極尚大喜屋 (銅鑼灣廣場一期)

營業中

休息中

預祝聖誕原本想去酒店食個聖誕大餐，但睇過周圍價錢，覺得著實太貴，都係返去食個放題算了。Book了銅鑼灣的極尙大喜屋，貪佢夠方便，就在銅鑼灣地鐵C出口上面。我地食8:30那輪，8:15分就排隊入內，幸好有訂位，否則真係排好耐！坐低食點串燒、刺身！刺身前嚟一碗蟲草花膠雞湯暖胃亦是不錯。前菜除了各款熱葷、小食外，仲可以試一下燒肉、乳豬、叉燒和煙三文魚。牛舌、雞軟骨、西京燒、天婦羅，熱辣辣！當然燒乳鴿、鰻魚亦係必食。刺身我最愛是三文魚和油甘魚，夠晒厚切！赤蝦、甜蝦、帶子、北寄貝等，都鮮甜彈牙。Encore了兩轉。鮑汁鮑魚撈飯第一次見！大大隻鮑魚，啖啖肉，我一人食咗兩碗！必食的仲有：炸軟殼蟹鵝肝多士川燒廣島蠔花雕醉鮑魚黑椒蜜汁一口牛瑤柱扒豆苗上湯花膠扒避風塘賴尿蝦而家諗返起嗰晚咁飽咁滿足，係因為真係食左好多野!!!還有各款創作壽司，都一定要試！記得再留肚甜品，燒榴槤、木瓜燉雪燕、杯裝自家甜品都是我的最愛。將最後的胃納用甜品填滿。

今日老細請食飯，晏晝去咗大喜屋度食放題，午市加埋一唔使三舊水一個，可以一戰放題分兩part，掃QR code可以落單，熱食、甜品、飲品、雪糕，外面有自取區自己拎燒物推介羊架，層脂肪唔太肥但燒完好爽口，羊肉唔酥好食作為一個榴槤控，足足叫咗三次燒榴槤，外皮脆脆哋榴槤味極濃，比起平時原隻榴槤食仲正除左平時的魚生之外，亦有唔少回本選擇，例如鵝肝多士、鮑魚、花膠等等雪糕有哈根大師，仲要系特別版馬卡龍口味，食番幾本值回票價

行完街當然就係食放題啦！近近地去銅鑼灣一期～大概8:30入座食兩個鐘🤓-店員都好快帶我哋入座啦，首先梗係去拎咗外面啲小食開胃菜先啦，最鍾意就係食中華沙律、涼拌魚皮、海蜇頭、青口、熟蝦、煙三文魚、雞翼尖、豬耳，仲有啲熱湯飲咗暖身之後就開始食凍嘢啦～仲有好多炸嘅嘢食，最驚喜竟然係有乳豬同燒肉😋-飲品有楊枝甘露同柑桔青檸水，其他就大同小異啦，例如珍珠奶茶、冷泡茶、啤酒等等-甜品都好多選擇尤其係見到一啲生果造型嘅大福好得意，生果有好多種類連士多啤梨都有👍🏻雪糕當然有Häagen-Dazs啦仲有啲雪條～-刺身都好多選擇，全部都好新鮮叫咗好多赤海蝦😛仲有三文魚子、海膽、吞拿魚蓉既迷你手卷👍🏻炸物有炸軟殼蟹、黃金魚皮亦都有燒榴槤同炸貓山王波波真係由頭食到尾冇停過🥰最後當然要叫過椰汁雪燕木瓜盅味作結喇😋見到有全隻乳鴿都好想食但係太飽食唔落下次再嚟食先！

今日同大胃王去銅鑼灣廣場1期食放題，升降機直上9樓，店員即安排座位，餐廳主要以方枱及卡位為主。自助區先行一圈選擇都很多，冷盆小食有中華沙律、味付螺肉等，凍海鮮有蜆、青口、海蝦，熱盆有小龍蝦、口水雞、炸魷魚、叉燒燒腩仔，多款中式點心。刺身壽司三文魚、希靈魚、池魚王、赤貝、馬刀貝、北寄貝、帶子全部都新鮮，沒有一點腥味，只有鮮味，放在冰面更能保持狀態。醉鮑魚超美味，少少酒香鮑魚入味食落香甜。多款壽司及炙燒壽司都好味道，加入專用醬汁，壽司飯比較細可以食多幾款。燒生蠔蠔味濃郁鋪滿炸蒜又香又濃。一口牛醬汁濃肉味濃肉質鬆軟。芝麻雞翼外脆內嫩，紅燒乳鴿好入味，仲有避風塘瀨尿蝦，黃金軟殼蟹，多種串燒，比目魚西京燒全部都好好食。最後返回自助區有多種甜品，Häagen-Dazs,Mövenpick雪糕，日韓雪糕雪條任食，係令人好滿足的放題。

實在好耐都無食極尚大喜屋啦，嚟到先發現原來更新咗餐牌！食物更合我心水😍好多款式都可以encore 再encore!每款刺身都好新鮮，三文魚大大片，赤蝦甜蝦大大隻又爽口！帶子鮮甜美味，蠑螺刺身比想像中厚切夠爽口👍🏼 而壽司方面款款各有千秋！三文魚腩油香滿滿、黑松露油金魚夠魚油香小小嘅黑松露更吊出魚嘅鮮味，而令我encore 再encore 嘅係海膽手卷及海膽魚籽拖羅蓉最中餅，一次過滿足3個願望！絕對令人一口接一口！至於熟食燒物方面都令人愛不釋手！川燒廣島蠔極香口蠔夠大隻，鮑汁鮑魚撈一口花菇絕對係必食之選😍令人最驚訝嘅係黃金軟殼蟹！熱辣辣炸起，外皮相當脆口，而且係爆多蟹膏！完全冇諗到軟殼蟹可以有呢個效果，味道一流🤩鵝肝多士都忍唔住encore咗幾次🥰外面自助區同樣好多選擇，蒸點、紅豆沙、蟲草花烏雞湯、小龍蝦、港式燒味等等，菜式越嚟越嚟吸引！就連雪糕都有Häagen-Dazs同Movenpick提供，仲要任食的！甜品同水果都一大堆，食到最後真係要抱住個肚走😆飲品方面都相當貼心，想飲健康啲可以有菊花蜜及羅漢果茶、怕凍嘅有熱櫃專櫃、凍飲方便唔係單止得汽水，茶竟然仲有佢哋自家提供嘅港式奶茶及珍珠奶

在3月9日致電訂7人位在12pm到店。一行7人全成人。店只安排一張梳化位加一張2人小枱在路口旁。小枱櫈與櫈與前後緊貼。再者坐soft位的人要外取食物，需要坐旁3位人行晒出走廊借開才能出外取食物。食自助餐當然希望能自由自在随時到食物區取食物。才能稱之為自助餐。有與餐廳門口負責安排坐位小姐提出更换枱，但拒絕。我們一行7人本應該高高興興與大伯慶祝生日，真的非常掃興，以後都不會再去

刺生爭鮮質素， 唔夠新鮮， 蝦係糊糊地， 油甘魚係作血紅色， 食過爭鮮和壽司郎就知分別， 焗生蠔好味， 鮮嫩多汁， 可以encore, 天婦羅個皮硬， 唔似日式料理的天婦羅， 所以只叫了軟殼蟹天婦羅就夠了， 無再叫天婦羅嘅系列， 中式甜品有驚喜， 木瓜燉雪耳， 清甜好潤， 飽魚飯好食， 燒榴槤味推介， 刺生種類少， 無叫壽司， 不過總括所有食物種類都多， 所以半架/ 乳鴿好多都食唔到就飽了， 時間充足， 黎唔黎自己揀食到半跟大約1點多就先比錢， 比錢前啲熱食都正常熱度， 比錢前叫左焗蠔好好味， 比前後再叫生蠔/燒雞軟骨/木瓜燉雪耳都係暖， 唔熱， 即刻大打折扣

因为离得近来过很多次了，会员已经升级到殿堂级了，不知道上面是否还有级别。开始是吃工作日定食，不过定食有限制，来晚了就没了，也偶尔完全不提供定食。扫码点餐的放题主打刺身，刺身大约有十几种，还有寿司、卷物若干，海胆卷是真小，且不是很脆；餐后甜品和冰淇凌都挺丰富。工作日吃放题感觉放不开，只能吃1.5小时，不过基本上也够了，工作日的定食非常划算。扎啤还不错，清酒一般，不知道是啥酒。饮料非常多，一般每次来最多喝2种。

今次我哋約咗一班朋友去大喜屋放題，真係超開心！一入到去，環境就好舒服，燈光柔和，座位間隔都幾闊，唔會覺得擠迫。食物方面就真係多到數唔晒！首先有各種新鮮刺身、海鮮、生蠔、螃蟹、蝦，仲有燒肉、白切雞，啲肉質都好嫩滑。沙律吧都有好多選擇。最吸引係佢哋嘅壽司、刺身，無限量不漏單供應，有我最愛既海膽。最好食有鵝肝多士，勁肥美。講到價錢，性價比十分高。而且仲有無限飲品，啤酒、汽水、果汁都包晒，真係好抵！總之，食物質素高，環境又闊落，價錢又合理，真係好值得一試！

一行8人去食，之前去尖沙咀殿大喜屋覺得好好，所以諗住價錢同殿差不多同好耐之前都落過應該都無問題，點知中晒伏。食物飲品種類極少，同普通最低級大喜屋既質素差不多，完全唔係殿果個級數，而且不停漏單俾少，唔問佢都唔俾番你，特別係魚生類黎得等別慢特別少，無謂野就快同足。座位迫人多路窄出入唔方便，食2個鐘半個鐘前黎講截單同收錢就快，第一次去食放題會食唔飽，以後唔會黎呢間，俾得呢個價錢銅鑼灣仲有大把選擇，建議大家唔好博。

很久沒有吃放題，今天和朋友相約在銅鑼灣廣場的極尚大喜屋🫨佢之前我們估計大概能叫點4輪餐單，最後只點了2.5輪😂😂😂😂差點選擇很多，特別是如果喜歡吃榴槤的朋友，餐單內有烤榴槤的選擇、還有榴槤波波、榴槤雪條、榴槤布甸等，而且味道都不錯，個人最喜歡烤榴槤。魚生方面覺得最好的都是三文魚、甜蝦和帶子。反而我們吃這天，牡丹蝦好像不太新鮮。有朋友吃了六杯Häagen-Dazs 雪糕😂我吃了特別的口味-檸檬馬卡龍🤩飲品方面選擇有很多除了有泡茶、汽水、啤酒等，還有凍熱的日本清酒、梅酒、生啤等。推薦羊扒、鵝肝多士、烤榴槤，甜品推薦芝士布甸、朱古力脆皮麻糬，車厘子也很好吃😂

✨餐廳環境典雅乾淨同舒適，空間同位置都十分多，前菜區域食物嘅種類繁多，鍾意飲啤酒嘅一定會試佢個自助生啤機，所以呢度真係非常適合家庭聚餐或朋友聚會👍🏻👍🏻✨餐廳裏面嘅刺身大部份都係厚切新鮮，非常推薦油甘魚、三文魚和赤蝦，食落十分鮮甜同惹味，作為一些前菜，食完感到非常滿足☺️✨創作壽司款式種類多樣，非常推薦海膽拖羅，結合咗海膽濃郁鮮味同拖羅豐富油脂，入口即化，口感極為細膩。食用後，會感受到海膽的鮮甜與拖羅的滑嫩在口中交織，帶來一種極致的味覺享受😎✨燒生蠔，燒羊架同燒一口牛是必點菜品，燒生蠔外層微焦，內裡保留咗生蠔嘅鮮嫩多汁。燒羊架經過精心烤製，外皮酥脆，內裡肉質鮮嫩多汁🥰羊肉嘅獨特香氣與燒烤嘅煙燻味相得益彰，每一口都充滿了濃郁嘅風味👍🏻燒一口牛識落就知道用咗優質牛肉，切成一口大小，外層微焦，內裡保持嫩滑多汁。再配上餐廳嘅秘製醬汁，真係食吾停🤭🤭

極尚大喜屋 的放題一向都有質素，朋友就離開香港，建議去呢度大吃大喝。刺身就必叫油甘魚，超鮮甜，海膽手卷好正。♥️真係比較少見。鵝肝壽司厚切爆juicy必叫！乳鴿都係名物。超級推薦熟食海鮮類！瀨尿蝦惹味多肉、鮑魚好彈牙、焗生蠔大隻新鮮，全部都encore左。厚燒鰻魚我次次都食多。燒榴蓮的皮燒到金黃色好香。另外，呢度既蟹皇粥不得了~試過就知自助區仲有甜點､海鮮類､生果､雪糕,種類好多元化｡Häagen-dazs雪糕都有4隻口味~推薦mint chocolate好好食👍飲品各式各類都有，推薦珍珠奶茶｡加一都係3百多D，值得食，難怪長時間大排長龍！性價比高過自助餐。🥢極尚大喜屋 (銅鑼灣廣場一期) 🌏銅鑼灣軒尼詩道489號銅鑼灣廣場一期9樓

今次喺銅鑼灣嘅極尚大喜屋享受咗一個超正嘅放題，真係超多野食，食到好滿足！😋✨特色冷盤- 冰鎮柚子海蜇：清新嘅柚子味搭配爽口嘅海蜇，開胃又解膩- 花雕醉鮑魚：鮮嫩嘅鮑魚浸於花雕酒中，味道濃郁，口感又幾滑溜✨刺身方面- 三文魚刺身🍣：鮮美嘅三文魚，肉質滑嫩，油脂十足👍🏻- 油甘魚刺身🐟：肉質緊實，鮮味十足，要試！- 池魚王：新鮮嘅池魚，肉質鮮甜，口感不錯- 北海道帶子刺身：外脆內嫩，帶子嘅鮮味一啖就感受到，好鮮甜- 甜蝦刺身：極甜嘅蝦肉，口感彈牙- 極品大赤蝦🦐：肉質厚實，大大隻，鮮味十足，正✨其他美食- 鮑汁鮑魚撈一口花菇飯：鮑汁配上香菇飯，味道濃郁，真係一口接一口，鮑魚係超大隻！- 皇牌燒乳鴿：外脆內嫩，肉質鮮美- 金湯燴花膠 🍲：花膠滑嫩有骨膠原，夠入味！- 星級鐵板厚切鵝肝多士：鵝肝煎至金黃，搭配香脆多士，口感豐富- 香草牛油煮鮮大蜆：蜆肉大大隻鮮甜，配上香草牛油，味道獨特✨自助區出面嘅自助區仲有：- 乳豬：皮脆肉嫩，竟然放題有得食🤣- 燒腩仔：肥瘦適中，肉質嫩滑✨雪糕雪糕方面可以任拎嘅有 häagen-dazs 同 movenpick🍦，真係唔怕唔夠甜品！整體而言，今次嘅放題真係

❤️《極好味之放題大滿足》 - - 極尚大喜屋極尚大喜屋一直都咁受歡迎同好味😋😋我地由夜晚7點半食到9點半都一樣咁爆滿，每次黎食都keep 到一樣高水準😍😍今次竟然見到有港式燒味🤩🤩有我最鐘意既叉燒同燒腩仔，啖啖肉，而且有保暖燈熱住，咬落去暖暖地唔會變硬👍大家記得要試埋燒味返到埋位已經一檯都係食物，上菜速度極快，首先日式刺身，唔洗多講，大量三文魚厚切🐟，keep 到水準，鮮甜🥰🥰有幾樣食物私心推介，鮑魚撈花菇飯：鮑魚大大隻連埋鮑魚汁送飯簡直一流👍，厚切鵝肝多士：煎香既鵝肝好香好味，食指大動🤩燒廣島蠔：燒蠔大大隻啖啖肉連埋香辣炸蒜😋😋珍珠奶茶：同街外手搖飲品味道一樣。放工時間食到咁好味，食完都開心晒😊😊飲品區同甜品區一樣咁多選擇🤯🤯食左好多杯雪糕先收手，好滿足😋😋😋☻味道：7/10☻環境：7/10☻服務：7/10☻價錢：7/10☻回頭率：70%☻人均消費：$300📍 極尚大喜屋（銅鑼灣）銅鑼灣軒尼詩道489號銅鑼灣廣場一期9樓