極尚大喜屋 (鱷魚恤中心)

營業中

休息中

大喜屋集團有好多分店，港九新界都有，今次去咗觀塘嘅極尚大喜屋，位置好方便，地鐵站一出就係完全唔洗經過露天。飲品十分多選擇，唔止凍飲仲有熱飲櫃，最signature就係有sake同梅酒任飲，啱哂酒鬼。自助區有幾款炸物、是日例湯、幾款冷盤同生果，仲有凍蝦同凍蜆，質素都唔錯。刺身壽司卷物都好多選擇，三文魚刺身勁厚切，赤蝦都好大條，夠哂新鮮。熱食推介串燒牛舌、西京燒比目魚同燒翠玉瓜牛舌唔會韌，薄切得黎肉味濃，吱埋檸檬汁就perfect 比目魚份量完全唔孤寒，燒得啱啱好，魚肉仲十分嫩滑燒翠玉瓜估佢唔到咁好食，燒到入面好juicy。雪糕有好多款 有本土牌子雀巢，又有唔少韓國雪條，最驚喜係竟然有da dolce ，當日淨係得朱古力味 但係朱古力十分濃郁 好值得留返少少quota食佢。