影片
營業時間
今日營業
12:00 - 15:00
17:30 - 23:00
星期一至四
12:00 - 15:00
17:30 - 23:00
星期五至日
12:00 - 15:00
17:00 - 23:00
以上資料只供參考, 請與餐廳確認詳情
相關文章
每隔幾個月總會食放題一次，唔係自己想食，就係朋友想食，今次特別揀左嚟銅鑼灣嘅分店食，因為每年今日去銅鑼灣已成為習慣。極尚大喜屋嘅食物選擇多已經唔洗多講，今次介紹幾款之前未食過嘅，同埋個人嘅必食選擇。新品有 --焦糖牛奶鵝肝壽司: 朋友話最近每次去某連鎖壽司店都必食呢個，竟然見到呢度都有，一定要叫。我食完一啖都即刻同朋友講要嚟多round，真係好好食，件鵝肝面因為灑了糖做焦糖效果，鹹中帶甜嘅味道已經好吸引，而未完全融化嘅糖同埋已成焦嘅糖，令到件鵝肝多了一重香脆嘅口感。平時食鵝肝都係配多士，今次配上壽司飯同食，原來都可以好夾，而且飯粒索了鵝油嘅香味，入口就更香。咖哩大頭蝦: 驚喜位係個咖哩汁做得幾出色，咖哩味香濃不在話下，而味道係近似日本咖哩嘅特色--帶有鮮甜味，朋友話如果可以叫個白飯撈汁食就Perfect，真可惜呢度沒有白飯供應。個人選擇推介--海膽手卷、海膽魚籽拖羅蓉最中餅放題食嘅海膽都有咁鮮嫩嘅橙色已經夠吸引，入口仲要無腥苦味，而係微微嘅鮮甜，正！海膽魚籽拖羅蓉最中餅，睇完名加相都唔係好清楚咩係最中餅（之後上網查下，原來最中餅係日本嘅人氣甜點），上枱時，驟眼看都仍然唔知係咩嚟，仲懷疑個似碟仔果塊嘢食唔食得。輕輕一咬，原來真係食得嘅，口感似雪糕筒果種威化，但無果種甜味，配埋海膽、拖羅蓉食，感覺更突出了刺身嘅海水鮮味。避風塘炒蟹細細碗有齊蟹殼、蟹鉗、蟹腳。蟹鉗仲要幾大隻厚肉。避風塘醬料又係做得好出色，夠晒香脆惹味，呢個時候如果有碗公仔麵撈嚟食就好啦，可惜又係無🤣鮑魚想輕易回本，緊係要叫鮑魚啦。花雕醉鮑魚，酒味聞起上嚟好香，但入口唔會嗆喉；而飽魚口感爽脆、帶嚼勁。花菇紅燒鮑魚，食完鮮鮑魚，緊係食埋呢個乾鮑魚，芡汁味夠濃，鮑魚、花菇都夠入味，而且夠腍，輕易嘴嚼。自助區美食藤椒魚皮坊間都唔常見嘅惹味小食竟然都有！魚皮夠爽、夠鮮；藤椒味夠香、夠辣，勁好食！可惜嘅係魚皮切得較幼身，食起上嚟有d唔夠暢快。炆猪手豬手入味，但又唔會煮得太腍，反而仲有煙韌嚼勁嘅口感。個人總評係，雖然唔係每樣都好好食，例如燒牛舌，今次就過左火喉，肉質韌到我都咬唔開。不過整體而言，都係值得推介嘅，抵食、選擇多、材料新鮮、烹調入味。
繼續閱讀
在銅鑼灣的極尚大喜屋享受了一次令人驚喜的如自助餐般的日式放題。餐廳的環境舒適，空間寬敞，平日顧客眾多，好在有訂座🤍🌟食物種類多元化，熱食有海鮮、蒸魚、蒸點心、炸雞等。🌟乳豬必食，皮脆肉嫩，要留意出餐時間吃最新鮮的☺️🌟湯類有烏雞蟲草花湯、花膠湯羹等，湯頭香濃熱食方面🌟避風塘瀨尿蝦和小龍蝦鮮美可口，蒸魚的口感滑嫩，搭配各式蒸點心（蝦餃 燒賣 粉果）、乳鴿、羊架等等，食物的質素和味道令人印象深刻。餐廳的新菜式方面，🌟避風塘炒蟹的肉質鮮嫩，搭配獨特的調味，值得一試。🌟咖哩大頭蝦則是另一個亮點，新鮮蝦肉彈牙，咖哩醬汁濃郁，非常惹味。🌟壽司和刺身部分也相當不錯，如：海膽三文魚籽撻，味道鮮甜夠創新。🌟油甘魚、左口魚裙邊、三文魚腩、大蝦等也新鮮。🌟特別是焦糖牛奶鵝肝壽司，外脆內滑的口感讓人難以忘懷，與傳統壽司相比，這道創意料理增添了不少驚喜。🌟甜品方面，餐廳提供的韓國、法國及本地牌子雪糕，口感滑順，味道香濃，特別適合在飯後享用。🌟豆腐花和布甸的口感細膩，蓮子紅豆沙甜而不膩，讓人感到清新。🌟乳酪也相當受歡迎，搭配新鮮的水果，既健康又美味。🌟飯後水果方面，有哈密瓜、西瓜和桃駁梨等選擇多多。🌟榴槤控必食燒榴槤，口感特別，炙燒過後甜味更出眾，值得一試。
繼續閱讀
放工去咗食銅鑼灣的「極尚大喜屋」，試了他們的新品任食菜單，整體體驗非常驚喜！餐廳環境舒適，服務態度也很好，最吸引人的當然是豐富多樣的菜式選擇，選擇多到眼花繚亂，由刺身、壽司🍣炸物、煮物樣樣有，尤其是幾款新品，焦糖牛奶鵝肝壽司及海膽拖羅蓉蟹籽杯絕對值得一試。 北海道帶子刺身，鮮甜彈牙，完全冇雪藏味。 極品大赤蝦size超大，蝦肉爽口，蝦頭仲有膏，超正！ 甜蝦刺身鮮味十足，入口即化，可以encore多幾轉！ 壽司創意與傳統兼備，魚籽醬煙三文魚龍蝦沙律多士，脆口多士配龍蝦沙律，奢華又惹味。 焦糖牛奶鵝肝壽司，鵝肝的濃郁與焦糖的甜香完美融合，口感細膩滑順，鵝肝入口即溶，焦糖微甜，同壽司飯出奇地夾！黑松露蟹肉芝士軟殼蟹卷，松露香濃，軟殼蟹脆口，層次豐富。 三文魚花之戀壽司，經典之選，三文魚新鮮肥美。 海膽拖羅蓉蟹籽杯海膽新鮮甘甜，拖羅蓉的油脂香氣與蟹籽的爆脆口感層次豐富，每一勺都是滿滿的幸福口感。 籠仔豉汁蒸鱔鱔肉鮮嫩無腥味，豉汁入味，蒸製的時間剛剛好，肉質緊實又滑嫩，搭配籠仔的香氣，風味獨特。 見島特選和牛芝士燒，真和牛！肉質軟嫩，芝士濃郁，必食！ 星級鐵板厚切鵝肝多士，鵝肝外脆內嫩，配多士超邪惡。 油鹽焗大頭蝦，蝦肉新鮮彈牙，簡單調味已足夠鮮甜。 皇牌燒乳鴿皮脆肉嫩，燒得剛剛好，唔會乾柴。 芝麻雞翼外皮香脆，芝麻香濃，雞肉juicy。 紫心香芋丸外脆內軟，芋泥香甜，作為甜品都得！ 天婦羅蝦炸粉薄脆，蝦肉爽口。 海燕窩椰汁燉木瓜滋潤養顏，椰香濃郁～藍莓醬蘋果鵝肝創意配搭，鵝肝嘅油香同藍莓醬嘅酸甜好夾。 由刺身、壽司到鐵板燒、炸物、煮物，款式多到試唔晒，仲有日本清酒啤酒，珍珠奶茶楊枝甘露等飲品，仲有Häagen-Dazs雪糕任食，性價比好高。
繼續閱讀
親友外哋回來，一行八人，食物都非常豐富，根本就冇辦法可以食得齊，有刺身，蒸煮炆炸燉都有是但揀選咗自己喜愛嘅食物，食到都飽一飽，外邊有自助吧有熟食區，汽水啤酒，青酒都有，水果，蛋糕仔等值得一題就係焦糖鵝肝壽司，外脆內軟唔會有太大浸肝油膩嘅味刺身一般，都尚算新鮮，熱食只食左鮑魚花膠之類，天婦羅及其他炸物都未有機會食到，因太飽了下次一定會再嚟食齊佢
繼續閱讀
這間日式放題餐廳令人驚喜，午餐體驗堪稱完美！首先，3小時的用餐時間非常充裕，讓人可從容享受美食。餐廳不僅提供經典日式料理，還有中式點心、中湯和熱盤選擇，種類豐富，滿足不同口味。刺身是亮點，樣樣新鮮，入口即化，質素媲美高級壽司店！更令人興奮的是這裡的特別菜式，例如海膽餅，濃郁鮮香；焦糖鵝肝，甜鹹交融，入口絲滑；還有燒榴槤，獨特香氣令人回味無窮。整體而言，菜式創意十足，選擇多樣，無論是日式粉絲還是喜愛中西融合的食客，都能找到驚喜。服務態度親切，環境舒適，性價比極高，絕對值得一試！提提必須提早預訂。
繼續閱讀