極尚大瀛喜日本料理

營業中

休息中

朋友介紹我嚟呢度食lunch，話揀個主菜就可以跟埋個semi buffet。搵咗個滑蛋鰻魚飯，鰻魚大大件，啲肉又厚身連埋啲鰻魚汁，d汁滲曬入d飯度。而滑蛋炒得好滑，好濃嘅蛋香。buf另外有好多日式餐前小碟、炸魚皮、薯條、麵豉湯連大雪櫃入面嘅飲品任飲。

選擇多，很美味，在觀塘APM附近嘅亞太中心5樓，環境寬敞，用app點食物，送食物速度都很快，雪條甜品飲品選擇極多，自助形式自由選擇及取用，食物款式多，不過兩位座較迫，但值得推介

同男朋友慶祝半週年，一定要食餐好既，就黎左大瀛喜食飯。一黎緊係要叫刺身先，瘋狂寫左幾款刺身。一大盤刺身上黎即刻留曬口水，三文魚永遠都係無得輸既選擇，好鮮甜。除左三文魚之外，蝦同帶子都好高質，口感冰爽，忍唔住叫左幾round。至於吞拿魚同希靈魚就都ok。食完刺身緊係要食壽司，特別推薦係燒帆立貝壽司。另外當然要食d熟食，一口牛非常之惹味而且軟硬適中，encore左一碟，炒蜆好味但成碟好多都係得殼。另外一個必食熟食推薦係雜菇，非常之吸味香口，最後非常飽都忍唔住叫多左碟。另外炸物少不了天婦拿，炸蝦鬆脆都幾大條叫左幾次番薯南瓜都唔錯不過怕太飽就無叫太多。食完主食念住食返d甜品但已經太飽，係唯一敗筆唔可以試到太多。出去拿甜品先發現出面都有d其他食物拿，見到泰式鳳爪早知就一早出黎睇下拿返去試下。甜品都有幾款選擇，拿左泡芙同朱古力Bayley小蛋糕等等，泡芙非常好味如果唔係真係就飽到嘔一定encore,小蛋糕就唔係話特別好食。最後雖然已經超級飽但都係同男朋友share左個朱古力雪糕，食到滿載而歸甘返屋企好滿足。

中午十二時我們二人到這店食午市定食，已是人生人海，座位較逼。只顧食是可以，若彼此談話就一般了，周圍都嘈。只要光顧定食，便能享用沙律吧、前菜、小食同飲品。定食由$68-$120都有，種類算多。任食的有菜、蕃茄仔、支豆、哈密瓜、白雲鳳爪、螺肉、中華沙律、炸薯條、特製的炸魚片、紅蘿蔔炆牛舌等等。我最欣賞炆牛舌，又淋又入味。白雲鳳爪也令人回味，酸酸的令人感開胃。主菜選了北海道丼（$75），有三文魚、甜蝦、帶子、章紅魚，味道很鮮美，而且刺身都算厚。另外叫了天婦羅定食（$68），很大盤，數量比一般的多。但粉漿太厚，食了兩隻都感油。定食再加任食部分實在很抵啊！

喺香港食日本菜一般都偏貴，尤其是質素靚少少、裝修靚少少嘅鋪頭更加可以賣到去天價！而日式放題雖然質素未去到極高，不過價錢大眾化，性價比一定拎冠軍🏆今次嚟到觀塘呢間分店，座位都算非常多，但我哋七點嚟到都已經爆場咁制原來餐廳已經轉左用QR code落單，非常方便！我哋先點左一盤刺身嚟食，唔使三兩下就已經清晒刺身品質不錯，有食材應有嘅鮮甜味。要讚呢個椰汁燉燕窩，比想像中好食！椰香清甜濃郁，唔似係加水咁淡茂茂。燕窩雖然應該唔係用貴價貨，不過數量取勝！有驚喜蟹柳壽司的蟹椰勁大條！蠔皇鮑汁炆花膠都有！真係估唔到放題都有得食鮑魚粥有一隻原隻鮑魚都算係有誠意啦粥底加有甘筍絲同粟米加添鮮甜美。甜品仲有芒果糯米飯～糯米用咗紫米來做，我覺得略嫌硬左啲，紫米質地做得軟身啲會更好吃！

呢排周未多數都唔係好敢出街，想出街食飯反而揀係平日好似穩陣d! 今日星期一走黎食放題，平d之餘希望人都少d星期一至四黃金時段$238，算係咁啦！自助區唔算多野食，要食好嘢都係留返主餐牌喺自助區域拎返嚟嘅豉椒炒蜆，雖然冇乜鑊氣，不過冇沙、算新鮮。壽司嘅水準都幾好，唔輸比某間大型連鎖壽司店！不過黎食放題，壽司食一兩件就夠了！呢間嘅刺身係幾新鮮，食到刺身應有的鮮甜味，唔係得陣雪味；而上菜嘅速度都好快，唔會拖單其他炸嘅嘢食我哋都麻麻哋，反而叫咗一個炒雜菜，都算正常水平～鹽燒大蝦都唔錯，蝦肉厚實彈牙 ！

同同事去食午市，一個餐再加任拎小食同飲品。環境: 環境真係好大，唔洗等位，坐得又舒服，冷氣又夠，又唔會比格離枱傾噪到你。服務: 呢到既服務員大部份都好細個，亦好有熱誠，一見到你食哂既碟就會好快手過黎收碟。食物: 任食小食既話佢質素真係好算好好，佢有螺肉，鳳爪同埋中華沙律任食, 呢3個都係大家嘅重點推介好快比人清哂。主食我叫左一個刺身飯,刺身非常新鮮爽口,真係對得住咁多個好評｡最後總結我覺得任食方面的而且確好抵食。

一班朋友聚餐，大家各自可以揀自己鐘意嘅野食，款式又多，十分好。每個人都可以用電話自己點餐，遂樣食物點，自己點自己的，又吾怕浪費，實在係很好的系統。科技帶來嘅方便。食放題，刺身嘅擺盤係成餐飯嘅靈魂，黎到好吾好胃口，就一定係睇盤刺身其他食物如壽司🍣，都好精緻，細細舊易入口，吾洗驚話食左壽司舊飯好快飽。一特別推介下海膽手卷，本人覺得也值得去食總括而言，呢個價錢食高質素放題，好抵。(閒日宵夜時段$200+20服務費一位)

狐狸仔心血來潮，話要食放題，今次就到左呢間極尚大瀛喜，環境超大同華麗Feel。價錢都有返咁上下。。。貴。除左一般放題食物選擇，距仲有糖果區，另外無影到既，雪條區選擇不多，就三款左右，還有牛奶布丁雪條款。小籠包：夠熱多汁。幾好。刺身新鮮，切得厚身有咬口。勁厚>>>鮑魚同花膠雞湯都有。。。。不伏，彈牙，可再叫邊。花膠雞湯無欺場，有滋潤感，個膠不濃，不膩，適合飲少量滋潤一下。味道好味。海膽卷，鮮味不錯。以下這個羊架超讚，熱辣辣，肉質嫩易咬口，有夠So味！但冷了就乾身。趁熱食，比一般放題，這羊架有So味。香~100分有80分的放題店。

Lunch心侑侑想食日本野但唔知邊間好，一諗到連早餐都冇食做到1點幾，食一個lunch放題一啲都唔過分！放題第一輪梗係先食刺身啦三文魚刺身帶子刺身墨魚刺身甜蝦刺身帆立貝壽司三文魚腩壽司赤貝左口魚群邊火灸壽司蟹棒火灸壽司焦糖脆脆立魚蟹籽軍艦芒果龍蝦沙律卷海膽手卷鹽燒牛舌燒菠蘿炸鮮奶芝麻雞翼比目魚西京燒紫心香芋丸燒日本蕃薯仔椰汁鮮奶雪耳燉燕窩 可免則免總括來說極尚大瀛喜的選擇種類多而廣，而刺身壽司等魚生都新鮮，尤其三文魚腩脂肪紋理相稱，比例均勻；燒物如燒牛舌燒菠蘿都是有水準的；熱食如芝麻雞翼比目魚都可以一試，但不建議點太多喲！最後最後都飽到食唔落甜品，可見甜品櫃有大量不同種類小cake! 有兩個胃嘅JM記得試埋啦！

亞太中心5/F 大灜喜 回本放題 $188 +10% 12~3pm3小時 食唔停口 任飲汽水茶 冇Sake會員有生日優惠 午市自助餐半價卡位比較窄 因爆客 嘈㗎自助區 有 湯 沙律 雪糕 蛋糕窩夫……連 熱維他奶 都有 閒日都有散叫單點 半自助區任取飲品食品午市自助餐 食品同晚市一樣 晚市2小時鮑魚任食 細鮑仔 夠淋 蠔汁入味羊鞍牛脷 夠味 嫩 芝士醬焗帶子花膠粥 花膠大大片冇乜味 但很膩炸物 👌比目魚嘅邊邊 都嫩滑 但骨翅多要小心魚生新鮮 牛肉煱 ~肥牛鮮紅 有豆腐有菜 唔膩湯全程冇漏單 上菜快 收碟快 有招呼

其實我本來不是想光顧「極尚大瀛喜日本料理」，不是想食「極尚大瀛喜日本料理」裡面的午市放題，而是想食平日長期光顧的某酒店自助餐，可惜該酒店當日的自助午餐已經滿座。所以我們四人，包括我跟阿媽、阿姨、細佬在內，才被迫轉去觀塘「一亞太中心」樓上，食觀塘分店「極尚大瀛喜日本料理」的午市放題料理。不過我們四人千里迢迢來到觀塘「一亞太中心」，坐升降機去到「極尚大瀛喜」的樓層，才發現現在的「極尚大瀛喜」，有些食品甜品的安排，比以前的「極尚大瀛喜」稍為遜色了一點點。例如即使「極尚大瀛喜」的放題料理裡面沒有「雞飯」可以享用，但是「極尚大瀛喜」至少還會有例如炒飯、丼飯等等可以飽肚的料理食品。我可以點雞翼小食加炒飯丼飯，勉為其難當作午餐的食品。由於我已經換上新的手提電話，所以連觀塘分店「極尚大瀛喜」專用的手機線上落單點菜程式，我也未有透過手機程式商店，重新安裝「極尚大瀛喜」的點餐手機應用程式，也懶得再下載。所以我今次在觀塘分店的「極尚大瀛喜」，全程都需要借用阿姨已經安裝手機程式的手提電話，作為線上點菜的替代品。阿媽細佬已經習慣了手機程式點餐，不會再考慮使用一般點餐紙了。結果我一透過阿姨手提電話裡面的應用程式，

為何食放題？只因為多選擇，又有人送到埋黎，岩哂愈黎愈懶既我，網上見哩間評語都唔錯，又近地鐵站，一於放工過去大刷一番，餐廳裝修以金色和啡色為主，感覺豪華瑰麗，餐廳提供WIFI方便客人於網上落單叫野食，我第一次嚐試，按下確認送單後有點擔心所點的食物會否唔黎或會幾時黎？？唔理啦，先去門口位置拎小食、飲品、雪糕、糖果、甜品先，食住黎等，畢左碗蟲草花花膠雞腳湯，睇落都好結身，飲落味道濃郁。拎完野返埋位一坐低，食物就不斷地送上，放到成張枱都係，刺身方面有象拔蚌、榮螺片、北寄貝、鮑片都係我至愛，象拔蚌新鮮爽口，榮螺片鮮甜彈牙。其它食物我仲叫左赤貝壽司、海鮮船、燒羊架、冬陰功雞翼、一口腸、日本小蕃薯等等。食完之後我再點食物，見到有蠔皇鮑汁炆鮑魚，就叫左一份，仲叫左豉汁炒蜆、瑤柱花膠粥、南瓜椰汁燕窩西米露，一次過可以品嚐哂D貴價海味，感覺好豪，但心知哩類貴價野唔方會比太多你，仲分分鐘可能係平價貨冒充，所以期望唔大，落完單隔左一陣突然有一兜鮑魚放左落黎，數過裡面有成6隻，仲要隻隻都係好大隻既鮮鮑魚，面頭加埋魚翅一齊，鮑魚食落新鮮彈牙入味，而瑤柱花膠粥，舊花膠同我手掌一樣大，食完覺得吸收左好多骨膠原落肚，南

餐廳係掃描qr code落單。慳位得黎又環保。不過除左卡位。座位之間比較迫。同隔離坐得好近。刺身有齊比較少有嘅帶子油金魚同劍魚腩。新鮮冇腥味。亦都冇未解凍嘅問題。海膽新鮮完整一片片。微甜冇腥味。壽司就普普通通正正常常。炸物同天婦羅個炸皮都唔會好厚。串燒選擇就比較少。叫左個牛舌味道一般。不過燒菠蘿就好正。酸甜多汁。除左落單叫野食。仲有得自己出去拎熟食飲品前菜沙律甜品。小籠包有驚喜。多汁肉滑。前菜都係來貨質素。飲品選擇算多。雪糕方面除左mega都係啲唔太出名嘅牌子。落單有個南瓜燕窩。好多一絲絲。不過味道酸酸地。整體黎講食物質素算唔錯。黎得足又黎得快。侍應們都好勤力幫手收碟。同區放題黎講算係一個可以接受嘅水平。

我同朋友都好鍾意食日本野，難得大家今日都放假，我就同朋友一齊食呢度嘅午市放題。餐廳好大，佔地全層。坐位大多係卡位，頗為舒適。好快已經全場爆滿。呢度係網上點餐，用電話掃QR code就得，真係方便又環保！食物款式好多，我地第一round 已經急不及待點咗好多野食。刺身方面，我最愛三文魚，帶子，甜蝦，都幾新鮮。壽司都同樣吸引，有我最愛嘅火炙左口魚同火炙三文魚，好香嘅油脂，入口即溶！熱食之中，令我驚喜嘅係竟然有蒲燒鰻魚同西京燒，醬汁濃厚，充滿日式風味。另一特別推介就係花膠粥，好甜好好味。呢餐真係好抵食，性價比高，下次會再約埋朋友一齊黎食餐勁！