生日咁高興，梗係同朋友仔大吃大喝慶祝啦。開飯仔搜羅全港嘅生日優惠，今次整合咗12月生日優惠，部分優惠重橫跨幾個月份，甚至可以重複使用㗎。留意返而家餐廳會因應疫情更改營業時間，去之前記得打去查詢。
Holly Brown Coffee Roasters 訂座送丹麥吐司 
生日優惠日期：2022年12月1日至2022年12月31日
呢間品牌以多元化嘅咖啡店形象為宗旨，所以咖啡以外，重有各類西式菜餚，其中烤西班牙乳豬係人氣菜式之一，另有沙律、漢堡包、意大利麵等選擇；而打卡甜品則不得不提Danish Toast！丹麥吐司上放上gelato、朱古力碎、雪燃筒得配料，睇見都開心呀～今個經OpenRice網上訂座晚市時段，壽星可獲贈IG-able嘅Danish Toast 1份。
圖：城景國際酒店 - City Café 城景閣 食聖誕自助餐送生日蛋糕
生日優惠日期：2022年12月5日至2023年1月2日
City Café嘅「海鮮薈萃‧聖誕自助晚餐」包括一系列時令海鮮及節慶美食，重有海鮮冷盤、花膠蟹子醬焗大蝦、金蒜銀絲蒸扇貝、燒美國牛肉眼伴燒汁等熱葷、即製阿拉斯加火焰雪山等選擇，而每位客人更可免費嘆法式焗波士頓龍蝦米多一客。今個月嘅壽星經OpenRice網上訂座，可獲贈免費生日蛋糕。
圖：餐廳官網、Pochurychan
城景國際酒店 - 樂雅軒 食中菜送賀壽蟠桃 
生日優惠日期：2022年11月1日至2022年12月31日
樂雅軒係法國藍帶美食協會之公司會員之一，加上中式裝潢簡約清雅，啱晒同鍾意食中菜嘅壽星食生日飯。餐廳以創新意念重新呈現傳統粵菜、老火燉湯等菜式；午市則有多款點心，如鵪鶉蛋燒賣、蜆芥炸鯪魚球、黑毛豬叉燒包等。而家嚟嘆散點菜式嘅話，生日客人以及同行賓客均可獲贈賀壽蟠桃一客，記得需要提早2日訂座並講會用呢個優惠呀。
圖：餐廳官網、Uncle Cheong
龍鼓灘海邊BBQ 壽星享11項優惠，包括免入場費
生日優惠日期：2022年11月1日至2023年1月3日
自助燒烤提供40幾款美食任燒，有麻辣雞翼、原味牛扒、香茅豬頸肉、蜜汁叉燒等，可以同朋友家人食足一晚。除咗出名靚海景，同場亦有各種玩樂設施，黃昏時段可以睇日落，夜晚亮燈後仲好有氣氛𠻹！壽星生日當天或前7日內預祝慶生，到場購票時出示生日證明，都可享用11項生日優惠，包括壽星免費入燒烤場、提供1套氣球裝飾佈置、即影即有拍攝1次、點播生日歌曲等。
圖：グリル滿天星 壽星85折
生日優惠日期：2022年11月1日至2022年12月16日
呢間蛋包飯專門店為慶祝登港一週年，特別精選4款人氣蛋包飯推出限時免費增加30%優惠：滿天星肉汁漢堡扒蛋包飯（11月14日至20日）、蒲燒鰻魚蛋包飯（11月21日至27日）、日式咖喱炸蝦蛋包飯（11月28日至12月4日）同埋日式咖喱吉列豬扒蛋包飯（12月5日至12月11日）。而即日起至12月16日更推出生日優惠，如果你嘅身份證姓名中咗滿、天、星其中1字或11月生日，即享全單85折優惠；如中其中2個字，即享全單半價優惠。
香田日式料理 送生日送免費蛋糕+主題派對佈置
生日優惠日期：2022年10月3日起，直至餐廳另行通知，欲了解詳情可聯絡餐廳。
想有生會又唔使自己準備？而家可以考慮去香田日式料理喇～餐廳供應多款日本料理，如A4飛驒和牛漢堡、味噌和牛三寶鍋、海膽三文魚籽冷烏冬等新品。而家提早預訂並折實後消費滿$1,888，即可免費獲贈Royal Delights (R+)人氣精選蛋糕1個同新派對主題佈置。前者有3款口味可以揀，包括「鬼馬蛋糕 - 鮑魚紅腸煎蛋飯」、「歌劇院蛋糕」同「意大利芝士蛋糕」；後者則有打卡背景牆、生日帽等慶生道具。
星幕 送火焰朱古力球雪山蛋糕 
生日優惠日期：2022年10月1日起，直至餐廳另行通知，欲了解詳情可聯絡餐廳。
位於酒店頂層47樓嘅露天餐廳，景觀開揚，好啱慶祝生日。午市供應意式半自助餐；晚市套餐則包括葡萄汽酒、紅或白餐酒一杯、自助沙律吧、四選一主菜、自助甜品等。而家經OpenRice網上訂座有9折起優惠，另外凡惠顧晚餐慶祝生日、結婚周年、拍拖紀念日，都會送上火焰朱古力球雪山蛋糕，重可以自訂朱古力賀詞，記得提前最少1日預訂呀～
圖：Crowne Plaza Hong Kong Kowloon East（FB）
8度餐廳Café 8 Degrees 自助晚餐半價 
生日優惠日期：2022年10月1日至2023年1月31日
8度海逸酒店嘅自助餐一向性價比高，而「品味‧海鮮盛宴自助晚餐」自助晚餐有多款海鮮料理，包括每日2款空運到港嘅法國、美國或愛爾蘭即開生蠔、鱈場蟹腳、青檸青酒浸大蜆、白酒煮藍青口、滋補蟲草花螺片燉雞湯等；肉類則有燒牛肉西冷、紅酒燴牛肋條、泰式青咖喱荔枝煮鴨等多款選擇。而家當月生日嘅朋友預訂4位或以上自助晚餐，壽星可享半價優惠，或免費生日蛋糕1磅，或送紅/白餐酒1支。
極尚大喜屋 (銅鑼灣廣場一期) 送生日蛋糕、有汽果汁1枝、即影即有相1張
生日優惠日期：2022年7月18日起，直至餐廳另行通知，欲了解詳情可聯絡餐廳。
生日想食得盡興，任食係唔錯嘅選擇。呢間日式放題店定價相宜，畀大家食勻多款刺身、壽司、一品料理，又可以無限暢飲清酒、燒酒同梅酒。餐廳亦不時加入新菜式，最近就有泰式咖喱軟殼蟹、金蒜蓉粉絲蒸扇貝、古法蒸海龍躉王同香草牛油煮鮮大蜆，啱晒海鮮控。而家凡6位成人起計，提前1日預訂「正日生日前後7日」嘅晚市放題正價時段，即送壽星嘆生日蛋糕1個、有汽果汁1支同即影即有相1張。
圖：巴巴串 壽星享9折優惠
生日優惠日期：2022年6月7日起，直至餐廳另行通知，欲了解詳情可聯絡餐廳。
有得食又有得玩，點都開心啲。呢間串燒放題店採用無火電爐，提供串燒同網燒方式，畀大家自行炮製海蝦、蜆、青口、牛、豚等數十款食材。而調味料可以自由配搭泰式辣醬、沙嗲醬同秘製蜜糖醬外，重有少見嘅花生芝麻孜然粉。另外自助區域更可任攞凍蝦、焗蠔、馬卡龍等冷熱食品同甜品。
圖：鳥森 送300ml清酒+免切餅費
生日優惠日期：2022年5月13日起，直至餐廳另行通知，欲了解詳情可聯絡餐廳。
呢間鳥燒店主要選用日本惠比壽同本地雞隻，除咗可以單點提燈、雞冠、日本產雞心元等特別部位外，亦有串燒廚師發板可以揀；當中包含8款特色鳥燒、炭火親子丼或白布烏冬、甜品等。另外重有牛肉串燒、豚肉串燒、自家熟成嘅鴨胸火腿、一夜干雞翼等款式。現時當月壽星惠顧鳥森，即送300ml指定清酒同免切餅費。
Pier 1929 送半打生蠔 
生日優惠日期：2022年4月9日起，直至餐廳另行通知，欲了解詳情可聯絡餐廳。
灣仔碼頭嘅Pier 1929，糅合20、40年代嘅法國藝術氣息同東方元素，而玻璃屋設計讓大家飽覽270度維港景色，喺度慶祝生日特別有情調。餐廳有唔同套餐供應，其中歐陸日式半自助餐包含：
- 煙三文魚凱撒、極級意大利凍肉拼盤、芝士拼盤等多款前菜（任食）
- 三文魚、油甘魚、鮮蝦、蜆等刺身同海鮮（任食）
- 自家製甜品（任食）
- 6款主菜中任選一款，包括澳洲M5和牛西冷伴薯角露筍、香草燒紐西蘭羊架伴燒薯意大利瓜、西班牙慢煮乳豬（1/4隻）伴燒薯意大利瓜等款式
而家當月壽星提前2日預訂2人起週末歐陸日式半自助餐，並出示身份證明文件核實，即送半打生蠔；而同行人士即場拍照並上傳至個人Facebook或Instagram，標籤Pier 1929，則享9折優惠。（每枱每次只可使用生日優惠一次）
圖：餐廳（FB）
牛駅麻辣火鍋放題 滿4位壽星享88折優惠
生日優惠日期：2022年4月11日起，直至餐廳另行通知，欲了解詳情可聯絡餐廳。
呢間麻辣火鍋放題店，招牌麻辣湯底用魔鬼椒、新鮮洋蔥、花椒、指天椒等香料製作，香辣惹味，另外亦有供應椰子燉雞鍋、芫茜豆腐皮蛋鍋、香濃蕃茄豬骨鍋等唔辣嘅口味。而火鍋配料自助區有超過30款自取配料，另外餐廳App上更可任選20多款海鮮、自家製菜式，配搭清酒、梅酒、啤酒或自家製健康花茶，選擇相當豐富。現時4人同行並提早一日訂座，要求使用生日優惠，當月壽星即享88折。
圖：Tiffany Blue Box Cafe 送Blue Box Cake+Tiffany & Co. 旗艦店導賞
生日優惠日期：2022年1月起，直至餐廳另行通知，欲了解詳情可聯絡餐廳。（不適用於元旦、情人節、母親節、平安夜、聖誕節、聖誕節翌日及除夕）
生日打卡好基本，咁喺玻璃屋設計嘅Tiffany Blue Box Cafe食生日飯，一定滿足到呢個要求。呢度全日供應菜單上嘅套餐，豐儉由人，又可以自選菜式配搭。例如三道菜套餐就有前菜、湯品同主菜，前菜有龍蝦沙律、北海道帶子薄片刺身等款式；主菜則有煙三文魚班尼迪配魚子醬、香烤西班牙豬扒或龍蝦扁意粉等選擇。而家只要訂座兩位以上、每位客人各點一份全日供應嘅套餐，壽星即享一份迷你Blue Box Cake，並免費參加由專人帶領、喺全港最大Tiffany & Co. 旗艦店嘅導覽體驗，欣賞各式藝術品同高級珠寶。
圖：寬巷子 打邊爐送粉盒花園
生日優惠日期：2022年1月起，直至餐廳另行通知，欲了解詳情可聯絡餐廳。
寬巷子嘅藝術手工火鍋擺盤精美，生日打卡就啱晒喇。用麻辣鴛鴦火鍋煮招牌玫瑰松板豬、冬甩子、枝仔冰等火鍋配料，即刻提升惹味指數。而當月生日嘅朋友提前至少兩日預訂4位或以上晚市時段，並喺訂位時講返係慶祝生日，就會送上原價$328嘅粉盒花園畀壽星，等佢返屋企繼續回味餐廳招牌蔬菜花藝拼盤，以及麻辣湯底醬料。
八歌仙 壽星半價嘆和牛燒肉
生日優惠日期：2022年1月起，直至餐廳另行通知，欲了解詳情可聯絡餐廳。
呢間日本鐵板燒店主打鐵板燒放題，有Blackmore M9+澳洲和牛、A5熊本和王和牛等高質肉類。而家凡3人同行，當月生日嘅朋友即享半價優惠，入座時記得向職員出示身份證明文件證明。留意返每枱只限一位使用呢個優惠，亦唔可以同其他優惠同時使用；而星期五、六及公眾假期不設此優惠，所有加一服務費會以原價計算。
圖：餐廳Facebook
Fun Fun 串串鍋 麻辣串串鍋4人同行壽星免費
生日優惠日期：2022年1月起，直至餐廳另行通知，欲了解詳情可聯絡餐廳。
呢度任飲任食嘅麻辣串串鍋由四川師傅主理，招牌重慶麻辣湯鍋充滿當地風味，加錢則可以轉鴛鴦湯底。串串款式有15款，啱想過下口癮嘅麻辣控。壽星喺生日前後7日嚟享用晚市時段，只要4人同行就1人免費。
圖：food6850、Tears_Tears、wujoegame
半島酒店大堂茶座 1位免費、送生日蛋糕1個
生日優惠日期：2022年5月10日起至2022年12月30日（設有不適用日期，詳情請向餐廳查詢）
半島酒店嘅「快樂生辰獎賞」性價比高，有齊前菜、主菜同甜品。而家每位壽星喺生日當日惠顧大堂茶座晚餐，2人同行即可獲贈生日蛋糕1個；而4位或以上，則1位免費再送贈生日蛋糕1個。留意返要72小時前訂座；如需取消訂座，則提前最少24小時通知。
圖：餐廳官網
京都勝牛 壽星免費自選甜品 （銅鑼灣設有網上訂座）
生日優惠日期：2022年1月起，直至餐廳另行通知，欲了解詳情可聯絡餐廳。
鍾意食吉列牛扒嘅朋友，呢間京都過江龍就啱晒你喇。香港店沿用總店「黃金60秒」嘅製作方法，以攝氏190高溫將炸牛排至三分熟，炮製出外層酥脆，內裡鮮嫩嘅口感。而家當月生日嘅朋友，提前2日預訂任何分店4位或以上，喺落單時出示身份證明文件作實及享用正價套餐，壽星即可免費獲贈自選甜品1客。
圖：餐廳Facebook
平昌 壽星75折+免切餅費
生日優惠日期：2022年1月起，直至餐廳另行通知，欲了解詳情可聯絡餐廳。
平昌嘅韓燒放題有多款肉類、海鮮同韓國小食，點多幾款鍾意嘅款式都唔傷荷包。而like平昌Facebook專頁或follow Instagram後，於生日當天或前後3日嘅15:00後惠顧，埋單時出示身份證，壽星即享75折優惠同免收切餅費，呢個優惠更可重複使用。
圖：泰.夯蝦 「正宗曼谷流水蝦」4人同行壽星半價
生日優惠日期：2022年1月起，直至餐廳另行通知，欲了解詳情可聯絡餐廳。
泰.夯蝦嘅正宗泰國流水蝦放題，啱晒掛住泰國嘅朋友！店內設有特長蝦缸，令你好似去咗當地咁即夾即燒，另外重有多款海鮮選擇。而每4位成人其中1位係當月生日，壽星就有半價優惠，注意不可與小童優惠共用。
圖：ki918
蝦立方休閒娛樂釣蝦場 壽星免費釣蝦+送生日蛋糕
生日優惠日期：2022年1月起，直至餐廳另行通知，欲了解詳情可聯絡餐廳。
台式風格嘅蝦立方休閒娛樂釣蝦場，提供多款口味活蝦料理，包括奶油、檸檬、胡椒等口味，而即釣嘅蝦揀鹽燒或清蒸都會免加工費。喺生日前後3天惠顧時出示有效出生證明，壽星即享免費3小時釣蝦，如4人同行可獲贈精美蛋糕一個，有得玩又有得食！留意返優惠需提前3日預約。
圖：La Famille 免費嘆戚風小蛋糕
生日優惠日期：2022年10月31日至2022年11月2日（已完結）
La Famille嘅戚風蛋糕唔太甜，口感鬆軟，一直受甜品控歡迎，佢哋每個月重會挑選一日壽星送蛋糕俾佢哋，而今個月嘅幸運兒係11月10日生日嘅你～只要喺10月31日中午12時至11月2日中午12時期間，按以下登記步驟，就會免費換取戚風小蛋糕一件，活動採取先到先得形式，而成功登記嘅壽星會收到電郵通知。
登記步驟：
1. Follow其的Instagram（@lafamillecake）及like Facebook（@lafamillechiffoncake）。
2. 進入網站 https://event.lafamillecake.com 填寫並提交個人資料。
3. 成功登記後，你將於48小時內收到成功登記電郵通知，而得獎者將於11月4日或之前收到獲獎電子換領信，喺揀選咗嘅日期（11月7日至11月10日）去門市兌換蛋糕。
4. 得獎者憑換領信上嘅QR Code於所選擇嘅日期，親臨La Famille分店，並向店員出示有效的身份證明文件核對姓名、出生日期即可換領獎品。
5. 參加者必須年滿11歲、持有香港身份證、並為當月嘅生日之星，而每位參加者只可登記一次。
圖：餐廳Facebook
一幻拉麵 屯門店限定送免費拉麵
生日優惠日期：2022年11月1日至2022年11月30日（已完結）
日本過江龍拉麵店一幻拉麵，每日用50公斤蝦頭熬3個鐘製作湯底，令招牌蝦湯拉麵鮮味濃郁。而今個月適逢屯門店開業2週年，更推出生日優惠畀本月壽星。優惠期內正日生日嘅朋友，去屯門店都可以免費嘆拉麵，而本月壽星喺非正日去都有半價優惠，同行朋友則有8折。
CHEF STAGE de Eddy Chu 半價選購晚市套餐一份+送寫名甜品
生日優惠日期：2022年8月29日 至 2022年9月30日（已完結）
餐廳由老闆兼總廚嘅Eddy Chu坐鎮，佢入行逾三十年，曾任職多間星級酒店同高級會所嘅總廚，出品有保證。你喺度可以一邊遠眺港島景色，一邊品嚐海鮮拼盤、慢煮牛扒等西式料理。而今個月使用OpenRice優惠券，壽星可以半價享用晚市套餐一份，並送上寫名甜品同你慶祝生日。
百樂酒店Park café 免費自助午餐/晚餐/下午茶
生日優惠日期：2022年5月21日至2022年8月1日（已完結）
尖沙咀百樂酒店Park café嘅｢拾味南歐｣ 海鮮自助晚餐，以及｢抹茶‧甜蜜地圖｣ 下午茶自助餐都有生日優惠！前者供應伊比利亞黑毛豬火腿、洋蔥芝士辣肉焗生蠔、西班牙蛤蜊辣肉腸海鮮酥皮湯、意大利巴馬臣芝士伴黑松露意粉、西班牙砂煲墨魚汁海鮮飯等菜式；後者則有抹茶堅魚珍珠蠔、海膽抹茶冷麵、抹茶流心多士抹茶北海道3.6牛乳奶凍等特色鹹甜點。而每4位惠顧，1位當月壽星可以免費享用一次，同行朋友則有85折優惠。
圖：餐廳Facebook
圖：餐廳Facebook
凡高廚房 壽星免費+送半磅火燄雪山
生日優惠日期：2022年10月1日至31日（已完結）
餐廳以梵高名畫「夜間咖啡店」為主題，可以一邊欣賞名畫，一邊嘆西式菜餚，如法式忌廉焗田螺、炭燒US Prime西冷牛扒、蟹皇海蠣子海膽意大利飯等。而以下嘅生日優惠套餐，分別融入以上菜式：4人或以上享用豪華晚宴或金鑽晚宴套餐，當中1位壽星可享免費優惠，並送上半磅火燄雪山加祝賀詞；而貴族2人晚餐可以優惠價$888（原價$1,488）享用得到，甜品則配朱古力心太軟。
圖：Chet3tying、餐廳（FB）
Dodam Chicken 壽星9折 銅鑼灣店 / 觀塘店
生日優惠日期：即日起至2022年2022年12月31日
Dodam Chicken主打嘅韓式炸雞同烤雞，前者用廿多款香料醃製，非常惹味；後者就用高溫迫出多餘油分，皮脆內嫩。另外重有韓式炒年糕、薄餅、等料理，啱晒鍾意食韓國菜嘅朋友。而壽星憑OpenRice優惠券預早訂座，並出示身份証明文件以核對，堂食單點菜式都有9折優惠。
火鍋隨意門 補祝生日送Tiramisu生日蛋糕+78 折優惠
生日優惠日期：2022年4月11日起至2022年5月31日（已完結）
食生日飯梗係要影相留念啦！呢間火鍋店以4個國家為設計主題，包括法國、土耳其、日本同古香宮廷建築，坐唔同位置打卡都一樣咁靚。湯底除咗麻辣鴨血濃湯鍋外，惹味黑胡椒卜卜蜆雞湯鍋都係唔錯嘅選擇，配搭手切本地牛頸脊、鹿兒島黑豚肉等肉類都好夾。而家餐廳更推出「1-5月生日月補祝生日優惠」，只要你係呢幾個月份內生日，均送Tiramisu生日蛋糕同享有78折優惠。
圖：littlewhitemouse、leungmeikwan
牛魔 封門柳免費增量
生日優惠日期：2022年5月1日至2022年5月31日（已完結）
尖沙咀有唔少燒肉店，呢間就主打美國、日本同澳洲嘅和牛，有單點同套餐選擇，其中日本和牛為A4級，香口又唔會過太過油膩。而且每張檯都有部自助啤酒機，等大家想飲幾多就斟幾多。5月生日嘅壽星，凡晚市2人或以上，可享有封門柳免費升級50%優惠，由原價HK$198/100g變成150g，而且係原條狀態供應，可以除喜好剪成想要嘅厚度。
圖：natalir
Hungry Monkey 送300ml清酒一支
生日優惠日期：2022年6月1日至2022年6月30日（已完結）
銅鑼灣呢間日式鐵板燒餐廳，裝潢走型格路線，用霓虹燈做裝飾，畀人新潮又年輕嘅感覺。食物款式亦幾多選擇，有自創嘅港島燒、袋裝嘅清酒煮蜆、果味雞尾酒等。而家當月生日嚟用餐時，出示身分證確認本月生日，並惠顧滿$1,000，即送300ml清酒一支。
圖：Mokumoku Yakiton 指定分店各有不同優惠
生日優惠日期：2022年6月1日至2022年6月30日（已完結）
呢間日式豚肉串燒専門店由日籍料理達人Kei San監修，多款豚肉之中，必食日本岩手縣嘅白金豚，油花分布勻稱；另外重有本地限量供應嘅新鮮豬內臟，製作豬腰、豬心等串燒。而家當月生日嘅朋友預訂4位或以上，並出示身分證核實，即可享用以下生日優惠：
尖沙咀店
1. 全單9折
2. 720ml嘅清酒買一送一
3. 免切餅費
銅鑼灣店
1. 送指定清酒1壺
圖：餐廳Facebook
燒肉臻 送清酒BOX
生日優惠日期：2022年6月1日至2022年6月30日（已完結）
主打日式燒肉嘅燒肉臻，有專人幫你燒製唔同肉類，等你品嚐熟度啱啱好嘅質感，其中餐廳自家製嘅低溫熟成牛肉特別濃味。而場內雖然有自助清酒售賣機，但今個月生日嘅朋友嚟慶祝生日，會獲贈清酒BOX一盒，咁飲免費酒點都開心啲嘅。
圖：漁獲浜燒 送壽司蛋糕
生日優惠日期：2022年6月1日至2022年6月30日（已完結）
燒海鮮除咗係BBQ，日式浜燒都一樣別具風味。漁獲浜燒由日本直運多款新鮮海產到港，長腳蟹、甲羅燒等鮮味食材都畀你有返家鄉嘅感覺。今個月生日嘅朋友，嚟食滿$2,000更即享免費壽司蛋糕1個。
圖：餐廳Facebook
鳥居居酒屋 送清酒1瓶
生日優惠日期：2022年6月1日至2022年6月30日（已完結）
近年鳥燒店愈來愈受歡迎，鳥居居酒屋就選用日本鹿兒島赤雞製作串燒，肉質嫩滑鮮味。而家當月生日嘅朋友嚟用餐，折後消費滿$2,000並出示身分證確認本月生日，就送你300ml清酒1瓶。
圖：芝加哥串燒酒場 網上訂座送燒生蠔+雪糕蛋糕
生日優惠日期：2022年6月21日至2022年8月31日（已完結）
呢間串燒酒吧餐廳喺大埔幾受歡迎，皆因菜式選擇多，由基本嘅豬腩肉、京蔥、雞軟骨，到巨型安格斯斧頭扒都有，而且配搭啤酒同雞尾酒都好夾。而家元朗分店更推出新張優惠，經OpenRice網上訂座，每位即送燒生蠔1隻；如果5位以上而當中有正日生日嘅壽星，則加送雪糕蛋糕1個。
圖：響日本燒肉 午/晚市和牛海鮮燒肉放題壽星半價
生日優惠日期：2022年7月1日至2022年8月31日（已完結）
午市時間食生日飯都可以好豐富嘅～好似呢間日式燒肉餐廳嘅和牛海鮮燒肉放題，午市同晚市都供應逾90款食品，包括來自日本、澳洲、美國3地嘅牛肉，以及海鮮、刺身、天婦羅、炸物等日式料理。而家當月生日嘅朋友預訂4位或以上，並於落單前出示身分證核實，壽星可享半價優惠。
圖：