手工蝦棗口感似食緊鯪魚球，但係豬肉款，佢炸至外皮脆，食一卷落肚已經滯，當晚沖咗一壺香片緩解吓啲肥膩嘢。份量好足。#手工白玉鏄👍🏻豆腐饀，有麻薯口感，軟軟糯糯，外皮薄脆，有微量木耳同甘荀絲，沒有影響口感，依然肉眼可見。#荔枝咕嚕肉咕嚕肉似返平時食開嗰啲，真係有荔枝，但不太能食出荔枝甜味，洋蔥生炒有啲哽喉幾攻鼻。菜式一般。#老鼠粉/瀨粉煲落晒一碟檸檬汁，再揾匙羹打勻隻生蛋，質感稠結，試第一啖發現意外地fresh，味道唔䶢唔淡，檸檬味較為突出，原本味道已被徹底掩蓋。要讚吓嘅係，比我最近食過一次嘅專門店瀨粉更爽滑，椰菜花燜得啱啱好。

大力推薦來樂天經典吃他們的經典菜「星洲黑胡椒螃蟹」 (HKD338)，螃蟹很肥美，新鮮度是不容置疑的，每一口都充滿很重的胡椒香，啖啖肉又惹味，是上等級，有新加坡的水準！金牌脆皮燒雞 (HKD356) 伴著蝦片賣相不錯，雞肉皮脆肉嫩多汁。小食方面絕不能錯過菜香鐵板豆腐 (HKD108)，外層呈金黃色，滑溜的豆腐加上微辣的菜脯醬汁下飯一流。手工海鮮白玉磚 (HKD68) 由墨魚、蟹肉、蝦肉及馬蹄混合而成，外脆內綿，口感豐富！飯後甜品不能少，三色桂花班蘭糕 (HKD48) 的三層分別是椰子味，桂花味及班蘭味，口感Q彈，微甜中帶陣陣清香感，滿足一家大小！冰鎮苦瓜伴桂花蜜糖 (HKD48)炒星洲福建麵 (HKD118)馬來風光 (HKD78)

主打正宗新加坡南洋中菜的「樂天經典」糅合馬來西亞、新加坡、泰國和印尼等多國特色製作美食以新派手法主理各種經典菜式招牌小籠包當然唔少得 一客十件每日新鮮現包既湯包,賣相精緻,每一件都差不多大小,咬開個皮非常薄身湯汁鮮甜,肉餡不多,主要係食湯飲湯汁醉雞例牌 一份雞肉夠2人享用 今次比左雞脾位啖啖肉,酒香滲透入雞肉之中非常嫩滑 雞皮又夠爽身辣子炒雞肉果仁 食完前菜小碟,加個小炒 辣炒雞肉,食到仲有腰果仁雞肉斬得大件肉多,啖啖雞肉掛上辣香既醬汁,又嫩又惹味濃雞湯麵 食左咁多款菜式,加一碗雞湯麵,以濃郁既雞湯加上白麵條仲有木耳小堂菜 清甜湯底麵條彈牙,食完好飽好滿足消費$500海庭道18號奧海城二期UG樓UG09號舖

今晚唔太多人 我地變成最嘈個檯 第一次食呢間 有老人家 想食中菜呢間都係幾唔錯既選擇 一黎佢唔太油膩 二黎坐得舒服 三黎又真係幾好食 價錢合理 食落唔覺有好多味精 等我介紹下我地今晚食左乜啦 蒜香紅海蜇頭 。太甜 唔夠香 楊州炒飯。唔太咸 飯炒到粒粒分明 仲食到蛋花 星洲黑胡椒蟹。第一次食呢個覺得好特別 原來佢係馬拉名物 蟹殼好硬 但入面都好多肉 而且好入味 落手落腳鉗佢係值得既 好易剝荔枝咕嚕肉。啖啖肉 無骨架 無失望 酥炸豬肉蝦棗。唔覺有蝦 但好大舊好多肉 炸得好酥脆 不錯菜香鐵板豆腐。呢個豆腐上面淋上菇汁 味道又唔錯喎 豆腐仲好滑添金牌脆皮燒雞。名副其實脆皮 雞好嫩滑 呢個好好食青芥末蝦球。例牌份量 岩岩好 爽口 而且汁同蝦既比例岩岩好 推介！櫻花蝦四季豆。呢個個四季豆應該走過油 好脆口 櫻花蝦都係好脆身 兩者口感好夾 古早魚香老鼠粉煲。呢個都幾特別 連個汁都飲埋 但我覺得咸左少少 個粉既質感剛好 唔會好爛 入味！扣肉包。自己夾 內附生菜 扣肉唔太肥 炆得入味 夾埋饅頭一齊食都幾夾 感覺就唔太肥啦叫左咁多餸 overall係中上既水平 做飯堂絕對無問題 仲可以安排到一家人一齊坐

好耐之前同屋企人食過樂天經典，覺得中餐黎講呢間係唔錯噶選擇同埋服務都幾好噶一間，今次同朋友行開奧海城見有新菜式-海南雞，一於就去試吓，睇吓水凖有無變，因爲得2個人食叫左個涼瓜排骨，海南雞，同必試噶胡椒蟹：涼瓜排骨不過不失海南雞啖啖肉同好嫩滑胡椒蟹多肉好入味水準同之前一樣好食，今次試噶嘢唔多，下次會再試食其它

未開始食之前已經一肚氣!!!帶位個姐姐態度差之餘，安排入座又亂糟糟🌚樓面啲姐姐又係態度勁不屑又唔專業!一隻手夾住兩個水壺…佢想單手放低一個水壺喺檯面~另一個水壺咪一齊傾斜囉😱😱😱入面啲熱水淋晒落地仲彈到我成腳都係呀💢離晒譜💥啲嘢食not bad嘅~有部分仲唔錯到想encore添!夠唔夠膽挑戰咁差嘅服務…可以睇睇有冇嘢食吸引到你先🤷🏻‍♀️<<泰式炭燒豬頸肉>>($88)炭燒味唔濃…味道都要靠泰式醬汁帶出泰式嘅味道!食唔到辣嘅朋友就唔好點啲汁喇~~豬頸肉肉質唔嫩滑而且切得薄身!唔OJ 🙅🏻‍♀️<<星洲泰式鳳爪>>($68)橙紅色嘅佢比平時食開嘅深色好多!以為會超級濃味但又唔算喎~酸酸哋幾醒胃☺️無骨又方便🙂不過隻色…令人有啲卻步唔敢食多隻😅<<黃金蝦球(S)>>($155)金黃色嘅賣相💯而且蝦球都好大粒，蝦肉又好爽好彈🦐<<蝦醬雞中翼(S)>>(98)細size都有八隻咁多!不過$98除開…其實又唔算係好抵嘅🤔但好好食!!! 入口唔油膩仲好濃鹹香味😮‍💨令人食慾大增

在奧海城的一間餐廳，其實食過好多次了，但還是介紹一下，每過一段時間都發現呢間會出新菜種，趁今次有人生日一家人決定再去食，今次終於有我最鐘意食噶海南雞，所以決定試下，雖然知道應該都係用冰鮮雞製作，但呢個有驚喜，雞肉嫩，滑，而且無雪氣，掂！黑胡椒蟹每次黎都必食，黑胡椒唔會辣，越吃越香，辣椒蟹都係第一次試，以為會好辣，原來唔係帶小小甜，汁醬點埋個小饅頭，真係無得輸，最後最邪惡的黃金蟹，濃濃的鹹蛋香！夠邪惡！

能夠聚餐非常幸福的事叫細碟，份量十足酸酸甜甜好開胃，魚片厚度大件，脆香燒雞香，但肉質較老，細雞肉少，味道可以菠菜好滑，蛋味濃郁海鮮有蝦仁，帶子，蟹籽；蛋香扑鼻飯爽口新鮮

Staycation後約埋老豆同媽子食晚飯😌，約咗食樂天經典嘅星馬菜，佢嘅姐妹店樂天皇朝去過幾次，我哋一家都幾中意食皇朝嘅上海菜，今次就試一試同集團嘅樂天經典睇吓有冇驚喜。.當日去到人流唔多，見餐廳環境都唔錯，尤其喺近窗邊嘅位置，有落地大玻璃可以邊食邊遠眺窗外照色，的確幾有feel😚✌️。.📍星馬黃金油條Crispy Dough Fritter stuffed with Seafood以油炸鬼包住中間嘅蝦膠，再去炸，食起上嚟未算好油膩，但口感略為硬身又比較乾，中間蝦膠略欠鮮味🦐，點上醬汁會好食啲但仍有進步的空間。.📍冰鎮苦瓜(伴桂花蜜糖) Chilled Bitter Groud severd with Osmanthus Honey 苦瓜切成薄片勁再砌花，味道回甘💚，旁邊桂花蜜糖香甜🌼，沾上後可以降低甘味，感覺清爽😌。.📍手工海鮮白玉磚Crisp-fried Homemade Seafood Tofu外層炸漿包住中間嘅海鮮魚腐，出面酥脆中間軟綿，點埋沙律醬味道都算唔錯。.📍星洲黑胡椒螃蟹Singapore Style Black Pepper Crab (M)呢款係餐廳嘅特色菜。原隻胡

突然間想食星加坡胡椒炒蟹，上網搵第一間就見到樂天經典，於是約埋朋友一行四人去試，咁啱佢又做緊個四人優惠套餐$688，我哋睇完都幾啱我哋，因為有一個朋友唔食蟹，店員話套餐隻胡椒蟹比餐牌上細size 再細少少🤏 於是叫左四人餐加老鼠粉煲前菜嘅椒鹽鮮淮山，海鮮白玉磚都唔錯，唔多地方食到，鮮淮山平身好鮮脆，用上椒鹽做法炸，惹味開胃脆皮燒雞-普普通通，皮算仲脆但唔香，下次再到未必會再叫推介黃金蝦球-拆殼蝦球，啖啖肉，蝦球上到咸蛋味，但未至於太咸，但都係一隻起兩隻止黑胡椒蟹-四人餐計比較細隻，真係冇乜位置有肉食到，唯一係蟹鉗有肉，味道唔錯，胡椒味恰到好處，唔會太重,帶微辣古早魚香老鼠粉煲（中）- 份量幾多，四個人叫細已經夠，有蝦、咸魚、肉碎..... 味道唔錯，未食過老鼠粉嘅朋友值得一試，上枱時加入生雞蛋，口感更滑 總體等一次食，食物質素有驚喜，比我想像中好，但服務就真係有待改善

完全唔掂，已一早電話訂咗枱，食6:00，今本冇人，但一入到去個女侍應叫我四個坐門口中間張圓枱，吾係化，我要求坐入去窗邊位，侍應話窗八人以上坐㗎，咁冇計啦，坐入小小嘅圓枱law,今本得四枱客，個場都大把枱，最嬲就係見到有兩個靚仔入嚟，伺個侍應姐姐又比佢哋坐窗邊喎，而且菜式普通茶餐都可能好過佢，炸嘢可以咬落口全部油，今本油吾夠滾就炸，同經理講，雖然即刻換過碟，但係一樣麻麻哋，成個套餐比較好嘅就係隻鷄，服務又唔掂，一開始問佢拎餐牌，侍應只係指住枱面，但枱面嗰本Menu就係得個皮，裏面冇嘢㗎，態度完全差到冇朋友總之吾值，一定冇回頭一個字「差」兩個字「好差」三個字「好鬼差」四個字「好鬼死差」………

依家餐廳做緊優惠，甜品粉面飯11:30至2:30都有做半價，所以就同媽咪嚟試吓我哋叫咗一個冬菇滑雞米線同一個蒜香排骨米線，餐廳本身有提供茶，我哋飲香片，同埋佢有提供一碟小食係炆花生栗子，都炆得好夠入味同埋夠林米線嘅湯夠熱，同埋個湯係白色嘅，個人好鍾意飲白色嘅湯，味道清清地又不至於無味既，可以另外同佢拎辣椒油滑雞湯米線嘅配料有超滑既豆腐，冬菇，雲耳，紫菜，同埋滑雞都真係夠滑，唔錯👍🏻👍🏻另外個蒜香排骨係另外用碟上，唔會浸到林晒，呢樣都好抵讚👍🏻兩個人埋單先一百二十幾，午餐來講佢餐廳環境算唔錯，食物質素又唔差，所以呢個價錢都覺得抵嘅🥰

想慶祝吓紀念日，但係又臨時先決定出去食飯，行咗去奧海城望吓有咩好嘢食，一去到就見到呢間樂天經典，佢啲套餐特價見幾抵食就試吓。叫咗個二人餐有蟹、有老鼠粉煲、有菜、有星馬式嘅拼盤。 蟹佢有兩款選擇，一種係胡椒味、另一種係配搭饅頭食，令人幾失望嘅係啲蟹冇乜肉，啲蟹腳係空心，大概得¼係有蟹肉，同左個服務員講，等咗一陣都冇人理，經理都冇出嚟，服務員話同左經理講，隔咗陣服務員又行埋黎話經理肯換過一隻蟹俾我哋，等咗好耐先再上過隻蟹，不過今次隻蟹啲肉實好多同埋多好多。另外想提一提佢個炸饅頭食咗幾個都真係幾好食。

今晚同個朋友行完奧海城，想試下中菜，搵到間都幾多特別嘢食嘅餐廳，樂天經典，可以食下啲特色菜色。今晚兩個人都點咗好多菜式，叫咗個炒牛河，豬頸肉同埋個炸子雞。炸子雞皮脆肉嫩多汁，雞肉嫩滑，仲配咗個泰式醬汁，酸辣醒胃，真係配咩都好食。另外值得一讚嘅係豬頸肉爽彈，蜜汁味重。乾炒牛肉河粉牛肉帶光澤，油脂都頗重。另外點了個是日湯，潤肺之選。舒服的環境，服務貼心有禮。奧海城的餐廳也有不少選擇，可以吃中西日韓的晚餐，最重要是有海景，可以一邊見一邊望海享受晚餐。

我哋一行三人，為咗趕係6點禁堂食之前食晚飯，決定4點半就入坐，一共點咗6道菜。．整體而言，食物份量偏少，價錢略貴。而且食物亦都冇想像中咁好食，普普通通。·菜香鐵板豆腐 $108呢個菜最出色，用咗玉子豆腐，仲有啲雞蛋底，配合埋菜香汁，味道唔錯，豆腐亦都非常滑溜。金牌脆皮燒雞 （半隻） $178份量偏小，雞皮完全唔脆，肉質太乾古早漁香老鼠粉煲 $108整體味道偏淡漁香茄子煲🍆 $78正常發揮，都整得幾香蒜香🧄紅海蜇頭 $78海蜇頭份量太少，不過幾好食，做前菜唔錯古法蒸黃花魚 $128魚好細條，少腥，味道尚可