樂天經典 (奧海城二期)

營業中

休息中

今日特別craving食炸子雞，作為大角咀之友，第一選擇當然系位於奧海城嘅“樂天經典”，主打新加坡南洋菜，個人認為菜色有許多粵菜延伸嘅影子，所以中意食粵菜，又想有多D變化同特色，適合一班朋友或是家人相聚，選擇哩度就肯定冇錯喇！金牌脆皮燒雞($188/半隻，348/一隻)兩個人食半隻分量剛剛好，外皮炸至香脆金黃，但係雞肉仍然香滑鮮嫩，特別系雞髀咬落仿似有肉汁爆開，伴碟還有脆口蝦片，無論從視覺同味覺，同炸雞都好match。配搭紅辣椒酸辣醬，沾上後一啖入口，同時體驗雞皮嘅脆同雞肉嘅嫩，口感多元。三杯牛肉煲($138/S, $207/M, $276/L)我中意哩度大部分菜色都可以選擇吾同分量，無論幾多人食，都可以預岩分量。哩個三杯牛肉煲融合咗台菜、粵菜同南洋嘅精粹，用煲仔製作，牛肉薄切由煲仔嘅熱量煮至焦香，再由羅勒葉帶出無窮香氣，用來送飯最合適！泰式海鮮炒米粉($95/S, $143/M, $190/L)哩味炒米粉香辣惹味，海鮮有蝦肉、魷魚、魚肉片，配上炒蛋，食嘅時候記得撒上青檸汁，可以吊出海鮮嘅鮮美，再融合泰式嘅微辣，系一碟坊間少有、味道特別嘅炒米粉！三色桂花斑蘭糕($48/份)一餐完美嘅晚

🌸奧運美食🌸樂天經典🍳想吃滋味新加坡菜？今天我便相約好友到了奧運的一間主打新加坡菜的餐廳-「 樂天經典」品嚐是日午餐❗餐廳鋪面寬敞，裝修簡約，座位舒適❗店員十分親切殷勤有禮，店員細心為客人下單及不時收拾碗碟。餐廳提供溫熱茶水及滋味餐前花生小食。我們一行2人點了以上菜式：1️⃣🌟酸辣滑雞乾撈米線 $68酸辣滑雞乾撈米線份量十足，有香嫩幼滑的雞肉配搭開胃都的酸辣醬及彈牙米線，十分惹味❗2️⃣🌟娘惹咖喱雞（小）$98娘惹咖喱雞份量十足，有滋味薯仔及嫩滑雞肉，咖喱香濃滋味，帶點微辣，送飯一流！3️⃣🌟海鮮皇炒飯（小） $98海鮮皇炒飯配搭鮮香味甜的彈牙蝦肉，還有粒粒蟹籽，配搭粒粒有鑊氣的蛋白炒飯，非常惹味❗️4️⃣🌟椒鹽香酥鮮淮山 $60很少見的椒鹽酥炸鮮淮山，新鮮淮山外皮炸得黃金香脆，內裏質感鬆化軟淋，鹹度適中，十分滋味。🌟為是次餐廳用膳的推薦菜色❗🔖整體評分美味指數：⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕️5⭕️為滿分總括而言，此餐廳的食物質素高，菜式即叫即製，價錢親民，餐廳地點鄰近奧運站，絕對是奧運一帶滋味小菜之選❗ 📍樂天經典 (奧海城) (大角咀)：大角咀海庭道18號奧海城二期UG樓UG09號舖

去咗奧海城食充滿南洋風味嘅中菜☺️呢度除咗供應中式小菜之外，仲有一些經典星洲菜～例如：黑胡椒蟹丶辣椒蟹等等。🔶招牌扣肉包 $32/個係店家嘅招牌新加坡式小食🤤果然唔錯！扣肉略有厚度，夾在口感軟綿嘅包子裡一起吃。塗滿醬汁的扣肉，肥瘦相間，入口即化～正！🔶椒鹽香酥鮮淮山 $60鮮淮山炸得十分金黃香脆，外在充滿椒鹽香！香酥惹味～🔶荔枝咕嚕肉 $98/S 呢度嘅小菜可以選擇小/中/大份（S/M/L ），人少少可以選小碟，咁就可以點多啲唔同嘅菜式。咕嚕肉炸得外脆內嫩，配以酸甜醬汁非常開胃，仲有原粒荔枝增添了清爽度。🔶 砂煲黃酒雞 $98/S好滋補嘅小菜！黃酒雞充滿鮮味～夠肉嫩，好入味，滲出淡淡酒嘅醇香。

之前和屋企人食過樂天皇朝，然後知道其集團旗下還有一間專食小菜的餐廳，就是位於奧海城的「樂天經典」，所以今日一於就帶家人過去嚐嚐，做個乖寶寶。一出地鐵站奧海城出口，右手邊向下落一層就見到樂天經典，非常方便。餐廳環境寬大舒適，適合家庭聚會，亦看到餐廳內有不少「老朋友」，食物選擇都老少咸宜。樂天集團是源於新加坡，所以樂天經典的菜式是帶點南洋風味，與中式菜系會有點不同。我會形容是利用中式的基礎，再混上東南亞的香料及烹製方法，這種fusion 混合菜是特別受香港人喜歡。⟲ 1. 椒鹽香酥鮮淮山先叫一份小食，六款小食當中，椒鹽香酥鮮淮山似乎性價比最高。份量足夠得可以供2-3人食用，而鮮淮山炸得非常金黃爽脆，外皮薄薄的一層，再用上陣陣椒鹽和椒粒，非常惹味。而且，樂天亦能將鮮淮山炸得外脆內軟，內裡綿綿的，口感細緻，亦不會熱氣。⟲ 2. 三杯牛肉煲與樂天皇朝不一樣，來得樂天經典，當然要點菜食飯。三杯牛肉煲賣相看似不錯，樂天用了九層塔、炸薑片、蒜粒來爆香，再加上嫩牛肉，使牛肉的鮮味與其配料的鑊氣香味融合。⟲ 3. 客家豆醬蒸黃花魚以家常便飯為主題，蒸魚絕對少不得。見到餐牌是推介了這份客家豆醬蒸黃花魚，那就

本身好鍾意東南亞美食，見咁多好評，所以就入座一試。第一次點了星馬經典和熱門的大路菜：喇沙，老鼠粉，鐵板豆腐，椒絲腐乳生菜。相我就唔再加，因為其他post都介紹過。最後我和老公的評價都是無特色，完。

樂天經典 (奧海城) (大角咀)同朋友去左奧海城到行街食飯，經過入左呢間中餐廳食飯，第一次嚟覺得好大好靚🥰❤️娘惹咖哩雞🍛🍗 $98咖喱煮得好好，唔會太甜，唔算辣，啱哂我呢啲食唔到辣既人食🥰每舊雞都好幾大舊，又入味又鮮嫩☺️送飯係一流既！沙拉排骨🍖 $98醬都幾多，每舊都炸到金黃色😚耐無食真係覺得人間美食🤣酸酸甜甜好開胃，夏天太熱食下酸甜野都會易啲入口，好食❤️馬來風光🥬 $80呢碟其實係馬拉盞通菜黎，菜唔算太辣，但係又夠惹味😋而且啲菜嘅質感亦都幾好，夠爽，唔會太淋❤️如果想叫菜嘅朋友建議試下😍蘋果與荔枝🍹$32第一次見呢個組合，好似幾得意就試下🤣估唔到蘋果同荔枝又配合得幾好，蘋果嘅清甜同荔枝嘅香融合埋一齊，好正😍茶位$20小食花生 $15白飯 $16放假同屋企人一家嚟食飯飲茶都好唔錯❤️野食好食又高質，環境坐得舒服，推薦！地址：大角咀海庭道18號奧海城二期UG樓UG09號舖整體評分：5/5味道：5/5環境：5/5抵食：4/5

幾年前食過一次呢間餐廳，多年後去左附近搵朋友，見都仲係到，就再食。佢一開始有碟前菜，係花生栗子，炆得勁淋勁入味，我好鐘意食，鐘意到未影相已經食晒！甜酸生魚片，幾鐘意佢真係啖啖肉，唔會成舊都係炸粉，醬汁酸酸甜甜又開胃又送飯。叫左碗白胡椒豬肚湯，胡椒味好重，當日撞正落雨，飲完好暖胃！香酥南乳正花肉，炸到香脆，肥瘦相間，勁邪惡。三杯牛肉煲，好多香葉同薑片，牛肉醃到好入味，一定要送飯食。仲叫左個刈包試吓，佢就係一塊腩肉加片生菜，我覺得加返d 酸菜調吓味會好d。

呢間樂天經典幫襯過無數次，因為晏晝粉麵長期5折🤣。晚市就真係第一次黎食。晚市就叫左D平時無半價既小菜食。前菜係栗子花生，好腍好入味！海南雞黎到已經賣哂😫。呀婆蕃茄炒蛋甜酸岩剛剛好，略嫌個芡杰左少少😌。四大天王超惹味既一道菜，有齊秋葵、甜豆四季豆同茄子，酸酸甜甜，配飯岩哂。手剁馬友鹹魚馬蹄蒸肉餅件鹹魚望落細細舊，但真係好香同好夠味！肉餅加咗馬蹄口感即刻升華咗。砂煲黃酒雞酒味好濃，一上枱就聞到，飲左幾啖湯，好正！呢到勝在可以叫小/中/大size，岩哂我地呢D兩口子黎食飯，可以試多幾味餸😊。

樂天皇朝上海菜就食得多，樂天經典係一間具南洋特色嘅中菜館，一直都好想來試吓，今日趁過嚟奧海城做野，做完野有啲餓，順便過嚟食晚飯，裝修好高級時尚，樓底高，卡位闊落，坐得好舒服，打開menu好多菜式，主打東南亞x粵菜星泰鳳爪$78開胃冷盤唔少得呢款經典無骨鳳爪，味道偏甜，又有啲酸辣，好啱嗰種嗜辣又唔係好食得辣嘅朋友手工海鮮白玉磚$68份量唔少，賣相精緻，餡料豐富，有魚肉，雲耳，紅蘿蔔，豆腐，感覺好健康，外皮咬落煙韌又香口，值得一試三杯牛肉煲（小）$138雖然叫咗最小嘅份量，但牛肉俾得唔少，一上枱聞到好大浸薑味，薑片切得好薄，好考廚師刀功，炸過後好香脆，我未試過食咁多薑，牛肉炒得好淋好惹味，送白飯一流四大天王$80所謂四大天王係指：茄子，秋葵，四季豆，甜豆，淋上甜辣醬汁，估唔到別有一番風味整體來講，菜式好特別創新，係家常小菜嘅再昇華，水滾茶靚，環境冇得彈，下次再帶多啲朋友來試埋佢地嘅其他菜式

成日見人出post食樂天小籠包，連胃妹都叫大胃食吓，但始終一次都冇食過大角咀呢間樂天，竟然係食星洲美食，又幾得意喎入去開壺香片，坐定定等食先唔知蝦棗係咩，以為係蝦仁鑲嵌喺紅棗入面原來係豬肉蓉同蝦蓉溝埋，再炸到金脆食落口感似炸牛肉球，回頭率極高一直唔太喜歡老鼠粉嗰種粉粉地嘅質感，不過見幾多好評，就試吓真係令大胃刮胃相看，老鼠粉超彈牙，撈勻湯底同生蛋，唔會好鹹，好溫和加少少柑桔汁，唔帶酸味，反而有種清香盪氣蒸魚係好平凡，但加上古法二字，就忍唔住一試。黄花魚肉質嫩滑，滑到夾唔起，要用匙羹幫手，簡單調味突顯魚嘅鮮香好耐冇食夾饃，仲要係包住扣肉，唔怕肥嘅大胃自然會嗌夾包蒸得好綿，自己將塊肉夾入去，夾埋塊生菜，肉香滿滿但又中和油膩三色桂花班蘭糕聞所未聞，但睇個樣就知，係好花功夫嘅甜品，賣相出眾，味道真係有三種層次，同時又溝得埋，神級

又返咗嚟曾經每天都在呢區出入嘅地方，今日經開過，又約個老友飲啖茶食個包先😂😂😂😂😂————————又係一個環境舒適、地方闊落的好地方，吃得舒適，自在享受。—————————🐷招牌扣肉包：必屹的一個招牌菜……👍熱辣辣的包…..😋熱辣辣的扣肉炆得夠火候又夠味👍——————————-🐷秘製燒汁排骨王：又是一道自家秘製醬汁的排骨，咬落軟熟香滑，肉質嫩口，味道勁正，又是停不了的吃，份量還分了大中小，叫一碟小的都已經這麼足料👍———————————🐟客家豆醬黃花魚：黃花魚蒸得時間恰當，滑溜無比，又甜又嫩的肉質，我的自愛……..魚🐟—————————🍝星洲福建炒麵：足料的海鮮🦐🦪，蝦和蜆的海鮮甜美，滲入了在炒麵上更加甜，又有燒腩仔的香，又加入了韮菜蛋花肉碎………等等配料，零舍清甜好吃😋——————————經典菜式.食得滋味又舒適😋其實開心🥳簡…單就在你身邊..·食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-

屋企人鍾意食中餐，於是帶咗屋企人去食新加坡菜，同中菜菜式好相似，而且又有一番風味。今日係星期一餐廳都接近滿座，服務員好快就安排咗我哋坐卡位，坐得好舒服位置有寬躺。本身想試吓佢個冰鎮苦瓜，不過今日賣晒，於是叫咗其他特色招呼菜，扣肉包有啲似我細個食開饅頭夾肥豬肉，扣肉就冇咁肥，而且佢加咗塊生菜，味道豐富啲。另外仲叫咗鐵板豆腐，拎嚟送飯就一流。仲有個老鼠粉，味道幾特別，服務員仲會幫手將啲檸檬鹹魚同煲老鼠粉攪勻，兩個人食細份都太多，如果3-4個人都差吾多。

原來樂天除咗有上海菜，亦都有好特色嘅中菜，就是奧海城的樂天經典。餐廳的menu都好多菜式，我今日就揀了食三杯牛肉煲、滑肉米線湯及扣肉米線湯。三杯牛肉煲，上枱經已聞到很香的薑香味，裏面有很多經炸過的薑片，還有香葉及紅椒，牛肉切得較薄，入口有薑的香辣，好香口及好入味！滑肉米線湯面有豬肉丸外，還有豆腐、小棠菜 、海苔、雲耳及豆腐，味道是微辣，豬肉丸細細粒，但份量都頗多，大約有8粒，肉丸頗新鮮，和著濃濃的湯食，感覺很鮮味。豆腐非常嫩滑，更增加了整個米線的爽滑口感。扣肉米線湯，也是微辣，裏面有兩件頗大件的扣肉，肥瘦相間，炆得又軟又腍，皮和肉咬落去感覺融為一體，軟腍油香的~~甜品本來要楊枝甘露，但侍應話今晚無，所以要了三色桂花班蘭糕，其實桂花糕食過好多，桂花三色班蘭糕就第一次食，上枱見到三色班蘭糕真是好靚，靚到捨不得食，就好像一幅色彩斑斕的圖畫，三色桂花班蘭糕好香甜，煙靭軟滑，不但美，且食得香甜。

放假去咗奧海城見到有間樂天經典原來係樂天集團既新加坡餐廳，之前食過樂天皇朝都唔錯。今日食吓呢個新加坡菜先。坐底睇吓個menu 見到呢個黃金蝦球好吸引😍黃金蝦球嘩好大舊蝦肉，原來呢個黃金蝦球係配埋鹹蛋黃，黃金既意思即係鹹蛋黃。好味呀，外面脆卜卜蝦肉彈牙爽口，配咗鹹蛋黃好正。好香口。手工海鮮白玉磚呢個白玉磚Ho ho mei 炸得好乾身入面有豆腐蘿蔔木耳同蝦Bland 碎晒點埋個沙律醬仲好食。椒鹽香酥鮮淮山香噴噴既椒鹽味食落真係好惹味😋咬落鮮淮山好鮮味。三色桂花班蘭糕三色係有桂花班蘭同椰子將三種材料做出嚟食落好清甜。好味道😋

Lunch time去奧海城搵好嘢食，今次就嚟到樂天經典，我地兩個人叫左1款前菜、2款小炒同1碗米線。見到menu原來仲有黑胡椒炒蟹，非常吸引，下次有機會一定再叫😌-椒鹽香酥鮮淮山炸淮山我都係第一次食，原來同椒鹽味道又幾夾喎！淮山出面嘅炸粉唔會太厚，炸得香脆可口唔太油膩，椒鹽味道適中唔會太咸，份量就算兩至三個人分享到夠食。-喇沙海鮮米線估唔到呢度有得叫喇沙米線，我地揀左海鮮喇沙，材料有魚肉、蝦肉、豆卜、雞蛋等，好足料。喇沙湯底非常濃郁有濃郁椰漿味，米線份量都好足料😋-荔枝咕嚕肉除左平時咕嚕肉都會有嘅菠蘿之外，裡面仲加左原粒荔枝肉呀，估唔到清香嘅荔枝同咕嚕肉咁夾，個人覺得相比菠蘿，荔枝味道更加夾呀😋 醬汁味道酸甜適中，咕嚕肉炸得香脆可口，食落非常開胃，果然係必叫菜式👍🏻-四大天王裡面有茄子、秋葵、四季豆、荷蘭豆，一次過就可以食四款蔬菜🥬 醬汁好惹味，炒得好有鑊氣送飯一流呀🍚