極尚大喜屋 (鱷魚恤中心)

營業中

休息中

好想去食放題，近近地去咗係觀塘區，地鐵出口就見到嘅鱷魚恤中心～#極尚大喜屋。餐廳地方闊落，人多都唔會有擠逼感，食物擺放得整齊企理☺️。淨係自肋區嘅食物己多不勝數，沙律🥗、湯🥣飲、前菜、生果、炸物、熟食己有很多款，茶類、汽水、果汁、啤晒、清酒，連熱飲的咖啡或茶樣樣都有，有咁多野見到都開心🥳。坐定定後就用code點野食，彈牙爽口的鮑魚，燒得熟度剛好嘅燒羊架、 燒魚，熱辣辣炸到香鬆脆口的天婦羅🍤，龍蝦沙律伴蝦多士，夠晒多汁的燒菠蘿🍍，非常之唔錯。魚生刺身是一定要叫的，樣樣都有質素，樣靚有光澤冇雪味。今次點了鮮甜爽口嘅赤蝦，帶子，最愛嘅😍三文魚、油甘魚同吞拿魚。壽司飯好貼心的份量不多，啱晒想食小小飯的人，款式又多。最後甜品有蛋糕、雪條、雪糕、軟雪糕同甜筒🍦，自家製既杯裝甜點等等，食完就滿足晒了😉。食物出得快且冇漏單，店員多又勤快，讚讚。

❣️日式放題好多選擇#放題 #觀塘 #極尚大喜屋 晏晝同屋企人行街突然肚餓，就同咗屋企人去食😂最驚喜係佢呢間個環境係好舒服同埋乾淨。📋我去食午市 248/位◼️ 刺身嘅選擇有好多：帶子、甜蝦、刺身等等，每一樣都很新鮮，而且厚身，肉質爽口鮮甜❣️▫️泰式生蝦 -處理得很乾淨，配上特有的泰式風味醬汁，很不錯。◾️熟食▫️乳鴿🌟推介🌟 -每次都必叫，每一隻外脆內軟😂不過要等一陣🙌🏻▫️ 蒜蓉粉絲蒸帆立貝 -帆立貝鮮甜，配上炸蒜同粉絲蒸，好香口。▫️ 黃金焗開邊蝦 🌟推介🌟 蝦肉彈牙，再配上濃郁的芝士和少少青椒點綴。▫️ 西京燒比目魚 -肉質鮮嫩的比目魚，風味十足。◼️ 飲品：提供不同的冷熱飲品。包括果汁、汽水、啤酒、清酒、梅酒、台式飲品等等全部都有供應💁🏻‍♀️◼️ 自助區：▫️各式前菜 -有涼拌，青瓜無骨，鳳爪等等。▫️沙律 -角色蔬果看下去也很新鮮。▫️小食 -炸雲吞、章魚小丸子等。▫️熱盤 -居然還有我喜歡食的麻辣小龍蝦！▫️甜品 -中式或者西式甜品都有。連爆谷都有！▫️雪糕 -除了各款雪糕外，還有有Häagen-Dazs任食！個人最喜歡食夏威夷杏仁果味道。💁🏻‍♀️整體食物質素優質，食材都新鮮，性價比極高👍🏻食到勁飽飽😂

平日午市$238一個人 ， 超抵食！食物種類多，用手機掃QR code 落單很方便。出面飲品有冷有暖有熱，更有很多小食、甜品。Häagen-Dazs 雪糕4款任食，每款試勻晒都得。

極尚雖然比其他會貴少少，但係今晚食完就覺得好值得👍🏼首先坐位坐得非常鬆動，我哋2個人，同另外2個人夾咗張6人枱，中間嘅位置留有一定安全距離，仲可以擺袋，好舒服🤭等緊野食嘅時係外面行咗一圈都好多選擇，有沙律前菜，有熱食，有勁大個飲品櫃，甜品櫃，竟然有爆谷機🤣正！刺身叫幾多黎幾多，黎得足🫶🏻三文魚勁鮮，好肥美，而且都算厚切咼!!油甘魚，真係唔係間間都有㗎😍好新鮮，食到尾有甘味!!帆立貝勁大粒，厚身！赤貝同螺就好爽口！整體來講，刺身比外面高質👍🏼👍🏼芝士鰻魚玉子燒好有特色創意！好好食🤭帶子蟹肉塔勁鮮味，仲有三文魚子係上面😍不過蟹肉唔夠多🤣下面係一個飯團黎！千島海鮮海鮮蝦必叫!!!重口味！肥仔之選！好好食！唔會太heavy!!有鱔食一份有3舊!!好香口炸得！唔錯😌西京燒平時一份都$80幾，而且鍾意食魚嘅，我哋一定要叫😍唔算好濃味，但勝在夠滑👍🏼炸物芝麻雞翼，炸鮮奶，榴槤炸彈都係必食㗎😚全部都唔會好油好lone！榴彈炸彈高質，之前食過一間入面無佢咁強嘅榴連味👍🏼👍🏼👍🏼甜品方面有個焦糖布甸勁滑好香！而且仲有Haagen dazs任食，留意！係任食🤭啲味都係特別，唔係普通㗎！！今次回哂本！！

📍#極尚大喜屋 (鱷魚恤中心) (觀塘)觀塘開源道79號鱷魚恤中心3樓♡人均消費: $894 @ 3▪️▪️▪️▪️▪️▪️▪️▪️▪️▪️▪️▪️▪️▪️今日同朋友去咗食放題，6:30-8:30時段，$298一位，價錢正常而質素都唔錯👍🏻✨#刺身Order左三文魚、赤蝦、帶子，刺身類別都幾新鮮😋 三文魚同帶子都幾肥美。✨#炸物芝麻雞翼係一定要叫😋 外皮香脆，內裡嫩滑，食完都再encore🤭 另外，仲叫左榴槤炸彈，裏面係一啲榴槤蓉嚟嘅，味道唔會太甜，外層炸得好香脆，外脆內軟嘅口感好豐富。▪️#鹽燒系列我哋order咗鹽燒牛舌、燒菠蘿同牛油翠玉瓜，菠蘿真係超級甜～ 鹽燒牛舌唔會韌，味道正常。.▪️#燒物系列包括有：黃金焗開邊蝦、蒜蓉粉絲蒸扇貝、蒲燒鰻魚、香草羊鞍等，個人覺得黃金焗開邊蝦都幾有驚喜，蝦肉爽口彈牙，唔係用霉霉爛爛嘅蝦😆加上上邊有啲沙律醬，幾好食。另外個人覺得蒲燒鰻魚都幾肥美，食完又再encore過😎▪️甜品甜品方面Häagen-Dazs雪糕都幾搶手，總共有三款口味，三款試暈晒😋 用Häagen-Dazs雪糕來做結尾都唔錯❤️‍🔥▪️▪️▪️▪️▪️▪️▪️▪️▪️▪️▪️▪️▪️▪️

❤️刺身呢到刺身種類都好多選擇 有三文魚 油甘魚 甜蝦 劍魚 帶子 北寄貝…真係乜都有 三文魚肥美 帶子鮮甜 食幾多都晤漏 有頭甜蝦 夠晒新鮮 無限點 正❤️醉鮑魚原隻鮑魚 夠晒爽甜 回本之選❤️芝麻雞翼香脆外皮有芝麻粒粒係面 即叫即炸 好脆口 必食 一人食到10隻 我的最愛❤️蒲燒鰻魚 超超超肥美又夠多鳗魚汁 平時識鰻魚都唔平而家可以食返夠本❤️榴槤波波 鍾意食榴槤嘅朋友必食！榴槤波波外皮好香脆 入邊有滿滿嘅榴槤 爆曬漿超好食❤️比目魚西京燒 比目魚肉質鮮嫩 搭配上西京燒的醬汁 甜甜香香 烤得啱啱好 好入味 口感不油膩 不膩口仲有大量飲品 甜品杯 同前菜都係自由去拎 仲要有Häagen-Dazs及多款雪糕任食 淨係食雪糕都抵返晒📍極尚大喜屋 (鱷魚恤中心) (觀塘)觀塘開源道79號鱷魚恤中心3樓

無食一排放題心掛掛，即刻book左放工去食！當然食物種類依然豐富，食到飽一飽！以下係必試既食物😍薑蔥爆鱔球呢個真係幾ok喎，薑蔥爆得夠香，個汁少少甜甜地d鱔夠肥有肉，無乜骨，係幾正！椒鹽魷魚鬚熱辣辣即炸起，炸蒜好香脆，魷魚鬚啖啖肉味道不錯王牌燒乳鴿王有驚喜！竟然有得食乳鴿而且肉質幾嫩，炸得唔會乾，又幾好食！金蒜蓉粉絲蒸扇貝扇貝大粒厚肉，好多炸蒜夠晒味粉絲又索晒汁，正黃金焗開邊蝦大大隻夠肉，又方便食蝦都算爽口個醬少少淡味榴槤炸彈每次必點啦，水準一樣正，熱辣辣!芝麻雞翼都係熱辣辣夠脆又香口，每次都會食！燒菠蘿好甜，讚！又多汁另外出面仲有龍眼蜜糖水，炆豬手，小龍蝦等等真係好多野食仲要有爆谷機！爆谷焦糖味夠晒香脆！原來仲有Häagen-Dazs仼食真係夠晒抵食呀～！！

其實由入座到用餐期間，服務都唔差，係去到就黎夠鐘個陣，服務質素就唔得了😒落單張紙好清楚寫明交檯時間係20:30。大約20:22-20:23開始第一次「提醒」我地差唔多時間要交檯。ok fine! 我當佢係提早左少少講，比客人有充足既時間食埋食緊既野，收拾好自己既野，咁客人可以20:30準時或之前自願性交檯，佢地可以快d比下一輪。20:27我地仲食緊（第一次「提醒」個陣，已經加快緊速度，因為見未夠鐘，盡量都唔想嘥嘢，又食到，諗住20:30會準時走）員工再同我地講夠鐘交檯，下一輪出面有人等緊。仲開始清走你檯上既野，再講：係時候要交檯喇。依次真係完全黑人問號，火都黎埋。咩叫「夠鐘」？距離20:30仲有3分鐘喎🧐可能有人會覺得3分鐘姐，唔好咁計較。係既！但前提係要真係飽喇，停哂手既情況下，早走3分鐘都唔緊要。但問題係我地仲食緊！一日未到20:30，我地仲有權坐係度食掛！？唔係咩叫交檯時間20:30？完全唔係120分鐘放題🤷‍♀️如果咁堅持要做120分鐘放題，又要準時20:30比下輪，唔該下一輪就定20:45開始，而唔係20:30開始，搞到上一輪唔會食夠120分鐘。一係你就唔好趕客走，下一輪遲少少

食過咁多間放題，一直冇試過大喜屋既觀塘分店，就算平日都係爆哂場咁濟，一樣咁受歡迎👏🏻-星期一至四：💵6:30-8:30 $298/位-💕 刺身三文魚同油甘魚，依舊厚切肥美👍🏻，觀塘分店多個原隻粒貝，清脆爽口🤣💕 壽司芝士鰻魚玉子燒:玉子蛋味香,芝士同鰻魚都燒過好夾☺️雪昆布鵝肝塔: 鵝肝燒後軟腍有油香,配壽司飯可減低油膩感🫶🏻千島吉列大蝦:蝦炸得香脆有蝦味,配千島醬好正👍🏻💕 一品料理薑蔥爆鱔球:必食!! 薑蔥爆得好香, 鱔球啖啖肉,冇乜骨,魚皮煙韌,好入味好正😍椒鹽魷魚鬚:依2款都encore左幾次!! 魷魚鬚炸得好香脆又彈牙,好重香蒜味椒鹽味,勁惹味😍💕 燒物金蒜蓉粉絲蒸扇貝:扇貝大大粒, 成啖食好重蒜蓉味,同酒樓有得揮😎黃金焗開邊蝦:香濃芝士味,蝦肉彈牙💕 炸物紫心香芋丸:冇乜幾次食放題食到熱辣辣!!叫左幾次都係熱的同好香脆，香甜香芋味🥰芝麻雞翼:好香口多肉汁！💕 天婦羅溫室南瓜天婦羅:覺得炸野係最好既一間,南瓜夠熱炸得脆口,內綿密好甜👍🏻😍甜番薯仔天婦羅:超甜軟糯口感!!🥰-❤️ 自助區前菜、炸物、熟食、海鮮、水果、飲品、甜品、自制雪糕🍦、爆谷機🧡炸物：日式章魚丸🐙、炸雲吞💛熟食蟲

心血來潮想食放題，即興訂座，始終是平日，所以即興book位，還是有位。食6點，每位$278加一。已經唔係第一次食，食物元素還是有少少改變左。🟠刺身一般刺身都有，而且三文魚刺生厚切上，可惜豉油太鹹，蓋過了刺身鮮味。🟤壽司🍣有創作壽司，火炙壽司，有手卷。味道不錯不失。🟡炸物最難忘就是榴槤炸物，每次必點，而且保持水準。🔴燒物黃金焗開邊蝦，蝦大隻，味道淡。蒜蓉粉絲蒸扇貝，表面係炸蒜，整個配搭比較乾，唔夠入味，較為失望。🟣一品料理香草牛油煮大蜆，味道單調、淡。王牌燒乳鴿王，最有驚喜！肉質嫩，而且炸得唔老唔乾，意外好食😋！🔵煮物雪花牛肉鍋唔錯的。鮑魚雞粥，味道淡，比起以前嘅蟹粥差好遠。🟢甜品/飲品Häagen-Dazs 雪糕杯，有韓國雪條，有乳酪雪糕🍦。飲品都有好多種，有凍有熱，有糖無糖。食物種類豐富，多類型，如果食物味道再次提升，就會更上一層樓。

[ 極尚大喜屋 ]放假約咗朋友去觀塘行街，去咗APM隔離鱷魚恤中心食日式🇯🇵放題，星期一至五lunch任飲任食3小時先$238，超抵食！✿ 午市放題12-3pm 平日$238海鮮冷盤、小食、沙律以上三類食物放係自助區，其他都係手機落單。海鮮冷盤有海蝦🦐、蜆，refill得好快；小食除咗有日式中華沙律、帶子裙邊，仲有較特別嘅藤椒魚皮、泰式鳳爪等。刺身🐠🍤🐚有十多款刺身選擇。三文魚、油甘魚好厚切，油脂豐富；蝦類有赤蝦、甜蝦、泰式虎蝦，款款都無腥味👍🏻；貝類有原隻粒貝、北海道帶子、北寄貝等，其中原隻粒貝口感爽脆，幾特別。壽司、手卷 🍣有接近三十款壽司及手卷任點任食，款式拍得住壽司店。當中創作壽司有昆布鵝肝塔、海膽山等，鵝肝入口即化無咩羶味；火炙壽司🔥有火炙鰻魚、七味芝士蒜蓉大蝦等，件件火喉都啱啱好。🤤炸物、天婦羅每次嚟食放題炸物都會必點芝麻雞翼🐥&榴槤炸彈，香口兼邪惡😍😍；天婦羅有蝦、蟹棒、甜蕃薯&溫室南瓜，但太多野食最後無試到。🥹串燒、燒物 🍢🍖燒香草羊鞍🐑、鹽燒牛舌🐮👅肉質軟腍，肉味濃郁；燒菠蘿🍍好香甜，解膩一流；海鮮🐟🐙燒物有蒲燒鰻魚、蒜蓉粉絲蒸扇貝，每款按人頭份量，唔怕食太多塞爆個肚

今個月出左bonus ,約左同事一齊去食lunch ,今日可以豪少少，去食放題，去左觀塘鱷魚恤中心間大喜屋，地方大又好坐食品有清酒，又有爆谷，雪糕，甜品觀塘大喜屋質素真係好好，魚生勁新鮮又靚前後點左2轉刺身，赤蝦最好食，勁大隻又新鮮，蝦肉晶瑩剔透，赤貝又爽，帶子，油甘魚好鮮甜，吞拿魚粉嫩壽司款式又多又好食帶子蟹肉塔雪昆布鵝肝蝦膏海佬山葵漬象拔蚌柚子胡椒左口魚邊黑松露油甘魚燒菠蘿值得一讚，食左幾次，真係好甜仲有燒牛舌鮑魚粥，好高質太飽，好想食甜品，最後淨係食左豆沙水晶餅同布丁

每次想食放題都會揀佢👍🏻每次都冇失望😋⭐️⭐️⭐️⭐️⭐️無敵刺生⭐️⭐️⭐️⭐️⭐️三文魚、油甘魚、北寄貝、帶子、赤貝、螺片、赤蝦、甜蝦、八爪魚、海蜇⋯⋯⋯肥美、爽口，全部都係新鮮料😋⭐️⭐️⭐️⭐️⭐️壽司類⭐️⭐️⭐️⭐️⭐️芒果龍蝦沙律塔、海膽山、花之戀、黑松露油甘魚、醬燒帝王蟹棒、蒜香青蔥燒牛肉⋯⋯⋯每件既配搭都好特別，有水果清新香甜、有咸有鮮肉，好豐富！⭐️⭐️⭐️⭐️⭐️乳鴿出沒注意⭐️⭐️⭐️⭐️⭐️放題有乳鴿食，都係好正嘅美事😆🧁🥤🧃🍡🍦🍵甜品櫃、飲品櫃都係非常大，種類超多，連暖飲都有👍🏻👍🏻水準冇失過，下次放題都會繼續揀佢👍🏻

約左朋友去觀塘間極尚大喜屋食放題🤤大喜屋就食過好多次，但觀塘呢間就第一次食，位於鱷魚恤中心，位置超方便！晚市價錢方面$298一位，未計加一，以食物質素同選擇黎講都合理。首先，呢度嘅刺身好新鮮，種類都幾多，例如赤貝、甜蝦、北海道帶子、希靈魚、油甘魚、三文魚等等。三文魚，紋理靚，好肥美，帶子就好鮮甜😋 除咗刺身，呢度嘅壽司、卷物都好豐富，有超過30款，仲有啲特別卷物，例如帶子蟹肉塔、芒果龍蝦沙律塔等等創意款式😚熟食方面，大推香草牛油煮大蜆🥰encore左幾次🤪蜆肉肥美脹卜卜，無沙超鮮甜😍燒羊架、黃金焗開邊蝦、西京燒比目魚、蒲燒鰻魚、蒜蓉粉絲蒸扇貝都值得order🤩自助區提供冷盤如沙律、水果、海鮮，甜品、雪糕款式都多，如多款口味嘅乳酪、haagendazs雪糕、韓國雪條、豆腐花等等，記得要留肚食😝

想用最低價錢食日本嘢，梗係去食放題啦。今日又約埋好鍾意食日本嘢嘅老豆，去左觀塘鱷魚裇中心食極尚大喜屋。平日午市嚟食就最抵，每人食到捧住個肚都係二百幾蚊。個人喜愛加回本推介🤩🤩⭐️新鮮刺身，三文魚、赤貝、油甘魚、甜蝦同赤蝦⭐️好多款好味的骰嘅壽司，舊飯唔會太大嚿，食多幾件都得。⭐️比目魚， 肉質滑，出面買嚟自己整都唔平。⭐️ 呢度熟食都好出色➖️薑蔥爆鱔球同避風塘魷魚鬚，兩樣肉質彈牙，好惹味。➖️ 牛油煮蜆，粒粒蜆都好肥美。 ⭐️自己好鍾意食乳酪雪糕，依家出面越嚟越少見到， 有都唔平，放題有得任食，梗係食多幾杯。 Häagen-Dazs雪糕都係回本位，仲見到有藍莓新口味添。