極尚大瀛喜日本料理 (已結業)

難得嚟到禮拜五，梗係要同女朋友嚟過happy Friday，最好嘅放縱方法就係去啲任飲任食，選擇又多嘅地方🤣講起放題，呢間係銅鑼灣嘅性價比極高。刺身淨係食刺身都值回票價，款式多籮籮，又夠新鮮，全部有冰鎮住，牡丹蝦、虎蝦同帶子一定要食！！牡丹蝦爽甜，蝦頭好多蝦膏，魚類刺身切得幾厚身，食落肥美；北寄貝清貼帶爽口炸物最經典款式嘅芝麻雞翼、芋頭波、吉列炸蠔，仲有天婦羅系列嘅炸蝦同南瓜，全部都一定要試！特別欣賞佢嘅炸物落單即叫即炸，而且黎到不油膩，芝麻雞翼皮薄有肉汁，芋頭波波中間好棉密好清甜，蠔肉肥大juicy～煮物熟食主食誇張地多，見到隔籬枱點嘅蟹粥相當吸引，可惜真係太飽未能夠試到，不過極力推薦蒜蓉開邊蝦同蜜盞炒牛柳粒，開邊蝦非常離殼，加上芝士同沙律醬嘅烤焗，滿是滋味。至於牛柳粒甜甜的，灑上芝麻好夠香，裏面嘅薯仔同洋蔥更加係精華所在！牛舌嘅黑椒味好濃，食落小小咬口。自助吧枱仲有好多款式嘅小食，包括章魚小丸子、沙律、甜品、水果。最誇張嘅係仲有梅酒，清酒添！

搵食行遠d，放題達人西瓜仔又去銅鑼灣食高質放題！已經係唔知第幾次幫襯極尚大喜屋喇，因為佢d食材好新鮮，環境又衞生，服務又好，上菜速度又快，重點係無論食物同飲品都勁多選擇！熱食區有炸物例如日式小丸子同炸餃子，薯角等等。今次好開心有酸菜魚！酸菜勁開胃，魚肉入口即溶，推薦一試！最值得一提既係有清酒梅酒燒酒任飲！！岩晒一眾酒鬼！到刺身喇，勁鮮甜！三文魚片片都係厚切，勁新鮮。帶子冇冷鮮味，啖啖肉！仲有壽司款式多，本人最愛火灸鰻魚玉子壽司，真係好好食！另外緊係要食多d海膽手卷回本啦！熟食都好出色，芝麻雞翼勁香口，蒸扇貝都好入味，一口牛柳燒得岩岩好，今次仲有碟激辣既牛肉，真係好辣但好好食！最後緊係食埋d甜品先走啦，埋單唔洗＄300，兩粒鐘食到爽，正！

好耐冇食日式放題，今晚就即興去咗銅鑼灣二期「極尚大瀛喜日本料理」食放題晚餐！餐廳地方寬廣，環境舒適，無論係朋友或家庭聚餐都適合日式前菜、特色熱食、甜品、水果及糖果，都可以喺自助食品區自取，種類好多元化，性價比高自助飲品區有十多款支裝、樽裝、罐裝或紙包飲品可供選擇，仲有即磨咖啡、梅酒、清酒、啤酒任飲；更特設暖飲櫃，非常貼心刺身拼盤吞拿魚、帶子及三文魚刺身。厚薄適中，色澤光鮮，鮮甜味美卷物、壽司、手卷日式卷物有多款選擇，辣味三文魚同香芒龍蝦沙律卷嘅味道同口感都好豐富！海膽手卷鮮味十足虎蝦天婦羅天婦羅蝦大大條，金黃香脆，炸粉略厚，蝦肉爽口彈牙吉品鮑汁扣花膠花膠炆得好軟腍入味，充滿骨膠原感覺蒜蓉醬烤扇貝扇貝頗大粒，以蒜蓉醬烤熟，滿載蒜蓉香鐵板蜜汁蒜香牛柳粒牛柳粒肉味濃郁，加咗青椒、洋蔥、黃椒及薯仔等等配菜一齊炒，色香味俱全鮮魚濃湯浸菜苗放題比較少見嘅鮮魚濃湯浸菜苗，口味清淡健康芝麻雞翼&貓山王炸榴槤雞翼皮脆肉嫩又多汁，帶芝麻香，好好食哦！炸榴槤波波加入咗貓山王榴槤蓉，香濃美味，榴槤愛好者不容錯過淮山杞子蟲草花煲雞火候十足的雞湯，用料新鮮，湯頭好鮮甜牛奶布甸&提拉米蘇鮮奶味香濃的牛奶布甸，入口嫩

📌極尚大瀛喜日本料理📍銅鑼灣 Causeway Bay🔍 環境位於銅鑼灣地鐵站附近嘅銅鑼灣廣場，夠晒就腳！而且入到黎空間充足，位置闊落，坐得舒服👍🏻🔍 服務上菜好有效率，落完單好快就到，服務員亦都好快手將空嘅碗碟收走，唔會霸佔桌面空間😆-(👑爲推薦）▪️三文魚刺身👑▫️油甘魚刺身▪️鹽燒牛舌▫ 燒紐西蘭香草羊鞍👑▪️芝麻雞翼▫紫心香芋圓👑▪️雪花牛肉鍋▫️ 燒有機新鮮菠蘿▪️蒜片和風炒牛柳粒▫虎蝦天婦羅▪️金銀蒜蓉醬蒸川貝👑▫殿堂宴客醉鮑魚👑▪鮑魚仔手卷▫️ 吉品鮑汁扣花膠▪️龍蝦沙律多士▫ 黃金醬燒開邊蝦👑-❥ ❥ 三文魚刺身放題必叫嘅刺身🍣三文魚每件都係厚切啖啖都食得好滿足💯 刺身嘅水準穩定鮮甜夏天炎炎好涼爽滋味✨❥ ❥ 黃金醬燒開邊蝦呢個係我自己最鍾意嘅♥️醬汁加咗芝士、沙律醬等非常香口開邊蝦食得好方便上面仲有少少青椒碎係出乎意料地夾😆❥ ❥ 燒紐西蘭香草羊鞍呢個非常惹味🔥羊鞍鹹淡適中香料調味剛好，每啖都好入味❤️‍🔥肉質鮮美有咬口，熱辣辣嘅時候食味道更好❥ ❥ 金銀蒜蓉醬蒸元貝元貝上面有滿滿嘅蒜蓉醬食落香口彈牙👅鍾意蒜蓉嘅朋友唔好錯過🤓❥ ❥紫心香芋圓香芋圓粒粒都炸得脆卜卜咬開後入面嘅內餡煙韌有口感而

日式餐廳飲食集團首選 - 極上大瀛喜日本料理極上大瀛喜日本料理係人氣日式放題店，分店愈開愈多，於銅鑼灣、觀塘及元朗等地均有分店，食物質素一向都頗有口碑，係熱門放題之選。CK之前已經試過尖沙嘴同旺角兩間分店啦，今次就受食開好野既朋友Elsa邀請去到銅鑼灣分店試下睇下有咩唔同先 !銅鑼灣分店裝修到勁有日本風格，簡直令客人一出LIFT已經好似置身係日本既餐廳一樣 ! 接待處都擺左唔少櫈，客人都唔洗擔心等入座會企到攰既。餐廳冷氣都夠既，出面街34度入到去都好快涼番，食得幾舒服既。銅鑼灣分店食物選擇都非常多，足足有近80款之多，另外有自助區提供一系列甜品同埋小食。刺身都有成13款，如北海道帶子、北寄貝、甜蝦等。壽司同卷物都幾吸引，如黑松露玻璃蝦、牛油果軟殼蟹卷、海膽魷魚加州卷、海膽手卷、炙燒海膽帶子等。人氣菜式有榴槤炸彈、虎蝦天婦羅、雪花牛肉鍋、御品鮑汁燴花膠等。最吸引既賣點係清酒、梅酒、韓國燒酒都竟然可以任飲架！食到覺得賦既話可以飲下佢地既自家製冷泡茶，冰爽易入口，好正 ! 記得臨走之前，雪櫃仲有好多款雪糕／雪條等住你食架！極上大瀛喜日本料理地址 : 11/F, 力寶商業大廈(銅鑼灣廣場二期)

我同豬仔🐽都好鍾意食放題。選擇多多。今日中午嚟咗銅鑼灣試試呢間放題😎。自助區有多款冷盤。熱盤。冷熱飲品。甜品等等。肚仔餓嗱嗱臨出去攞返兩轉食住先😂。為食妹👧🏻私心推介。分享回本必食list ❣️。1）剌身新鮮選擇多。回本一定要食多兩轉🤪。2）燒比目魚 燒鰻魚 燒鯖魚燒魚外層焦香。做得不錯👍🏻3）燒羊架 燒牛舌 燒芝麻雞翼 燒菠蘿🍍呢三樣食物都係encore之作😋特別係燒菠蘿🍍。一咬啲汁bi出嚟😝4）好少見呢個品牌雪糕 朱古力味好好食😜

今日異常地肚餓，一於食放題。銅鑼灣呢間日本放題，一如既往咁多選擇。環境夠寬敞無乜壓迫感午市時段$218/位 , 食到3點先離座，時間夠充裕..壽司同刺身都好新鮮。款式夠哂多，仲有林林總總嘅小食同炸物。「殿堂宴客醉鮑魚」「吉品鮑汁扣花膠」份量超乎預期，大大片，口感夠腍「串燒」燒菠蘿超甜又多汁翠玉瓜燒完好Juicy「貓山王炸榴槤」外層炸到香脆，金黃色榴槤醬喺裡面湧出，味道濃郁，超好味雪櫃有好多款飲品．甜品 唔同選擇食到肚子滿滿咁離座，超滿足

冷盤都有凍蝦同青口任拎，未叫野食前都可以先掃一輪甜品推薦椰奶燉海燕，有椰香濃郁，海燕份量足又滋補，不過偏甜多款雪糕雪條，仲有好好食既MＥＬＯＮＡ蜜瓜味！刺身任叫，帶子鮮甜，同朋友不斷ｅｃｈｏ帶子同赤貝沙律吧自由配搭，岩晒關注健康人仕，我就留胃食其他小食啦飲品自家白桃烏龍都好香，冇糖，有桃香，我飲左２大杯走既時候先發現原來有酒任飲蒜燒扇貝都一樣叫完又叫，燒得香脆高湯豆苗，個汁偏咸，冇飯配有點難清碟燒魚同燒鮑魚都係誠意之作!唔飲凍飲竟然有暖櫃,非常貼心雞湯都非常足料，一埋位就飲左碗暖肚酸菜魚如果唔怕太飽都可以一試，魚片多而冇骨又夠滑野食多到數唔晒，三五知己各有偏食都總有一款會岩食啦

那天見這間日本餐廳供應午餐定食，既有各種不同種類的魚生飯，包括三文魚、赤貝和其他魚生，也有滑蛋牛柳粒飯、豬扒飯、天婦羅飯等等，林林總總。極尚北海飯有多種魚生👍🏻👍🏻，全部都非常新鮮，三文魚和蝦最好味，只售$68，不需加一。這個午餐定食最大好處是包括自助餐區的一些食品，我拿了海草和帶子裙邊，平時這些小食在超級市場的價錢也不便宜，這裏任食十分抵。我還拿了蘿蔔和餃子、薯條等等。飲品方面有很多選擇，包括維他奶、各種汽水等。我選了這個冰凍的玫瑰花泡茶，味道很好，有玫瑰花味、但不會太甜，非常解渴又健康，而且個杯好靚😍午餐還包任食生果例如西瓜、蜜瓜、哈密瓜👍🏻👍🏻

平時收工，晚晚都要諗食乜！其實真係好煩嘅一件事，當我想食壽司嘅時候，另一半又話要食粉麵🙃所以今日決定收工食放題，唔使就你，又唔使就我😇😇😇😇食到飽💃🏻💃🏻💃🏻💃🏻好彩一早book咗位，一上到黎就可以即刻入座🫶🏻仲記得之前呢係有一大疊紙逐張寫🫣而家先進咗好多🤭全部都係用QR code落單，其實咁樣真係環保好多💪🏻💪🏻💪🏻見到好多嘢食，急急腳落咗啲刺身先，幾分鐘已經到咗，非常之有效率👏🏻👏🏻👏🏻食物方面選擇都好夠，自己食得最多嘅就係刺身，壽司，串燒，一品料理 🤤🤤🤤 最surprise嘅係佢個嘢飲櫃超級多唔同種類嘅嘢飲，最開心就係見到啤酒🍻🍻🍻仲要雪條同埋雪糕嘅種類都係一般放題多👍🏻👍🏻👍🏻除咗電話落order，出面都有一個食物放題可以自己拎，水果🍉自家製甜品🍮冷盤，炸物，湯🥣仲有個Candy corner👏🏻👏🏻👏🏻食物質素非常唔錯，成晚都食得好開心🥳又覺得好抵食，每人平均$300都唔使👐🏻一定要再食🤝🤝🤝🤝

極尚大瀛喜日本料理 - 日式放題夜今日介紹一間位於銅鑼灣嘅日本料理，主打日式放題，種類超多款，晚市按不同時段有不同收費，成人$228起。首先當然要點日式刺身啦，最愛厚切三文魚、油脂滿滿的油金魚刺身，另外就係放題少見嘅海膽手卷，細細件，海水味夠，非常鮮甜，之後仲有各式各樣不同的壽司、火炙壽司和創意卷物。第二樣必食的一定是天婦羅，金黃色的炸粉，炸得香脆鬆化，彈牙的虎蝦天婦羅，一次過可以食幾條添！之後就係小吃類，串燒配炸物，爽口的牛舌、惹味燒鰻魚、流心的炸香芋丸，仲有熱辣辣的芝麻雞翼。 如果仲覺得未滿足的話，更加有一品料理和鍋物添。

朋友生日就揀咗食放題 睇相俾佢嘅刺身吸引咗😛 我哋揀咗早場優惠時段 5:30入座$238一位另加一出面自助區都有好多野攞～包括熟食前菜海鮮飲品甜品其餘大部分食物以QR code落單 出菜速度好快 亦冇漏單情況出現👍🏻同時收碟速度都好快刺身賣相非常吸引📸 擺盤靚之餘仲加咗乾冰增加視覺效果睇得就當然都食得～ 刺身鮮甜味美仲有好邪惡嘅鵝肝壽司、芝士鰻魚玉子燒🥰仲有好多唔同選擇 炸物、串燒、鍋物、料理、甚至中式嘅酸菜魚都有～

通常隔幾日就會想食壽司🍣 朋友提議就話不如去食放題😆 今次就黎到銅鑼灣既極尚大瀛喜，仲可以食足三個鐘，性價比好高‼️♥ 午市放題 $218自助區選擇多，有飲品、熟食、生果、冷盤、甜品同雪糕，飲品有好多種類選擇，竟然連啤酒🍻清酒同梅酒都有得無限飲添😆 仲有暖飲櫃，啱晒唔鍾意飲凍嘢嘅人 冷盤我食左中華沙律螺肉墨魚仔，好開胃😆刺身呢度仲有花海蜇十分爽口，平時比較少食到，另外吞拿魚、油甘魚同三文魚都好肥美好鮮甜😍壽司🍣方面呢度有好多選擇，都有鹽燒左口魚，魚油豐富 ~香蔥鵝肝帶子，鵝肝都大大粒唔會好腥~ 芝士燒玉子好夾，另外最驚喜仲有海膽手卷😍冇腥臭味熟食我叫左吉品鮑汁花膠，花膠大大塊好厚身，蒜蓉醬烤扇貝充滿蒜香，蒲燒鰻魚，比目魚西京燒魚油豐富，燒紐西蘭羊鞍大大件唔會好羶，雪花牛肉鍋壽喜燒湯底好入味炸物方面我食左貓山王炸榴槤，勁香濃榴連味🤤 炸鮮奶好重濃郁牛奶味🥛甜品由於螞蟻肚既關係淨係食咗牛奶布甸，d quota去左雪條到😂佢竟然有Ekselence 杏仁同咖啡雪條😋細細枝食完仲食左幾粒雪米糍🥰♡ 呢個價錢可以食足三個鐘性價比好高😆掃QR code落單好方便， 上菜速度好快😆

選擇多，魚生、串燒、炸物、熟食都有，上菜好快，呢頭落order，2-3分鐘就到。魚生全部都好新鮮，每次必點三文魚、扇貝、油甘魚同海蝦。羊架一定食至少3件，好香又唔膻。油甘魚同鰻魚都好好食，調味剛好唔會太甜，鰻魚皮少少脆，不停encore再點。蒸扇貝有驚喜，超大粒！勁多蒜，炸蒜好香口。榴連炸波都好正，咬開入面滿滿是榴連，中意榴連一定要點。如果唔係朋友叫，我都有留意有酸菜魚，今次第一次食，又幾驚喜，夠味、魚唔鞋。野飲有冷泡茶，拎左白桃烏龍，清新消滯，未到唔會好香精。雪糕算多選擇，我至愛係朱古力雪米糍，拎出嚟放2分鐘咬落煙煙韌韌剛剛好。呢間價錢唔貴又多野揀，間唔中會掛住佢想食。

放題之夜！今晚終於可以盡情地點食物！今次體驗好好，食物上菜速度算好，而且冇漏過單，就算食第2輪8:30，食物庫存仍齊全，冇出現售罄的情況～首先，當然要叫刺身！一上枱，仙氣瀰漫，刺身算冰涷，最令我驚喜係呑拿魚質素好好，有接近中拖拿嘅質素！好肥美~手卷有海膽、鮑魚！Size的骰唔會話食飯食飽，海膽亦冇苦澀味，淨係食呢2款都已回本！燒物方面，蒸扇貝、燒羊鞍、蒲燒鰻魚、比目魚西京燒等，都好美味，不會煮到overcook。食得太多肉類可以點下水果蔬菜，有翠玉瓜、小番薯、燒菠蘿等，仲有肥牛野菜鍋添！煮食類選擇都好多，有滑雞粥、湯烏冬、酸菜魚，實有一款啱你口味。最後甜品方面，各式雪條雪糕任君選擇，仲有自製嘅小蛋糕、啫喱、布甸等。性格比高啊~