樂天經典 (奧海城二期)

營業中

休息中

呢排日日都落大雨, 係商場食飯就最好LA奧海城既選擇都幾多, 我同朋友揀左樂天經典, 呢間食中菜同新加坡菜既餐廳餐廳環境相當唔錯, 地方夠大, 座位與座位既距離都幾闊食物方面, 有好多款特色既小食, 仲有海鮮, 見到炒蟹都好想食, 但得兩個人, 唯有下次先食, 仲有呢度既食物大多數都有大中小選擇我地叫左:例湯: 今日既例湯係胡椒豬肚湯, 用個小燉盅上枱, 好好飲, 好有老火湯既味道喇沙海鮮摻摻: 識食新加坡野梗係要食摻摻, 可以食到油面同米粉兩種面既口感, 喇沙夠濃味, 入面既海鮮都相當足料泰式海鮮炒米: 呢個鑊氣好足, 炒米唔會油膩, 上面既海鮮, 蝦同魷魚都夠爽口, 份量仲好多添 金銀蛋浸時蔬: 食左咁多野, 要食下菜中和下, 佢個菜煮得唔會太淋, 應該既煮好就即刻上枱今日呢餐朋友同我都相當滿意

《樂天經典》無論食幾多次我都幾鍾意，位於奧運站港鐵上蓋，服務、食物、環境三方面都係唔錯的選擇，性價比高適合一班朋友或是家人相聚的好地方。餐牌上的種類繁多，不過應該是更改了少許食物或價錢。還記得星期一至五下午茶時段更會有半價優惠，萬勿錯過。黃金炸魚皮 $78小食通常都是冷盤或是炸物，今次選了黃金炸魚皮估不到有所驚喜。香脆的魚皮炸至金黃色脆，添上咸蛋黃更加惹味。古早魚香老鼠粉煲 $128期待已久的老鼠粉煲，每次前來都會單點。原煲奉上保持其餘溫並有蛋花與魚香共融，份量十足又滋味·值得推介。三杯牛肉煲 $138三杯雞大家就食得多，三杯牛肉第一次食估不到有所驚喜。牛肉味道恰到好處，另外薑片切成薄片炸至香口，相當脆口又惹味。馬來風光 $78新加坡及馬來西亞味道有馬拉盞炒通菜，有少許辣椒更加惹味。招牌酸桔香茅凍 $32甜品極力推介招牌酸桔香茅凍，夏日炎炎有果凍又清新並有酸桔非常開胃又透心涼。清心丸綠豆爽 $32久違了清心丸綠豆爽，綠豆清熟配上清心丸滿有煙韌口感不錯。

朋友住奧運，約左近近地係奧海城食飯。一直都想試下樂天經典既胡椒蟹，可惜同行朋友唔食得海鮮，今次就嗌餸食飯先啦！依度既環境好舒服，6點幾到未係太多人，有闊落既卡位坐，枱舆枱之間隔得疏，樓底又高，整體感覺私隱度高。坐低後好快有熱茶同小食上抬，小食係滷水花生，甜甜咸咸食住黎睇 MENU 又幾好。招牌扣肉包麵包熱辣辣，質感軟熟，扣肉好厚兼肥瘦相間，味道甘香肥美，夾埋生菜齊食中和番油膩感， 作為小食同朋友 share 一半岩岩好！客家豆醬黃花魚黄花魚表面金黃有光澤，好新鮮！入口有魚鮮味，肉質細嫩。加上普寧豆醬，更顯鮮味而且唔膩。手剁咸魚馬蹄蒸肉餅依個肉餅雖然簡單家常，但條真係好好味。咸魚梅香，咸香無比，伴飯一流！另有好多粒粒馬蹄增添口感，肉餅用人手剁果然口感最好，彈牙滑身。唯一覺得肉餅薄左d，如果厚番d就 perfect！ 依個真條撈兩碗白飯都得呀~最後叫左兩個甜品 share,清心丸綠豆爽熱辣辣，清心丸煙un, 啖啖都有馬蹄粒，口感豐富，唔會過甜，不錯。酸甘香茅凍香茅凍滑嘟嘟咁sir 入個口度，香茅味道清香，微微酸味清新解膩。飲埋啖茶埋單，每人都係200左右，食得舒適，服務又好，讚👍🏻

奧海城2期,搵食之旅,過到黎奧海城大把好野食今次黎到樂天經典,以前都食過尖沙咀店,而家只剩呢間今期餐牌優惠,龍蝦湯海鮮飯,有蜆有蝦有肉碎,超大碗龍蝦湯鮮濃順口,蝦油味重,蜆肉,蝦肉份量也不少夠1.5人 SHARE食,仲有脆米加埋入去食,口感更豐富另外必推介食上湯金銀蛋菜,個湯咸鮮味重拎黎拌下飯一樣咁好食另外個心私心最愛厚切燒汁排骨豬扒,每種菜式也有大中細SIZE2人食S碼就夠,呢份係中SIZE所以接近有十件豬扒,厚身鬆軟,燒汁帶點甜香肉汁拌飯食一流,個人最愛就係呢2道小菜平均消費$200/一個人#樂天經典 (奧海城) #奧海城 #消費券優惠 #樂天皇朝 大角咀海庭道18號奧海城二期UG樓UG09號舖

講到樂天集團既美食，我之前喺CNY 時喺公司order 過到會之後就不停驅使老公無論係飲茶定係同一大班朋友食飯都要不妨一試,而且menu 上個星州黑椒蟹真係吸引到爆！搬到大角咀後，我同老公都經常會去奧海城2期食野買野，而發現大角咀都有樂天集團既美食！因為又唔係好似喺公司咁一齊食party set, 所以職員都用心介招人氣既排骨皇- 當然無失望既係啖啖肉得黎又juicy,不過覺得如果個排骨王可以再多多少少汁去同個海鮮王炒飯做配搭就係perfect match了！

Blending Chinese, Malay, Indonesian, Indian and Western influences, Singaporean cuisine is considered one of the most vibrant and diverse Asian delicacies.Paradise Classic is a restaurant serving authentic Singaporean cuisine with a nostalgic taste of Nanyang. The menu is quite extensive, familiar favourites include signatures like Singaporean Style Black Pepper Crab, Stewed Silver Needle Noodle with Salted Fish in Claypot, Crisp-fried Cereal Prawn, etc.金絲麥皮蝦球 (HK$168)An addictive combination o

環境方面，呢度嘅坐位都幾寬敞，唔會坐到樂迫。價錢屬中上，但喺商場餐廳黎講都可以接受。.招牌扣肉包 - 之前其實都食過覺得樂樂味，但今次有少少失望，因為肉唔夠肥，食落唔嫰，但個汁都ok嘅。.老鼠粉 - 同樣係招牌菜，呢個一定要試！唔咸，味道好濃郁，蝦又大隻，加埋咸魚蓉撈黎食真係好惹味。.肉鬆豆腐煲 - 呢個都讚豆腐好滑，加左肉鬆又好夾。.燒雞 - 雞胸部分有啲鞋，其他髀位就非常滑，但燒得好靚，皮都脆！.黃金魚皮 - 咸蛋味唔太夠，不過呢款都係少食蛋滋味。.泰式炒米粉 - 好好食好惹味，酸酸地，炒得夠乾身又冇乜油.炸淮山 - 略嫌有少少乾，不過炸得香脆嘅。

好耐之前同朋友食過呢間位於奧海城嘅中菜餐廳，當時印象都唔錯，前幾日又行開奥海城，就同朋友再幫襯下🥢一飲到去店員就幫我地開左壺茶同放低左餐前小食。佢地嘅餐前小食味道都唔錯，係煮熟左嘅花生同栗子，係正式上菜前可以過下口癮。✨招牌扣肉包（$32）見唔少人推介佢地嘅扣肉包，我地就叫黎試下。微甜嘅白饅頭包住肥瘦相間嘅紅燒肉，饅頭嘅甜味中和左紅燒肉嘅肥膩感，味道都唔錯。✨排骨王（$98）呢款排骨王就相對冇咩驚喜，唔太特別。✨砂煲天麻黃酒雞（$98）呢個砂煲黃酒雞上枱嘅時候仲係熱到起泡，非常新鮮，食落有淡淡嘅藥材香，味道唔錯😋✨臘味炒飯（$95）最後呢個臘味炒飯都幾足料而且有鍋氣，都值得一試。

今日約左個朋友係奧海城食晏然後上佢屋企探BB😍作為中菜愛好者既我地，好快就決定黎試下呢間南洋菜～⭐️酸辣素羮 💰5️⃣2️⃣朋友鍾意食酸辣湯但就好唔中意豬紅，呢個素羮岩晒佢😂雖然變左素但都絕對足料👍酸辣味平衡得岩岩好，開胃一流～❤️海鮮皇炒飯(小) 💰9️⃣8️⃣呢個係餐牌特別推薦嘅菜式，賣相吸引😀炒飯粒粒分明有鑊氣，蝦肉爽口彈牙，帶子鮮味突出，搭配魚子嘅口感，果然係色香味俱全！💯⭐️酸甜生魚片(小) 💰1️⃣1️⃣2️⃣酸酸甜甜一向都係我好愛既菜式😍今次用咗生魚片而唔係一般嘅龍脷柳，口感更加結實👍 加埋呢個汁實在太好送飯😋❤️馬來風光(小) 💰8️⃣0️⃣用上馬來西亞出名既參巴醬去炒，食到蝦醬既鮮味但唔會過鹹，帶微微既辣，非常香口惹味！😇原本想試埋呢個咁靚既三色糕做結尾但實在太飽🙈 留返下次再黎食！😁

樂天經典呢間連鎖店其中一間位大角咀奧海城，奧運站一出行一兩分鐘就係，好方便。當我以為佢係食上海菜小籠包，其實原來佢係食新加坡菜，出名胡椒蟹，不過今日趕時間就無食蟹，下次一定要黎試下，因為佢有套餐好抵食。今日叫左啲普通菜，但都煮到好有屋企既味道。米線佢加左啲爆香左既蔥頭油，加落米線到食，非常香，所以就算係素菜米線，味道一樣整到好豐富。聚寶海鮮豆腐好特別，估唔到係咁大個豆腐，加左好多汁同海鮮粒，用黎送飯係一流。

開飯上訂的外賣自取，說是半個鐘能取，時間到了app上也顯示可以取餐，但去到餐廳發現根本沒有我的餐！！！服務員也不說為什麼沒出餐，也不說還要等多久，就讓人一直等到出餐！！！而且付了錢的訂單沒辦法取消，也沒地方投訴，只能傻子一樣等出餐，最後等了一個鐘才拿到我的外賣明明中間有很多通過外賣軟件叫餐的單出的很快啊！難道就因為外賣自取有discount就這麼差別對待嗎？？？那麼不想做的話就不要做外賣自取啊！非常生氣！！！！！！！

我地要左細份既黑胡椒螃蟹🦀️ 細份已經有一隻大蟹，兩個人share 剛剛好~ 隻蟹好新鮮厚肉，而黑椒汁好惹味，又唔會太辣💕 蟹殼已經拍好哂，仲有埋手套濕紙巾鉗等等，啱哂用手食🤤✺ 星洲黑胡椒螃蟹以為老鼠粉煲係乾炒，原來類似湯羮咁🤣 入面有蝦、冬菇絲、豬肉同椰菜花等等~ 撈埋上面住蛋，食落更加滑溜，鮮甜味濃❣️✺ 古早魚香老鼠粉煲私心推薦椒鹽香酥鮮淮山💕 炸到好香脆之外，加埋惹味椒鹽調味，香口到食唔停😆✺ 椒鹽香酥鮮淮山最後用酸柑香茅凍做結尾~酸酸甜甜好清新，最啱解膩❣️就算食到好飽都輕鬆KO😆✺ 招牌酸柑香茅凍✺ 蒜香紅海蜇頭✺ 菜香鐵板豆腐✺ 馬來風光

中菜1️⃣香酥南乳五花肉比較乾，脆嘅得果兩舊，又冇汁比人點。南乳味唔會太重💰HKD$882️⃣招牌扣肉包太讚👍🏻扣肉好淋，又唔會太肥😋配埋生菜，扣肉都好大舊好厚身👍🏻👍🏻💰HKD$26一件3️⃣南洋參巴空心菜依個菜都係必食呀🥰有少少辣但唔會搶左個味，汁都好夠👍🏻💰HKD$684️⃣泰式海鮮炒米（中）辣辣地，炒得好香，中份量已經好大碟😍但濕左d💰HKD$1325️⃣金牌脆皮燒雞依個就唔好食啦，雞骨好多，又唔係好脆，肉質唔係好滑。斬得又唔靚😾💰HKD$1786️⃣菜香鐵板豆腐😛豆腐超滑，配埋特製汁𤏪飯一流，超開胃😜💰HKD$987️⃣柑香茅凍有點奇怪的味道，個人認為太甜，同埋食多幾淡就唔想食了💰HKD$36

禁晚市的關係, 提早午市做節, 雖然早一星期訂位, 但人流明顯少了很多今天點了櫻花蝦四季豆秘製燒汁排骨王臘味炒飯金牌脆皮燒雞盅湯：准山杞子螺頭湯糖水：椰子西米露湯丸小菜賣相不錯, 四季豆份量很多, 蒜蓉櫻花蝦炒得很香, 排骨王醬汁很濃郁, 排骨大大舊啖啖肉, 燒雞外脆內嫩配上卜卜脆的蝦片, 今日臘味炒飯炒得較乾身, 配料很足, 一盅湯足夠3-5位飲用, 清甜滋潤, 糖水不得不讚, 椰汁很香滑又濃配上芝麻湯丸很滿足這間餐廳可以選擇S、M、L份量, 非常貼心, 可以因應自己人數而點, 小菜多選擇, 店舖坐位寬敞舒適, 適合聚會餐廳

今期主打新加坡螃蟹美食, 多款不同烹調方法蟹菜色, 還有冬日煲仔小菜系列我們點了必吃首選星洲黑胡椒螃蟹（中）臘味炒飯（中）金牌脆皮燒雞金薯蜜椒牛柳粒煲啫啫芥蘭臘味煲黑胡椒螃蟹新鮮啖啖肉只有少少辣, 但非常惹味, 必吃之選👍🏻, 臘味炒飯略嫌不夠乾身, 燒雞外脆內嫩配上卜卜脆的蝦片, 冬日煲仔小菜點了兩款, 熱辣辣味道不錯整體很好, 座位夠寬敞坐得很舒適, 小菜款式比較多, 可選擇份量, 這個加了分, 服務都不錯, 值得推介