榮記粉麵

營業中

休息中

每次出去銅鑼灣解決午餐，必選榮記。默默經營了那麼多年，只此一家，絕對是本地人公認車仔麵界的一匹黑馬。自家秘製的腩汁湯底，十分濃郁惹味，單喝這口湯就覺得排隊也值得。粉麵和配料的選擇眾多，個人最愛雞翼尖。經過腌製後用滷水燜到軟腍滑，入口濃郁的滷水味，一口即可脱骨，每一次必點一份。另外蘿蔔豬紅也是必需有的配菜，蘿蔔沒渣豬紅嫩口，兩個加入湯底裏面非常入味，口感一絕。重點一提，必需搭配上它家的靈魂辣椒油，簡直和它的湯底完美結合，愛辣的朋友吃過也讚不絕口。在這種小店進餐 雖然有最低消費但它並沒收取加1服務費，所以對他的服務要求相對會降低，反倒更加專注在食物上面的品質，若果對環境和服務有要求的朋友，個人並不建議前往。

誰能抗拒來自香港的車仔麵呢?這份美味讓人意猶未盡:滷味香氣撲鼻而來,引得人餓虎撲羊般迫不及待地品嘗。一碗滾燙的車仔麵端上桌,隨著熱氣蒸騰而起,便勾起無限遐想。麵體Q彈有勁,吸附著醇厚的湯汁,每一筷子都彷彿在舌尖跳躍著百般滋味。滷味層層疊疊,包括雞翼尖、墨魚咀和豬腸等,每一種都散發著動人的香氣,入口即化,令人回味無窮。湯頭更是精髓所在,濃郁的鮮味融合各種調料,在口中蔓延開來,留香許久,唇齒留香。清脆爽口的青菜,恰到好處地調節了整體的口感,讓人欲罷不能。無論是在寒冬細雨中,還是炎熱的夏日裡,一碗熱騰騰的車仔麵都能為人帶來無比的舒心與滿足。這份來自香港的道地美味,實在是迷人得無可挑剔，而榮記是我唯一一間每月一吃的車仔麵店！正！

榮記粉麵，一間所謂好多人話好食嘅麵店，男店員態度差到不得了，最後親眼見到客人放低錢唔食走人，都唔明點解仲要幫襯啲咁樣嘅垃圾店，所以唔好話人哋，依家點解咁多人唔想幫襯香港嘅食肆，價錢又唔係平，態度又差到不得了，一路食一路周身唔安樂，環境已經唔係舒適，坐呢度又唔得坐嗰度又要俾人話，仲要睇佢哋面色，其實真係唔需要喺度幫襯，呢啲垃圾店應該慢慢被淘汰。一間食物店除咗食物質素要好之外，亦都希望客人食完之後開開心心出門口，呢一間店終於可以做到食完之後永遠都記得呢一間垃圾店以後唔好再嚟。

原本昨日放工與同事去食，去到發現休息。Openrice 寫年中無休今日放工再去食，食到5點45分去到，不用等位腩汁好濃，好味，唔太口渴叫了三餸，夠飽同區的新記美食，辣汁湯底勁正，但貴又唔夠飽牛腩份量是多豬紅只有滑，沒有新記美食充滿滷水味最驚喜是附送菜在河粉中，現在好少車仔麵送菜與同事交換了豬皮和牛肚，不錯下次要再食,試其他餸，例如牛肺，雞翼尖，牛丸

呢間舖個男店員態度真係衰到冇人有啊！黎食野好似黎比人發洩咁，我係老闆請着喱條友真係該煨囉！奉勸大家幫襯求其一間舖，都好過過嚟俾人鬧！食物吾錯都無用，店員態度差到咁都唔會再嚟！

在銅鑼灣上班，但lunch路過都排隊，今天下雨人終於少少，我一個人不用等就進來了。openrice上寫只可以現金付款，現在支付寶hk和微信人民幣（1:1）也可以了。原先和2人搭台，剛坐下又被叫去和4個人那桌搭台，點了雙拼（牛腩+豬大腸），細麵，41。湯自帶腩汁，比較鹹。牛腩好好味，而且是越吃越香，和普通粉面自帶的牛腩太不一樣了！！有時第一口好吃，後面就邊際效用遞減了，這家的牛腩真的好吃欸！豬大腸也不錯，而且軟而有嚼勁。和湯裡的花生碎相得益彰。面給的就比較少了…下次應該走面了，就為這一口牛腩店員態度都好好，還和我們這桌的小孩逗樂

喺我心目中嘅世一車仔麵，一定係銅鑼灣榮記！平日lunch time黎到，好彩只係排幾個，因為自從小紅書加持後，排到皇室堡轉彎😵‍💫喺排隊嘅時候記得先諗好食乜餸，咁有位就可以即刻落單，唔會拖慢店內效率。四餸係基本：牛肺，墨魚頭，豬紅，蘿蔔配米粉，加一碟腩汁通菜。碗粉好快就到，先飲一啖濃濃嘅腩汁湯底，牛肺入哂味！墨魚頭好爽脆，豬紅都唔會一夾就散，蘿蔔冇渣，味道鮮甜，吸左湯汁更加好味！腩汁通菜浸住濃濃嘅腩汁，真係好正。雖然而家多左人排隊又多左遊客，但間中都會想食返呢碗車仔麵。

每次見到呢間咁舊既麵店都大排長龍，大概1x人的人龍。今日見少啲人排就入左去食。這裡座位比較狹窄，坐得有點迫，即使係三餸/四餸都好足料，個碗好細，但係廚房嘅廚師會塞到啲餸好滿😍 推薦大家嗌豬頸肉、墨魚頭、墨魚丸、豬紅呢啲都係出名有好好食！個秘製腩汁都夠曬濃，yummy 價錢係銅鑼灣來講亦都唔算貴，又好足料！ 當然在這種小店不能要求很好的服務態度，建議在進店前要想好點什麼配餸！我心中已經是全港最出色的車仔麵。

每次經過呢間舖頭嘅時 都見到門口有好多人排隊 今次終於走咗去試吓啦 佢個湯底係會飲上癮幾好味下 而且舖頭有勁多遊客 佢送嘅份量都叫多 但係面具份量就偏小 食完其實唔算好飽 但衛生亦都麻麻

環境、服務、衛生Weekday 7:30pm嚟到已見人龍。等咗大約6張枱，約20分鐘後入座。由於已對店員的服務態度做好心理建設，所以對於他們講嘢沒尾音，粗聲粗氣也知道是意料中的事😂店內環境迫夾，要搭枱。店員忙住翻枱未能好好清潔枱面，入座後我地要用濕紙巾再抹。味道🍜麵底：幼麵軟硬適中，不錯，只是份量較少。菜底：用通菜做菜底有誠意（個人很喜歡食通菜😂），夠淋又煮得唔老，唔會煮到變黑色。湯底：牛腩湯底好惹味豆卜：雖然大大嚿，但係偏硬，唔夠入味。粉腸：粉腸不過不失, 入面嘅"粉"已經無乜了墨丸：只有兩粒，份量太少，既沒有墨丸味。豬紅：個人比較鐘意硬身少少嘅豬紅，有咬口的，所以榮記的對我嚟講太過淋。味道亦欠奉。遠道而來為咗一嚐榮記豬紅，結果有啲失望🥲雞翼尖：雞翼尖係另一個榮記必點之選，濃濃的滷水味，好入味。雞翼尖煮得夠淋，超正！豬大腸：洗得算乾淨，夠肥美，入味。豆漿：唔甜，好淡，可能食開低糖的朋友會喜歡。埋單$130，以每人$55來說，這個環境，味道，整體來說可接受✅

咁啱有朋友嚟香港玩，一於帶佢嚟位於銅鑼灣糖街嘅榮記食車仔麵，感受下香港地道文化😋以車仔麵嚟講，個人比較鍾意食榮記多於同區嘅新記，有多種唔同款式嘅餸可以選擇，有9成嘅餸都好啱口味，餸菜亦很入味好食😜湯底亦比較濃郁入味，麵嘅種類亦多選擇，比較略勝一籌！不過口味亦都好個人，咸魚青菜、各有所愛！這是我個人感受！當日嘅天氣都不太好，大半天都處於下雨嘅狀態，但都無阻大家食地道嘅決心，門口都一直keep住有人排隊，當中有不少遊客更是遠道而來的$38 單拼或雙拼$47 三拼$55 四拼

看見許多人推薦，抱著滿懷期待的心情去吃，結果服務態度差到要死！去消費還要看臉色，問一下還要被翻白眼，吃得真是壓力到一個境界！味道也就麻麻，沒什麼特別，除了便宜之外就沒什麼可說的！僅此一次，絕對沒有下次！

榮記我常帶朋友去吃，是一間出品優秀的車仔麵檔，每一碗都會加牛腩汁做湯底，如果不吃牛記得下單時要說清楚。我自己最常點牛筋、牛肚和雞翼尖，配河粉或油麵，另外會加他們自家製的辣椒醬，相當夠辣度🤌🏻如果不想吃麵底也可以直接叫菜底，很多人都當吃小食一樣淨餸點5、6樣，算下來一碗才50至60元左右，價錢相宜。要注意餐廳有每人最低消費$38，就是一碗單/雙餸麵的價格，而且只收現金！牛筋河豬紅蘿蔔雞翼尖，牛腩，牛筋牛肚

呢一間位於喺銅鑼灣嘅車仔麵晒所有都唔使解釋太多，每一日見到都係非常多人，今次我哋排咗大概20分鐘就有得食，今日我就叫咗三個餸，包括係蘿蔔雞翼尖同埋豬紅，蘿蔔非常入味，而且份量嚟講都算幾多絕對唔會比得一兩件，入口亦都非常林，加埋晒啲湯係非常好食，另外佢嘅豬紅同出邊嘅唔同，口感上係比較滑，唔係街市嗰啲，非常值得推介大家試呢一個餸，另外米粉就不過不失，唔會話太軟或太硬，鍾意食車仔麵嘅朋友絕對唔可以錯過呢一間！

`•.¸¸.•´´¯`••._.• 銅鑼灣懷舊車仔麵必選•._.••`¯´´•.¸¸.•`單拼或雙拼 $36三拼 $46四拼 $54銅鑼灣榮記一直係小編既首選❤️有時喺港島區做嘢都特登搭車去銅鑼灣排隊食😎必食推介豬紅豬頸肉雞翼尖米線 （牛腩汁）👍🏻豬頸肉非常淋又有咬口😋👍🏻雞翼尖非常入味😋又淋身🤤👍🏻招牌牛腩汁湯底 （必點）超級濃郁濃👅👍🏻超大片滑捋捋豬紅 (必點）並非一般食到嘅豬紅👅，非常嫩滑，好似豆腐花咁🤤🤤Overall呢間足料老字號係小編最愛餐廳之一🤤無論食過幾多車仔麵，始終都覺得榮記冇得輸😎雖然環境狹窄，每次都要等位，但都冇阻小編山長水遠過海食👅小編建議鍾意食車仔麵嘅，大家一定要去試😋榮記粉麵 (銅鑼灣)銅鑼灣糖街27A號地舖食物: 🌟 🌟 🌟 🌟/5服務: 🌟 🌟 🌟/5 (一如既往，香港嘅舊式餐廳都係有種急速嘅 🤣）價錢: 🌟 🌟 🌟 🌟🌟/5 環境：🌟🌟🌟🌟/5 (環境比較狹窄，人多嘅時候較擠迫）性價比: 🌟 🌟🌟🌟🌟/5 回頭率: 🌟 🌟🌟🌟🌟 /5 #ddd銅鑼灣搵食