樂天經典 (奧海城二期)

「樂天經典」位於奧海城二期，環境開揚舒服，主打新加坡同馬來西風味菜式，價錢合理之餘，份量都幾足料！今次同朋友試咗佢哋嘅二人餐，再加咗幾款招牌菜，整體水準唔錯，值得同大家分享～✨✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫🥢星馬金磚豆腐呢道金磚豆腐外脆內軟，炸得金黃香口，一咬落去豆腐嘅嫩滑即刻湧出嚟！表面灑咗少少椒鹽同香料，帶出微微嘅星馬風味，點埋甜辣醬一齊食，更加開胃。雖然係前菜，但係份量都幾大方，兩個人食剛剛好，唔會太滯。豆腐控必試！👍🥢星洲黑胡椒蟹（小）黑胡椒蟹係今餐嘅亮點之一！蟹肉鮮甜，醬汁濃郁得嚟唔會太辣，黑胡椒嘅香氣完全滲入蟹肉裡面，惹味十足！雖然係細份，但蟹件都幾多，啖啖肉食得好滿足。醬汁撈飯真係一流，如果鍾意重口味嘅朋友，一定會愛上！🥢薑蔥爆生魚片（小）魚片切得厚薄適中，炒得剛剛熟，口感滑溜得嚟帶點彈牙。薑蔥嘅香氣完全爆咗出嚟，醬汁較濃郁鹹左少少，魚肉爽彈🥢蝦味魚子蝦球炒飯（小）炒飯炒得乾身唔油，飯粒分明，蝦味同魚子嘅鮮香完美融合，每一啖都食到蝦球嘅彈牙同魚子嘅爆脆口感！如果鑊氣重啲會更好，雖然係細份，但兩個人分享都夠飽🥢招牌醬甘香茅凍甜品方面，香茅凍係冰粉製作，清新得嚟帶微微甘香，口感滑溜，食完濃味菜式之後嚟一碗，真係解膩一流！醬汁帶少少甜，同香茅嘅清香好夾，唧埋青檸汁更解膩，作為一餐嘅結尾，非常圓滿🥢$1 新加坡海南雞（半隻）優惠價$1就食到半隻海南雞，真係抵到爛！雞肉嫩滑，雞皮爽口，蘸埋佢哋特製嘅醬油同薑蓉同辣醬，味道更加提升。雖然係優惠菜，但質素一啲都唔馬虎又大碟，仲要有雞髀🥰絕對係必點之選！🥢檸檬薑米水（凍/熱）檸檬薑米水清新解渴，甜度適中，凍飲爽口，熱飲暖胃，去濕一流✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫✍🏻總評：加🔟服務費：✅👭🏻推薦指數：🌕🌕🌕🌕🌘👭🏻回頭指數：🌕🌕🌕🌕🌘👭🏻環境評分：🌕🌕🌕🌕🌘👭🏻服務評分：🌕🌕🌕🌕🌕💰人均消費：$370🗺️ 地址：大角咀海庭道18號奧海城二期UG樓UG09號舖#樂天經典 #奧海城美食 #星馬菜 #香港食好西 #抵食二人餐 #鑊氣小炒 #海南雞 #優惠 #套餐 …查看更多

樂天經典,環境光猛整潔，位於奧海城二期，交通方便,以中菜及新加坡菜為主。近排佢哋推出咗包括螃蟹嘅經典自選2人套餐。前菜小吃-黃金魚皮，勁邪惡！炸得香脆可口，魚皮包裹上一層薄薄嘅鹹蛋泥，口感香酥。星洲黑胡椒蟹，絕對係餐廳招牌，蟹肉鮮甜，啖啖肉之餘仲好嫩滑，黑胡椒醬汁好惹味，略帶辛辣同濃厚胡椒香。金銀蛋浸時蔬，蔬菜新鮮翠綠，配上鹹蛋同皮蛋一齊煮，湯底好鮮甜，蛋味濃郁細膩，蔬菜保持爽口唔會過冧，味道層次好豐富。臘味炒飯，粒粒分明，食落去有嚼勁，飯粒濕度適中，臘味油香滲出飯入面，好入味。招牌酸柑香茅凍，賣相好靚，清甜又帶微酸，用香茅味做基底，冰凍爽口，清新解膩。檸檬慧米水，清潤提神，酸酸甜甜，飲落去好清新，夠解渴又健康。…查看更多

🌸星馬金磚豆腐熱辣辣上枱，大大件豆腐外皮炸至香脆，而入面嘅豆腐仲好滑溜！配埋上面灑上嘅椒鹽香味，都幾惹味🌸脆脆咕嚕肉咕嚕肉肥瘦適中，炸得好香脆，外脆內嫩！配埋酸酸甜甜嘅醬汁同埋配菜，都幾足料🌸蝦味魚子蝦球炒飯炒飯夠哂鑊氣，而且仲炒得好乾身，粒粒分明！炒飯配料都好豐富，有大大隻鮮蝦，新鮮又彈牙，仲有魚子，好香口！味道層次都好豐富🌸招牌酸甘香茅凍呢個甜品幾特別，酸酸甜甜醒胃又解膩！果凍充滿香茅同埋酸甘嘅味道，唔錯！🌸星洲黑胡椒蟹一上枱已經聞到香噴噴！我地叫左少辣，超濃郁嘅黑胡椒香味，每啖蟹肉都滲有黑胡椒嘅味道，同時仍然保留到蟹肉嘅鮮甜味！微微辛辣真係好惹味，兩個人食份量都好足夠呢！🌸檸檬薏米水解渴又健康🍴餐廳環境舒適寬敞，食物質素都好高，而且店員服務態度都好Nice，會再同朋友黎幫襯呢…查看更多

心心念念想食蟹近近地就去咗奧海城樂天經典有個二人餐會包埋蟹🦀仲有前菜/小炒/主食/甜品兩個人食絕對飽住走ꕥ 星馬金磚豆腐一份有10大件 作為前菜小吃絕對係大份 味道好好 椒鹽咁微微辣 好香口🥢外脆內嫩嘅效果做得好好ꕥ 星州黑胡椒螃鎜 黑胡椒鹹鹹辣辣 真係好惹味 真係會令人想將全隻蟹所有位置都吮一次😂蟹都幾大隻 尤其係蟹鉗好大好多肉 滿足ꕥ 脆脆咕嚕肉 的而且確真係幾脆 夠香口🐷瘦肉為主 甜酸汁味道調得啱啱好 欣賞佢用新鮮菠蘿 夠晒甜ꕥ 臘味炒飯 炒飯粒粒分明 夠乾身 混和住臘味嘅香味🍚主要配料有臘肉粒同冬菇粒 秋天食好合適ꕥ 招牌酸柑香茅凍 口味幾特別 果凍有濃郁香茅味 係清新嘅感覺☘️飲品就可以揀豆漿/檸檬薏米水或者汽水🥤…查看更多

♡ 下午茶餐- 喇沙湯滑雞米線 $58- 乾炒肉片河粉 $58 - 脆脆咕嚕肉 $55 - 漁香茄子 $48♡ 加配小食 （加配價錢）- 扣肉包 $18 ：包皮用蒸籠另上，帶點温度而且口感軟綿，搭配上一塊肥而不膩的香濃扣肉，絕對係一個必試的美味組合😋。- 黃金魚皮 $18 ：魚皮被咸蛋黃包裹，入口咸香酥脆。必試❣️- 星馬金磚豆腐 $18 ：表面十份鬆脆，入面嘅豆腐非常嫩滑，加埋椒鹽調味，超有星馬風味🥰。必試❣️- 招牌酸柑香茅凍 $19 ：酸酸甜甜好清新👍。🌟主食都正常水準，下午茶份量唔會好大碟。值得一提系加配小食❣️，單點比加配價錢貴好多，雖然份量細碟啲但係超抵食🤩。👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻下午茶餐好抵食😂，味道都唔差。不過要加一🙈。…查看更多

秋天又到啦，又係食蟹嘅好季節，近排發現樂天經典有一個幾抵食嘅螃蟹二人套餐🦀 $668，一個價錢就已經包晒大大隻蟹、前菜、小菜、炒粉麵飯、飲品、甜品，算係幾抵食！前菜小食 —— 蒜香紅海頭海蜇頭口感爽口，配埋酸酸地嘅醬汁同青瓜絲，零舍開胃～螃蟹 —— 花雕雞油蒸螃蟹🦀佢哋呢度嘅蟹有好多唔同特色整法，今日想試一個比較清啲嘅，蟹肉全部都係一梳梳好分明嘅，證明夠晒新鮮，味道非常鮮甜😋😋蛋白就吸收晒蟹肉嘅鮮甜味，仲有淡淡嘅花雕酒點綴，有益又好味！👍🏻👍🏻熱炒 —— 脆脆咕嚕肉🐷咕嚕肉熱辣辣上枱，幾欣賞佢哋嘅咕嚕肉炸粉夠薄，唔會食到成口粉，酸酸甜甜開胃又滋味！飯與粉麵 —— 蝦味魚子蝦球炒飯🦐呢個炒飯一上枱就聞到非常香嘅海鮮香氣，蝦肉彈牙爽口，炒飯粒粒分明！甜品 —— 清心丸綠豆爽🥣呢一個綠豆爽口感非常豐富，飲品 —— 無糖豆漿豆漿豆味濃郁，好味又有營養～另外佢哋而家仲做緊優惠，加一蚊就可以有半隻新加坡海南雞🐔，咁抵食一定要試吓啦！ …查看更多

朋友喺奧海城返工相約嚟呢度食飯嚟到見到10週年優惠推出$1 半隻✨新加坡海南雞．超抵呀好多人都為咗食蟹而來💢 經典自選2人餐✨星洲黑胡椒蟹黑胡椒超惹味．食嘅時候仲要啜埋蟹殼嘅汁蟹肉鮮嫩．啖啖肉好新鮮✨蒜香紅海蜇頭涼拌爽口有嚼勁．配上青瓜絲酸酸地好醒胃✨脆脆咕嚕肉咕嚕肉外層香脆配上菠蘿．青椒．紫洋蔥．香甜美味✨蝦味魚子蝦球炒飯加入魚子．原隻蝦球口感豐富．炒得乾爽粒粒分離✨招牌酸甘香茅凍晶瑩通透滑溜溜味道酸酸甜甜．仲加入亞麻籽套餐跟飲品．下次可以試下手打檸檬茶…查看更多

每次想食星馬菜都會諗起奧海城呢間「樂天經典」，同媽咪過左黎食飯。呢度食到多款星馬菜同中菜，選擇好多！而且坐得舒適，服務又好。佢哋晚市嘅套餐仲好抵食，今次點嘅二人套餐相當豐富。套餐食到4個菜包括螃蟹，仲有甜品同飲品（檸檬薏米水好足料！）每個菜都有好幾款選擇可以自選，好吸引！前菜小吃點左椒鹽香酥鮮淮山。每一塊淮山都炸到好靚嘅金黃色，炸皮薄又酥脆，椒鹽份好惹味，入面嘅淮山保留爽脆口感，好味。螃蟹菜有4款口味選擇，揀左新加坡菜招牌之一嘅黑胡椒螃蟹。黑胡椒醬又濃又惹味，甜甜辣辣又重胡椒香。蟹肉新鮮又鮮甜，黑胡椒醬嘅味道入晒蟹肉到，好滿足。熱炒類點左沙拉排骨。呢個沙拉骨都幾大份，兩個人食嘅話都幾飽肚！排骨有炸過，裹左層沙拉醬，所以唔算好脆口，但係肉質好軟嫩有蒜香。最後黎個蝦味魚子蝦球炒飯。呢個炒飯炒得乾身、粒粒分明，鑊氣十足。而且充滿蝦同魚子香氣，好惹味好香口！甜品食返個酸柑香茅凍。酸甜酸甜，香茅仲好突出，食落好開胃好消膩！最近佢哋仲做緊晚市推廣，優惠價$1就可以食到海南雞半隻，真係超抵！半隻嘅話對於兩個人黎講份量好足夠，而且海南雞肉好嫩滑，配埋海南雞特調3款醬料，好地道風味。…查看更多

話說係香港食正宗南洋風味既餐廳唔多～旅行冇去到但想食既我今次去左樂天經典食二人套餐！正宗得黎比到驚喜我！而且佢依家仲有$1優惠～痴線$1 海南雞性價比真係爆分🥹-蒜香紅海蜇頭🌊好小係海蜇頭！爽脆彈牙，比較清爽～帶有微微酸辣，非常開胃-星洲黑胡椒蟹🦀絕對係今日的重頭戲！蟹比想像中大隻！蟹鉗都好巨大🫨食得出好新鮮～肉質飽滿鮮甜。黑胡椒醬汁濃郁微辣，帶有胡椒的辛香但完全冇掩蓋蟹肉的鮮甜。-蘿蔥爆生魚片🐟睇小左依碟野😂本身以為冇咩特別，但食落鑊氣十足，生魚片鮮嫩，薑蔥爆香得岩岩好！-古早魚香老鼠粉煲🍜必點～熱辣辣上桌，鹹香味濃，帶有古早味的鹹魚香氣。老鼠粉口感獨特，滑溜帶彈性，搭配鹹香魚味非常開胃。-招牌酸柑香茅凍🍮食完濃味主菜，甜品正好清新口腔。香茅凍口感滑溜，帶有酸柑的清新酸甜不會太甜，完美解膩，有驚喜～🐔 優惠加配：$1新加坡海南雞優惠簡直超值！同平時質素一樣但只需$1🫨海南雞皮爽肉滑，雞肉肉質保持爽彈，盡顯師傅功架。…查看更多

難得同啲同事出街食飯，突然間好想食樂天經典嘅鐵板豆腐，因為好耐冇食過，所以就選咗佢食午餐。少出嚟食飯真係唔知道原來佢一個月喺唔同時段都有唔同嘅優惠。月尾先至有鐵板豆腐，咁為咗迎合其他同事嘅budget，唯有放棄我個鐵板豆腐。咁就一人叫一個大家一齊分享食咕嚕肉望落去就比較薄身，但係食落去又唔會硬柴柴，唔知係咪用咗豬里肌，食落去都幾有咬口。另外個沙拉骨，食落去一啲都唔油膩，同埋我覺得似肉排多過似骨，啖啖肉又唔嚡。個炒飯蝦球就冇乜味，但反而個飯底就真係可能落咗啲蝦汁兜過嚟，個飯底就幾有鮮味。另外個海鮮滑蛋炒河食落去都幾滑，魚肉一啲都唔腥，處理得唔錯，人均一百蚊算不錯。…查看更多

好多時食炒肉蟹都價值不菲，發現二人餐包星洲蟹都係六百幾蚊，性價比幾高。蒜香海蜇頭蒜香調味濃郁但唔會太重，帶點麻油香氣同微酸，海蜇頭爽脆彈牙。星洲黑胡椒蟹新鮮肥美，肉質嫩滑。 黑胡椒醬汁濃郁香辣，胡椒香辣辣地帶微甜，用手食啖啖肉，有係當地食嘅風味。脆脆咕嚕肉外皮透薄酥脆，內裡軟滑，咕嚕醬酸甜惹味，加大量彩椒同菠蘿，比一般嘅咕嚕肉更清爽唔會膩。蝦味魚子蝦球炒飯炒得乾爽，帶濃濃嘅蝦味，魚子卜卜聲令口感好豐富，簡單醬油、蔥花同蛋花已經夠好味。酸柑香茅凍滑溜冰涼，有好濃嘅香茅清香。…查看更多

星馬菜餐廳平日都爆場，絕對有原因！金磚炸豆腐係我試過最好食😋我哋食咗六道菜全部高水準，真心推薦！缺點就係人多要等位，不過好快就排到🙌🏻❝ 新加坡海南雞雞皮金黃油潤，肉質鮮嫩多汁。三款醬汁完美提升雞肉鮮甜，每一啖都滲透星洲風味，令人回味無窮🍗✨ $1 特價超級抵！❝ 金磚豆腐外皮酥脆金黃，內裡嫩滑如絲，咬落「卡滋」一聲超級滿足！加上少少芝麻調味，層次感豐富，係我食過最好食嘅炸豆腐😭💛❝ 甘香啦啦蜆肉飽滿彈牙，鮮甜得嚟毫無腥味💛 香氣四溢，醬汁濃郁入味，每粒都吸滿精華，必食推薦🔥❝ 古早魚香老鼠粉煲粉條韌性十足，吸滿醬汁精華☺️ 上枱嘅時候熱辣辣，香氣撲鼻，一試難忘💯❝ 星州黑胡椒大蝦大蝦新鮮肥美，肉質彈牙多汁😍 黑胡椒醬汁香辣濃郁，微甜中帶辣，每一隻蝦都裹滿醬汁精華，香氣四溢，這個好吃！🦐🌶️❝ 馬來風光通菜新鮮爽脆，醬汁香氣四溢，炒得恰到好處🔥 帶有馬來特色香料嘅溫和辛香，唔會過於濃烈，食完唔會膩，正！🥬✨…查看更多

之前去咗樂天皇朝食嘢，今次嚟到樂天經典！主要食新加坡菜，今次就食咗個二人餐超豐富！前菜係椒鹽香酥鮮淮山，有種椒鹽豆腐味道，皮好薄，入面淮山超大嚿，完全估唔到佢屬於前菜小食！螃蟹我哋揀咗星洲黑胡椒螃蟹，應該都係佢哋嘅主打菜，少少辣都幾惹味！有驚喜嘅係薑蔥爆生魚片，我自己最鍾意呢個，有種家鄉嘅味道生魚片好滑，洋蔥又甜又脆！另外古法魚香老鼠粉煲，酸酸地都幾好食！而家仲做緊優惠加一蚊1有半隻海南雞唔好錯過！…查看更多

朋友係蟹痴，今日特登約咗佢一齊嚟呢間餐廳試吓佢哋嘅蟹菜。今次揀咗經典自選2人餐，$644，份量都幾足。首先上枱係蒜香紅海蜇頭，份量真係唔少，海蜇爽口彈牙，蒜香味好突出，開胃一流。主角星洲黑胡椒蟹一上枱已經聞到陣陣胡椒香，蟹鉗超大隻，肉質札實又嫩滑，啖啖都食得出新鮮，黑胡椒醬汁好惹味但唔會搶咗蟹味，朋友食到停唔到口。薑蔥爆生魚片都好有驚喜，生魚片嫩滑，炒得夠鑊氣，薑蔥味道啱啱好，唔會蓋過魚味。古早魚香老鼠粉煲用咗特製鹹魚醬，鹹香味濃但唔會太重口味，配埋鮮蛋同唔同配料，食落層次豐富，老鼠粉煙韌又掛汁。最後甜品係清心丸綠豆爽，冰涼解膩，綠豆煮得夠腍，清心丸煙韌，食完一餐咁重口味啱啱好。呢餐真係好滿足，特別係蟹真係新鮮又大隻，價錢合理，服務都唔錯。…查看更多

好耐冇食，買左外賣。 打開以為放錯食物。 用筷子撩左幾下先撩到幾條雞絲！66蚊一個雞米線係甘樣？ 係唔係過分左d啊！ 米線又硬，呢間野愈來愈差呀！ 服左你，好失望， 唔會再幫襯。 …查看更多