極尚大瀛喜日本料理

營業中

休息中

Happy Friday 開心Lunch 食放題🤤超多野食，好味又好飽～❤️刺身壽司 刺身好新鮮高質～三文魚 帶子 虎蝦 甜蝦～都好鮮甜!! 壽司卷物款式都好多，黃金海鮮船 芒果龍蝦沙津卷等等，好似壽司店食到咁🧡天婦羅炸物 虎蝦~溫室南瓜~皇帝蟹棒~全部好香脆～仲有芝麻雞翼 熟心香芋丸都係食完再食系列!! 💛燒物 比目魚西京燒 個醬汁甜甜地，燒得又香又嫩超好味!! 燒鯖魚大大條好多魚肉，鮮味十足💚一品料理 御品鮑汁燴花膠 花膠炆到好冧，吸晒鮑汁香甜味～蒜蓉扇貝 大大隻扇貝蒜蓉味好惹味，必食!! 仲有原醉鮑香都係又香又爽口～💙甜品 有新鮮水果，蛋糕 泡芙 甜筒 雪糕 雪條 豆腐花 選擇多多，但係已經食到好飽，食幾片水果已經食唔落😂野食好味出餐快又冇漏過單，真係好抵食🙌🏻

平時去開銅鑼灣食，今次第一次試觀塘呢間分店，餐廳大到傻，裝飾又乾淨又靚，好似好fancy咁。出面熟食有我最愛既炸地瓜丸！好好食，我一黎就o拍左3粒－0－最surprise我既係有雪糕機！！！有港女最愛既抹茶味，好開心！到食物喇，呢間D刺身都係好高質好新鮮！幾款蝦刺身都勁大隻勁鮮甜，唔腥。三文魚吞拿魚就一向都正常發揮，呢間特別既係有海蜇花，口感好爽好好食。壽司款式都有勁多，最愛都係鰻魚芝士玉子燒！火灸左口魚壽司入口即溶，燒得好香，魚既油脂真係好正。芝士蟹棒都好好食，蟹棒勁大條！三文魚腩都好出色！手卷都好多款選擇，吞拿魚蓉手卷份量勁多，飯只係得好少，所以唔洗驚食飯食飽。最驚喜既係呢間竟然有魚籽手卷！！好好食！！！食多幾卷就回本～正！最後食埋出面d甜品，為呢餐出色既放題劃上完美既句號！

今日收早約咗朋友嚟極尚大瀛喜食放題，5:30pm時段入坐最平最抵，任飲任食唔駛$300，性價比非常高。餐廳地方好大，自助區都分咗好多區域，熟食、飲品、生果、湯水、沙律一應俱全。除左一般甜品、雪糕同雪條，呢度仲有軟雪糕機，非常特別！ 必試花膠魚翅響螺雞湯，濃郁嘅金黄色雞湯入面仲好花膠同蟲草花。刺身必點！三文魚同帶子非常高質，夠晒鮮甜肥美。壽司同手卷都唔錯，細細件，唔會好快塞飽你。 食過幾款，同朋友都係不停encore海膽手卷同花之戀。北海道黃金醬燒海虎蝦滿滿醬料鋪滿開邊蝦，燒出嚟香口美味，啖啖肉夠滋味。西京燒比目魚，外皮燒得香脆，醬汁濃郁，有點焦香風味； 殿堂宴客醉鮑魚，大大隻鮑魚，酒味更突顯鮑魚鮮甜，同朋友不停loop！燒鰻魚，一啖一件，肥美嫩滑，油香十足； 黃金炒海中蝦，外面鋪滿咸蛋黃，蛋黃，惹味香濃，蝦肉爽口彈牙。魚濃魚湯浸菜苗 魚湯濃郁，魚肉份量多又嫩滑，溫室菜苗青翠爽口。金銀蒜蓉醬蒸扇貝同一品花膠盛宴亦係推介之選，用料十足又好味！

喺觀塘行完街又攰又肚餓，知道隔離亞太中心有間大瀛喜就去大食一餐，每樣都可以食小小👍入到餐廳店員安排入座之後就用QR code落單，快捷方便，上菜速度快沒有漏單情況，落完單之後在等候期間我哋就出去餐廳外面有個自助吧，有炸物、沙律、熱盆、餐湯、飲品、啤酒及甜品多款選擇，主食未到已經食飽咗三四成飽👍刺身刺身係食放題必點同回本的食物，我們點了三文魚、牡丹蝦、螺肉和帶子，款款都好新鮮，鮮甜美味。壽司最鍾意食佢哋嘅三文魚腩壽司、帶子壽司和蟹柳壽司🍣 三文魚腩紋理清晰入口好肥美,帶子肉好清甜。殿堂宴客醉鮑魚鮑魚有淡淡的香醇味道，好入味，肉質煙煙韌韌，爽口。燒有幾新鮮菠蘿🍍菠蘿第一啖咬落菠蘿汁即刻湧出來，超甜！蒜蓉蒸扇貝扇貝面頭放滿好香嘅蒜蓉粒，熱熱地又香又好食😋蝦天婦羅/番薯仔天婦羅炸至金黃色，粉漿不會過多，好香脆，日本番薯仔都好甜。其餘其他食物都好好味，最後我哋食埋甜品呢一餐非常滿足！

炎炎夏日，胃口自然不太佳！日式料理的美食相信是很好的選擇！位於觀塘亞太中心五樓的（極尚大瀛喜）多元化的料理帶給我很大滿足感！👍👍👍👍餐廳坐位舒適，可以舒服的享用美食餐廳自助區內提供多款甜品，飲料，自家製冷泡茶！小食、沙拉，炸物，水果！還有用料十足的中湯！新鮮刺身，能帶給你胃蕾享受！三文魚的油脂香味回味無窮！鮮甜的帶子滑嫩！爽脆的海葵同樣會帶給胃蕾新體驗呢！海蝦刺身鮮甜！多款壽司任食客選擇，小巧的壽司款式買相精緻，可以吃不同的口味！😋😋😋😋香煎比目魚喜歡吃魚的朋友可以一飽口福！這裡的羊㗎水準也很高，羊肉嫩滑，香料的調配也恰到好處！再加上新鮮檸檬汁，有口感之餘也減少油膩！😋😋😋😋這款花雕酒鮑魚，彈牙的鮑魚相當入味！這間多元化的日式料理，還有酸菜魚提供，酸菜魚的味道可口，魚肉嫩滑！

次次食放題都好似搭地鐵咁排排坐，無book位，依然好爆場，好欣賞佢食物上得好快，熱辣辣，唔會是旦hea你，佢個牛肉鍋嗌左3個😆😆😆😆啲壽司出色左飯唔大舊，食多啲都唔會好有罪惡感

今日放工同老媽子嚟食日式放題，餐廳好近地鐵站不特止，而且性價比勁高，好抵食☺️呢個放題menu包羅萬有，各式各樣嘅壽司同魚生任君選擇，壽司叫咗三文魚腩、深海池魚、醬燒蟹棒、柚子油甘魚等等，最鍾意三文魚腩嘅油香嫩滑；魚生方面叫咗虎蝦、甜蝦、北寄貝、帶子，大件又夠晒鮮甜🤩海鮮迷嘅我仲叫咗4隻鮑魚、花膠、海蝦串，鮑魚勁有咬口，好煙韌，花膠軟身索汁，好味道啊🤤燒物方面叫個燒菠蘿、燒翠肉瓜同鹽燒牛舌，個人勁推薦翠肉瓜，juicy厚身同好惹味，encore 咗兩轉；牛舌都焦香有咬口，好正啊🤟🏻除咗叫menu上嘅食物，外面free flow攞嘅嘢食都多到令人眼花撩亂，最鍾意個炒魷魚圈，鹹香惹味；同埋佢嘅蟲草花膠雞湯都係一絕，勁甜勁濃，冇諗過食餐放題都飲到碗靚湯，好味都飲咗兩大碗💯餐廳環境闊落，檯與檯之間嘅空間都ok，我20:30左右去食都滿晒座，真心不得了 👍🏻

我朋友岩岩係外國返黎，佢話好耐無食過放題，咁我就立即book左大瀛喜同佢去食，呢道不嬲都係信心保證，食物味道好款式又多等緊主菜黎既時候當然立即去睇下有咩熟食啦，有沙律、海蝦、青口、日式前菜、涼拌之類，每樣都夾少少返去，但就唔怕未食主菜就飽哂啦。上餐都好快手，仲有唔會有漏單既情況出現，叫幾多就出幾多。刺身魚生當然係切點啦，可以大食得食魚生而且品質都Keep得好好，平日食開既三文魚、甜蝦、油甘魚、希靈魚當然一定要叫啦，最特別係呢道有海蜇，海蜇超級爽口同平時食既口感絕對唔一樣，一定要試試另外，壽司非常推薦食柚子油甘魚腩，少少柚子醬既清香味點綴左成件油甘魚腩，令魚肉甜得黎仲好香，入口溶化既魚脂魚油好吸引。殿堂宴客醉鮑魚都值得一試，酒既香味濃厚但唔會蓋過鮑魚本身既鮮甜味，鮑魚食得出新鮮唔會韌。而且呢個飲品類別超級多，而且仲有個暖櫃放紙包飲品，真係好貼心呀！仲有清酒可以任飲添。

每次食放題前，唔知點解總係有種好期待兼且好興奮嘅心情！可能因為可以用個手機app落order, 想食咩撳個掣，啲食物就有服務員送嚟，可以大快朵頤！是日我地嚟到觀塘亞太中心，又係食肆林立嘅商廈。我地提前１５分鐘去到，服務員已經安排食客入座，唔駛啲長者企喺度等到１２點先放人入去，真係好貼心嘅服務！呢度嘅最大賣點係有醉鮑魚任食，我地每人點咗兩隻淺嚐，鮑魚好彈牙，但就唔覺有酒嘅香味，不過以任食嚟計，已經超抵！吞拿魚只係點咗兩件，都係比較多筋，可以skip.赤蝦好大隻，口感好綿密，係我最鍾意嘅刺身，沒有之一！另外，熱食非常好味，有蒲燒鰻魚、比目魚西京燒、燒菠蘿和翠玉瓜，蒜蓉蒸扇貝，酸菜魚，仲有辣酒煮東風螺！壽司只係每樣試少少，驚肚量唔夠，唔敢浪費！食到捧住個肚走，期待下次再嚟擦返餐勁！

今日放工嚟觀塘同friend食放題，依間好多人都鍾意食放題，人均消費二百幾蚊，款式多又可以任食，性價比好高。- 👍🏻環境：餐廳地方好大，自助區都分咗好多區域，座位多敢旺場，梳化座位好舒服，張枱都夠晒大。- 👍🏻餐牌款式多：包括刺身，壽司，手卷，燒物，串燒，炸物，鍋物，一品料理；自助區有各類冷熱飲，酒類，雪糕，甜品，熱食，凍海鮮…- 👍🏻衛生：整體乾淨衛生，自助區食物都有蓋蓋住，執枱同上菜都各自有不同職員負責。- 👍🏻服務：上菜同執枱速度都幾快，食物齊單，服務態度良好。壽司🍣：大細適中，可以試多將款唔同嘅壽司，特別欣賞卷物壽司，賣相相當精緻，配搭創新，係需要花心思製作嘅壽司❤️- 辣味三文魚卷，黑松露吞拿魚蓉卷，牛油果加洲卷：三款卷物都係下面加洲卷加上飯素，辣味三文魚酸酸辣辣好特別，吞拿魚蓉好幼滑，配上黑松露好夾，牛油果幼滑清新。- 芝士鰻魚玉子燒：炙燒芝士溶後配上鰻魚同玉子非常夾- 炙燒壽司都唔錯：蒜香牛肉火灸壽司，三文魚腩火炙壽司，牛油燒明太子熟帶子壽司，特別係炙燒後三文魚魚油香更重。手卷：迷你海膽手卷同三文魚籽手卷我encore左好多次，上碟時手卷嘅紫菜都仲係脆嘅，大細適中，一啖一件

最近好多朋友生日，不停食放題😂，今次就食上次講過勁好食個間既分店，啲野食基本上都差不多一樣，係自助區唔同小小🤣環境方面，都係好大坐得舒服既，不過行岀去自助區多人既話就要小心啲行喇～-星期一至四：💵5:30-7:30 $248/位✨另收加一-💕 自助區前菜、炸物、熟食、海鮮、凍熱飲品、甜品、自制雪糕🍦.前菜：除左平時會見到個十幾款前菜外，前菜部上面仲放左menu冇既軟殼蟹卷，炸得香脆加上沙律醬，仲有日式櫻花蝦豆腐，正🥰.炸物：泡菜餃子、章魚小丸子，章魚小丸子入面有2粒章魚仔🐙，唔會好粉感👍🏻.熟食：豉椒炒白鱔🥰必食‼️好食過岀面大排檔個啲😨豉椒味勁濃，白鱔魚皮煙韌彈牙😍肉質嫩腍唔算多骨，拎左幾次，好惹味勁正😍🥰.自制雪糕🍦：依間雪糕就有朱古力味🍫同綠茶味🍵，配料就係夾糖有個啲軟糖同朱古力🤣。-💕 煮物壽喜燒牛肉鍋：必食‼️好多人放題唔敢食鍋物咁飽肚既野，但佢其實份量唔算好多，配料有3-4塊牛肉、娃娃菜、金菇、豆腐，湯頭好香甜😍上菜個陣牛肉仲係粉紅色，所以唔怕浸耐左會鞋，牛肉肉質好嫩腍，娃娃菜都好爽口，入哂味，好正😍-環境：7/10服務：7/10整體味道：7/10回頭率：7/10

當晚平日6:15 入座，無耐已經爆座了～食物種類都非常多 一般放題有既野都會有～但款式係各種各樣都有～～ 飲品嘅選擇係極度多 清酒都有 自家製冷泡茶好正仲好多款雪糕／條！刺身真係好新鮮 而且好厚身 唔係hea你 encore左好多轉壽司好多特別野 但反而無咩特別 不過就細細件 可以試多幾款都得必食：牛舌 天婦羅醉鮑魚比目魚西京燒羊架少少伏左 好多肥膏同筋最後一定要食紅棗椰汁燉燕窩好多一絲絲嘅燕窩 加上濃濃花奶 好好食湯都不錯極上大瀛喜日本料理觀塘觀塘道414號1亞太中心5樓

今日晏晝過咗嚟觀塘食放題，之前中學食過依間大瀛喜覺得食物款式又多，味道又唔錯，所以今日再過嚟食！除咗用QR code落order，出邊自助吧仲有提供咗唔少前菜沙律、炸物同多款飲品。醬燒極尚帝王蟹棒火炙壽司蟹棒都幾大條，面頭仲有火炙過嘅沙律醬，非常香。牛油燒翠玉瓜翠玉瓜用牛油燒完好香，除咗有淡淡嘅牛油香，翠玉瓜本身仲好juicy！金銀蒜蓉醬蒸扇貝扇貝加咗好多蒜蓉醬，非常重手。扇貝肉質唔錯，幾鮮甜。芝麻雞翼雞翼外面滿佈芝麻，雞肉嫩滑多汁，啖啖都係肉。南瓜天婦羅南瓜本身好甜、好淋，外皮好脆，而且唔會太油。蕃薯仔天婦羅依款用咗紫薯，紫薯非常香甜，炸完之後，脆脆地，更加好味。榴槤炸彈外皮香脆，上到嚟嗰陣仲係熱辣辣，榴槤餡好濃郁，令人食唔停口。鐵板蜜汁蒜香牛柳粒依啲小炒提供一小碗幾好，唔會一食就食到好飽！牛柳粒數量多，質地唔韌，有青椒同洋蔥等配料，食落好惹味。甜品方面，除咗有個品牌嘅雪糕、薯條、粟米單，依度仲有一啲啫喱同蛋糕仔，選擇豐富。飲品方面，我鍾意佢提供鴻福堂嘅飲品，例如係竹蔗茅根同雪梨海底椰，味道好清新，食放題飲呢啲啱晒，可以解膩！同埋我見到佢有唔少自家製嘅飲品，大家可以試吓。

今日嚟到觀塘食放題 一入到去嘅時候見到場地好大 亦都有好多枱 但竟然午市嘅時候係全場爆滿 非常犀利 之後就知點解喇 因為原來除咗價格相宜之外入面提供嘅食物係全部極度高質同高級一坐低忍唔住衝出去外面睇下有啲咩可以自己拎返嚟食 食物種類極多 甜品生果沙律咖啡 等等等等各種各樣都有 我好開心見到竟然有燕窩燉鮮奶 飲落去係真係食到一絲絲嘅燕窩 非常驚喜坐低叫食物正常放題嘅都有 刺身壽司炸物一應俱全 刺身呢樣嘢真係好新鮮 因為平日食油甘魚或者吞拿魚刺身我會覺得有少少腥 但呢一碟完全冇 全碟都好好食另外好震驚嘅係呢度居然有好大隻嘅扇貝啦 鮑魚啦甚至係花膠食 一個價錢可以有咁多種享受簡直係抵到傻咗另外我都好高興佢飲品嘅種類極度繁多 除咗雪櫃n咁多種嘅飲品之外 仲有咖啡機可以沖咖啡沖朱古力同埋有梅酒等等嘅飲品 正🥰

🤍極上大瀛喜日本料理🖤觀塘觀塘道414號1亞太中心5樓🥢觀塘都開咗好多日式放題，呢間喺亞太中心嘅極上大型瀛喜，我已經食過好多次🤤因為佢食物種類好多，仲會不定期會更新！心思思想食放題嘅話，都會諗起佢🍹飲品、甜品同前菜要出去自助區拎，選擇都唔少，有凍海鮮、湯、沙律等等，仲有一個大冰櫃裝滿咗好多款雪糕同雪條！飲品嘅選擇仲多，涼茶、汽水、檸檬茶乜都有，仲有幾隻冷泡茶，幾特別☺🍥食放題點少得刺身🤤款式都幾多，有三文魚、油甘魚、榮螺、甜蝦、希靈魚、帶子、赤貝、虎蝦等等👏🏻刺身切得幾厚，特別係三文魚，厚切食落先有口感，刺身我哋都叫咗兩輪！🍣我哋都叫咗幾款壽司，火炙三文魚腩、花之戀同鵝肝壽司！最好食係超邪惡嘅鵝肝壽司，雖然鵝肝唔係厚切，但勝在煎得幾香，而且嚿飯都係細細嚿🤤所以要encore! 另外海膽手卷，海膽係鮮甜嘅！🍤小食同炸物嘅選擇都超多，必食燒牛舌，encore再encore!! 同埋一人一份鮑汁扣花膠，花膠幾大件🫶🏻佢都有好多款炸天婦羅，咁啱見到隔離枱叫咗蟹柳天婦羅，見佢係超粗蟹柳，所以跟佢哋order! 🍗特別想提嘅係燒羊鞍，之前喺放題食親嘅羊架或者羊鞍都好易中伏，唔係超騷就係超硬，點知呢