樂天經典 (奧海城二期)

營業中

休息中

幾年前食過一次呢間餐廳，多年後去左附近搵朋友，見都仲係到，就再食。佢一開始有碟前菜，係花生栗子，炆得勁淋勁入味，我好鐘意食，鐘意到未影相已經食晒！甜酸生魚片，幾鐘意佢真係啖啖肉，唔會成舊都係炸粉，醬汁酸酸甜甜又開胃又送飯。叫左碗白胡椒豬肚湯，胡椒味好重，當日撞正落雨，飲完好暖胃！香酥南乳正花肉，炸到香脆，肥瘦相間，勁邪惡。三杯牛肉煲，好多香葉同薑片，牛肉醃到好入味，一定要送飯食。仲叫左個刈包試吓，佢就係一塊腩肉加片生菜，我覺得加返d 酸菜調吓味會好d。