極尚大喜屋 (鱷魚恤中心)

營業中

休息中

觀塘呢間分店勁大，好多座位，不過一樣爆滿，最好BOOK 咗位先 例牌動作，一座低用QR code落咗刺身同壽司先再出去自助區拎小食，冷盤同飲品🧃 刺身款式選擇勁多🤗叫咗三文魚、油甘魚、吞拿魚、希靈魚，北寄貝、象拔蚌、赤蝦、帶子等等，唔係好多放題都有希靈魚所以一定要試，全部刺身都好新鮮！壽司款式叫咗芝士鰻魚玉子燒、帶子吞魚容塔、蟹籽軍艦等等，太多選擇眼花撩亂芝麻雞翼夠晒熱辣辣脆卜卜勁香口，另外佢個黑椒蜜汁一口牛，好味道LEE 3款必叫~~燒溫室甜菠蘿🍍鮮甜又多汁，榴蓮炸彈都好好味😋，仲有風味淋橈魚乾勁好食，送酒一流！ 最後食埋甜品同雪條，好滿足喔！

又又又又黎到大喜屋，今次就近選擇左觀塘呢間大喜屋，環境闊落舒服，自助區對比同店大喜屋呢度都算幾大，選擇又多，最緊要沙律吧、海鮮、酒品類、雪糕、甜品、汽水都夠曬 寬敞，唔需要特別同人逼埋一齊！今次想講講出面自助吧提供既食物，同店大喜屋一向都有凍熟蝦、同埋其他海鮮，例如青口等等，而呢間最令我意外有凍熟蜆，食落去冇沙都好爽口好乾淨。凍熟蝦都容易脫殼，有啲仲有蝦膏都感覺唔錯，食得過！當然仲有好多熟食都值得一試，例如炸雞粒、薯條薯格、同埋章魚燒，脆炸得黎夠曬邪惡！另外每日湯品都經常會唔同，但最特別最吸引都係烏雞花膠湯，早啲斟先有機會夾到完極花膠，不過個湯都煲得好好味！

太耐冇食過放題，今日約左同朋友一行4人一齊黎到鱷魚恤中心既極尚大喜屋，12:30上到黎已經好多人係出面安排緊入座，呢間原來好大唔止可以自己QR code 落order，出面仲有個area有好多野食自取，有雪糕區，甜品區，熟食區，飲品區，令我驚嘆既係佢淨係個自助冷凍飲品雪櫃係勁大，仲要有啤酒拎，淨係啤酒款式都超過6款，另阱仲有2款清酒揀，無酒精更唔洗講，要樽裝罐裝定紙包裝要果汁要凍要暖應有盡有。雪糕甜品加埋都超過20款，好誇張。用QR code落單既食物出得好有效率，落左單唔夠5分鐘，即係你出一出去行個圈拎下野飲野食，番到黎野食已經開始黎到，仲機乎冇溜單出錯。呢到嘅野食可以話咁容易食到番晒本，lunch放題只係 $228 再加一任飲任食，重點係由12點食到3點，真係食到你飽再抖陣再食都大把時間，食物方面除左刺身夠新鮮外，海膽同三文魚子又任叫之外，D熟食竟然會有花膠，鮑魚，咖哩軟殼蟹，蜜汁燒白鱔，沙律燒大蝦，蒜蓉粉絲扇貝呢D o係其他日式放題少見比較貴價既食野食揀，仲要樣樣都真心覺得味道同質素都唔錯。最後食雪條會私人推界一定要試佢果2款係黎自北歐既EKSELENCE雪條，見識少既我平時未見

好耐冇出街食餐好，今日同幾個朋友去咗觀塘極尚大喜屋食放題😊店舖環境好大，自助區有冷盤、熟食、沙律🥗、甜品同飲品等。特別在飲品種類很多，連啤酒、清酒🍶都有。我就喜歡自家冷泡玫瑰花茶，濃郁茶味又帶點玫瑰清香，解膩又清爽。除咗自助拎嘢食，仲可以手機點餐，有刺身、壽司🍣、炸物同燒物等等。刺身我喜歡大大隻嘅赤蝦🦐，鮮甜彈牙，同北海道帶子夠鮮味。燒汁鮑魚仔軍艦，大大隻又入味👍🏻熟食方面風味淋燒魚乾燒得香口，蒜蓉粉絲蒸扇貝啖啖肉，配上炸香蒜很惹味。另外羊架、壽喜燒、天婦羅，都係必食。仲有極上花膠盛宴，有大大塊養顏花膠，食落軟淋入味都唔錯。最後甜品有北歐拉脫維亞雪糕🍦、咖啡雪糕棒，食落較甜但有濃郁咖啡味。真係超多款甜品選擇，食到超飽，超滿足😌！

有時肚餓起上嚟，乜都好想食，好肚餓嘅我於是就決定不如去食個放題放肆下喇😂放題第一輪食刺身就走唔甩，呢間啲刺身都ok 厚身，同幾新鮮😋😋另外我哋仲叫咗啲創意壽司🍣 例如係芝士鰻魚玉子，同帶子吞拿魚蓉塔等都幾出色另外啲炸物都幾好，特別欣賞佢嘅炸一口榴連真係好好食🤣如果唔係飽，我諗我會encore，見到陣嚟枱四個女仔叫左差唔多成十粒，佩服呀🤣🤣另外仲有好多其他串燒，鍋物，天婦羅，一品料理等都不能盡錄，太多了….😋出面仲有甜品區，熟食區，沙律小食區，冷熱飲品區同有sake 梅酒任飲任食🤣🍻🍹🍶🥤🧃呢到真係乜都有，你唔餓返幾個鐘先真係唔好嚟🤣

觀塘呢間極上大喜屋地方十分之大🤩，佢不時會更新吓唔同嘅🧆嘢食，呢期有🇹🇭泰式🍛咖喱🦀軟殼蟹添，放工💼同朋友來食放題一流🤤呀。一入到去就見到好大嘅自助區，沙律🥗、小食、熱盤、冷熱飲品🧃、清酒🍶、梅酒🥃、甜品🍮同埋雪糕🍨一應俱全！呢度刺身🤤款式多，質素亦都👍唔錯，我特別😍鍾意油甘魚🐟同埋帶子刺身。另外赤貝鮮甜爽口，赤蝦🦐大隻得來仲有膏🥰添！多款創作壽司🍣十分之吸引，尤其係鮑魚🦀蟹膏雪昆布山，配搭幾特別。🌶辣酒🥃煮螺🐚十分之大隻，啖啖肉好🤤肥美又冇砂👍。熟食🍲款式亦都好多，特別係鱔球好有驚喜🤩，味道濃郁得來🤤鱔又好鮮甜肥美😋，花膠養顏好香滑，另外🧄蒜蓉粉絲蒸扇貝同埋黃金🔥焗開邊蝦🦐亦係必食嘅！呢期有🇹🇭泰式🍛咖喱🦀軟殼蟹😍任食，十分之有驚喜🎉，因為我鍾意食軟殼蟹🦀又鍾意食咖喱🍛，啱晒我口味😋！🦀蟹粥又綿又滑，入邊仲有唔少粟米🌽，十分之暖胃🥰。食完😋咁多嘢再食兩片🔥燒菠蘿🍍解膩啱晒👍！🤩甜品櫃有唔少甜品🍮、乳酪選擇👍。我就最鍾意❤️提拉米蘇同埋焦糖🇮🇹意式布甸🍮，另外荔枝啫喱都幾清新好味😋。雪糕🍨方面佢哋有 da dolce 嘅 gelato，都幾高質👍，特別係佢嘅🍫朱古力味🤤十分之濃郁，另外黑

喺市面上都有各式各樣嘅放題，但係觀塘個人喜好有極尚大喜屋同大瀛喜呢兩間都幾似嘅放題。今日肚餓胃口大，又再嚟食過！我鍾意極尚大喜屋嘅地方係佢性價比特別高！即使假日呢都唔係好貴，而且都好啱我口味！之前爸爸媽咪食親自助餐都會喺酒店食，但帶過佢哋嚟之後佢哋都返唔到轉頭！之所謂性價比高就當然係除咗價錢平之外食物種類都有特別嘅選擇啦！呢度刺身嘅選擇都有好多款，而且刺身船都砌得好靚，種類多到可以砌兩次唔同嘅刺身船，有唔同嘅視覺同味覺上嘅效果！而且呢到仲有其他同價地方未必有既野，例如熱清酒同梅酒，例如係意大利空運既gelato 雪糕雪條，定期都有update, 值得推介！

大喜屋細細個已經食喇，食放題點可以唔食大喜屋？呢間極尚版就更加多野食。好在一早預約咗，可能D人怕第六波，勁多人。不過一至四先收你$288，食足兩個鐘，少人先唔正常，而且啱晒我呢啲要求餓嗎加些😂。地點係正APM隔離，地下都唔洗落。食物款式算係咁，有齊刺身、壽司、卷物、串燒、炸物、鍋物、甜品。唔係頂級貨，不過劣質已經嬴咗。上菜速度都算正常，唔好一次過叫大多款，會放唔落所有食物。QR code落單，先食剌食壽司，之後食燒/炸物同串燒。D創意壽司都幾正，仲有鮑魚壽司，好過癮。西京燒比目魚同埋炸蠔我就最鍾意食。唔可以錯過佢哋嘅爆鱔球、花膠同埋咖喱軟殼蟹。另外清酒、梅酒、啤酒都係任飲。當然仲有茶、汽水、咖啡喇，甜品都有好多選擇，一系列布甸，泡芙、雪糕。仲有新口味甜筒添。

平日放假 又係出動去搵性價比高好西食嘅時候 平日食午市 價錢又平啲 時間又食耐啲🤭 人又少啲呢間放題 一坐底就已經好舒服 比起平時喺旺角果啲放題 呢間非常開揚 位又舒服 面對住一大幅一望無際嘅玻璃窗 刺身都食多幾舊🍣🍣🍣除左QR code落單外 自助區嘅食物都唔少 沙律 前菜 麵豉湯 佢嘅麵豉湯仲要配菜任加🤩 唔洗一大碗先得兩三片海帶 另外佢飲品嘅選擇都多得好誇張 除左咖啡機有熱飲 佢仲有一個暖飲櫃 啱哂寒底嘅我🥶 而部咖啡機仲有美祿咖啡😋魚生刺身都好新鮮 佢仲有平時少見嘅海蜇刺身 海膽手卷 size剛好 一口一件 而海膽都鮮甜 放題有咁嘅質素海膽提供 超值！三文魚子手卷 三文魚子份量都多 咬落粒粒鮮甜芝士炸軟殼蟹卷 軟殼蟹好脆 絕對唔似係整定哂喺度搞到啲軟殼蟹淋bb牛油煮大蜆 啲蜆粒粒都脹卜卜 食哂成兜都係得一粒有沙 仲要隻隻都超鮮甜雞泡魚乾 放題少有嘅小食 平時去居酒屋 叫一客都起碼6-70蚊 我encore左三嘢🤤牛肉鍋壽喜燒 牛肉質素絕對唔hea 面頭仲有隻生雞蛋 建議可以‘now’起佢用黎點牛肉食😋甜品佢都有齊一般嘅款式 軟雪糕 中式糖水 一口甜品 包裝雪糕 而最吸引到我嘅

好耐冇食放題，就約埋朋友去觀塘「極尚大喜屋 - 鱷魚恤中心」， 入到去就見到有自助區，都幾多嘢食，包括沙律及小食區、熱盤區、甜品及雪糕區， 飲品種類繁多，酒精及非酒精都有好多選擇，除咗罐裝同樽裝，仲可以自己斟冷熱飲品、清酒及梅酒， 仲有軟雪糕機，自己隨意加配料，價錢仲好抵，下次要再來。放題方面，用 QR cord下單， 又十幾款種類，包括刺身、創作壽司、壽司、火焰壽司、軍艦、手卷、卷物、炸物、天婦羅、串燒、燒物及煱物，款式都算多，食物質素不錯。刺身大大片，切得都算厚，都算幾新鮮； 天婦羅，熱辣辣好香脆； 瑤柱鮮蟹粥幾鮮甜； 燒汁鮑魚仔軍艦、海膽手卷、薑蔥爆鱔球、榴槤炸彈及燒香草羊鞍等，都好味道，自助甜品區嘅甜品，款式算多，而且幾美味。

再一次放縱，又是一餐非常heavy 的放題，哈哈！對極尚大喜屋的日式放題始於情有獨鍾，無計😅。為什麼這樣喜歡它？因為食材新鮮、選擇又多，款式層出不窮，飲品冷暖任均選擇，冰點亦相當合口味，與其週圍做白老鼠，倒不如揀它，一定不會失望或中伏！😅魚生每一次食都是新新鲜鮮，擺設精美，亦不吝嗇，叫多少便會給你多少，非常大方。最愛的炸物，今次仍是保持水準，沒有油溢味，沒有翻炸情況，樣樣都香脆可口！燒物：燒魚干口感煙韌，十分香甜；燒蝦新鮮爽口；牛吞厚薄適中，有咬口；菠蘿美味鮮甜！餐後甜品當然離不開cakes,雪糕雪條啦，哈哈⋯⋯

好耐冇食日式放題，約埋一班靚媽食飯傾計Metime下先。近近地去「極尚大喜屋 - 鱷魚恤中心」，交通又方便，觀塘站一出就係，我搭89x都好快到達。一入餐廳覺得幾大，行幾步就見到自助區，都好多野食，有沙律、小食（有凍蜆、冷蝦、泰式鳳爪、海螺等），熱盤區（有豬手、雞翼尖、餃子等），甜品區（有豆腐花、啫哩、乳酪等），飲品區除左汽水、凍茶之外連咖啡☕️啤酒🍻清酒🍶都有，仲有雪糕區，另外有部雪糕機係綠茶🍵味同雲尼拿味添！一邊食一邊用QR code Order食物好方便，有十幾款種類，有刺身、壽司🍣、軍艦、手卷、卷物、炸物、天婦羅🍤、串燒、鍋物🍲等首先緊係Order刺身先，估唔到有赤蝦刺身，大大隻好肥味，有叫花膠、薑蔥爆鱔球、蒜蓉粉絲扇貝、西京燒比目魚、風味淋燒魚乾、燒汁鮑魚仔軍艦、羊鞍，仲有我必叫嘅榴槤炸彈，陣陣榴槤味仲外脆內軟。仲要去chi抹茶🍵軟雪糕啦，真係飽到上心口呀！

幾年前喺銅鑼灣食過，依家開到嚟觀塘，今日大好心情，竟然一個人走咗去食放題🤣平日去到估唔到都超級墟冚，但我一個人都有卡位坐，好舒服。我都嗌咗唔少款式，例如刺身雖然我嗌每樣一件，但佢好多都比兩件隻隻蝦超級大隻，三文魚吞拿魚帶子都大大粒大大件，最重要係新鮮，好味！呢啲係熟食，我真心覺得每一樣都係高水準，用心製作，尤其係咖喱軟殼蟹，我勁鍾意食。羊假比目魚，食多幾舊已經回本；仲有扇貝！我仲有嗌少少卷物例如最正嘅係有海膽同埋三文魚子手卷出邊有大把甜品飲品基本上一定會啱你食，而且仲有啲熟食 沙律既，但因為我已經太飽所以就已經冇食🥹下次我會再嗌埋屋企人黎食！☺️☺️

減咗肥咁耐，都想比自己有一日cheat day放鬆一下，所以就揀咗嚟食放題，乜都有得食，完全唔使怕啲嘢唔啱食!觀塘呢間極尚大喜屋位於鱷魚恤中心，位置真係超級方便，一出觀塘地鐵站行3分鐘已經到！地點取勝！一入到嚟，好彩算早到，如果唔係都要排一排隊先可以入座，一坐低等，即刻掃QR code不停叫嘢食等待期間，就即刻去拎嘢飲， 拎小食！要食返夠本先走！呢度嘅甜品種類都好多，又有雪糕又有蛋糕，滿足晒各位女士第三個胃嘅要求！呢度嘅刺身都幾新鮮！每樣都唔會中伏，可以叫唔同刺身黎試！滿足晒你所有要求！而呢度嘅熱食都唔錯！燒菠蘿都幾好食！另外燒魚都幾正，點埋沙律醬食，真係幾鮮甜！嘢飲方面，我見好多食下都拎咗自家製嘅茶嚟飲，有玫瑰味，同埋白桃烏龍味，都幾唔錯，我仲飲咗好多枝添！買單嚟㗎呢度嘅價錢都算幾合理，質素對得住呢個價錢，下次一定會再嚟食！

去到觀塘搵嘢食，真係乜都有得食，因為今日乜都想食，所以就嚟咗極上大喜屋，任食放題，真係諗返起都舔舔脷！邊度地方好大，環境舒服，坐得一啲都唔會迫，好多卡位， 同成班friend嚟一定好正！大喜屋集團嘅嘢食都一隻好有水準，尚上大喜屋走呢個中等價位嘅位置，比起一般嘅普通大喜屋高一層次！所以嘢食嚟講會更加唔錯！一入到嚟，飲品嘅種類真係超級多！講得出想飲咩嘅都有！真係包羅萬有，飲到你唔飲！呢度都係用QR code落單，方便快捷，又可以慳返啲人手，避免浪費紙張嘅問題，值得讚賞！呢度嘅食物質素真係幾唔錯，上菜速度仲好快！啲數目好一致，絕對唔會偷雞減少！加分加分！最值得讚係牛柳粒，真係食得出係即炒嘅味道，調味剛剛好，又唔會太un！啲牛舌都幾唔錯，好有趙口！下次一定要再叫成班friend一齊食，方便吹水飲酒食嘢，滿足晒好多人嘅願望！