極尚大瀛喜日本料理

營業中

休息中

今日收工同同事係公司附近搵食，同事想食刺身，所以最終決定去食放題，第一次食呢間放題，刺身都算新鮮，我地仲叫左壽司、熟食...，其他野食不過不失，特別既係有鮑魚食，不過可能本身唔太餓，所以今次試得好少野

暑假尾聲，同阿仔一家三口再來這間食，食物水準無變，正，接近酒店級食物，以這價錢，在觀塘區來說，物超所值，兩大一小連一都是七百元。不過如果要飲清酒或梅酒，不知道是否無貨還是什麼，不知什麼原因，今次來係無左。今次去，電腦化左，落單唔駛左填右填，數QR落單，最起碼唔會走單。

中心暑期活動完滿結束了成績理想👍亞頭請吃午餐放題慶祝，講真午餐吃甘勁都是第一次我對食比較有要求，魚生刺身比我想像中的新鮮，落單五分鐘食物已送到同事們吃到真的是缺題了😂羊架是我本人特別推薦的正👍👍

為何週末總是餓？辛勤工作了一星期，星期日當然要好好的叉下電！吃東西當然就是我最大既娛樂！中午食放題有幾個好處！午市比晚市平，又有足夠時間消化！地方夠大！排隊時間都少d啦！而且呢到智能點餐，不用畫紙仔，用手機掃一掃，就知道你枱號，方便！食放題一坐底就order刺身食左先係定律啦！呢個芝士燒海虾，好creamy,虾又大隻，有encore!羊排大大件！我自己要食三件回本當然要食呢個炆鮑魚冬陰公燒雞翼，好味道呀！微辣燒鰻魚，好肥美重有個甜品柜，想食邊樣就攞邊樣重有糖果食，軟糖係大人細路哥都會鐘意！好有誠意呀！椰汁鮮奶燕窩，雖然唔係d貴價燕窩，不過一試無妨！感覺極尚！

同朋友13個人一齊去食9點宵夜時段 會有人打黎confirm booking 本身就話得12人枱 有人要坐主席位 但最終比左14人位我地 服務同安排都唔錯野食種類唔算話好多 乜都有啲咁啦 水準都算唔錯嘅自助吧都多野攞 飲品種類都多都唔會話有漏單嘅情況 可能係因為用qr code 電子咁落單店員都幾nice嘅比較唔好嘅係9點入座 9點半就會叫你埋單 令人感覺唔太好 但都理解要埋數 所以趕住要埋單嘅同埋天婦羅汁要自己出去攞 而唔係跟天婦羅上

「食得好飽」哇哇哇有質素多份量有選擇好難唔飽次次係電梯都會聽到啲人講次次食咗半個鐘都會好快飽「十件迷你火灼三文魚壽司」每次嚟到餐廳都會第一時間用QR code點因為呢個真係*必食*推介，推介「 飲料系列」平時去開自助餐通常我都唔會飲汽水可樂清茶今次揀咗蟲雞鳳爪湯去飲 雞骨非常軟熟 夠火候推介，推介「八爪魚系列」1。厚切迷你八爪魚片刺身x 5，好鮮甜，正2。 芥末八爪魚壽司， 好攻鼻， 爽推介，推介「仲點咗好多食物」例如炸蠔仔，炸羊扒， 小辣田螺 雪糕甜品「一貫服務周到」一如以往餐廳收碟快食物上枱冇漏單不消五分鐘 點好嘅食物就會陸陸續續開始上枱 快到食唔切唔夠位放食物「大量碎冰承托 刺身」所有食物刺身真係睇得又食得保持急凍溫度將食物鮮味保留唔會出曬水 所有刺身底下都有個大冰盤令所有刺身入口時亦能保鮮

朋友聚餐，放題係一個幾唔錯嘅選擇，大家都可以按個人喜好點自己想食嘅款式同份量，彈性比較大。我地今次係星期日中午時段黎食，價錢經濟d，時間又長，可以由12點食到3點。坐低先點一輪野食，之後就岀去拎下沙律同飲品。飲品選擇非常多，有冷有熱，啤酒汽水茶樣樣有！坐咗無耐好快有野食，上菜速度都算幾快。放題少不得嘅一定係剌身！三文魚，帶子，生蝦都好鮮甜，我地都encore 再encore 熱食都超多選擇！羊架好正，大大件好厚肉，肉腍又唔羶。鹽燒牛舌都非常惹味，唔會燒到好乾。芝麻雞翼一向係我至愛，香脆美味又juicy。由於食得太飽，甜品只吃了一杯朱古力mousse 同雪糕。今餐實在係好滿足！

今日約咗朋友喺觀塘行街，大家都煩惱緊lunch 食咩好之際，接到一張日式放題嘅傳單，見到lunch 時段幾抵食，$198一位，就決定試試。上到去，一岀lift就係餐廳，地方好大呀！等咗幾分鍾就有人安排入座，坐低即刻點野食，呢度係用手機點餐，比畫紙仔方便好多呢！野食多到不能盡錄！當中有幾款我特別印象深刻。鮑汁炆鮑魚好好食，鮑魚炆得夠腍，仲加咗元貝同金華火腿，味道豐富。芝麻雞翼就常見，而呢度有一款冬陰功燒雞翼都非常有創意，辣辣地好惹味。仲有我最鍾意食嘅燒日本蕃薯仔，一口一粒，甜甜地，正！甜品都有好多類型，有幾款雪糕雪條，一杯杯精緻嘅布甸果凍慕絲，仲有自助糖果吧。

九點半特價時段開始啦第二次嚟食啦，今次揀咗個特價時段，晚上 九點半食到十一點半， 標價係220hkd， 一出𨋢去到五樓嘅時候 ，非常多人， 排曬大長龍仲要打蛇餅咁長，睇黎好多人同我一樣，都係睇啱特價時段先過嚟食， 雖然晚黑，但係都要排隊， 仲要係先拎飛再排隊， 大概排咗15分鐘左右就全部人入哂座。 餓得太耐即刻去拎小食食咗幾粒章魚燒， 全部都係保溫熱呼呼的， 燒汁紫菜非常多 ，非常受歡迎，一陣間， 已經唔夠碟去供應， 以食自助餐嚟講 抵食。 羽衣甘藍非常意外驚喜見到羽衣甘藍任拎， 香港地買羽衣甘藍，非常貴， 平時都好少自己屋企買羽衣甘蘭食，大多在餐廳食。小朋友量高雖然餐廳以大人為主， 不過餐廳都冇遺忘咗小朋友， 喺牆上貼左高度量度牆紙， 餐廳自助區亦都有大量甜品軟糖，大人細路都啱， 下次可以約埋姨甥仔出嚟食。 餐廳內有提供熱飲玄米茶，煎茶等等茶包都係由日本，製作 原汁原味，非常香口。

六點鐘嚟到大瀛喜見曬長龍排住隊, 好彩朋友有先見之明訂咗位.這裏環境光亮，舒適。水晶音樂🎶悠揚悅耳，聽著音樂食自助餐使人閒適下來。更能享受食物的味道。坐低之後用手機掃描張單據 QR code 就點食物， 簡單方便.食物種類好多喔，刺身，炸類，串燒，煮類。飲品種類更多，各類茶，奶類，啤酒🍺都有，甚至暖飲維他奶也有。食物整體不錯，煮類放面個人偏愛瑤柱花膠粥，養顏滋潤，甜滑。鮑魚夠肉厚香濃。炸類方面，紫心香芋圓香口，甜度剛好。榴槤的粉絲記得食榴槤炸彈，漿汁流出來，倍添滋味。這裏的天父羅都滋味的，因為接到order後才新鮮炸的，所以虎蝦天婦羅和蟹棒天婦羅保持外脆內嫰。天父羅要早點下單喔，比較多人叫，比較需要輪候時間。食完炸類，可以食些羽衣甘藍，補充翻營養。燒類方面，黑松露帆立貝挺香。芝麻雞翼熟度掌握好好，保持肉嫰色香。好欣賞這裏員工，步伐快，行動快，回想自己以前讀中學時間做 兼職侍應的日子都挺累，單手捧4碟食物。回家時腳起水泡， 侍應真係唔易做。感謝 侍應服務。

一直以為呢間餐廳只係做放題，原來佢lunch set 都好抵食咖👍🏻因為環境都好大，所以兩個人黎都唔洗同人答枱😂今日我就叫左一個天婦羅定食，好大份，炸得好脆之餘，非常有飽足感😂另外出面仲有幾款小食可以拎，例如魚皮，薯條，中華沙律等。樣樣味道都係合格，雖然唔特別” 標青”,但可以滿足到樣樣都想食d既我😃

一係門口見到牛油炒野菌，本身就無諗住攞嘅，因為都好容易食到嘛，但係一行到，嘩，佢陣牛油味香到不得了，再夾埋隔離個小丸子，小丸子嘅大細亦都好適當唔會食一粒就即刻制，尼兩樣野都令我喜出望外！第一次試呢一個燒比目魚，魚嘅口感好好，魚嘅肉身亦都夠滑，皮亦都燒得非常香脆，個汁亦都好配搭，好味到我哋都在encore多一次呢個燒牛舌非常好味，好味到食完先記得影返🤣🤣唔使點檸檬汁已經夠晒香，口感亦都非常適中，唔會太硬！至於天婦羅我哋亦都叫咗炸鮮奶，炸南瓜，好脆，唔會上菜時已經軟左今日嘅生果亦都有哈密瓜🍈，非常鮮甜我哋叫咗一個南瓜甘露椰汁鮮奶燉燕窩，估唔到幾樣野非常夾，而且食返啲暖嘅嘢，非常舒服，甜度亦都適中！值得encore！

尼排天氣真係好熱好焗，要食返啲涼嘅野先得～鍾意尼觀塘尼間極尚大瀛喜放題嘅其中一個原因係佢嘅位置方便，坐得好舒服，上菜快同埋好重要嘅係唔會漏單！每次都一定會點鰻魚，燒得好香之餘，佢唔會有好多細骨，非常好而個鮑魚都係好香，同埋唔會硬到咬唔開，唔錯，亦都有鮮味！坐坐下凍凍地，就出左去攞碗湯尼飲喇，係雞腳湯，非常香，亦都好足料，煲入面好多材料，食完啲凍野，飲返碗暖暖嘅湯就岩哂喇！我地一坐低，就行左出去睇下有咩好食，估唔到尼個章魚小丸子係咁香咁好味，也佢個比例好好，唔會太大粒，食到飽哂，岩岩好一口食到，好滿足！至於壽司方面，都有好多特別款去揀，特別鍾意芒果尼個，好fresh, 食落去個醬同飯嘅比例亦都好適中！

星期二晚上5:30食，人均206。因為我哋早到所以成場都冇咩人😂大概6:00就開始多。出邊有飲品區，甜品區，沙律區，點餐係用手機，方便又環保，掃code就得，又可以睇返紀錄，唔會有咩漏單情況😚一嚟到就係刺身拼盤❤️三文魚大大嚿，厚身，好味，所有刺身水平都正常中上👍🏻👍🏻擺盤幾靚😍食得開心好多。牛舌好好味，好有口感，但羊架就好柴，麻麻哋，冇再叫，系出邊攞咗啲中華沙律，味道正常🙂🙂出面有小籠包，放咁多，啲人點會咁快食晒，所以其實啲小籠包凍哂，但都幾多汁😳味道唔錯👍🏻仲叫咗花膠粥，都係正常水平。壽司全部都好味。總結黎講唔會有好多伏嘅嘢，大部份都好味☺️☺️可以放心食👍🏻❤️

媽媽的生日將至，日本鱼生剌身是她的至愛，於是帶她來品嘗。頭盤來個魚生剌身，甜蝦，虎蝦，三文魚等新鮮味美，而且不似得其他日式放題經常漏單，點幾多有幾多，令我們大快朵頤。之後，當然點一些烏冬，壽司和一些特色的料理。首推花膠粥，原鍋上，熱騰騰，最啱不太喜歡食生冷食物的爸爸。天婦羅，串燒食物油不膩。最印象深的就是炸鮮奶和榴槤炸彈，媽媽食完要encore,而我不食榴槤的都要回避一下。最後的甜品環節，雪糕和特色甜點多選擇，一時令我不知如何選擇。