榮記粉麵

營業中

休息中

榮記粉麵係各大車仔麵關注組都係咁比人吹奏，又咩香港第一車仔麵又點咁，我卻要坦白地說，呢間野在我的味覺中完全唔好食。首先，麵的湯底都係D開粉既貨色，完全的死咸和油膩，除左令人感到沉重和不舒服之外，令使我感到不易消化。其次，麵條都係入貨既，無特色無彈既位，亦都無賣點。此外，車仔麵的配料也讓我感到失望。大雜，雖然多樣，但似係浸左好耐，d食材霉霉地，缺乏層次感和豐富的口味。具體個別食材既口感1）牛丸唔彈牙，普通街市貨2）豬紅又散，無趙口3）豬皮有陣臭味4）牛肚擺左好耐，梅左全部食材都切到碎哂，唔彈牙亦無𡁻口總括，無唔會有下次。

今日出開銅鑼灣行街，平時食開果檔車仔麵冇開，所以試吓同區另一間人氣車仔麵檔，星期日嘅中午去到確實係幾長人龍，的確係有啲期待，我地等左大概30分鐘先入到去，我同男友嗌左一碗各式雜粉同一碗4餸麵。簡單嚟講：湯底好深色好咸、蘿白切到太細粒好碎濕濕、豬頸肉係白灼口感一般、牛腩好鞋、其他嘅餸味道正常，但亦冇特別好味。埋單剛好$100，只可以講，呢個價錢食2碗冇乜特別嘅車仔麵，又排長龍⋯我覺得性價比就一般囉😬

-呢間店我由中學食到依家，一向都有人等位，依家更加要排隊，起碼排30分鐘，不過如果一個人就通常可以即入。呢間店湯底係靈魂，個湯超級濃郁，本身包咗腩汁同埋冬菜，如果唔要要提早講聲，食完你會覺得有少少口乾，但亦都會食過返尋味。另外點咗餸就唔可以隨便加餸，推介食豬紅大腸蘿蔔，仲有雞尖。如果你係重口味嘅人士，其實樣樣配料都好食。另外，就算冇點菜，都會配搭少少菜俾你。呢度埋單仲係用傳統方式，店員講咗幾錢你就去櫃檯嗰度俾，佢哋要數口好好先做到。

第一次吃着实有点惊艳！看了食评讨厌甜的人可以跟老板说一下口味淡一些不要太甜，依然非常好吃料足、汤底点辣、建议天气不热的时候去吃，不然会很影响心情和口味，不要错过一家好店

這一家是刷到小紅書好多人介紹噢看上去都幾吸引咁 就穩咗日去啦搜咗下先知原来都几出名 系我知道得太迟哈哈哈-主要系聽聞湯底濃郁上頭就特別啱曬我呢d重口味人士-因為想試多一點 就選了一個油面一個河粉河粉會相對入味一些 都算OK噶-配料就唔洗多讲啦 自己喜歡吃乜嘢就點有幾樣我覺得系必點噶 魷魚 豬紅 墨魚丸 豬大腸其他就真系睇个人爱好啦-不過呢 服務的確唔系话十分之好比較暴躁又會吼人-🐷📍：榮記粉面銅鑼灣糖街27號A地下

叫我坐係走廊位 啲人行出行入 食一碗面俾人撞十次極級差體驗🙄🙄 搞到我勁快食完拿拿林走 臨尾仲要我一個人食想收我兩碗錢 同我用普通話收 真係當左我水魚七 八年前食過一次 想再去食 食物比以前差左好多 真係唔想再幫襯貼錢買難受

下午2:45分入座時候不需等候，但點餐時間要等，伙記人手嚴不足。不說普通話不理你。伙記都賺夠，不想做的樣子。那就不要做好了。車仔麵來說，勉強合格，不算很好吃。湯底只有"腩汁"，加辣要加錢真的前所未聞。所以無試辣汁。可樂9蚊一罐。點完餐要等30分鐘。實在有點過份。如果你是遊客或者很得閒才好進去吃。附近比它好吃的有新記，百年。或者到金鐘"車仔麵之家"也比它好吃很多。遊客的話可以俾佢呃一次試下。香港人就少去為妙味道一般，同大部份人感覺一樣，咸！好＿咸。

平時行開糖街等小巴都唔知原來呢間車仔麵咁出名🙈當日中午都等左20分鐘左右.排隊果陣已經要諗好食咩，一埋位就要落單✨各式雜粉麵🍜✨懶人唔想諗之選💁🏻‍♀️上到枱熱辣辣，要好小心食，聞落都幾香但個湯飲落唔算好重牛味，不過味精感唔濃，食晒都無頸渴✨豬紅係幾滑，不過我覺得無乜味✨魚蛋同牛丸🐟🐂都好似係手打🤪彈牙好食✨牛肚豬皮正常✨四拼🍜✨牛腩超級柴🥲唔好再叫喇✨美味齋、蘿蔔正常✨冬菇炆到好淋，不過煲到無晒冬菇味排隊果陣見好多人外賣額外要辣醬，就貪得意點吓🔥點知係超級辣！🔥🔥🔥🔥但食落得個辣字，無辣椒既香味🙈又唔覺得好夾個湯底，可以唔加！

不太好吃哎，醬油濃厚，但鹹鮮味層次貧乏，兌水大過原先應該保留的原湯風味，面也過於軟爛，也沒有服務可言，上菜非常慢等了15分钟。淨蘿蔔更是打翻糖罐頭，吃出了湯底的問題，不會再去 ………

香港這家車仔麵店，我認為是全港最好味的。很久沒來，這次大排長龍，等了大半小時，卻覺得非常值得。這家車仔麵的湯底濃郁，配上豬紅滑嫩像鴨血的口感，讓人回味無窮。此外，蘿蔔和雞翼尖也是絕佳的選擇，讓人一試難忘。這家店還提供樽裝可樂，很難得找到樽裝呢。雖然人客很多，有些侍應的態度不太好，但專注於美食，這些小缺點也就不算什麼了。總體來說，這家車仔麵店的美味絕對值得大家一試。It's been a while since we've had it, but it's still the best in town! The rich broth, fresh toppings, and perfect textures make it a true classic. Can't wait to come back for more!

難得嚟銅鑼灣做嘢 同事介紹試咗呢間粉麵 估唔到係間人氣店😆😆五點幾去食 間舖都幾乎坐滿 一路食都keep住好多人流 同埋好多遊客😅牛腩墨魚頭河粉上到嚟細細碗 不過食落都幾飽 腩汁湯底好濃郁 餸嘅份量都算多 牛腩炆得好正 軟硬適中 容易咬開但肉質唔會散晒👍🏻 雖然嗌咗墨魚頭不過就有啲魷魚鬚😂😅 味道都唔錯淨餸西洋菜配一大碗腩汁 味道超濃😂😂 會加埋啲腩汁落河粉度一齊食 令到碗河粉腩汁味Double 但係又唔會好鹹 🤓🤓整體味道都算唔錯 只係嗌凈餸都幾貴 就咁嗌碗粉會抵食啲😝😝 唔介意環境逼夾同埋要搭枱嘅值得一試😛

lunch time想食粉麵，見呢間車仔麵都多人推薦既，就試吓啦😎因為冇食早餐，有啲餓。所以就叫咗個四餸米粉（外賣）😆揀咗魚片頭，魚腐，魚肉春卷，墨魚丸。以上嘅材料其實都好普通，係一般正常質素😌但係特別在腩汁湯底，淨係睇顏色已經覺得好濃郁🫶🏻當普通嘅車仔餸沾上腩汁嘅時候，所有嘢都昇華，變得好味咗👼🏻尤其揀米粉更加入味。份量唔係特別多，比想像中細碗。係啱女仔食嘅份量，大食啲嘅男仔就可能必夠啦。

車仔麵雖然是香港的美食，但在香港區經典好吃，而且長期可以保持水準的不是有很多間——榮記粉麵就是其中一間。經常聽到人的評論就是員工服務一般，語氣也是粗聲粗氣。今天下午過了兩點，仍然是一般的多人，要排隊。當被安排座位的時候，幫我安排入座的姐姐竟然攞多張凳俾我擺袋，真的令我愕然及感謝她的細心舉動。我叫了一碗四餸米粉，包括墨魚頭、魚蛋、牛肚和滷水雞翼尖也叫了一支可樂。榮記最出名的便是它的湯底，濃郁又不會覺得是味精湯。它的雞翼尖也是一絕的，吃下去香滑無比，又充滿了滷水味。它們的蘿蔔也是必叫的，蘿蔔冇渣，而且非常入味，可惜蘿蔔太寒涼，我不宜多吃，所以今天沒有點。如果有興趣來吃麵，必須要做足功課，因為員工沒有時間為顧客每樣食物都解釋清楚，最好5秒內已經講出所要的配搭。我今天所看見的差不多全是熟客，沒有一個問夥計多餘的問題。埋單$64 ，原來香港的車仔麵已經開始悄悄地起革命變得貴了。不過，與其吃一個平平無奇的午餐，我寧願吃一碗有水準的車仔麵了。

I was having a feeling to spend my dinner on something local satiating and quick. First came in my mind was this famous cart noodle restaurant.Passing by seeing the usual queue hoping the wait wouldn't be long. Luckily it took me less than 5 minutes to sit in. I ordered chitterlings, fish tofu and pork jowl with oil noodle. Additionally ordered watercress in beef broth. Sadly, the portion of the noodle seems smaller than before. Chitterlings were nicely cook without porky smell. Pork jowl was te

每次經過榮記粉麵都會有人龍不過用餐時間應該都短所以人流去得好快傳統小店空間都比較細 要搭枱湯底好足味 餸都有好多選擇 湯底冇得揀辣 枱面有辣椒油自己加 都真係幾辣店員係冇單嘅情況下都記得成間鋪每個人食啲咩老一輩真係好記性佩服