榮記粉麵

營業中

休息中

隨手搵到呢間 去到門口又有個ee話好食咁就決定食 一入去首先有個黑口黑面嘅迎接 跟住又要搭格 位置唔太舒服 廚房亦都不時傳來鬧交。食物方面 個湯係濃嘅 沙嗲味？ 但整體就一般 特別係個韮菜雲吞 得兩粒 又唔好食。我見好多大陸人嚟食 社交媒體網站就係推呢啲野？😅 $5x 三餸真係no thx

銅鑼灣嘅生意好到爆燈！十一點半先開門，我哋十一點未到就去咗，已經有人排隊喇。想食嘅朋友，記住要早啲嚟排隊呀！我哋好彩，係第一批入去嘅，門一開，唔使一陣間，店入面就坐滿曬人。​呢度內用有最低消費，每人三十九蚊。餐單上，先揀自己心水嘅配料，再揀麵嘅種類。我嗌咗個三拼，有墨魚、牛筋同牛腩，搭配油麵。牛筋同牛腩炆得軟稔入味，一啖落去，正到痹；墨魚嘅口感就爽脆彈牙，好有嚼頭。份量都好足，湯底濃郁香滑，仲帶有陣陣沙茶味，飲落去好過癮。​如果食得辣嘅朋友，一定要試下加店裡嘅辣油，香到飛起，正到冇得彈👍我哋仲叫咗炸魚皮，咬落去脆卜卜，好似食餅乾咁。我建議大家可以將魚皮蘸埋啲湯食，魚皮吸滿湯汁，入口鮮香，真係好好味😋​睇返網上嘅評價，意見都幾兩極嘅，但我同朋友都覺得呢間店唔錯。店員嘅服務態度都可以接受。

🍜 真係好耐冇食過，今次一試，味道依然令人回味無窮！😋我今次點咗雞翼尖、豬紅、豬皮同齋，四餸，每一樣餸都好想食，好難揀，雞翼尖必食，豬紅同豬皮都係經典推介，真係令人食到停唔到口！🤤

大約星期三晚上6:45到達銅鑼灣，要在7:30前完成晚餐，最快就係食車仔麵。 剛去到榮記都只係有三個人排隊，大約10分鐘就可以入座。 排隊呢啲都睇運氣，畢竟好多遊客都會幫襯。不過最近幾次去都只係需要等一陣就可以。環境少少逼，少少嘈，仲有啲遊客。一早諗好點咩餸，所以好快落到單。豬紅墨魚頭細麵，西洋菜加一支無糖可樂。上菜極快，專心食完就走人。（豬紅好好食，會成日掛住想嚟食）埋單70幾蚊，7:15就食飽走人，時間控制極佳！

講真銅鑼灣榮記粉麵算係一間有名嘅車仔麵店，之前在銅鑼灣上堂間中想食個快飯都係揀佢；今次都係叫左個3餸車仔麵。味道感覺上好似無以前咁好食，但整體都ok同keep到；不過，呢度樓面哥哥姐姐嘅服務態度就真係有啲啲改善空間，因爲一餐飯嘅時間都已經聽到佢地同幾個客人對話有火花。再加上座位有啲逼，坐得唔算舒服，尤其係人多嘅時候，真係有啲窒。總體而言，榮記粉麵嘅味道係可以的，但如果想享受一個輕鬆嘅用餐環境，可能要考慮下其他地方。至於如果只係想食個方便又快嘅車仔麵，呢度都係個選擇🍴

I've tried many cart noodle places, but Wing Kee noodles really stands out😊Not only their broth is exceptional, their ingredients for some reason taste better than a lot of places too…but ofcos, I reckon they put quite a lot of MSG into their broth, so, dine with some fizzy drinks🤣For the ingredients my usual go-to are pig blood, pig skin, fried tofu, brisket and spring rolls, but this time, instead of brisket and spring rolls, I’ve gone for beef entrails and cuttlefish head instead. I really lo

前排白粥真係食到驚，唔使講一定要去食D有味嘅嘢所以又係扯埋幾個病號去食嘢。講真排隊等之時外面陣奪命風🤧真係吹到頂唔順🤧去食真係要早早早D去埋位。🥢【自選三拼】講真哩間嘢拼到嘅料真係多，豬皮牛腩牛肚乜都有，47蚊拼碗真係抵到爛，味道就唔使講🤣宜家我食乜都覺得香。🥢【牛腩】超大舊好入味，牛肚入口Q彈，湯底又鮮夾醬又唔會搶味，唔錯。🥢【雞翼】甜口，甜香咸，合格水准唔會差。其實冇食幾多，基本上單攞個碗裝返D食吓味咁，剩低好多嘢食唔入唔好點評。夥計有D寸令人不悅。

收工同男朋友去CWB逛，睇下晚餐邊到食突然想食牛筋，我地就衝過嚟呢到食晚市收工時段，大約有5-6個客排緊隊排一陣就入得，因為車仔麵通常都快食快走我地各自叫左3餸食呢到d油菜得一款西洋菜，冇第二款菜菜份量係正常足料🍜我就食冬菇，粉腸，牛筋配油麵佢地d湯好濃，同埋本身個湯落左勁少bb 辣唔會辣到出汗，但係食完好暖個油麵唔似出面有d鋪係用勁粗身呢到係用中size果款粗幾好味哦，因為口感夠彈d餸菜都足料，至少每款有2-3件冬菇好厚身，粉腸就麻麻地，過冧了牛筋係多筋少肉的，但煮得又係過冧了🍜男朋友食豬大腸，豬皮，牛丸配油麵我試左粒牛丸，牛丸有d細粒，冇咩特別整體嚟講我覺得湯係好味，油麵都好彈口不過餸菜就普通，但份量係足料同價錢合理

今日出咗銅鑼灣做嘢唔知食咩好想當年喺銅鑼灣開嗰個時候日日都食榮記車仔麵回憶起就行過去食墨丸大腸魚皮餃牛腩 呢幾個餸一向都食最緊要加支可樂嘅湯底好濃郁，食完一定要飲嘢味道十年如一日，不過都係好味嘅去親銅鑼灣都會記得永記車仔麵🤣

由細食到大嘅唯一車仔麵，雖然堂食環境比較逼，但係完全無阻我對佢地嘅熱愛🤭不過去得食，唔好諗住有服務🤭因為除左佢地嘅食物質素無變之外，連服務態度都無變，都係甘冷淡，唔休做🤣同埋自從小紅書紅左之後，經常都要排隊，呢次都要排左半個鐘，為左續命，都要排咖啦！😋佢哋嘅腩汁湯底好濃但唔會死咸，食完唔會口渴，一定要食佢嘅豬紅，滑到癲咗，無任何車仔麵可以做到佢哋甘，面筋索晒D腩汁勁正，牛筋有咬口，但又唔會硬，款款餸都鐘意🥰

其實我真係好鍾意食榮記。特別係豬紅好似豆腐咁滑。雞翼尖好入味。同埋啲粉腸都好好味。只不過佢哋啲服務態度好差又惡。咁多年都係冇變服務態度。其實有陣時對啲客人唔使咁惡嘅都係嚟食嘢。

以前細個喺銅鑼灣讀書，所以好耐之前已經去呢度食，因為係窮人恩物😂，仲睇住佢由巷仔開始做起嘅大排檔，跟住入埋舖。事隔咁多年，坦白講佢嘅水準依然，尤其係佢嘅豬紅、蘿蔔同埋墨魚頭，呢三款餸對我嚟講簡直係絕配！豬紅永遠都係咁滑，其實已經好少車仔麵檔能夠做得到，嗰種口感，喺第二度真係食唔到，就算其他喺銅鑼灣出名嘅車仔店，根本都比唔上佢。蘿蔔一定煮到好腍好入味同埋冇根。墨魚頭亦都好少舖頭有得食，唔知係咪因為繁複嘅工序。

#榮記粉麵 😋😋😋😋😋very famous cart noodle among 30 years, hear the name when small. cash only. tourist must go place and u may need to wait 20mins to get in. place go quick and people too. they hv only one soup unlike other noodles place. only beef tummy soup. not very strong but color very deep. taste good. and portion big.topping is variety. i especially love the beef intestine. very well marinated and juicy. the rest meat are soso. not enough taste.overall good place if u eant fast food noodle.#foo

每次出去銅鑼灣解決午餐，必選榮記。默默經營了那麼多年，只此一家，絕對是本地人公認車仔麵界的一匹黑馬。自家秘製的腩汁湯底，十分濃郁惹味，單喝這口湯就覺得排隊也值得。粉麵和配料的選擇眾多，個人最愛雞翼尖。經過腌製後用滷水燜到軟腍滑，入口濃郁的滷水味，一口即可脱骨，每一次必點一份。另外蘿蔔豬紅也是必需有的配菜，蘿蔔沒渣豬紅嫩口，兩個加入湯底裏面非常入味，口感一絕。重點一提，必需搭配上它家的靈魂辣椒油，簡直和它的湯底完美結合，愛辣的朋友吃過也讚不絕口。在這種小店進餐 雖然有最低消費但它並沒收取加1服務費，所以對他的服務要求相對會降低，反倒更加專注在食物上面的品質，若果對環境和服務有要求的朋友，個人並不建議前往。

誰能抗拒來自香港的車仔麵呢?這份美味讓人意猶未盡:滷味香氣撲鼻而來,引得人餓虎撲羊般迫不及待地品嘗。一碗滾燙的車仔麵端上桌,隨著熱氣蒸騰而起,便勾起無限遐想。麵體Q彈有勁,吸附著醇厚的湯汁,每一筷子都彷彿在舌尖跳躍著百般滋味。滷味層層疊疊,包括雞翼尖、墨魚咀和豬腸等,每一種都散發著動人的香氣,入口即化,令人回味無窮。湯頭更是精髓所在,濃郁的鮮味融合各種調料,在口中蔓延開來,留香許久,唇齒留香。清脆爽口的青菜,恰到好處地調節了整體的口感,讓人欲罷不能。無論是在寒冬細雨中,還是炎熱的夏日裡,一碗熱騰騰的車仔麵都能為人帶來無比的舒心與滿足。這份來自香港的道地美味,實在是迷人得無可挑剔，而榮記是我唯一一間每月一吃的車仔麵店！正！