極尚大瀛喜日本料理 (已結業)

選擇多，魚生、串燒、炸物、熟食都有，上菜好快，呢頭落order，2-3分鐘就到。魚生全部都好新鮮，每次必點三文魚、扇貝、油甘魚同海蝦。羊架一定食至少3件，好香又唔膻。油甘魚同鰻魚都好好食，調味剛好唔會太甜，鰻魚皮少少脆，不停encore再點。蒸扇貝有驚喜，超大粒！勁多蒜，炸蒜好香口。榴連炸波都好正，咬開入面滿滿是榴連，中意榴連一定要點。如果唔係朋友叫，我都有留意有酸菜魚，今次第一次食，又幾驚喜，夠味、魚唔鞋。野飲有冷泡茶，拎左白桃烏龍，清新消滯，未到唔會好香精。雪糕算多選擇，我至愛係朱古力雪米糍，拎出嚟放2分鐘咬落煙煙韌韌剛剛好。呢間價錢唔貴又多野揀，間唔中會掛住佢想食。