極尚大瀛喜日本料理

營業中

休息中

同家姐慶祝生日去左海洋公園，跟住就過黎觀塘呢間放題，家姐鐘意日本刺身，一座落就叫左好多野食，好快就堆到成檯fu曬，以後如果真系再食放題真系要慢慢叫，唔洗怕唔夠時間，試左羊架、海膽手卷、鴨肝手卷、烤菠蘿、花膠冬菇。

呢排成日去觀塘..就會搵好西食..特然覺得好想食放題..就去呢間 質素高既放題..壽司同 刺身都好新鮮.. 小食都好多 壽司質量好高 ， 燒菠蘿 燒既野都好食.. 仲有 蟹粥 都好正..用app落單好環保又方便， 掛住食都唔記得影相.. 出面仲有好多唔同選擇嘅嘢飲，重點仲有 蘋果酒😲🤤🤤正呀.. 好少放題咁重本有咁多野飲..燒酒同 梅酒都有又有好多選擇.. 而且甜品都好多.. 小食選擇都幾多..野食物又快又衛生..食得好 放心..真係要推薦下👍👍 -

千奇百趣之適逢聽到”嚇”人問：「大齒烏係冰島？ 」都想食返個放題，一於收工去唔過海嘅大齒烏先～即叫即有👍甜蝦大隻，旁邊有兩款USB😂分別係經典寶可夢版，激甜金銀版😂壽司比想像中好👍👍又靚又好食！黑松露三文魚腩😍油金魚腩😍吉列蝦卷🥳我最愛鰻魚bb🤭祝你長高長大炸蠔，芝麻雞翼都好出色👍👍👍鮑魚花膠都好正，不容錯過！食完一啖砂糖，食羊架就啱啦🧏‍♀️肥嘟嘟牛粒，適合唔介意鬆肉粉既人🤭牛奶鍋多粉絲還好

幾個人約出黎食飯 諗唔到食乜 最後都係揀放題 咩款式都有 又一定飽肚 見到咁多正評 午市任食3個鐘都係$218 即刻入場呢間可以用手機qr code點單, 疫情之下唔洗掂果本唔知幾多人掂過既點菜簿同筆, 值得一讚食物方面 水準唔錯 上餐快 亦都少漏單 漏左一次 再點過就得羊架 牛舌 鰻魚 比目魚 熱食選擇相當多 都係食慣食熟既味道 食左咁多肉 都要食番啲蔬菜平衡下 得一款可以揀 好過冇啦  金銀蛋浸雜菜 即刻叫番兩個先臨尾再加埋碗老火湯 相當滿足

限聚令下嘅生日飯局，隨咗限人仲要限時，所以都係簡簡單單食一餐，好彩無因疫情而影響食物質素。魚生刺身一定唔少得，甜蝦勁鮮甜，我個人食咗廿隻，凡立貝太細粒係XXXS size，其他都中規中矩，炸物全部現炸，蟹捧、蠔都好正，煮物每樣叫一件都會飽到嘔，飲品都有好多選擇，當你食到好飽嘅時候再到甜品時間，真係後悔點解唔留肚食甜品同雪糕，仲有雪條。放題tips：先行一round睇吓有啲乜嘢係想食或者必食，再睇menu揀必食食品，如果唔係就好似我咁……食唔落甜品

疫症又再爆過🤧大家真係唔好鬆懈！勤洗手呀！！！同朋友幾左好耐既飯局😍中意個種即使好耐冇見都一見如故既感覺❤️👉🏿✨豚肉大阪燒 hkd 88 💸 入面啲豚肉係厚切😂我仲以為係一片片個隻😂菜多過肉～啲醬汁夠既～唔會太咸同乾身，份量都算大架👍🏿👉🏿✨和牛壽喜燒 hkd 188 💸📌最鍾意壽喜燒係甜甜既湯😍佢俾啲和牛都幾大片同幾多下😊但一熟就要即刻食左先😂唔係就會老了冇咁好食😏豆腐好嫩～一定要配烏冬食先完美！配料都算多，有生菜，金菇，冬菇，日本菜，蘿蔔，大蔥，肉同豆腐。絕對夠飽👌🏽👉🏿✨厚燒鰻魚玉子 hkd 38 💸📌入面仲有芝士😍會拉芝架！不過如果再多啲醬汁會更好味😌👉🏿✨三文魚刺身 hkd 38 💸📌肥美又新鮮😍重點係冇腥味！👉🏿✨冷泡水困果茶 hkd 58 💸📌入面切粒既水果都幾多！飲落似蜜桃茶多啲😊同埋唔會死甜！！呢個加分👌🏽

四個人在星期日下午12時，不用等位就可進場，不知是否疫症的緣故。首先，有自助吧，提供日式沙律、飲料（大約十幾款，茶都有4-5款，好適合我）、生果、日式海帶、螺肉、炸物、章魚小丸子等等前菜。刺身：有三文魚、吞拿魚、希靈魚、墨魚片、鮑魚片、甜蝦、虎蝦、玉子、帶子、螺肉、北寄貝。其中我認為鮑魚片、希靈魚、三文魚、帶子比較新鮮及鮮甜。相反，吞拿魚不夠肥美、螺肉較腥，有欠新鮮。壽司：味道大小適中，保持水準，沒什麼特別。手卷：只吃了海膽手卷，紫菜不脆在預計之內。熱盤：大致所有熱食都保持熱溫度，尤其天婦羅、燒菠蘿、炸（榴槤、香芋、芝士）球、熱烏冬等煲類食品都熱。唯獨羊架及鯖魚常溫。甜品：這間放題有不少甜品，有蛋糕、乳酪、啫喱、提拉米蘇、不同類型雪糕（mega/ melon/Coco)等等。總結：結帳不用$200一位，而且儘管星期日，但進食時間為1200-1500，這間放題既提供寬敞座位，又給予充裕時間，價錢尚算不俗。為衛生情況欠佳，尤其自助吧，每人都會用共同的餐夾去夾食物。如果擔心疫情，可能要犧牲不去吃前菜了。

老公大假就黎放完，帶左佢黎食放題Happy下。極尚午市放題 星期五至日任飲任食 $198 12點食到3點😱 無錯呀，係3粒鐘呀，雖然未必食到咁耐，但起碼唔洗咁趕咁chur😂刺身: 新鮮。唔知係咪年幾大，越食越膩咁壽司: 細細件唔錯，仲有迷你海胆手卷，味道唔腥Ok既鹽燒牛舌最正，好爽口。串燒蝦都好食，咸咸香香。香草羊架: 大大件，肉質又唔鞋，幾好比目魚: 燒到皮都脆，甜甜地燒靖魚: 魚皮都係燒到好香脆基本上樣樣我都覺得幾好，夠熱又夠味😋除左呢碟牛肉粒，唔夠熱又勁韌最中意食到飽一飽飲返碗熱湯，呢間煲既中湯好好食😍飲左2大碗呢個價錢同時限，我就覺得好抵食啦👍

星期日同屋企人去左食午餐放題🤩一家人難得聚埋一齊 6個人張台夠哂大張個人覺得放題 食晏就抵過食夜晚😋😋一開波當然叫刺身黎食下先 三文魚夠哂新鮮。都幾肥😋甜蝦，帶子夠哂甜又大隻總捨黎講全部都好新鮮最正係帶海膽手卷。呢樣野正呀👍🏻👍🏻要食多幾舊海膽好鮮甜。入口即溶😋😋😋感覺回哂本再黎炸物。最愛食炸芝麻雞翼🤣🤣瘋狂叫燒物 推介燒鰻魚。燒牛舌。燒海蝦。超正🥰🥰 食到勁滿足。尾聲要食甜品🤩食練奶味雪條。焦糖雪糕。海鹽雪糕好特別其實仲有好多。不過真係太飽食唔落啦成家人都捧住個肚走🤪🤪大滿足

觀塘5樓 極尚大瀛喜 次次都幾爆場 可能係午市定食 每客做緊減15元@仲有自助區任飲任食 真係抵食Sake 梅酒 咖啡 茶 汽水 熱維他奶 & 小食 前菜 老火湯 生果 糖果 雪糕 雪條注意甜品除外㗎只供放題雖然係抵 都有不足處嘅 任取食物 湯 前菜 1點零就冇refill 連沖咖啡奶仔都欠奉2點零有再refill 見…大都已埋單走人今次係食放題$188+10% 朋友生日就半價侍應好服務 收碟快 冇漏單 上菜快電腦點菜好方便 真心提示唔好點太多 因為枱枱之間距離太近 行出行入易生意外枱面太細 座位貼身 男侍應派菜又忙又快 (辛苦晒) 有個侍應大大力放碟 冇位就求其插枱邊隻炸虾跌咗落枱 似睇唔倒咁就走咗(有見佢停一停 但……冇理)放題~ 點菜單一般食物 偏重味 自助區 老火湯 ~味濃 湯混濁 有腥味冇提供麵豉湯 電腦選單都冇羊鞍~ 肉嫩 但調味重 肥膩冇牛仔骨 有炒牛粒但硬口比目魚~ 調味太甜甜甜 太油 太肥膩 叫咗2次 3件都係下欄 邊位多碎骨 小心食魚生~有冰底 都係唔夠凍 淡口微腥海膽手卷 ~ 海膽色淡 重腥味蚧子壽司 鮑魚壽司 牛脷~ 好味道 燒得好香口 每串2件 1大1細1件

疫情之前都成日食放題好不容易先等到疫情穩定先食放題點知咁失望😾今個月第二次，都係幫襯同一集團。食物選擇係多，但係剌身真係一睇就知唔新鮮食落去口感仲係常溫，真係食唔落口。落單不停落，漏單不停漏食個榴連炸彈等半個鐘，係咁催單，侍應又叫我再落過，點知最後黎咗十幾粒，點食？剌身落5件比2件，落2件比5件，點夠你玩，無落單嘅又比幾件你。甜品選擇少，雪糕櫃長空都無人理，得返啲無人要嘅雪條。熟食，炸物個啲，熱都唔熱下，都唔知攞咗幾耐先拎比我。侍應嘅衛生都好差下，手指係掂到食物，又無帶手套，唉，失望😞

姊妹約我到觀塘亞太中心5樓的極尚大瀛喜日本料理吃生日飯， 我們大約十二點到達餐廳， 可以食到下午三點鐘。 餐廳環境寬敞但座位非常狹窄， 枱貼枱的完全沒有私隱度， 說話都要保持非常細聲。 餐廳以QR Code落單，方便又快捷。店內有個自助吧檯， 有齊飲品、甜品、熱湯、生果和雪糕。首先點了一盤刺身拼盤，幾款刺身都很新鮮， 最喜歡爽口甜美的赤貝。 然後點了些炸物、 壽司、海膽手捲、 羊架、 牛油粟米 、串燒、辣汁東風螺。 羊架肉汁豐富， 牛舌串燒好濃牛香味， 推介必點。午餐時段$188一位， 非常抵啊！ 但店員的服務態度就需要改善一下，上菜的時候會將隻碟掟落枱面😱， 每次都畀佢嚇親！

自從過年後都無出嚟食過嘢，今日家姐話太耐無見，環境又好似好啲就出嚟食嘢傾下，家姐提議食放題，自己覺得銅鑼灣滿屋就最好，但太耐無去都唔知咩環境又星期日怕交通好麻煩，最後搵咗官塘呢間，因為早個月家姐話同啲同事食過都幾好，因為無訂枱所以要等，估唔到都好多人，我哋食5點要7點就交枱，2個鐘就好似好急，坐低要裝個app落單，如果唔識搞都唔知會唔會無得食，哈哈哈，搞掂完就開始，初初都唔識搵後來先知都容易，如果唔清楚都可以問，但感覺食物種類唔夠滿屋多，魚生就6款左右，因為大家好多都唔食，所以樣樣少少，如果食得魚生就好抵食，樣樣食少少都已經好飽，甜品都喺唔多選擇，雪糕只有牛奶公司，最後都無咩點食甜品，大至上都可以二百幾蚊都算喺咁，傾下講下好快2個鐘就要埋單，可能太耐無聚太開心之後周圍行下就各自回家

觀塘店食材夠新鮮~電子下單，送過來也很快~個人比較喜歡花之戀，很迷你😬一口一個，吃完最後叫了甜品(椰汁鮮奶炖燕窩)，烤物炸物都值得推薦，燒海🦐，燒羊鞍個人不太喜歡~~有帶小朋友一起，都有幾多小朋友中意食嘅嘢~

5月22日晚 7:30 同友人去食放題傾下計。我地食左刺身同迷你海膽手卷，其他熟食。出邊既甜品雪糕完全無食過。當時都覺得食物味道不錯。但星期六晚開始唔舒服，友人肚瀉了很多次。我就更慘，胃抽筋屙嘔了很多次。食左胃藥都攪唔掂，食左止嘔一樣嘔，諗住換條褲出去睇醫生都要嘔多次先出到門口...我打呢篇野唔係想中傷呢間餐廳。只想知道會否有人同我地一樣？！