極尚大喜屋 (鱷魚恤中心)

營業中

休息中

放工約朋友出去食放題，近近地就約去極上大喜屋，地點方便(觀塘地鐵站一出行兩分鐘)。餐廳地方都算大，6:30去到已經座無虛席，門口當眼位已經係放置多款小食、甜品、冷熱飲品等。未開始點野食就出去攞野飲，除咗有汽水、茶之外，仲有凍同熱嘅清酒🍶同咖啡☕️，絶對吸引。我哋仲睇定有咩甜品飯後食，因為實在有太多選擇😂一邊傾計一邊用QR code點食物，好方便。唔好以為放題淨係得魚生、壽司🍣、天婦羅🍤、壽喜燒🍲等日式食物，我哋仲食咗好多fusion菜式，有花膠、咖喱軟殼蟹、蒸扇貝、牛油煮蜆、羊鞍….食到呢度其實已經飽到上心口，但甜品來講係屬於第二個胃，所以我哋又急不及待出去攞軟雪糕 (抹茶味好正)、雪條、十幾款”一口”精緻甜品🍮😝 份量啱啱好，可以每隻甜品都試吓👍🏻我最鍾意就係三文魚、帶子、赤蝦、象拔蚌刺身，encore左幾次，另外花膠盛宴都唔弱，大大塊感覺好養顏。仲有個 榴槤炸彈，一上碟已經聞到陣陣香味，都係必食之選😋!!其實一個大人$300都唔使就食到兩個鐘放題，食同飲品都有咁多選擇，真係好抵呀！

️難得放假同男朋友去左觀塘行街😆想食放題 就會念到呢間 因為假期人均都唔洗三百 所以全場都坐滿人 餐廳環境乾淨企理 地方夠大坐得好闊落 三小時任坐任食 真系好抵架😆食物質素高 系用qr code落單 方便又快捷！壽司、刺身方面食放題第一樣會點既就一定系刺身啦 我地叫左三文魚、赤蝦、帶子等 都好新鮮大塊 底層仲有冰 咁就唔怕暖晒啦😍 仲有特別款式既壽司 例如芝士炸蝦卷 花之戀等等 全部都細細件 岩晒我地😆燒物、炸物方面串燒有我最愛既牛舌 牛味香濃 食落好爽口 用少少鹽做調味已經好好食😋當然一定要叫燒雞翼 大大隻 燒到岩岩好 皮脆肉嫩 炸物一定要叫芝麻雞翼 系極尚中喜屋既招牌 芝麻味香 好脆口 食落啖啖肉 會encore😆仲有炸蠔、軟殼蟹呢啲 都系高質炸物！熟食方面叫左雪花牛肉鍋 🙌🏻唔好睇佢一碗好大 唔兒戲好好食架 牛肉好嫩口 入口即溶 再加埋雞蛋同壽喜燒 一流既口感！露筍蝦球系呢排先新推出既 蝦肉口感爽彈 配埋幼身爽脆既露筍好正 必食推介好小見到出面有蒜蓉粉絲蒸帶子 用錫紙兜裝住 帶子厚肉好鮮甜 仲有粉絲蒜蓉 好正！飲品、飲品方面飲品方面有好多款 有一個大既冷雪櫃 裝住唔同款既茶類或紙

餐廳環境： 第一次上嚟鱷魚卹中心， 因為之前舊舖在亞太中心，新店面積比舊店舖大很多，座位比舊舖寬敞少少，但是還是一般放題的間隔。 但是自助取餐區和自助飲品區就比舊舖大很多。食物質素： 大喜屋出名選擇多，質數亦有保證。 魚生新鮮， 壽司不會太大件， 一口一件非常好，不會浪費食物。 非常推介左口魚壽司， 魚油非常充足，每次食大喜屋必點。 另外熟食推介牛舌同羊架， 我朋友每次必食五串牛舌+四塊羊架。 另外大喜屋還有開邊焗大蝦， 這個亦是必點的。 只是甜品略為遜色，不是太吸引，但可選擇食雪糕和雪條，款式非常多， 一定有一款啱你食。服務質素： 覺得服務比以前在舊舖好很多，待應很主動幫你清碟，點完食物亦都很快速送到， 大約食了一個鐘已經很飽。 每次食放題一定會想起大喜屋的。

不論定食或放題未夠十二點排長龍。 曾經去過三四間唔同大喜屋集團到食，呢一間環境闊落比較最舒服及光猛除咗茶系列都好多無糖飲品選擇， 杯仔甜品我覺得一般但依款咖啡拿鐵好好味一定要食，上網睇過一支價錢唔平，仲有同一牌子另一款杏仁雪條要必試刺身肥厚新鮮款式多基本所有炸物都好酥脆生蠔鮮甜， 鰻魚肥厚夠juicy，焗開邊蝦質地夠爽記得以前食好多沙律醬唔知係改良咗還是廚師問題依間嘢食好食好多炸香嘅蒜蓉粉絲蒸帶子好鮮甜粉絲索曬汁好嘢未炸榴槤波，鍾意食榴槤一定要嗌新鮮炸起又脆榴槤又香香桃炸大蝦加州卷又係鮮甜啖啖肉西京燒比目魚，用日式醬煎已經入味，魚既質地又滑又嫩不沾沙律醬都好好味仲有鮑魚，蟹肉蟹膏壽司全部材料新鮮，最鍾意D飯細細粒唔會(呀)住個胃除咗手機點單夠方便，自助區仲有沙律吧，各式熟食同甜品區夠哂滿足

今日過嚟觀塘行街之餘，順便嚟鱷魚卹中心食個日式放題， 都咪話行日晏晝去都好多人排隊， 有心食最好訂定位 食咗咁多間極尚大喜屋觀塘呢間坐得最舒服， 地方寬闊樓底高今日仲安排坐窗邊位， 自助區選擇亦十分豐富，唔等得嘅我第一時間攞左炸雞餃子豬腳及一些凍海鮮， 炸雞香脆嫩滑 邊食邊落order， 指定動作來一個刺身拼盤， 整體刺身新鮮豐厚， 赤蝦都算大隻個頭D膏都好鮮甜。 另外炸物和燒物都唔錯， 榴槤炸彈芝麻雞翼吉列炸蠔都係我至愛 燒羊架力推肉質非常鮮嫩冇蘇味， 我翻閹咗四次 西京燒比目魚亦都係回本之選！ 咖哩軟殼蟹和焗開邊焗蝦都好食！個咖哩汁如果再濃郁啲就仲正 其實整體嚟講所有食物的味道和份量都恰到好處 一口燒牛肉亦都嫩滑唔韌。 最後值得一讚嘅係這款拉脫維亞牌子的雪糕批， 份量細可以食多幾條， 出面買一條都二三十蚊 食咗幾條雪糕批完美結束呢一餐

🤍極尚大喜屋🖤觀塘開源道79號鱷魚恤中心3樓📍呢間極尚大喜屋算係性價比質素高又抵食既放題，餐廳環境好舒服，放題最棹忌黑麻麻，呢度燈光光猛衛生，坐位闊落，每張之間都有舒服既距離，唔會太逼。📝QR code 落單勁方便，減少甩單情況，一目了然想食乜嘢自己控制。🍽食物款式好多，刺身、壽司、卷物、軍艦、手卷、一品料理、燒物、串燒、炸物、天婦羅等🍤🥢自助吧有前菜，冷盤、生果、甜品、飲品都好多選擇，酒精飲品無額外收錢😍🍣刺身拼盤刺身係回本位，試哂唔同嘅刺身，尚算新鮮，三文魚、油甘魚超肥美鮮甜，性價比極高，另外細細隻甜蝦比赤蝦鮮甜。🍙手卷有海膽、吞拿魚腩碎手卷同三文魚子手卷，細細舊飯，一口食落口，海膽新鮮冇腥味！🍲熟食款式亦都唔錯，鮑汁花膠2塊大大舊，西京燒比目魚香滑入味，外皮煎得香脆~🐟風味淋燒魚乾，鹹味適中，居酒屋一小碟都要幾十蚊，回本值之選！🍍串燒除咗燒牛舌之外，非常推介燒菠蘿！菠蘿味甜多汁，可以解油膩感助消化！

📍極尚大喜屋🥢觀塘開源道79號鱷魚恤中心3樓🔸日式放題嚟講，大喜屋真係數一數二嘅首選，價錢唔算貴又多選擇，今次試咗觀塘呢間分店，坐得非常舒適，環境又大🔹一入到去餐廳當然要出去出邊拎嘢食，出邊有海鮮、小食、甜品同飲品，我哋就拎咗章魚小丸子，新鮮整好熱辣辣好好味🧆🔸小食非常推介風味淋燒魚乾！飲落香口又重魚味，點埋蛋黃醬食，食唔停口！另外都不停點左蒜蓉粉絲蒸扇貝，表面大量蒜蓉，扇貝亦都好大粒彈牙😋🔹刺身我哋咩都點咗試吓，三文魚、油甘魚、吞拿魚都新鮮好食，最推介係象拔蚌片，非常爽口，咬落又鮮甜，推介大家一定要點嚟食！🔸另外呢度仲有得任食海膽手卷、拖羅蓉手卷，每款嘅份量都多，但係白飯只係佔一小口(餐廳都好識做🤣)，我哋加埋食咗十幾份，簡直係回本之選！😎🔹今次第一次點左蟹粥食，估唔到非常鮮香！粥底啖啖蟹肉味，再加埋粟米好清甜！一份粥底竟然有三隻蟹腳同埋蟹鉗，好足料🦀

見同朋友嚟開觀塘，又超級肚餓，所以就嚟咗呢間極上大喜屋食個晏晝。平時都有食開唔同嘅放題，但係呢間又的確係有啲唔同。放題嘅食材質素好重要，呢間就做得非常唔錯，魚生非常新鮮。即使係大熱天時，都keep到食材嘅新鮮真係好重要。又講吓我哋食咗啲乜先。第一round叫咗唔同嘅刺身，有三文魚，赤蝦，帶子，油甘魚，希靈魚。真係樣樣都好新鮮。冇嘢可以挑剔。海膽手卷都正！唔會腥，又creamy 又香第二輪我哋就帶咗啲壽司同埋手卷。壽司有花之戀，火炙鰻魚。火炙鰻魚真係超正。鰻魚大大件，再加埋火炙，真係帶出左鰻魚嘅美味。第三輪，就嗌多啲熟食。我哋叫咗天婦羅蝦，芝麻雞翼。天婦羅蝦唔會太多粉漿，隻蝦有新鮮同彈牙。真係好好食。芝麻雞翼就炸得好好，唔會太油膩，醃得又入味。當然就唔少得甜品作結，有成櫃嘅雪糕甜筒，雪條任君選擇。真係食得非常滿足。

今日放假同男朋友去左觀塘行街睇戲，睇戲前要醫飽個肚先，一早book左鱷魚裇中心三樓既極尚大喜屋，假期都幾多人食放題，餐廳環境乾淨企理，地方夠大坐得好舒服，連自助區都分左幾個area: 沙律及小食、熟食、甜品、飲品，最驚喜既係呢度連軟雪糕機同夾糖都有，啱哂一家大細過黎食飯，抵食過酒店自助餐好多🔶天婦羅、炸物🔶天婦羅我就叫左軟殼蟹，都幾大隻，口感外脆內軟，熱食最好食，仲有必食既芝麻雞翼，香口野最啱我，食到停唔到口❤️自助區仲有炸餃子，用個熱風機熱住唔怕冷氣吹到凍哂👍🏻👍🏻👍🏻🔶燒物🔶燒物有串燒類同海鮮類，見到好多人推介燒鮑魚，鮑魚一口size煮得剛剛好，仲保持到鮑魚原有既鮮味而口感依然夠彈牙，上面仲有三文魚籽做點綴，鮮味十足，串燒牛舌牛味香濃，用少少鹽做調味已經好好食😋🔶壽司🔶壽司都好多款，仲有特別款式既壽司，例如芝士炸蝦卷、三文魚花之戀壽司等等，用心既配搭加上優質食材，性價比好高💯🔶熟食🔶雪花牛肉鍋 - 牛肉油花頗高，入口即溶，正露筍蝦球 - 一客份量都幾多，大概有三至五隻蝦，口感爽彈配埋幼身爽脆既露筍好正😍蒜蓉粉絲蒸帶子 - 用錫紙兜裝住，帶子厚肉好鮮甜🔶飲品🔶飲品方面有酒精類同非酒精類

約咗朋友放假來觀塘啲工廠大廈去玩下室內射箭，順便就book埋呢間位於鱷魚恤中心嘅極尚大喜屋。呢排都冇機會去日本，放假食下日本嘢，就當自己好似返咗鄉下咁。星期一至五午市嘅放題價錢係成人$218 ，小童$158。而其他日子成人都只係貴多$10。仲要俾你食足三個鐘。飲品勁多選擇。同朋友嘅食量都唔係太大，就採取左先食魚生嘅策略。呢間放題嘅魚生刺身真係有超多選擇。嗌咗三文魚，象拔蚌，油甘魚，甜蝦，赤蝦。真係嗌到多到唔好意思。用料新鮮就一定係啦，來嘅速度亦都真係超快。大食嘅朋友就有福了。之後就叫咗啲卷物。有芝士軟殼蟹卷。軟殼蟹炸得好鬆脆，配埋個芝士，真係絕配。仲有嗌咗花之戀，唔會好似其他餐廳咁勁多沙律醬。至於熟食方面，嗌咗個芝麻雞翼同羊扒，調味非常出色，又炸得鬆脆。超級好食。最咪留返個肚食甜品。甜品又係有超多嘅選擇有好多唔同自家製嘅甜品杯，又有現成嘅雪糕同雪條。真係花多眼亂。最後只係食咗個現成嘅雪糕作結。

放題again~ 今次係觀塘食，餐廳場地超大，起碼幾千呎，平日晚上座無虛席，好熱鬧🔥前菜好多選擇，有川辣雞翼尖，蒜香微辣好惹味！同無骨鳳爪，彈牙酸辣好開胃！刺身叫咗三文魚，油甘魚，希靈魚，象拔蚌，花海哲，甜蝦，鮮甜爽口～和風黑松露吞拿魚，魚子醬伴真鯛，好小放題會有呢種矜貴食材～仲有風味淋燒魚乾，送酒一流啊～燒物好滿意～蒲燒鰻魚，西京燒比目魚都燒得啱啱好，好香～鮑魚蟹膏雪昆布山，呢個好特別，彈牙鮑魚配香醇蟹膏好夾👍🏻黃金焗𨴴邊蝦，蝦肉鮮甜，千島醬醬香味美～蒜蓉粉絲蒸扇貝，扇貝大大粒，蒜香十足～薑蔥爆鱔球，獲氣好夠，洋蔥同香蔥都充滿油嘅香味😍最後仲可以自己吱軟雪糕食～味道有抹茶，雲呢拿，mix，好好玩啊！

每一次食放題都一定會諗起大喜屋先，因為夠穩陣，講求實際，食物味道唔錯，定期有唔同嘅食物更新。出邊擺放小食有章魚燒、炸餃子、麻辣雞翼尖、東風螺及雞湯。凍櫃有凍蝦、蜆，另外有中華沙律、泡菜、帶子裙邊、酸辣雞腳、沙律、生果等等。甜品櫃有Tiramisu、冬甩、牛乳布甸、乳酪，仲有唔同口味嘅雪條，今次發現有韓國嘅黑糖珍珠奶茶雪條，即刻試咗。主食方便，除咗一般嘅魚生、壽司、熟食之外，仲多咗咖喱軟殻蟹，當然特別推介好食一定係海膽手卷、一品花膠同埋串燒，牛舌及雞軟骨必試。飲品方便除咗一般飲品，細心位有熱蜜糖菊花茶，仲有近期最Hit嘅零糖分零卡路里飲品，飲品種類選擇多。總括而言唔錯，食物以款式多為主，味道都唔錯，維持到水準。

我今日同朋友去咗觀塘呢間大喜屋食日本放題，地方好大。餐廳食物款式有很多選擇，除咗可以QR code 落單，餐廳仲設有多個自助區域，包括飲品區，甜品區，熟食區都有多款選擇給客人，未落單就出去醫下肚先。QR code落單有超級多食物包括刺身，創作壽司，火焰壽司，手卷，軍艦，不同的卷物，日式料理，炸物，天婦羅和串燒。西京燒比目魚比目魚燒得好香脆，肉質嫩滑，厚肉冇咩骨，醬汁好惹味。鹽燒牛舌牛舌燒到好香，口感爽口不膩，牛香味濃，加咗椒鹽好惹味，推薦。鹽燒雞軟骨雞軟骨好爽脆，鹽燒後好香脆。香草牛油煮鮮大蜆蜆肉好大隻好鮮味，經過香草同牛油煮可以帶出鮮味。炸蠔外面炸得好酥脆，內裏餡料熱辣辣，creamy多汁。炸芝士竹輪外面香脆，咬開會有香濃芝士軟心。刺身食日式放題刺身係重點項目，呢度款式多、質素都唔錯，三文魚好肥美，希靈魚好爽脆，赤貝同甜蝦都鮮甜爽口。豬軟骨拉麵拉麵熱辣辣，面身爽口掛湯，黑蒜油豬骨湯底都幾香濃，豬軟骨炆得幾入味幾淋。風味淋燒魚乾口感好似魷魚乾咁樣，不過除咗鹹香中帶點魚香味同醬油味，燒得好香脆好惹味，點埋沙律醬同七味粉食非常夾。牛油粟米好香甜好重牛油味最後甜品區有多款雪條和雪糕很多選擇，

今日嚟觀塘大喜屋食放題，食飯時間好旺場，地方好大，連自助區域都分咗幾個區，包括飲品區，甜品區，沙律及小食…😙我哋兵分兩路，一個負責出去自助區拎嘢食；一個負責落單。呢度用QR code落單，可以喺網上系統睇到自己點咗啲乜嘢同有咩未嚟，減少漏單錯單嘅機會。自助區款式好多，可以喺嘢食未到之前醫下肚先，有凍海鮮🦐，熱食🍲，水果🍉，沙律🥗，湯品，甜品🍮，雪糕🍨，飲品🧃… 連飲品都有暖櫃飲品同多款熱飲，仲有清酒同梅酒🍶食物全部都有蓋蓋住，好衛生👍🏻呢度熱食選擇好豐富，特別係小炒類好夠熱好有鑊氣：特別推薦薑蔥爆鱔球&黑椒蜜汁一口牛，有中菜餐廳的水準，薑蔥爆鱔球醬汁好香好惹味，鱔球都幾大塊多肉，黑椒蜜汁一口牛牛肉結實又唔韌，黑椒蜜汁好香好惹味燒物都燒好香，牛油翠玉瓜燒到好香好爽脆；燒菠蘿酸酸甜甜，開胃消滯；蒲燒鰻魚厚肉冇咩骨，配埋蒲燒汁好惹味；鹽燒鯖魚燒到外皮香脆好香口。刺身整體新鮮，冇咩雪味，款式都好多，order數量一致。赤貝同象拔蚌爽脆鮮甜，花海哲都幾特別，除咗爽脆之外仲好滑身，三文魚厚身鮮味😊手卷我叫咗海膽，三文魚子，吞拿魚蓉3款，上碟嘅時候手卷嘅紫菜都仲係脆嘅👍🏻，大細啱啱好；海膽鮮甜Cre

約半年前黎過食lunch set 覺得質素唔錯，當時見到隔離位食放題好吸引！一路都諗住call 班朋友黎食🥴 點知就嚟個禁堂食。。。最近班朋友終於按耐不住，決定黎個晚市情深對話😂傾吓近況7:15pm到達已經好多人walk in 排隊，估唔到平日都咁多捧場客！😳好在餐廳位置好充足，好快有得入👍🏻  餐廳景觀開陽，樓底極高坐得好舒服放題可以享受自助吧多款前菜、炸物、椰子雞湯、🦐凍海鮮、甜品、🍦雪糕等等！凍櫃飲品有廿幾款，熱飲居然有清酒🍶而我最欣賞嘅係🍈熱蜜瓜豆奶！食物方面，質素中上～　🍣刺身非常新鮮，而且款式都幾多！特別係三文魚刺身入口肥美，貝殼類彈口新鮮炸物方面，朋友最喜歡榴槤波波，佢話咬落去爆漿好濃味😂而我最欣賞係炸鮮奶！細細個最鍾意食，估唔到呢度都有❤️❤️❤️ 新鮮炸出嚟非常之好食，另外天婦羅系列都唔錯放題有提供日式小鍋同燒物（牛舌，羊架，雞軟骨，燒菠蘿好正）等都好正常丫🥸但估佢唔到有中式菜式 (例如香葱爆鱔球，黑椒蜜汁一口牛，花膠烏雞湯) 都好出色~ 😋落單採用QR Code 手機落單，同枱點左咩野，到左咩野都好清晰～不會出現漏單情況～