極尚大瀛喜日本料理

營業中

休息中

母親節媽媽話想食放題，於是就帶媽媽嚟食呢一間。極尚大瀛喜我都食過好幾次，食呢幾次呢計都keep到水準，上菜快夾準，極少漏單，而食物水準都唔錯。而且佢地係用電話落單，既環保又快捷，適合返現今嘅城市人。除左電話上既meun之外，佢出邊仲有個大飲品櫃，甜品櫃，小食同埋湯等等，選擇豐富。唯一缺點就係可能人手唔夠執碟好慢，張枱好容易迫爆。

疫情期間，已很少出街吃飯，算一算又過了一星期 🧐 在疫情稍為放援下，加上自己想放鬆一下，姑且出外吃一餐吧😝結果去了觀塘 "極尚大瀛喜" 吃個放題，一進店內，發現全場滿座，但老闆跟足限聚令，檯與檯距離完全合格，那我就安心入座了 👍😃手機下單後，隨即去拿飲品，嘩！很大的雪櫃，飲品大量提供，連酒都有🍹 🥳一點也不吝嗇。甜品櫃也有驚喜，又係大量提供！ 回座位後，食品已到，不用等，讚 👏😙先來壽司 🍣🍣🍣刻意做得細細件，可以試多幾款了，又可減少浪費，細心。 再來燒牛脷，燒得剛剛好，不太冧、不會韌，好！🍢魚生種類雖然冇特別，勝在夠新鮮， 放心食 😄 比目魚西京燒，外脆內軟，必食之選啦！花膠真材實料，以鮑汁炆過，又冧又入味，心機之作😜

收工同埋班同事諗住食餐好既點知一坐低頭盤份刺身已經要等成半粒鐘🕣所有刺身嗌完半分鐘就食完🕤然後係咁等都唔再黎新既order🕥真心燥🤬🤬🤬🤬係咁同個類似經理既姐姐講每次講完佢都只係求其俾少少我地😤成枱人都覺得自己俾人針對我地mon實落左既order永遠都係幾分鐘後綠剔 然後咩都冇黎☑️🧐全程張枱都係吉既好似俾幾舊水出黎淨係飲嘢咁我地有7個人order左30舊刺身 每人都係分得3舊食左兩三轉就冇再上過野咁滯焗住只可以嗌其他熟食🍤幾個fd頂唔順唯有嗌烏冬頂住肚🍜俾左咁既價錢完全冇料黎 好搵笨

值得試，手機落單，快靚正，方便今次無左炸芝士年糕，食物種類好似少左，之前種類多d, 可能疫情原固cut左掛炸蠔唔錯，燒菠蘿就差d啦，無燒感覺前菜都汽水都ok，佢有lunch set食減15蚊，都唔錯

疫情嘅狀況底下，好耐冇食過自助餐或放題啦！咁啱見到openrice話「極尚大瀛喜 」21:00後入座有優惠，$200/位，加埋一都只係$220/位，好似幾抵喎，所以就去回味一下啦！😏先講一講前題，食過咁多間日本放題，一直都覺得「大瀛喜 」集團係我心目中嘅頭三甲，不過今日就有啲失望啦！😟唔知因為咩關係，食物種類比以前少左好多，不過飲品款式就多啲，仲有清酒、梅酒可以任飲，啱晒酒鬼！但最差係雪糕連Häagen-Dazs、Dreyer’s或者Movenpick呢啲選擇都冇，超級sad！刺身種類唔多，有三文魚、油甘魚、希靈魚、八爪魚、北寄貝、赤貝、甜蝦、帶子等，細細件，不過又唔係好新鮮，所以食左一輪就冇食。壽司嘅款式就幾多，有牛油果控必不會錯過嘅牛油果醬蟹柳軍艦，味道都幾夾，紫菜又夠脆，不錯吃！😋其中最欣賞嘅係醬燒極尚帝王蟹棒火炙壽司和蒜香極尚牛肉火炙壽司，牛肉幾有肉香。天婦羅要左虎蝦🍤同皇帝蟹棒，即叫即炸，不過炸皮口感有啲硬，唔夠酥脆，應該係麵糊有啲攪拌過度導致。反而，燒物做得唔錯！👍🏻燒有機新鮮菠蘿🍍香甜美味！蒜香一口腸口感和味道都十足十台灣嘅風味，鹽燒牛舌爽脆，比目魚西京燒肉質軟嫩。不過整

價錢合理嘅放題 環境都唔錯， 出菜嘅速度好快 ！鹽燒大蝦 通常都會比較乾 ，但比想像中juicy同新鮮 🤩一定要 encall 刺身拼盤有 甜蝦 、帶子、 螺片、 象拔蚌、 三文魚腩……每樣都好新鮮 特別係帶子非常厚肉又鮮甜一口海膽手捲 值得一讚佢個迷你版設計非常之好，唔需要食太多飯，诲膽好 甘甜 新鮮至於招牌菜芝麻雞翼 真係冇介紹錯 鬆脆 可口~正👍最令我有特別驚喜嘅就係 芒果軟殼蟹壽司 同黑松露帶子壽司 一定要試下這個價錢有這個質素真係唔錯

呢排食店好多都做優惠救市，呢間日本嘢其實平時都唔貴，現在出埋減15蚊優惠，即刻變做我哋嘅飯堂頭幾位。本身佢個場勁大，坐得都好寬敞。嘢飲任飲，小食任食，叫完個丼仲有刺身選(另外有炸蠔嗰d選)。小食無咩特別，正常level，嘢飲好多嘢選，仲有梅酒熱咖啡嗰d。刺身飯好食嘅，無論三文魚定蝦等等，大家都話用料好生鮮，。我好鍾意嘅帶子大大粒好正，同事叫有鮑魚果嗰款，佢話好得。不過個鍋就唔建議叫，個湯底好卡樂b味精feel，同d丼完全無得比。不過員工差唔多時候會勁叫你埋單，同2點幾會叫你好快d走，所以早到好早少少嚟。d set大部份埋單六十幾蚊，真係勁抵食！

我多數去食pm5:00~7:00或pm9;00~11:00時段，2個人去食$400落樓覺得非常抵食， 送食物速度都好快, 冇乜留單比個讚，食物質素算好， 刺身都好新鮮，之前去食有不美中不足地方就是張枱太细, 放幾樣食物張檯已經滿曬， 好逼 同埋會食得好急， 但是今次去可能(疫情影響)坐得寬鬆好多了！ 店舖安排得很好 兩人去都有大枱坐 不會同陌生人距離太近， 🙂感覺舒服很多！ 食都食得安心啲， 已放題嚟講佢呢個價錢 有咁嘅質素 ， 都好滿意會繼續支持佢

好耐無出街食 諗住開心啲食放題 點知食完一肚氣 同男朋友食五點至七點 諗住小人啲又平啲 當天係open rice訂座 上到去無咩人 得幾檯客 但係都要安排係門口位同埋同隔離唔夠20cm嘅檯仔到 開口問佢有佢其他位 帶左入去都係好細嘅檯仔 好啦 諗住可能佢之後預有客 點知到走 七點都無三分之一客人呀 啲侍應態度又差 咩都唔講就放低啲嘢拎走啲嘢 每次都同佢講唔該 但係好似欠左佢咁 咁小客都唔忙 服務態度都咁西 真係比錢買難受 食物無咩特別都係放題會食到嘅嘢 主要都係因為人為問題 無客都唔安排啲客人坐開啲 食完走埋都無人坐 永久黑名單依間野

刺身切片時大時細，頭先見佢細塊咁落單寫多啲，佢又切塊大嘅出黎，睇得出廚房好隨心。我第一次嚟，係裝修仲新新地嘅餐廳，目測店內面積都大，但兩人枱座位超迫，枱與枱之間超埋，完全聽到晒隔離講乜，勁尷尬成餐飯，感覺唔舒適。（除非坐大枱就有自己卡位。）-食物方面，出面有自助飲品、沙律吧同部分熟食，另外用QR order落單，睇menu就唔係話好多心水選擇。基本野有，但無芝士年糕、無豆腐、毛豆、炒菜、無牌子雪糕etc。-圖中右邊係花膠，雖然唔係咩貨色但都會驚喜想order下！燒牛舌有少少UN、太熟。燒比目魚多骨小心，唔夠油脂唔夠滑。價錢大概$260/位，我7:45入枱，食一小時後8:45就已經有人攞單埋黎叫你埋單，但注意交枱時間係9:30！！當晚唔爆場，係咪真係有需要咁早埋單呢？完全趕客，零服務態度。-而且食完第二日同家人都屙左三次！

是日打工仔除了早收外, 還有公司贈送的聖誕大餐, 公司人小小,今年揀了日式放題, 188/位,由12點食到3點 極尚大瀛喜.我地一行4人,12點準時入場,驚喜地, 此店是用手機下單, 我地作為年青人,都為長老一輩落單, 望著一件一件食物在手機裡按一掣, 再按”完成下單”不需3分鐘,所有食物包括熟食及魚生已經一一送上, 4人檯其實需要6人大檯才能滿足眼闊肚窄的客人呢, 食物一下子來了那麼多,一件吃完又一件, 你一件我一件, 侍應都十分醒目,見到檯上空間不多都趕快收回空碟子.魚生, 燒物, 卷物, 煮物,炸物都是網上落單, 魚生如北寄貝, 八爪魚, 個人認為比較細片, 三文魚, 吞拿魚尺寸正常亦都好新鮮,是厚切的.燒物:我推介羊架, 牛舌, 炸物:當然是天婦羅, 炸鮮奶, 雞翼則太咸了. 煮物方面, 鳥冬都十分滑溜,推介.而前菜, 沙律,小食, 甜品, 飲品,都是自取的. 樣樣看上去及食落都好合格.款式都十分多, 有糖/無糖冷熱豆奶, 有糖/無糖冷熱鳥龍荼,雪條,雪糕, 乳酪,真的話, 梗有一款可以滿足到各位顧客.

天婦羅唔趣唔熱, 好似炸完之後用焗爐焗番熱比你食,d雞翼麻麻, 冇衝動再叫多隻食, 係旺角食d放題有咖哩蟹, 但呢間野食咖哩蜆, 蟹都冇隻, 冇黎誠意, 唔好食收$250加佐ㄧ, 旺角好食放題都只係收$208ㄧ位加佐ㄧ, 野食都豐富d, 我唔食生野, 唔知d生野好唔好食, 冇名牌雪糕食, 冇清酒飲, 飲品都係d普通野, 總之呢間觀塘極尚食完冇興趣再黎

屋企人突然話想食放題，由於上次嚟到人多又無book位，今次就過嚟睇下有無位，可能時間尚早，嚟到剛好有位可以即刻入座。自助區有小籠包，雞翼，沙律菜，老火湯，甜品等。老火湯好飲，材料好足刺身新鮮，壽司款式都算多，味道唔錯，炸榴蓮球同炸牛奶都好味

第一次黎到呢間放題食午餐，排隊等位既人好多好長龍，但入座安排得好快，好快就有位坐低，餐廳係用電話落單既，基本上一落單好快就有得食。上菜速度快，而且餐廳職員會好快甘收走d唔要既碟。熟食：近餐廳門口位置附近有自助沙律吧，如果熟食既小食可以有多幾款選擇就好，見到既只有炸魚皮，薯條同好似炒雞腎既小食無其他了，如果可以多幾款就好啦～仲有麵豉湯。飲品款式選擇繁多，連啤酒都有，熱飲有紙盒裝維他奶同埋咖啡，茶。當然唔少得有雪糕雪條啦～雪糕好特別有海鹽味，奶茶味同埋玄米茶味迷你杯裝雪糕，個人比較鐘意奶茶味因為好濃既奶茶香。仲有迷你既甜品，豆腐花都有。主食放題：食物既選擇都好多，而且刺身都好新鮮。燒羊架都好好味~最有驚喜既係蠔仔粥，真係好多粒蠔好足料好有鮮味。花膠都唔錯嫁，好厚肉同大大件食完個口都有d“痴”住既感覺甘，同埋無乜腥味，哈哈。牛舌爽口入味。燒菠蘿好甜。椰汁燕窩都唔錯，不過如果可以再熱d就好啦。好少漏單情況出現。全部食物都係即點即整唔會凍晒。座位都好多。其他食物就等大家自己去試啦～甘多款比較難全部逐一打晒。哈哈。午餐放題黎計都算係抵食。不過如果佢長者都可以做埋特價就好啦。見在場好多長者都黎幫襯。

我同朋友2人係附近行完街，就嚟左衣度食野，d野食大致上都ok,但服務超差，因為我地叫左好多野食，諗住冇咁快出啦，點知就一次過上哂，跟住我就叫左過女經理過嚟，同佢講左話叫啲嘢食唔好咁快出，但係個女經理就同我地講話要cut哂我d單咁就唔會咁快出，我果刻真係超嬲，點解佢可以可以答我，真係火滾