極尚大喜屋 (銅鑼灣廣場一期)

呢間餐廳主打豐富日式放題🇯🇵兩小時任食刺身、卷物、江戶前壽司、炙燒壽司、軍艦、一品料理、串燒、炸物、燒物、麵鍋、鐵板料理、天婦羅等超過100款食物，仲有海膽、鮑魚、榴連等高級食材🤩💗晚市放題（$278/ 人）👇🏼以下🔟款係最值得添食：1️⃣刺身：刺身全部都好新鮮鮮甜，特別推介北海道帶子、赤貝、馬刀貝同蠑螺🐚2️⃣海膽手卷：海膽食落都算甘甜Creamy，最重要係新鮮冇臭味🍣3️⃣花雕醉鮑魚：鮑魚彈牙完全唔韌，帶陣陣花雕酒香🥃4️⃣冰鎮柚子海蜇：海蜇超級爽脆，加上柚子醋一齊食，微酸開胃🍊5️⃣星級鐵板厚切鵝肝多士：香煎鵝肝厚身肥美，入口充滿油香，配埋香脆嘅香草牛肉多士一齊食，簡直係完美🪿6️⃣皇牌燒乳鴿：燒乳鴿皮脆肉嫩，點埋准鹽食更惹味🦆7️⃣金湯燴花膠：花膠超級大塊，食起來黏滑充滿骨膠原🥘8️⃣鮑汁鮑魚撈一口花菇飯：花菇飯淋上滿滿香濃嘅鮑汁，放咗大大隻鮑魚，厚肉又彈牙，絕對係回本之選🦪9️⃣極品金枕頭榴蓮燒：金枕頭榴蓮肉厚軟滑，味濃香甜💛🔟海燕窩椰汁燉木瓜：木瓜果肉香甜軟熟，連同椰汁雪燕一齊燉，夠哂滋補養顏🥥…查看更多

久唔久都會同屋企人及朋友食下放題，首選梗係人氣日式放題店「極尚大喜屋」，款式選擇眾多之餘，座位寛趟，坐得舒服。我同友人訂了晚上19:45的座位，到達餐廳門口時已經好多人排晒隊🤪放題唔同時段唔同價錢的🥰🔸️午市 $238起，長者有88折優惠 (任飲任食3小時)🔸️晚市 $258起 (任飲任食2小時)我地預訂的時間是 2小時自選時段晚市放題 $298/人入座後，scan QR code落單，好方便👍🏻放題食物種類好多款式，包括刺身、創作刺身、壽司、創作壽司、火炙壽司🍣、手卷、卷物、一品料理、炸物、天婦羅、燒物、串燒及煮物等。除此之外，近門口位置有自助區，提供沙律🥗、前菜、冷盤、熱食、生果🍉🍈、甜品、雪糕、雪條、冷熱飲品等，仲有清酒任飲🍶🔹️創作刺身、刺身 有15款之多，有柚子海蜇、魚子柚子醬章紅魚薄切、泰式虎蝦、三文魚、油甘魚、池魚王、帶子、大赤蝦、甜蝦、赤貝、馬刀貝等，全部都厚切又新鮮，真係不斷encore‼️🔹️創作壽司、火炙壽司、壽司 款式多左，而且食材用料比較貴價，例如海膽三色塔、鵝肝壽司、黑松露油金魚腩、醬油漬左口魚邊等，全部都好精緻，細細舊就唔怕試多啲唔同款式啦🤩🔹️手卷、卷物都值得一試，我叫左海膽和拖羅蓉手卷，細細舊的手卷，一啖可以放入口之餘，又唔怕會太飽。🔹️一品料理我點左黃金軟殼蟹、金湯燴花膠、避風塘瀨尿蝦、瑤柱燴節瓜、花雕醉鮑魚、燒乳鴿全部都好美味🫶仲有海燕窩椰汁燉木瓜，原盅木瓜上桌，好滋潤，必食之選‼️🔹️炸物、天婦羅炸物有芝麻雞翼，脆炸貓山王等🧆天婦羅方邊有蝦🍤、南瓜、帝皇蟹棒、甜蕃薯仔🍠，全部都好喜歡吃🤭🔹️燒物、串燒 🍢燒物有羊鞍🍖、蒲燒鰻魚、比目魚西京燒等；串燒有鹽燒牛舌、翠玉瓜及燒菠蘿😋燒菠蘿甜度好高🍍仲有仲有，好多人叫極品金枕頭榴槤燒，聞到濃濃的榴槤味😂🔹️煮物必點‼️極尚龍蝦湯海鮮鍋、鮑魚皇帝蟹皇粥，呢2款食落真係好鮮甜，唔會好大鍋，唔怕霸住左個肚的位置👍🏻👍🏻😂🔹️甜品有多款蛋糕、雪糕🍨及雪條，仲有Häagen-Dazs任食，回本之選❤️🔹️飲品自助區自取，有清酒、自家製樽裝茶、汽水、仲有熱櫃放著飲品，照顧唔同人的需要🫶總結，放題食物種類眾多，新鮮又好味🤩餐廳毫不吝嗇，好快補上食品，上菜又快，性價比好…查看更多

極滿足！！兩個鐘任食我最鐘意既海膽、蠔、帶子、扇貝、青口、蜆、鮑片！！食材全部都好新鮮最惹味一定係黃金焗蠔😍😍每一粒蠔都勁多醬汁同芝士，岩曬芝士控！我好似食左差唔多有十粒🥰金蒜蓉粉絲蒸扇貝上面鋪左好多炒到脆卜卜既蒜蓉粒😍😍本身放題唔想食太多飯，驚好快飽🥲但試左一件海膽手卷之後，就忍唔住追加多四件！！因為個海膽實在好高質新鮮😍😍醬燒紐西蘭青口又係我破例叫左有飯既野，炙燒左既青口除左賣相精緻，又係好惹味😋😋北海道帶子刺身勁鮮甜😱😱必食！！鮑片都不錯！餐廳除左壽司刺身做得好，一品料理好似香草牛油煮鮮大蜆咁都係一樣咁高質😋😋芝士竹輪卷天婦羅又係岩曬芝士控！！脆炸貓山王真材實料，d榴槤餡仲做到流心！！好耐冇食過咁豐富、質素又咁高既放題了🤩仲有超級多款雪糕、雪條！！…查看更多

食放題，想食得高質又食得抵，首選一定係「大喜屋」！今次已經係我第三次去「大喜屋」了，不過就轉了飯腳！餐廳環境寬敞，枱與枱之問有足夠距離，出去拎食物都唔怕撞到人！趁肚餓，搶先點的一定係刺身！無論係三文魚、油甘魚定係希靈魚，全部厚切；甜蝦亦好味到可以一口鯨吞10隻！跟手追加的當然係壽司！海膽手卷好微型，一次過點三個都唔過份；今次第一次試鰻魚玉子燒，估唔到係出奇地好味！熱食方面，芝麻雞翼不過不失，蒲燒鰻魚大大條，食完真係開始覺得飽！海鮮方面，可以去自助區隨便揀，主要得青口和海蝦，所以我們只象徵式吃幾個就算！至於飲品區，基本的果汁汽水當然應有盡有；連非基本的啤酒和日本清酒都有，仲係免費唔使額外加錢呢！飯後水果全部切粒，食得方便！飯後甜品有些失望，竟然冇雪糕只得雪條！Anyway，放題一定要有甜品先算圓滿呢！最後埋單每人唔使$300，真係飽到頂心口！…查看更多

疫情下禁晚市，好彩仲有lunch可以出外用餐！咁啱口痕想食日本菜，但又想抵食，咁一定係食放題啦！最近發現呢間位於銅鑼灣極尚大喜屋做緊優惠，下晝2點後入座，第二位半價？！除返開每個人$200都唔使！有咁筍的優惠，一於捉多個朋友去食盡佢～呢間極尚大喜屋真心太高質！餐廳內處處都有驚喜！驚喜1：空間感極大，除左網上落單，餐廳內更設有熟食區、凍食區、甜品區、凍飲區，甚至酒類飲品區，全部任飲任食！不得不提炸雞、炸燒賣、炸餃子一應俱全！炸雞好嫩滑，唔會粉多過肉！仲有一盤盤熱辣辣的炒雞柳、炒西蘭花等，估唔到都好夠鑊氣！仲有新鮮青口和超鮮甜大蝦！整個雪櫃放滿超過十款凍飲任君選擇！令我最讚嘆的，就係清酒、梅酒、燒酒全場任飲，正！驚喜2：食材新鮮，食物選擇多，份量足料！真係好喜歡它的刺身，食得出好新鮮！甜蝦、帶子刺身、吞拿魚都好鮮甜，塊塊都厚切！仲有壽司款式多，私心大推左口魚壽司，入口即溶超好味！一啖一舊迷你海膽手卷，又好味又過癮！ 驚喜3：超平優惠食到日本質素食材，重要事唔怕再講，最近推出嘅午市優惠真心抵，下晝2點後入座，第二位半價，最後埋單除返開每個人$200都唔洗就食到咁高CP值嘅日式放題任食，真心要再encore! …查看更多

極尚大喜屋日本料理係我既放題「首選」.....價錢抵(唔超過每位$300)之餘, 而且食物質素非常好....雖然有留單情況, 但留單情況尚可接受, 都明白多張柯打總會有遺留。坐位非常寛敝舒適, 環焙境乾淨但廁所就好似無人清潔......…查看更多

噚(9-5-2020 Sat)日同老公拜完媽媽後,去呢間食肆會合男友人JT夫婦食放題,佢哋12點嚟到,我哋就12:40pm到,因為可以食到3點,所以冇所謂啦.刺身類:甜蝦好鮮甜味美.味道:5分蠑螺,北寄貝,赤貝,帶子,北海道長腳蟹腳正常爽口,不過唔知係咪太凍,好似冇乜鮮味.希靈魚,三文魚,油甘魚都正常冇問題.虎蝦比起甜蝦.我會鍾意甜蝦多啲.好似係黑椒一口牛呢個我覺得普通咗.燒比目魚魚肉好滑,正.味道:5分鹽燒海蝦正常冇問題.唔記得咩雞湯味道都算濃,OK嘅.章魚燒口感正常.墨魚仔好彩唔係辣,ok.蒜味雲耳,酸甜蘿蔔Ok唔錯嘅.味道: 4分薯格,春卷同咖哩角普普通通,冇乜特別.炒珊瑚蚌唔過火,口感亦啱啱好.燒牛舌約有5毫米厚,適中嘅,味道亦不過不失.燒菠蘿正常冇問題.焗廣島蠔好味,原來係千島醬加蟹籽同有啲洋蔥,酸酸甜甜咁,又幾好食.味道: 4分黃金雞軟骨佢哋伴有薯條,顏色幾靚,口感亦正常.味道: 4分而我老公食咗條薯條後,話原來有鹹蛋黃,好邪惡呀!我同MY食吓,真係幾好食喎.味道:5分炸貓山王榴槤外脆,內裡嘅貓山王榴槤變成流心,味道又甜,真係好好味,我哋都encore 咗.:味道:5分海膽手卷原本諗住正常size,但JT叫咗,侍應拎咗嚟後,睇到好細件,只係一口手卷,好迷你啊,於是我都要一件,海膽開始有啲唔新鮮,紫菜已經腍晒.燒鰻魚我冇食到.泡芙Ok正常.抹茶大福由雪櫃夾出嚟時,諗住會雪硬咗,但又冇喎,係軟腍腍,食落煙韌度啱啱好,抹茶味亦好夠.味道:3.5分紫薯切餅唔算太甜,但味道夠.唔記得咩切餅上面嘅oreo已經腍晒.唔知咩mousse冇乜味,係杏仁味?最後都包一人一杯Haagen-Dazs或Movenpick雪糕一杯.嘢飲種類都唔少,唔單止有好多種汽水,熱飲重有羅漢果茶,菊花蜜,但估唔到連清酒都有,我斟咗一支,唔哽,酒精濃度亦唔高.而其實我重有好多嘢冇食,如咖哩魚蛋,蕃薯糖水等.服務:好好,好有禮貌,上菜快,亦冇漏單.環境:好闊落好舒適,冷氣開得好夠.…查看更多

晚市$238位 (未包括10%服務費)。食物款式眾多，圖片未能盡錄。整體評價：每一款食物的質素都好，並提供刺身、壽司、軍艦和多款熱食，如：牛柳粒，更有雪糕作為甜品。飲品選擇亦非常多，多款汽水、果汁、咖啡、啤酒，可謂應有盡有。下列是部份食物的食評：八爪魚和三文魚刺身都十分新鮮。三文魚刺身肥美，脂肪比例適中。燒鯖魚十分惹味，外表燒至金黃色，賣相一流，配上檸檬汁，味道清新。燒鰻魚亦十分可口美味。我平日很少吃海膽但亦覺得這裡的海膽手卷不俗，頗為鮮味。熟食方面可以選擇烏冬、牛柳粒、炒蜆等，質素亦算不錯。而且每人可選一杯Movenpick或Haagendazs 雪糕 :)  十分滿足!…查看更多

日本放題越開越多，千篇一律！但最近發現。。極尚大喜屋有驚喜！食物係有質素！刺身的選擇都有好多。。刺身蝦非常大隻，而且不會又雪味。。油甘魚、吞拿魚都幾唔錯！壽司多選擇。。舊飯細細舊。。可以試到好多唔同種類。。唔會食兩舊就飽另外黃金蝦和焗蠔。。我同朋友都讚不絕口👍👍👍👍一定要試嘅！就係海曼。。原條。。非常肥美。。必定會encore！大部份放題都只係提供軟雪糕🍦，但極尚大喜起屋竟然有Häagen-Dazs乳酪雪糕。。😍😍😍😍同埋有好多種韓國雪條。。非常吸引…查看更多

咁岩去開銅鑼灣整指甲，又想食日本野，但銅鑼灣閒閒地都要二、三百以上仲要食得唔多～～咁岩又見到大喜屋係銅鑼灣有分店仲要有午市分題，仲要二百蚊左右，咁梗係去食啦～～（我都係第一次一個人食日式放題）好彩呢間分店係用WECHAT手機落單，勁方便，唔駛寫紙叫店員入單。我一黎就點左一大堆刺身，有我最鍾意食的甜蝦同赤蝦刺身。落左單無耐，就好快上檯～～甜蝦刺身好甜，而赤蝦刺身好大隻又勁厚肉。其他刺身水準都不錯再黎壽司，因為每件都細細舊，可以叫多幾款試下，款款水準都不錯。最正係有海膽手卷任食，海膽味道唔腥，CP值都不錯除左點餐外，仲有自助餐點，有我最愛的北京填鴨仲要係即叫即切，唔係切定晒，好正！我仲試埋佢既原盅燉湯，都好足料下，味道都唔錯，有我平時食酒店BUFFET既水準呢個翠肉瓜串燒燒得好JUICY，好好味～～最後我叫左牛肉湯烏冬同雪花牛肉鍋。烏冬都幾彈牙，但牛肉同湯底我就鍾意雪花牛肉鍋多D。食放題就有呢個好處，我將烏冬放入牛肉鍋就有呢個完美的組合好正！原來一個人去食放題都幾正！…查看更多