極尚大喜屋 (鱷魚恤中心)

營業中

休息中

今日難得放假 同埋好耐冇食放題 所以特登嚟食個午市放題 $218 @ 1 價錢好抵食 基本上可以食到3 點 又多選擇🥳 估唔到平日都咁多人！ 飲品有好多選擇 基本上凍飲 熱飲 仲有清酒梅酒 仲有軟雪糕同埋其他雪條雪糕 自助餐仲有其他熟食 例如章魚小丸子、豬手、沙律吧等等而且仲有凍蝦同埋蜆😋 凍蝦要早啲出去拎 因為之後就會被人掃晒😆 刺身例如甜蝦、帶子、吞拿魚、三文魚、大蝦都有齊 要讚一讚隻蝦 好大隻又彈牙😙 手卷都有好多款式 仲有海膽手卷😍 壽司都有唔同款式 最欣賞係三文魚壽司、帶子壽司 同埋有個芝士蟹籽拌櫻花蝦多士😍 多士脆卜卜同蟹籽櫻花蝦好夾！炸物方面 我最欣賞都係榴槤炸彈！自己一個都食咗三粒！外表脆卜卜 入邊榴槤蓉滑溜味濃 爆汁嘅感覺！另外芝麻雞翼都好食😋熟食就推薦呢個一口牛 整到好入味 牛粒又juciy！ 出面仲有成個甜品櫃 推介牛乳布甸 同埋泡芙🥳 再食埋個糖水 雪耳龍眼😋 真係好抵食！

今次第一次去鱷魚恤嗰邊食放題，之前都係喺亞太中心😝原來係2個集團黎！！今次一去到鱷魚恤嗰邊，好舒服好大隻窗，而且人同人之間距離有番咁上下，坐得好舒服！！今日去食lunch!可以由12點坐到3點🤘🏻可以慢慢食慢慢坐慢慢傾☺️價錢又唔算好貴！218一個人再加一！佢係掃QR code落單嘅！叫咗好多野食🫣嘢食未到，我哋就出咗去行咗個圈睇吓有咩前菜可以食住等！！外面好多選擇咼！有沙律，熟食，勁多甜品😗估唔到有清酒飲添呀！！軟雪糕有雲呢拿味同綠茶味，2樣都偏甜小小嘅！但對於放題店黎講，都幾好食😋前菜仲有熱食，炸餃子，炸雞，章魚燒添😽其他野食好快都到！！刺身盤嚟啦！！wahh好正呀！三文魚超肥美！！特別有兩次佢俾咗魚腩💕好新鮮！另外，帆立貝都好大粒嘅！其他刺身質素都好好✌🏻✌🏻芝士海蝦！肥仔之選！上面其實係好似pizza咁樣🤣下面就配蝦肉，好好食呀！！！encore咗幾次！好似係得大喜屋先有咋！！牛舌都好好食！唔會好lone或者好硬！每次上菜都係熱辣辣㗎💕仲有鰻魚都好食，切咗一啖一塊咁！熱辣辣同刺身相映成趣❤️成間overall質素都高，特別係午市真係好抵食👍🏼👍🏼👍🏼平啲又坐得耐，又坐得舒服😌

開番晚市堂食之後，第一件事就係同自己講要食餐勁既，於是今晚就同左一個有相同諗法既朋友去極尚大喜屋食餐放題先。其實自己都好耐無去過食放題，因為可能人大左食唔到幾多野，反而更多注重食物既質素。以前既放題好多都好參差，不過今晚大喜屋真係令我對放題重拾信心。 環境-樓底高，空氣流通，座位舒適，環境一流。 服務-相信好多人成日都會覺得放題成日點完野食等好耐都未到，或者份量同點既數目不一。不過大喜屋完全無呢兩個感覺，上菜上得勁快，等待既時間非常合理，份量又足，仲無時無刻都會有侍應收碟，服務非常好。 食物質素-呢個真係好值得讚，首先食物既選擇真係好多，仲有好多特色既食物，好似鮑魚蟹膏昆布山真係好特別又好味，而且食物都好新鮮，基本上我覺得比出面既居酒屋更加好味。另外佢食物既size唔會好大，反而我覺得係優點黎，因為啱晒我可以叫好多唔同種類既野。另外最正既係佢有冷熱清酒任飲！我今晚最少飲左3,4枝😂因為清酒配刺身係一絕既 食到勁飽一人三百蚊有找，絕對係良心價，值得再encore

疫情關係，好耐都冇出嚟食放題啦！ 朋友介紹黎鱷魚恤中心呢間極尚大喜屋食～ 大喜屋可以話係放題嘅始祖！ 呢間分店新淨又闊落！ 平日放工過嚟，本身諗住疫情關係埋平日唔會太多人，點知六點嚟到已經坐咗一半人！去到六點半已經幾乎全院滿座! 卡位坐得幾舒服，Qr code落單方便又快捷。 食物選擇非常多,刺身,壽司,熱食,串燒等等樣樣齊~ 一開始梗係試咗去啲刺身先啦~ 有齊曬我最鍾意食嘅基本刺身。 唔好以為放題質素嘅刺身係麻麻地， 真心覺得佢嘅刺身質素幾高喎。 我最推薦油甘魚，赤蝦，帶子，海螺。 另外醉鮑魚都好值得一試呀，encore 左2次。 壽司方面一定要食呢個 鮑魚蟹膏雪昆布山！ 外面包住薄薄嘅昆布， 有粒鮑魚仔 配搭 魚仔蟹膏， 幾款食才加埋一齊真係好夾！ 燒物方面一定一定要食西京燒比目魚， 比目魚口感非滑，唔散，睇得出個西京燒好有心機整，比得上居酒屋嘅質素！ 蒜蓉開邊蝦 又係另一驚喜， 蒜蓉芝士 唔會太溜，隻蝦大大隻熟度啱啱好 ，一啲都唔乾！ 同埋燒牛舌都喺必食， 我最鍾意食厚身嘅牛舌，咬落去口感豐富又有油脂香味～ 另外值得一提既係佢飲品方面都非常多選擇，最重要嘅係有埋暖飲櫃呀！👍

每次book唔到位或者唔知道食咩嘢時候好，都會揀呢間羊架，芝麻雞翼呢d都係必試，呢間多年都可以保持質素唔差，間唔中亦會有新品所以會不斷返轉頭自助小食都有好多款，例如泰式風爪，小丸子，餃子（煎餃熱辣辣時候👍）熟蝦，蜆…..甜品就麻麻地，總體太甜啦假期一定要提前book位，咪放假日子一般都會full曬

鐘意食日本野既我又搵左間放題食, 今次呢間唔太貴之餘又多選擇飲品櫃種類多, 又有暖飲連清酒梅酒都有真係估唔到頭盤有海鮮同沙律不過我冇夾到一黎就叫左刺身, 三文魚大大舊唔會腥其他赤貝帶子都質素幾好熟食都唔失色推介大家試一試個一口牛舊牛夠味又唔靭同牛舌既好味程度難分高下天婦羅就的骰少少甜品選擇十分多, 有甜品杯又有雪條最正係有個軟雪糕機仲有埋配料我就揀左個海鹽味試下十分軟滑!大食又要多食物種類既朋友唔可以錯過呢間放題!

$288加一/位晚市放題，你俾啲咁嘅級數甜蝦刺身？除咗頭輪俾咗兩隻大少少甜蝦之後再叫就係呢個size，真係好離譜。我平時極少寫食評，今次真係嬲到不吐不快。以後都唔會再幫襯！

大喜屋集團有好多分店，港九新界都有，今次去咗觀塘嘅極尚大喜屋，位置好方便，地鐵站一出就係完全唔洗經過露天。飲品十分多選擇，唔止凍飲仲有熱飲櫃，最signature就係有sake同梅酒任飲，啱哂酒鬼。自助區有幾款炸物、是日例湯、幾款冷盤同生果，仲有凍蝦同凍蜆，質素都唔錯。刺身壽司卷物都好多選擇，三文魚刺身勁厚切，赤蝦都好大條，夠哂新鮮。熱食推介串燒牛舌、西京燒比目魚同燒翠玉瓜牛舌唔會韌，薄切得黎肉味濃，吱埋檸檬汁就perfect 比目魚份量完全唔孤寒，燒得啱啱好，魚肉仲十分嫩滑燒翠玉瓜估佢唔到咁好食，燒到入面好juicy。雪糕有好多款 有本土牌子雀巢，又有唔少韓國雪條，最驚喜係竟然有da dolce ，當日淨係得朱古力味 但係朱古力十分濃郁 好值得留返少少quota食佢。

你哋話喇！究竟佢係蘑菇糖定漢堡包糖⁉️🤣🤣 佢唔係磨菇！係漢堡包🍔！！！ 上個月先同朋友嚟食咗一次，今個月一有聚會又忍唔住再嚟食了🤤🤤 肥死🤰🏻一坐低，首先出去自助區拎嘢飲，我非常欣賞佢有暖櫃，可以飲啲暖笠笠嘅茶☺️ 食到咁飽，飲啲熱茶會舒服啲，無糖又唔驚肥👍🏻另外斟咗細細杯梅酒，都唔錯～ 可以試吓👍🏻👍🏻今次好醒目，一嚟就嗌左上次最鍾意食嘅嘢👉🏻刺身、西京燒比目魚、同埋海膽手卷～ 因為係任食，本身都驚啲海膽會唔會有怪味，但係食過一次就知道呢個擔心係多餘嘅！海膽份量唔算好多，但係都甜！即刻嗌多一個🤣🤣 今次最驚喜係有da dolce 雪糕！！💛💛 上個月都無的！咁短時間就更新咗雪糕選擇，好好呀！

好好食！一直都聽朋友成日提起呢一間極尚大喜屋，但係一直都未有機會去試一試，今次專登約埋朋友一齊去，專門去試下呢一個放題lunch首先叫咗一個牛舌，真係超好食，成日都聽朋友講起，而我平時都好少食牛舌，但今次都忍唔住點完再點，覺得佢燒得好香，而且調味調得剛剛好，真係嚟到一定要試另外要推薦㗎喺個花膠雞湯，成個湯好多料，很足料，仲有一片真係好長嘅花膠同埋不少肉同菜，唔錯唔錯另外佢嘅嘢飲櫃真係非常豐富，甜品都好多，會再來！

因為疫情嘅原因真係好耐都冇去食過放題啦，一直都特別鍾意食呢一間極尚大喜屋，啲嘢好食品質高，而且種類繁多，所以今日專登同朋友一齊黎食，要享受一個放題lunch! 首先一定要推介嘅係每一次嚟都一定要點既雞泡魚干，我哋兩個人食左四碟一人兩碟，真係好好食，咬落去唔會話太乾或者太油或者太硬，恰到好處，而且調味都好足夠，所以真係極力推薦然後叫咗唔少刺身，都係幾新鮮，幾抵食，仲有平時每次去日式餐廳都會好想食嘅香煎比目魚😋 真係唔錯！

極尚大喜屋一直都係我心目中嘅放題首選，皆因食物款式包羅萬有，座位闊落，舒舒服服中任食～🍣午市放題💰$218@1✅推薦：串燒：鹽燒牛舌、燒溫室甜菠蘿、牛油燒翠玉瓜、燒香草羊鞍熟食：雪花牛肉鍋、牛肉湯烏冬、芝麻雞翼、榴槤炸彈刺身：北海道帶子、象拔蚌、赤貝、甜蝦壽司：蒜香青蔥燒牛肉壽司食日本放題，第一輪當然要點一盤刺身拼盤，每款幾塊，拼起一個大拼盤，睇到好滿足☺️我最鍾意食帶子，鮮甜美味，象拔蚌、赤貝爽口，喺我嘅至愛！下一輪點咗啲熟食，串燒嚟講，我最鍾意食燒菠蘿，燒完一啲都唔乾身，保持到菠蘿本身嘅水份；牛舌火炙焦香，嚼勁十足；香草、羊鞍十分夾，燒至油香四溢熟食嘅雪花牛肉鍋配料豐富，壽喜燒汁甜度恰到好處；牛肉湯烏冬湯底清，兩者一樣咁出色👏🏻最衰食唔落，唔係一定會encore！甜品有自家製甜品及雪條等，我新嘗試Ekselence系列嘅雪糕批，最鍾意食經典迷你杏仁雪糕批，脆身杏仁朱古力皮，配上雲呢拿雪糕口味，經典！🔅環境鱷魚恤呢間分店地方好大，枱夠大所以坐得舒服，不過枱與枱之間嘅距離較窄，同其他分店一樣，前菜、沙律、飲品、甜品區一律喺大堂，任君選擇

疫情後已經好少食放題喇🥲；以往同朋友食放題一般會約係MK，貪就腳😆，今日約左係apm行街，所以就係鱷魚恤中心揀左呢間，食飽先有力行🤣🤣🤣📝餐廳採用QR code點餐，方便快捷；一坐低就即刻點刺身同壽司🍣 ，款式選擇有好多，質素亦都唔錯，非常新鮮😋；三文魚、希靈魚、仿鮑片、象拔蚌、甜蝦，仲有😍我至愛嘅北寄貝、油甘魚🐟、螺片同埋帶子，新鮮鮮甜；赤蝦🦐大隻得來仲有膏🥰；🧊冰鎮花雕鮑魚軟淋淋帶小小花雕香；壽司款式多，飯團大小適中，一啖一件，十分方便食，值得一讚👍；🧀芝士鰻魚玉子燒層次豐富，🧀芝士蟹籽伴櫻花蝦多士囗感好特別，帶子吞魚蓉塔味道清新，🔥鹽燒三文魚腩同🔥蒜香清蔥燒牛肉用火炙過，香氣四溢，醬燒帝皇蟹棒既蟹腳好長🤣，蟹肉蟹膏軍艦壽司同海膽手卷都好鮮味🤤，新嚐試鮑魚壽司，鮑魚應該係罐頭鮑魚，但都唔錯😎⭐️好味的熟食推介：蔥爆鱔球有驚喜🤩，味道濃郁，鮮甜肥美😋好惹味，蒜蓉牛油🧈芝士🧀焗開邊蝦🍤，醬汁內有三色椒🫑蟹柳同埋🦀️蟹子，好味👍，可以encore🍡🍢好味的串燒推介：🐂鹽燒牛舌牛味十足，而且唔un，encore左8串🙊，燒羊鞍有孜然味，唔so😉，🔥燒菠蘿🍍夠甜，解膩至good👍，重點一提，串燒

之前都要用紙落單🤔，宜家已經upgrade 到用網上就可以下單😮，仲有參考圖片睇，唔會唔知自己叫左啲咩，感覺好好唔需要拆盲盒咁講少少熱食，當中令我有深刻印象嘅係😍1.花雕醉鮑魚😋，去放題竟然有得任食鮑魚，用酒醉過既新鮮鮑魚，好入味，散發陣陣酒香。2.鹽燒牛舌😋，牛舌好唔好食真係要睇師傅嘅技巧，只要燒過頭少少就會好韌，呢度嘅火候啱啱好，牛舌爽脆。3.天婦羅同炸物😋，粉漿唔會太厚，生熟程度啱啱好，咬落去脆卜卜。其實仲有好多好好食嘅嘢，但係真係文字上表達唔到咁多🤣總括嚟講係高汁嘅放題😋

大喜屋呢幾年真係開到鬧市區總有一間👍，而且經常爆滿，呢排見疫情緩和左少少，今日特登係平日諗住去食下，一上到大堂😂依然排緊長龍等入座，不過店員都好快安排到🤩，我地大概等左5分鐘就入座，6:30-8:30 收費$278加一叫咗刺身，就即刻出去自助吧睇下，嗰度有熱食，嘢飲，甜品，沙律等…一應俱全🥳，自己可以拎鍾意嘅份量，唔會造成浪費一坐底梗係照舊要order魚生先！魚生種類好多有成13款🤭，例如係帶子，油甘魚，仲有一款出面好少見叫做花海哲，魚生好新鮮😋，同埋切得好平均，花海哲亦都爽口新鮮，連蝦既刺身都有兩款，真係眼花撩亂😵‍💫，樣樣都想試！